漁師兄

营业中

休息中

元朗新開的烤魚店，意想不到的驚喜，不會太油膩卻又夠惹味！環境不會滿店油煙，地方整潔乾淨服務手腳很快，不錯阿參咖喱（江團魚）$328外面的烤魚通常又油又重味精，在這家點這一個阿參咖哩卻帶點酸味，微辣帶甜香，呷一口湯非常清甜！這款魚肉非常多而且很少骨，怎麼吃也還有魚肉在！超大條配菜當中有蕃茄，大豆芽，蓮藕，西芹！全部都很新鮮，意想不到烤魚也會把配料的新鮮度放在考慮， 在吸收了酸辣的咖喱汁後更加好味串燒的水準也是不俗，秋葵惹味，羊肉串大顆而且肥瘦均勻， 入口易咬金菇肥牛卷不會太過韌，辣味的肥牛更加是非常惹味賣相出色的紅西柚綠茶綠茶味甜中帶甘，加上甘香濃郁的西柚，味道不錯士多啤梨乳酸既酸且甜，解辣解渴都一流

招牌烤魚 (酸菜味) 倉魚@$328: 此倉魚真的很大條, 而且啖啖肉, 肉質是偏結實的那一種, 第一步, 飲左幾啖 "頭啖湯" ,湯底沒有很酸很酸的酸菜味, 但滿口都是濃厚的鮮魚湯味,  我們加了 "加配烤魚輔菜組合 @$48" : 輔菜組合有金菇, 芹菜, 大豆芽和蓮藕, 份量也剛剛好, 不多也不少, 烤魚沾上濃濃的湯底一起吃, 味道也不會過鹹或過淡, 讚!!!... 燒茄子 @$36: 茄子表面鋪滿滿的蒜蓉和調味料, 口感軟棉棉的, 又惹味, 不錯不錯, 白桃味乳酸 @$32: 味道如圖, 白桃味和乳酸味都比較淡, 味道就好像是少許的乳酸飲料, 被大量的清水稀釋了一樣似的, 士多啤梨味乳酸的味道也大同小異, 燒五花腩片 @$22: 此五花腩片應該是被燒過時了, 因為我們需要很用力咬, 才能把此五花腩吞下肚子, 此五花腩皮更是咬也咬不開, 燒大蔥雞肉 @$20: 可能我們點了少辣?!... 雞肉和大蔥都沒有什麼味道, 燒羊肉 @$18: 羊肉也是沒有什麼調味, 整體來說, 除了店舖比較迫, 烤魚的調味是很不錯的,,, 

元朗有新烤魚店了❤️地方闊敞，坐位舒適。香辣味烤魚有6種口味烤魚，香辣、麻辣、泡椒、亞參咖哩、豆豉等等香辣小辣不會太嗆口，魚湯鮮甜濃厚，可以直接喝下，因為小辣不算太油膩。烤魚外焦內嫩滑，表層多了層豆豉香味。配料金菇、蓮藕、芽菜，爽脆入味。另外多種串燒選擇，雞翼香脆色澤金黃，孜然味香氣撲鼻，雞皮下滴汁，滋味一流。另外還點了羊肉串及五花腩肉，肉嫩不乾柴，調味恰當。最後飲品也有不少選擇，我選了鳳梨綠茶，清新入口不會太甜，解辣一流。還有鹹檸七選擇。📍漁師兄 地址: 元朗安寧路25號鴻運樓地下4號舖電話: 26886199=====================

