漁樂場

营业中

休息中

今日朋友帶左我去荃灣新開既漁樂場，餐廳以美式懷舊風格佈置，到處都係打卡靚位，現場設有Live Band，一邊食魚一邊聽音樂，雙重娛樂，好有氣氛。餐廳既烤魚口味有香辣烤魚、藤椒烤魚、毛血旺烤魚、蒜香烤魚和醬香烤魚；魚可選江團魚或黔魚，仲可以加配菜；除左招牌烤魚，還有即叫即燒既東北燒烤和港式炭烤。惹味蒜香烤魚：江團魚厚肉少骨，肉質嫩滑，肥美不腥，烤煮8分鐘後，吸滿湯汁既精華，味道更濃郁。濕辣牛肉：牛肉鮮嫩帶肉汁，灑滿孜然粉，必點。活鰻小串：鰻魚燒得焦香，口感有彈性。燒大大茄子：茄子鋪滿大量蒜蓉、辣椒絲，香氣迫人。無骨鴨掌：爽口Q彈，每一口都充滿嚼勁。總結，烤魚口味正宗，員工服務周到，台上唱得精彩，認真好食好玩好滿足。

想食烤魚一段時間，今日終於嚟到食揀咗呢間叫漁樂場嘅烤魚見佢個名幾特別，而且啲菜式好似唔錯一入到門口已經俾佢嘅裝修震懾咗😂五光十色 有啲似舊式嘅夜總會感覺 好特別，裝修方便好有心思餐廳嘅正中央有一個舞台我哋嗰晚就有兩位小鮮肉表演唱歌一路食飯一路聽歌真係唔錯嚟到呢間餐廳我哋梗係即刻嗌咗款烤魚先啦今次叫咗王牌藤椒烤江團魚一上到嚟有大量嘅辣青椒同藤椒喺面嫲嫲辣辣 味道超級香而且個烤魚係越煮越麻辣超級入味江團魚嘅肉質好嫩滑推薦大家叫呢個 而且佢冇乜骨 只有大骨喺中間除咗烤魚之外，佢哋仲有好多唔同款式嘅串燒佢哋王牌推薦嘅濕辣牛肉 我哋揀咗孜然味牛肉超嫩滑，而且唔會太乾另外都嗌咗佢哋嘅烤豬頸肉豬頸肉估唔到可以燒到咁香脆另外亦都嗌咗豬腩肉豬腩肉油脂分布好平均有少少入口即溶嘅感覺最值得一讚係嘅佢嘅燒茄子面頭超多蒜蓉好香好入味茄子燒到好腍，而且佢超級大份兩個人都食唔晒呀飲品方面，我哋就試咗佢哋嘅啤酒 Brewdog double hazy June 7.2% 啤酒果香味好濃 值得推薦另外嗌咗超級水果茶入邊超級多水果，有西瓜哈密瓜火龍果，菠蘿等等又唔會太甜，超級解渴配烤魚真係絕配

呢個天氣就係想食啲熱辣辣嘅嘢🤭呢間喺荃灣新開嘅重慶烤魚，係參考拉斯維加斯娛樂場嘅裝修，夜晚仲有Live Band，可以同侍應交低想點咩歌，即場點歌都可以㗎 ！邊食邊傾邊飲酒再聽住美妙嘅音樂，實在係一大享受😳招牌香辣烤魚大大條肉質鮮嫩，而且真係冇乜骨，啖啖肉食得好爽！整體辣到唔會話食唔到，個底仲有蓮藕萵筍等配料。唔同類型嘅串燒同埋燒烤都非常值得一試，試咗佢哋嘅即燒安格斯西冷仲有蜜糖燒雞翼，即叫即燒熱辣辣好正啊😛

