漁樂場

营业中

休息中

朋友生日飯話想食烤魚 ， 見到呢間op訂座有9折就試試。一踏入呢間餐廳真係嘩嘩聲 😳 裝修落重本！單係環境燈光已經無得輸！由7點至10點有live band唱歌，D歌好岩聽， beyond 、dear jean 、 mc 、台灣歌、英文歌等…仲唱得好好聽添呀🤩 大概去到九點半左右員工開始向每一台派螢光棒， 客人甚至可以上去舞台唱k🎤🎶成晚一路聽歌一路食嘢真係超hyper 🎸🎶覺得自己好似去咗演唱會咁，超正！💃💃食物方面，揀咗秘製醬烤魚江團魚🐟啖啖肉無細骨，醬汁香濃好入味！ 另外再叫咗一些小食，蒜香燒生蠔、蒜蓉粉絲元貝同埋幾款串燒等…食完烤魚就可以加湯叫配菜用嚟打邊爐～ 飲品叫咗近期內地好興嘅鴨屎檸檬茶，香茅味較重。鐘意聽歌有氣氛超推介過嚟～真係會比個度環境令到你唔捨得走 ～

我試咗一間裝修一流 食物唔錯嘅餐廳山城毛血旺烤魚（江團魚）魚肉鮮嫩多汁，夾埋啲毛肚同血旺湯底，真係味道豐富！湯底麻麻辣辣咁，好開胃，令人食到停唔到口。入面仲有萵筍、菇同蓮藕等蔬菜，增加咗啲口感豐富嘅層次魷魚須都係一定要試嘅！魷魚燒得恰到好處，惹味嫩滑，仲留有魷魚嘅鮮甜味道👍🏻👍🏻黑椒豬頸肉豬頸肉肉質嫩滑，每一口都有濃郁嘅黑椒味道，好開胃！羊肉串兩串羊肉烤得恰到好處，肉質嫩滑，配上孜然粉，入口鮮香同唔會帶有羶味香辣濕辣牛肉串五串牛肉肉質鮮嫩多汁，撈埋香辣醬汁，辣度十足，配合牛肉嘅鮮甜味道，真係一絕！另外我哋試咗碳酸蜜瓜精釀啤酒清新嘅蜜瓜味道同微微嘅碳酸感，帶出啤酒嘅風味，飲落爽口 蜜瓜味濃。手打鴨屎香檸檬茶我哋第一次飲 香水檸檬嘅味道令人驚艷🥰🥰🥰 鴨屎香同香水檸檬嘅結合，帶出一種獨特嘅香味，未試過一定試👍🏻👍🏻唔止咁，呢間餐廳嘅裝修都好別緻，特別嘅燈飾製造打卡點。餐廳內嘅燈光設計精緻，每個角落都有不同風格嘅燈飾，營造出浪漫同遊樂場嘅氛圍，同時都係一個無得頂嘅打卡場所。呢間餐廳嘅菜色同串燒都好多樣化，可以一邊享受美食，一邊欣賞臺上嘅唱歌表現，呢間餐廳絕對值得一試！🎊😻😻

今日收工黎荃灣大鴻輝漁樂場食野 一入場已經比環境裝修震撼😂裝修好有心機，用咗好多木桶來做裝飾，中間仲有個舞台，有駐場歌手喺度唱歌，未嗌嘢食都已經好鍾意呢間餐廳我哋嗌咗香辣江團烤魚，職員餸菜時提醒我哋要等8分鐘之後再食會更加入味我都幾欣賞呢個烤魚，因為佢除咗辣之外仲好香，入邊仲有少少冬菇同蔬菜餐廳好有心機，我哋嗌燒菠蘿，連菠蘿嘅擺位都特別有趣 菠蘿香甜冇渣😁胡麻黑椒牛肉，醬汁好惹味，牛肉味都幾重，沒有被醬汁蓋過味道豚肉韭菜花卷，韭菜花好嫩，豬肉包住韭菜既爽脆又滑溜👍🏻👍🏻呢個係青椒釀蝦滑，青椒好辣😂😂但入面個蝦滑好彈牙🥳嗌咗三隻燒生蠔，全部都大大隻，肥嘟嘟，咬落爆汁，鮮！燒茄子，欣賞佢鋪滿蒜蓉，淡淡茄子都食到蒜蓉🤣🤣因為個串燒烤話實在太好食，所以我都另外嗌咗蝦滑淥喺烤魚度，除咗蝦滑，我仲叫咗金針、豆腐、仲有川粉呢三樣嘢擺落烤魚度熟晒啲湯汁，好香，但又唔會好鹹，食得稱讚🥰嘢飲方面我哋嗌咗水果茶同啤酒，大大杯，好爽😌真係好欣賞佢個環境，好熱鬧，仲有歌手唱歌，成個感覺10分好，而且嘢食都好好食，適合一大班朋友嚟食嘢👍🏻👍🏻👍🏻