-漁師兄 🐟上星期有日係元朗行過 見到有間主打魚湯米線既餐廳近排為左健康著想 都想食得清啲 養生啲 就順便試下餐廳其實除左魚湯米線 仲要啲烤魚串燒 都好吸引咁可以下次再黎試下~🐟魚腩魚湯米線 $45配招牌魚湯 + 拉麵（+$5）個人比較中意食魚腩因為魚腩骨都以大骨為主 少碎骨吃得方便啲 同埋會有啖啖肉食 魚腩肉質新鮮嫰滑奶白色既魚湯應該冇乜味精 食完都唔會頸渴🐟鮮魚片魚湯米線 $42配蕃茄魚湯（+$3）+ 米線蕃茄魚湯微微酸香 同時都有飲到魚湯既鮮甜味滑捋捋既米線 配搭嫰滑魚片同爽脆既木耳都好夾不過留意番魚片都係會有少少碎骨 要小心啲🍖孜然骨 (+$9)總共有2舊 想講呢個真係超抵食 煎得好香好惹味 而且又平又好食👍🐣椒鹽雞軟骨 ($22)呢個係跟餐嗌既小食 所以會平啲 個人覺得2款小食都做得幾出色 呢個係出乎意料地好味 真係炸得好香脆惹味 令平淡既魚湯套餐帶黎一點小驚喜 🤗🐣泡椒鳳爪 （$20）對林芝蓮黎講就比較偏辣 不過辣得黎係過癮既而且鳳爪係醃得好入味 都幾有肉 肉質係爽脆的🥤 鹹檸7 （+$11） / 紅西柚綠茶 （+$14）2個都係跟餐嗌既價錢 岩晒夏天飲 夠晒清爽

平時食炸魚多數都好重口味，又辣又咸咁~但係呢間漁師兄嘅烤魚有自製湯底，完全唔油又好味。佢地嘅烤魚教你3個步驟點食~叫左 #江團魚 酸菜味 HK$328一大盤上，睇到條魚好大條呀~佢個勺好得意，可以格咋架!!一黎先試個自家製魚湯，好清好鮮甜呀~江團魚大條厚肉，咬口實正得黎又唔鞋。佢個酸菜係一點都不辣架!!同埋酸菜份量爆多，食極都食唔曬咁~加左輔菜組合(金菇，芹菜，大豆芽，蓮藕) HK$48最好最後先食，索曬個魚湯，好香呀~不過蓮藕都係有點硬身~#士多啤梨味 & 白桃味乳酪 HK$32/each酸酸甜甜，偏冇咁甜，仲有粒粒咬添~除左食烤魚佢仲有串燒食，咁一定叫返D食下啦~#燒雞中翼 HK$18細隻左少少，不過燒得好香口。#燒羊肉 HK$18肉質又好滑wor~同埋大大粒，羊肉都好香~#燒五花腩片 HK$22乾身嘅五花腩片，脂肪層都燒到香口，爽呀!附上餐牌:

去元朗見客收工後，經過呢間店舖，好耐冇食過米線，於是入去提早食個晚餐。兩個人各自叫個米線，追加小食及飲品。枱面有菜甫俾客自由添加，配蕃茄魚湯（+$3）新鮮魚鮫大大件，魚肉嫩滑味道鮮美，滑嘟嘟米線夾埋爽口木耳絲又唔錯，魚湯味道鮮甜，加上蕃茄酸香，正。另一個係魚湯米線/泡飯自由配$48，配蕃茄魚湯（+$3）可以揀2個餸，同行揀咗魚腐+孜然骨，魚腐軟彈，孜然骨香脆惹味。泡椒鳳爪皮爽又夠味，微微辣味好醒胃。椒鹽雞軟骨香酥脆口又惹味士多啤梨味乳酸，有士多啤梨點綴，清香微甜，兩杯飲品都有透明寒天珍珠。同行嘅白桃味乳酸，據說清爽解渴。