呢間餐廳主打五種口味嘅重慶烤魚，有辣有唔辣🐠另有即叫即燒嘅炭火燒烤，特別係湛江著名濕辣牛肉串同多款烤海鮮🔥仲有錫紙兜小食，例如麻辣鴨血、花甲粉絲等😋💗山城毛血旺烤魚江團魚（$328）原條江團魚足足有兩斤重，預先煎香魚身再放湯，魚肉嫩滑鮮美，而且魚骨少🐟 放咗大量芹菜、芫茜、紫洋蔥、辣椒同藤椒，湯底濃郁，辣味同麻香適中，食十小辣嘅人都食到🌶️底下有鴨血、牛栢葉、炸午餐肉、花生芽、蓮藕片、蒿荀，配菜越煮越入味🍖💗特色鹽焗馬友（$228）原條馬友超級大條，以鹽焗方式烹調更能保持魚肉嫩滑多汁，魚味濃有鮮味，油脂豐富🐟輕輕蘸上表面嘅粗鹽吊起咸香🧂💗新西蘭肉眼排配薯條（$168）肉眼排煎得啱啱好Medium ，肉心依然係粉嫩，食落軟腍又juicy，好重牛味🥩伴碟仲有金黃香脆嘅粗薯條🍟💗燒元貝($150/ 6隻）元貝超級大粒，肉厚鮮甜，加咗大量蒜蓉同蔥花一齊燒，非常惹味🧄💗土豆片（$24/ 2串)炸薯仔片卜卜脆，越食越上癮🥔💗苕皮（$24/ 2串)苕皮則係用紅薯粉搓成嘅餅皮，食落煙韌Q彈，口感又幾過癮🫔💗翠肉瓜（$26/ 2串)翠肉瓜清脆多汁，孜然粉調味帶點辣🥒💗香辣魚皮（$28）涼拌魚皮爽脆又滑，麻

今晚我盡地主之誼，帶著自游行來港的表哥到本地新開的烤魚店享用晚餐。這烤魚店位於荃灣眾安街55號大鴻輝中心6樓，店名~<漁樂場>。漁樂場烤魚店開業剛幾個月，店內裝修豪華，華麗的燈光與音樂結合，以及大銀幕的熱開歡愉氣氛，讓我們彷彿置身於一個繽紛的舞台。在<漁樂場>裡，我們品嚐了多道美味的菜餚。首先，我們點了一份香嫩的羊肉串及羊架，羊肉入口即化，配合店內提供的特製醬料，味道更加美味。此外，我們還品嚐了一道香辣可口的孜然牛肉，牛肉鮮嫩多汁，孜然的香氣和辣椒的刺激，讓我們的味蕾充份享受。至於飲品方面，表哥點了杯品爆檸西西茶，是一杯酸甜清涼的凍飲。我點了一杯藍妹啤酒，酒香中帶著一絲苦澀，讓我放鬆身心。當然，烤魚店的招牌菜品絶不能錯過，我們點了一盤江團烤魚，這道菜在烤魚店中可是極具特色的，魚肉鮮美，醬汁濃郁，加上炭火的烤製，讓我們在每一口都感受到一種獨特的鮮美。除了美味的菜餚，這家烤魚店還有歌手駐場演唱，有伴奏和音樂配合，更有射燈和大銀幕能製造出熱開歡愉的氛圍。每一首歌曲都讓人憶起美好的時光，讓我們在享受美食的同時，也享受了美好的音樂。經過一個晚上的享受，我們感受到了

荃灣市中心🐟新派烤魚🔥更Chill享受🎉講到烤魚一般諗起環境比較有鄉土味果種😂荃灣飲食天堂👉🏼大鴻輝中心就有一間反傳統玩味烤魚店💡✨漁樂場✨食住烤魚🐟飲啤酒🍻聽Live Band🎤絕對係任性級晚餐🥰約埋三五知己勁適合👯‍♂️...✨漁樂場✨Chill級享受🎉流行樂之中食烤魚🎸一齊睇下窮煮婦食左D咩💁🏻‍♀️🔸香辣烤魚(江團) $𝟛𝟚𝟠江團大條啖啖魚肉🐟少骨又唔腥👍🏼魚皮烤得有焦香味🔥怕食魚既窮婦都覺得正💯鍋底有大量萵荀蓮藕🎋唔洗驚食唔飽🙈🔸孜然濕辣牛肉(5串) $𝟜𝟠薄切嘅牛肉片烤完都嫩口❤️孜然香✖️淡淡香辣🌶️真心超上癮🥹5串唔夠‼️🔸差點失傳的豆腐串🅼🆄🆂🆃 🆃🆁🆈 $𝟚𝟜/𝟚串千層嘅口感好特別😳炸過再烤嘅口感外脆內滑💥外層醬汁甜甜💓好似食緊冰豆腐一樣多汁好食💦🔸燒大大茄子$𝟛𝟞茄子烤過依然濕潤🍆經典燒烤點必食架啦🥳配埋啤酒冇得輸🍻❣️最後：食完咁重味之後👉🏼完全唔口渴💦淨係呢點已經足吸質素認證💯抵讚👍🏼