荃灣新開馬戲團風格烤魚串燒 x live music🔥！招牌主打烤魚、特色濕辣牛肉串、燒時令海鮮、東北燒烤、炭烤串燒等等多款惹味佐酒小食，同多款特色精釀啤酒、水果茶每日有駐場歌手表演，可以自選點歌，歌手會企係枱邊為你獻唱一到9pm客人仲可以上台唱埋一份，場內勁有氣氛😆裝修佈置好有馬戲團酒吧感覺，環境闊落新淨企理每日開到凌晨3點，啱晒鍾意熱鬧嘅朋友，最新宵夜好去處🤪！-👍🏻藤椒烤江團魚 $328藤椒味比起一般麻辣烤魚冇咁濃味，辣度比較溫和，麻而不辣，比較啱香港人口味😌新鮮江團魚，厚肉大條，魚肉超級嫩滑，比較少骨，食落啖啖肉加上藤椒味冇蓋過魚味，鮮味十足又唔腥鍋底本身已有大量芫荽、紫洋蔥、酸菜、萵筍、蓮藕等，滾到非常入味，亦可以另加火鍋配料打邊爐🔥-👍🏻香辣濕辣牛肉 $48/5串有啲似西式個種牛肉他他，粉嫩半生熟入口薄身非常軟嫩，沾上香辣醬汁同時亦有肉汁，陣陣濃郁牛味幾少見有特色，值得一試😙-👍🏻辣子雞 $98比起一般嘅辣子雞大粒算多肉食，外皮有啲似鹹酥雞咁，連少少軟骨，夠晒香脆，又唔會油淋淋最正係就算食食吓攤凍咗都唔會乾硬，一樣咁脆口辣度調味適中，惹味過癮，送啤酒呢個真係必點😛-👍🏻燒時

漁樂場是一家烤魚店，位於一個遊樂場的環境中，店內裝修華麗，並且有現場live band的表演。這種結合了美食和娛樂元素的環境給人一種愉悅的感覺。漁樂場的皇牌菜是藤椒烤魚（江團），這道菜以新鮮的魚為主要材料，搭配獨特的藤椒調味，烤得剛剛好，魚肉鮮嫩多汁，味道鮮美。這道菜絕對是漁樂場的招牌，值得一試。除了烤魚，漁樂場還提供其他美味的串燒選擇。其中，鮮磨山葵牛肉（5串）是一道值得推薦的菜品。牛肉質地鮮嫩，蘸上山葵醬後更加美味。另外，黑椒豬頸肉（2串）和差點失傳的豆腐串（2串）也都很不錯，豬肉口感豐富，豆腐則鮮嫩入味，串燒的烤制技巧很到位。除了主菜，漁樂場還提供各種小吃，如燒菠蘿。這道菜酸甜的味道，清新開胃。如果你喜歡啤酒，漁樂場還提供比利時小麥精釀啤酒，這種啤酒口感細膩，帶有水果的香氣，非常適合搭配烤魚和串燒。此外，漁樂場還有超級水果茶供應，這種茶飲清爽可口，是消暑的好選擇。總而言之，漁樂場是一家烤魚店，提供美味的烤魚菜品和串燒選擇。店內環境優雅，還有現場表演，給人一種愉悅的用餐體驗。如果你喜歡烤魚和串燒，不妨來漁樂場一試。

呢間係最近新開鋪頭，有Live Band，烤魚，串燒，啤酒，而且個裝修都幾特別，有少少酒吧既感覺，身邊有兩個朋友都去過，feedback 都唔錯，鍾意食辣野既我就緊係唔會錯過啦，今日大約7點15分到，已經坐滿大半個場，Live band 都唱得幾好，廣東，國語同英文歌都有，氣氛幾好今日叫左氣烤魚同幾串串燒，味道幾好😋💫串燒山葵牛肉：烤牛肉上有唔少即磨嘅山葵，鍾意食山葵嘅朋友一定好鍾意，充滿刺激嘅感覺，牛肉都嫩滑，食到有牛肉味茄子：食燒烤緊係要食茄子，茄子中間嫩滑，面層鋪滿蒜香同辣椒，主要食到少少辣味同滿滿嘅蒜香味羊肉串：羊肉串上有唔少孜然粉，孜然同羊肉係絕配，孜然搭上羊肉小小騷味係幾正魷魚鬚：魷魚鬚燒得啱啱好，唔會韌👍🏻魷魚鬚上面有少少辣椒粉，用嚟餸啤酒就最啱💫滕燒烤江團魚江團魚大條又冇乜細骨，可以做到啖啖肉既效果，烤魚外層經過煎香，入面既肉就夠嫩，烤魚嘅周圍都鋪滿芫荽，西芹，青辣椒，青花椒等，睇落好似好辣，但其實唔係好辣，係香口惹味💫比利時啤酒啤酒夠晒凍，好順滑又易入口💫百香果四季春百香果味超濃，但又會飲到淡淡嘅茶香，又唔會太甜，係一個唔錯嘅配搭

最近荃灣新開烤魚餐廳「娛樂場」一出lift以為自己去咗Las Vegas賭場好多霓虹燈 好有情調 打卡一流！最重要係可以登台唱歌😍6:00-9:30pm會有不同歌手busker表演 成個場嘅氣氛都好好食客可透過手機APP 「V Sing」點唱  9:30之後仲可以直接上台唱！總之成個場都好好玩😆食到好開心必食 餐廳主打嘅正宗重慶烤魚 （$288起）有五種口味 我就選擇咗「皇牌藤椒烤魚」可選不同辣度 同埋選擇江團魚或黔魚係真係真係好好食‼️‼️肉質鮮嫩多汁 魚香味濃 仲有多款配菜可以加選 正！湛江名物 濕辣牛肉串 （$48/5串）配上鮮磨山葵、香辣、胡椒黑椒及孜然口感好特別 肉香而且嫩滑 正👍🏻仲有個辣炸子雞 都好正🤤所有燒烤即叫即燒 選用備長炭令食物鎖住鮮味同肉汁叫串燒的 會有小型燒烤保溫爐 令串燒一直保持溫度👍🏻佢啲肉類全部都好好食 例如豬頸肉 和牛 同羊肉 😚串燒仲有好多選擇 例如海鮮蔬菜 仲有啲特別部位 整體都好惹味🫶🏻🫶🏻🫶🏻仲有唔同嘅自家精釀招牌啤酒🍻、水果茶、沙冰等等聽歌 加上小食同埋飲品🍸都夠歡樂一整晚😚👍🏻絕對係同朋友聚會嘅好地點！

社交媒體網站視頻見到，就約朋友收工去提早Openrice訂座，去到都好快入座。店員服務態度幾好👍🏻👍🏻一讚。坐低之後就會安排Qr Code落單。每台都會安排一盤熱盤安放串燒保持暖暖溫度我地2個女仔就叫左皇牌藤椒烤江團魚$328串燒-孜然燒粟米10串、羊肉串、翠玉瓜、尖椒釀蝦滑飲品-鴨屎香檸檬汁、霸氣芒果現場環境氣氛好好👍🏻👍🏻有得聽歌生日慶祝歌手會唱生日歌👍🏻👍🏻一大班朋友聚會都幾好👍🏻

今日老公生日🎂🥳🥳搵左呢間食烤魚既餐廳因為知道呢間氣氛好好，仲可以一路食野一路睇live band表演😍😍😍叫左招牌既香辣烤江團魚$328 本來仲驚好辣，點知個辣度岩岩好，夠惹味，江團魚肉質鮮味嫩滑，配埋比利時精釀啤酒，天造地設！仲要一鍋有兩大條😍😍齋食魚都夠飽！超級水果茶好解辣，有好多款水果🍉🍍🫐甜度適中唔會過甜另外仲叫左d串燒，老公最鐘意胡麻黑椒牛肉串，因為肉質好鮮嫩！而我最鐘意差點失傳豆腐串！俾佢個名吸引左，果然好好食，未食過咁外脆內軟既豆腐，加埋烤魚既香辣醬真係超正！好彩佢冇失傳😂下次一定會再食！😍😍😍烤茄子都夠水準，爆多蒜！總括而言，老公都好滿意今次既生日安排！🥰會再encore🤩🤩