最近見到有好多人介紹呢間餐廳特別之處係佢每晚7點都有歌手駐場表演歌手把聲出乎意料 唱舊歌唱出故事咁加上似係拉斯維加斯娛樂場裝潢仲有現場霓虹燈光 令到成個氣氛好好好適合一大班人嚟食住串燒飲酒傾計間嘢仲要開到凌晨三點 可以慢慢享受我哋叫咗以下幾樣嘢食- - - - - - - - - - - - - - - - - - - - - - - - -1. 皇牌藤椒烤魚(江團)江團係指魚嘅種類 另外仲有黔魚可揀味道分為辣嘅招牌香辣烤魚、山城毛血旺烤魚唔辣就有惹味蒜香烤魚、秘制醬香烤魚個人唔係幾食得辣 所以揀咗青藤椒冇咁辣嚟到有個大爐烤住條魚 等佢煮8分鐘味道會更濃郁好鐘意藤椒有少少麻香 但又唔會搶晒啲味辣嘅刺激程度比花椒細 用嚟煮魚完全唔腥魚肉都好易起 唔會食到有骨黐住熱辣辣又軟嫩嘅魚肉 充滿鮮香舒麻湯汁其實好想要碗白飯XD2. 燒春雞配薯條見到呢個係新菜單 鍾意食雞嘅我當然要試果然係冇叫錯 因為好少餐廳係整到咁好食嚟到嗰陣已經熱辣辣啦 用刀切開嗰陣真係見證住佢啲肉汁流落隻碟度同埋啲熱煙即刻冒上嚟 雞皮微微焦香肉質好似春雞嘅年齡咁年輕嫩滑配埋炸到啱啱好嘅薯條 唔會淋晒/太硬外層酥脆 內裡保持到柔

第一次係香港遇到一個咁正嘅場。真係好有feel。藤椒烤魚：呢道菜以新鮮魚為主，搭配藤椒同香料烤製而成。魚肉鮮嫩多汁，藤椒嘅香氣同微辣嘅口感增添咗豐富嘅風味，令人回味無窮。而且店鋪非常足料，有好多香菜係面增加香味。蒜香燒茄子：茄子經過烤製後，外皮香脆，內部柔軟。蒜香嘅味道同茄子嘅自然甜味完美結合，帶嚟濃郁嘅風味。呢道菜作為素食選擇或者配菜都非常出色。串燒韭菜：韭菜經過串燒處理後，口感鮮嫩，帶有微微嘅焦香味。韭菜嘅獨特香氣同嫩脆嘅質地相得益彰，成為一道簡單但美味嘅小吃。鮮磨山葵濕辣牛肉串：嫩牛肉搭配新鮮磨碎嘅山葵作調味。牛肉鮮嫩多汁，山葵嘅辛辣形成咗美味嘅組合，帶嚟一種令人垂涎欲滴嘅口感。魷魚鬚：魷魚鬚經過烤製後，外皮酥脆，內部嫩滑。搭配適度嘅調味料，帶嚟豐富嘅風味同口感。超級水果茶：呢款茶以百香果為主要成分，搭配其他新鮮水果，例如西瓜，哈密瓜，菠蘿，藍莓，提供咗清爽嘅口感同豐富嘅風味。佢係一種解渴又美味嘅選擇，無論係喺炎炎夏日定係冬季，都可以帶嚟愉悅嘅享受。香濃啤酒：呢款啤酒具有香氣濃郁同口感豐滿。佢帶嚟一種令人陶醉嘅滋味，啱哂做下酒菜或者同朋友一齊品味。現場仲有歌手係度唱歌，邊食飯邊聽