餐廳好大，閒日夜晚去到都坐得好滿。成餐飯都有樂團現場表演，一整晚都有廣東話歌聽，每首歌唱完大家都會歡呼拍手，即時唔記得咗返工嘅嘢，爽✌🏻皇牌藤椒烤魚（江團）烤魚有5種口味，2種魚選擇。試咗招牌口味，滿滿嘅青椒，芫荽，花椒同酸菜，少少麻少少辣，惹味！條魚大條好嫩滑，魚刺唔算多，容易入口，魚皮特別吸味。湯底仲有蓮藕，筍，芽菜，洋蔥，好豐富。籽然牛肉（5串）4種口味，當然試咗籽然味經典味先：）牛肉軟身，籽然味濃，唔會柴串燒（羊架，羊肉串，豬頸肉）兩款羊都有驚喜，羊騷味唔重，相信唔特別抗拒羊嘅都會食到。所有串燒調味都偏濃，夠過癮，肉質唔會硬，放心點比利時小麥精釀啤酒較清甜，大大杯，爽！霸氣芒果呢個都係餐廳熱門飲品，甜度適中，唔會酸，夠解膩

平時喺荃灣大鴻輝中心搵食，都係主打打邊爐或者燒肉，估唔到最近新開咗一間食烤魚嘅餐廳，係非一般餐廳，有live band，仲可以現場唱K,咁特別，緊係要去試一試啦。餐廳裝修帶點以前歌廳feel，中間有個舞台演唱，台下四周同舞台唔會太遠，更有氣氛。當天餐廳滿座，大家邊食邊聽歌，揮動電話燈，氣氛更high.每枱幾乎必點烤魚，我地都點了皇牌藤椒烤魚。烤魚好大條，鋪滿了大量藤椒，芫茜及洋蔥，非常吸睛。魚肉嫰滑，吸左藤椒嘅香辣味，味道相當唔錯。烤爐keep住魚嘅温度，完全唔驚涷左。孜然牛肉串牛肉嫰滑，孜然味香，好惹味五花腩串豬肉層次分明魷魚鬚串唔會太韌，送酒一流韮菜串如果調味輕一點就更好碳酸蜜瓜精釀啤酒大大杯，啤酒帶啲蜜瓜香甜，香滑易入口霸氣芒果沙冰芒果味濃郁，甜度啱啱好，配合各式串燒食，可以消消油膩感漁樂場現場氣氛好high,邊食邊飲邊聽歌，喜歡嘅仲可以點首k歌唱埋一份，啱哂一班朋友暢飲聚會。

我是個無魚不歡的人，知道這里有烤魚吃就約了好友急急訂位一試，來到荃灣眾安街55號六樓，一出電梯感覺去了夜總會，餐廳好大，七彩熒光燈閃耀，大大個字寫住【漁樂場】，尼度真係幾有娛樂性，有個小舞台，幾個歌者落力演出，非常熱鬧。見到隔離枱全部都係食烤魚🐠，香味四溢，流曬口水🤤🤤，我地又跟人點左一個蒜香烤江團魚，食烤魚🐠點可以冇啤酒飲，蜜瓜啤酒成為我們的目標， 又點左烤波囉，烤老豆腐，翠玉瓜，仲有尼度嘅招牌菜串燒濕辣牛肉，揀左黑椒味，一路聽歌🎤🎵🎶一路等食物，蜜瓜啤酒同水果茶先送到，啤酒非常好飲，好香好濃密瓜味🍈， 啤酒味🍺淡淡地啱哂女士享受。水果茶更加好味，好大杯🍹原汁原味，無添加糖，有青檸🍋仔好香，仲有菠蘿🍍西瓜🍉蜜瓜🍈熱情果🍏檸檬🍋，太豐富了 。蒜香🧄江團魚連火🔥爐上台，好大一盤鋪滿香料，有花生苗🥜，蓮藕，窩筍，芹菜，紫洋蔥🧅，好多芝麻做配料，引到我口水直流，食慾大增，兩個為食之人碰杯🍻之後就開餐，江團魚肉厚皮淋，烤得啱啱好，雪白嘅魚肉仲係好鮮味好滑，魚皮仲好味，豐富膠原蛋白，配菜索哂啲魚味蒜香味，我地食到一啲都唔剩。🍽服務一流，經常幫我地加湯，避免啲魚🐠越煮越鹹。招牌菜濕辣牛肉🐮燒得好嫩