烤魚食得多，但係咁好環境氣氛下食真係第一次！因為係樓上鋪所以場所非常大，又可以睇波、又可以聽Live Band Show 真係一個唔錯體驗👍🏻🤩尼位歌手唱歌好好聽！聽聞星期六、日、一會係到唱歌，weekends 會係到證明歌手有返咁上下人氣🤣✨蒜香烤江團魚因為唔食得辣所以店員推薦我地食蒜香味烤魚，江團魚肉質鮮嫩魚骨較少，魚面大量芫荽覆蓋住😂，撥開之後喺魚皮上有大量蒜蓉😍蒜蓉味香氣撲鼻味道，魚肉鮮嫩多汁。✨茄子蒜蓉烤茄子當然必嗌😍茄子口感軟滑軟滑🤤蒜蓉香味濃郁，非常惹味✨羊肉串孜然香味既羊肉串一啲都唔羶🤤再食多幾串都得！✨黑椒豬頸肉呢款豬頸肉串燒同平時食嘅好唔同，肉質口感軟軟腍一啲都唔彈牙😂唔講真係唔知食緊豬頸肉✨濕辣牛肉濕辣牛肉有四種味道可選擇，而我哋揀咗孜然口味，微辣的孜然香料真係氣味芳香，令人食唔停口，牛肉肉質嫩滑，食落口感偏薄，整體不錯！✨超級水果茶尼杯水果茶性價比超高，份量十足茶味清香，內有西瓜、哈密瓜，菠蘿等新鮮水果，飲完之後仲可以食埋水果真係非常解膩🤤✨Stella Beer 食烤魚串燒同埋睇波，梗係要嗌返杯啤酒啦😋

星期六晚同朋友去左大鴻輝呢間都系新開烤魚-串燒🐠個場越夜越full環境寬敞 同朋友食野吹水夠哂氣氛👍🏻最加分系個Live Band! 唱beyond 張學友既歌勁有feel‼️仲要成場都會一齊唱🥳烤魚有幾種味可以簡，辣唔辣都可以簡唔辣有蒜香/醬香我地簡左醬香～～條魚系江團魚 唔多骨啖啖肉👍🏻又唔鞋唔同既配料 都帶出個味道 超香孜然牛肉（5串）黑椒豬頸肉唔系我想像中既豬頸肉 如果個肉可以厚少少 會有咬口d 豚肉蒜心串燒茄子大推 茄子夠大份 味道夠哂份味 唔會燒得太乾水果茶唔會太甜 唔似落左糖漿 d水果都鮮甜Stella $78串燒烤魚一定配啤酒 薯粉建議一定要早叫早d放 要煮到煙煙韌韌都要d時間 見到隔離枱整公仔麵都唔錯🥰🥰整體黎講 氣氛一流 中意食烤魚都不仿一試☺️☺️

今日同朋友一齊去荃灣逛街，在Openrice發現一間live music餐，價錢適中。我哋入到去餐廳發現真係好复古，好懷舊舞廳feel😆 我未試過食川餐好得聽歌，好好氣氛好享受食飯的過程。1.Stella Artois 先黎杯啤酒🍻先2.青椒烤魚 （美味好香，條魚有炸過烤過，而且條魚好大條，底部有小量蔬菜🥬）不過我重口味😏 煮耐啲更入味。3.蒜蓉茄子🍆（蒜蓉好香，好多！真係推介，茄子肉好軟而不乾）4. 魷魚、牛油豆（牛油豆雖然係油，但真係好好食，好香，啲牛油係個口游來游去）5.濕牛肉串燒（平日食個啲乾身 呢個濕都係第一次，但又真係幾好食，牛肉好滑）6. 水果茶（食親必要的飲品🍸）

最近真係經常食烤魚呢日收早就同朋友過黎試下上網見環境唔錯，而且又有幾有live band 可以聽下歌，飲返杯一出電梯已經見到好多霓虹燈 好有情調 打卡一流 烤魚有六款口味選擇，包括香辣、藤椒、醬香、蒜香同毛血旺，今次揀咗毛血旺，魚方面有江團同黔魚選擇揀左江團魚鐘意佢肉質較結實帶嫩，，上左枱再煮多8分鐘更加入味 ，毛血旺入味又夠嫩滑入面仲有午餐肉，花生苗，蓮藕，窩筍，芹菜，紫洋蔥，越滾越惹味除咗烤魚串燒都係必叫，叫左幾款試下黑椒豬頸肉魷魚鬚青椒釀蝦滑鮮磨山葵牛肉魷魚鬚燒得勁香口，配啤酒一絕另外鮮磨山葵牛肉最有特色，口感好特別 超級水果茶好解辣，入面仲有好多款水果黎到點少得啤酒

自己本身好鍾意音樂餐廳。係社交平台見到呢間位於荃灣嘅餐廳，可以邊食烤魚，邊聽live band，於是同朋友一齊去試。餐牌上有好多唔同嘅嘢食，任君選擇。烤魚方面，我哋揀咗唔辣嘅秘製醬香烤魚。烤魚上到嚟就好香，上面鋪滿曬花生。秘製醬係用花生熬煮，味道有啲似沙茶醬。江團魚食落好滑，同秘製醬嘅味道好夾。食落有少少甜甜地嘅味道，十分推薦。我哋另外仲嗌咗川粉同虎蝦滑。胡麻黑椒牛肉牛肉上淋咗好多胡麻黑椒汁，每一啖都食到黑椒味豚肉蒜心卷外層係豚肉，中間係蒜心。食落有驚喜，豚肉同蒜心嘅味道好夾，值得一試。菠蘿的海雖然外表同一般嘅燒菠蘿冇分別，但係食落俾佢嘅味道驚艷。下次再嚟都一定會嗌。羊肉串食落有好香嘅羊騷味，鍾意食羊嘅朋友可以一試。爆檸西西茶外型好吸引，飲落甜甜哋，仲可以食到粒粒西瓜。超級水果茶好大杯，飲落好fresh。而且入面有唔同嘅水果，例如西瓜、菠蘿、百香果等等，鍾意水果茶嘅朋友必嗌。live band嘅歌手唱歌好好聽。店員仲派咗發光棒，可以一邊揮棒，一邊聽歌，充滿氣氛。

一入到餐廳已經覺得好有氣氛估唔到平日未夠7點已經有歌手喺到唱歌，仲幾好聽餐廳都幾大，仲有卡位餐牌朋友飲啤酒 Stella, 而我就揀咗呢排好hit嘅手打鴨屎香檸檬茶隻味都幾香，好飲，真係同普通檸檬茶有分別孜然牛肉夠哂辣正！豚肉韮菜花卷好香韮菜味，豚肉都燒得好食，上面都有啲辣粉青椒釀蝦滑呢個都燒得好食，青椒都係有少少辣，好過癮翠肉瓜夠新鮮！仲燒得好靚，咬落仲有水份唔會乾哂藤椒烤魚（江團）朋友第一次食烤魚，見藤椒咁特別又係皇牌所以就揀咗呢款！一送到上嚟已經哇～真係好大條魚，絕對夠2個人食基本上都係得返啲大條嘅骨，唔洗驚食魚好難處理魚肉好滑，藤椒隻味就辣辣地，唔會話勁辣勁麻啱哂我入面仲有啲佛手瓜、蓮藕同花生芽，煮耐咗就好入味歌手仲唱得好聽，又有食客肯上去一齊唱，氣氛都幾好咁啱有人生日仲會唱生日歌有機會一定會再嚟食

荃灣唔知食咩好，又係黎到大鴻輝搵食，見到有間新開餐廳「漁樂場」就一於試下！一入到去比個環境震撼到，好似成個大casino咁，仲有個舞台，就連唔係星期六日紅日都會有人現場唱歌，好有feel呢到話就話主打烤魚，但其實仲有其他串燒都勁出色！鮮磨山葵濕辣牛肉，牛肉勁軟身肉味香，鮮山葵唔會勁辣，食落又幾match好有新意青椒蝦滑、豬頸肉都調味得好好，唔會燒到太老咬落好硬仲有個「差點失傳的豆腐串」都好impressive外皮燒到少少脆身，入面係硬豆腐，面頭啲醬汁先係精粹，咸咸甜甜好好味！主角椒辣烤魚，上左枱再煮多8分鐘更加入味，一路聞住啲香味已經蠢蠢欲動條魚本身烤過，魚皮見到勁脆身，而家仲要好細心咁開左邊，唔洗反黎反去先食到啲肉魚肉勁軟身，就算一直煮都唔會變老，而且湯汁勁濃索晒味，好入味！鴨屎手打檸檬茶，酸酸甜甜好香青檸味估唔到呢到都有精釀啤酒，見到隔離枱仲有tower，叫埋一大班朋友黎飲酒食野一流！