環境闊落 見倒即使唔係卡位都唔會太逼 現場有live band 同三五知己黎 一路聽歌一路飲酒一路食烤魚串燒 絕對係一個好地方.每台會有一個小型串燒爐 成餐飯方便你隨時再叫燒烤串 可以幫燒烤串保溫 俾你隨時食用唔怕攤凍.濕辣牛肉- 黑椒味黑椒味足 肉質嫩滑 唔會難咬 上面既汁都好足 完全唔會覺得乾.-孜然味孜然味非常出色 味道口感配搭會令你想不斷encore 絕對值得一試.串燒 豬頸肉 將一條長既豬頸肉串成一串 肉質燒得剛剛好 唔會燶亦都唔會生 味道一流.腩肉 脆脆地既外皮唔會覺得油膩.羊肉串 極小羶味 配上調味粉非常好食 平時唔食羊既朋友都建議一試.腩肉韮茶卷 鐘意既韮菜既朋友必試 冇一條韮菜係咬唔爛 成舊擺入口岩岩好.魷魚鬚 每一串串住一隻腳 口感會覺得係脆脆地仲有啲咖喱味 想一食再食.雞腎 每一粒都好爽脆 鐘意雞腎既唔可以錯過.烤魚 江團魚 一條魚兩個人食絕對足夠 上菜既時候就見倒條魚非常大條 呢個價錢絕對超值 成條魚既骨非常小 平時好驚食倒骨既朋友都可以輕鬆揀倒啲肉出黎食 唔會食一啖就要吐一下骨 魚質亦非常嫩滑 平時成日食魚既朋友一定會愛上 底部仲有一配菜 食完都好飽 .- 蒜

難得Happy Friday 👏我地去左荃灣一間新開嘅餐廳，主打以惹味炭火燒烤新鮮海鮮、烤魚以及多款精釀啤酒為主🤤🤤🤤餐廳裝潢好有氣氛拉斯維加斯賭場，完全同個餐廳名互相輝映😂😂仲有大電視，可以一邊食嘢一邊睇波，同場仲有live band 表演，氣氛十足🎶🎤我地兩個人叫左個烤魚同串燒 ，之後就邊聽歌邊享受我地既晚餐🥰🐠招牌香辣烤魚 （江團魚）辣度適中 😃 肉質鮮嫩，魚味十足😃仲以另加配菜蒿荀、牛奶鴨血😍啖啖肉超香口，員工仲會主動幫我地加湯👏串燒即叫即燒，非常吸引😃🥩濕辣牛肉 我地叫左5串濕辣牛肉 ，可以選擇唔同嘅特色醬料，有鮮磨山葵、香辣、胡椒黑椒同埋孜然🤩🤩我地就叫左孜然味，微辣微甜，十分惹味🌱花菜串燒花菜超香口燒得剛剛好又唔會太乾🤤🍠蕃薯仔仔串燒蕃薯仔仔燒得好甘甜 ，一啖一口🦑魷魚鬚串燒 魷魚鬚燒得好香口 配頭先既蜜瓜蜜啤酒極香好match ！ ☕️百香果四季春茶味好濃配埋百香， 酸酸甜甜好開胃🤪 🍺 碳酸蜜瓜精釀啤酒出乎想像超好飲！好香好甜，完全好易入口🤩🤩P.S 駐場歌手一

上咗漁樂埸醫肚，氣氛好好食得好滿足！首先，嚟咗個鮮磨山葵牛肉，有5串，牛肉好鮮嫩好好食，肉質有香味又嫩滑，加埋少少wasabi，味道更加鮮美。跟住，又嚟咗個麻辣鴨舌，鴨舌係我至愛，好新鮮嫩滑又香口，真係好好食！佢辣味適中，而且份量好多。再嚟，最出名嘅主角就係惹味蒜香烤魚啦！條魚好大好新鮮，一啖落口，完全無泥味，上面仲有香菜同紫洋蔥，好入味，而且佢越煮越入味。緊接住，嚟咗個辣子蝦，蝦炸得啱啱好，新鮮又好味，同啤酒一齊食真係絕配。最後，嚟咗個香辣魚雜，味道唔錯，好惹味。漁樂埸嘅氣氛好好，仲有現場歌手彈結他唱歌，地方亦都好整潔，服務員都好熱情友善，真係值得再去啊！