最近都幾喜歡食烤魚 貪佢湯底多選擇~見呢間d湯底好特別魚又多種類 可自選魚+湯底🐟叫左個海鱸魚 喜歡肉厚 嫩滑口感有個湯底 寫住 (全港首創) 馬拉亞參咖哩味 🏖️又真係未見過wo個湯酸酸地 但又有香咖哩味 不過唔辣加埋d蕃茄 香茅 個酸既層次更加多d菜完全吸湯 超正~海鱸魚 $288輔菜組合 $48 (金菇, 芹菜, 大豆芽, 蓮藕).另外佢仲有多款串燒可以叫幾特別wo 送酒一流🍺燒麻吉 $18就似係方形魚蛋 中間包住既係麻薯呀😍 加上燒汁 好正.燒羊肉 $18燒五花腩 $22唔蘇 肉係新鮮 加左少少辣粉.荔枝紅茶 $28水果茶都好足料好多椰果 食極都有.紅西柚綠茶 $28西柚係唔酸的 +綠茶幾清新.📍漁師兄📌元朗安寧路25號鴻運樓地下4號舖

元朗一直吾覺有鮮魚肉魚湯米線，之前想食最近都要到荃灣食，宜家元朗都有，實在太好啦！魚腩魚湯米線 $45魚腩偏少骨，一般都系大骨，比較易食。魚腩肉質幾滑，夠新鮮，奶白色既魚湯比我差吾多飲哂，都吾口渴。鮮魚片麻辣魚湯米線 $42麻辣有大、中、小辣揀，叫左小辣，辣味吾系好重，反而偏麻，而且都幾麻下。魚片就偏多碎骨，不過份量幾多，吾識食骨既話叫返魚腩比較好。涼拌皮蛋 （跟餐加$18）涼拌皮蛋有少少辣，無咩腥味，中間有生蒜同蔥，可以夾埋一齊食，更惹味。椒鹽雞軟骨 （跟餐加$22）椒鹽味未食已經聞到好香，食落好惹味，雞軟骨一粒粒細細粒，一次過可以食幾粒。白桃味乳酸 $16乳酸味幾重，底下有啲椰果。紅西柚綠茶 $14底下有好多西柚肉，吾會好甜，茶味幾香，飲品都大大杯，解辣一流！餐廳夠闊落，幾好坐，而且夠光猛，裝修得幾靚。餐牌：

今次係二訪漁師兄💖，第一次新店開張去吃午餐，已經覺得很好吃，味道很好💕👍。 晚上放工後，相約朋友吃雞煲🐤。今次2人點選了三個小食， 香辣雞煲（全隻）💯😋，特色飲品。💚香辣雞煲🐥（全隻）$128一進店舖，已經聞到雞煲配料嘅香味😋飄香撲鼻， 所以點選了雞煲，因朋友不吃得太辣，就點選了小辣。 雞煲啖啖肉非常鮮嫩， 雞煲是編麻💕，感覺非常美味，份量很足👏。💚小食✨椒鹽雞軟骨$38，非常香脆可口，完全不油膩✨蒜泥白肉$38， 我很喜歡吃蒜泥白肉， 餐廳很貼心地捲成一小口，方便食用，不會太辣✨手拍青瓜$24，開胃菜式，酸酸辣辣很適合夏天享用嗯💚飲品✨紅西柚綠茶，可以解雞煲油膩感， 非常開胃。✨荔枝紅茶，荔枝香味飄香撲鼻， 非常適合夏天飲用， 不會太甜。

好少入元朗，今日就約咗老朋友聚一聚舊！ 天氣熱，想食啲有湯嘅食物，就去咗食魚湯米線。 小店裝修都唔錯，乾淨整潔，中間一幅好多魚嘅牆幾有特色。我叫咗魚腩湯米線，先飲奶白色嘅魚湯，香濃魚鮮味，加咗芫茜皮蛋湯，又多一個清新味道。魚腩食落好鮮甜，入面係大骨，容易揀返出嚟。我食米線就比較爽滑，朋友食嘅烏冬佢話唔係好煙韌，一般般。叫咗兩杯冰凍飲品：士多啤梨味乳酸同紅西柚綠茶。 乳酸入面有一啲寒天同埋士多啤梨肉，但係味道偏淡。紅西柚綠茶入面就有滿滿西柚肉，用料十足。仲加咗兩款小食，椒鹽雞軟骨好大碟，新鮮炸起特別爽脆。 我同朋友都一致讚好嘅話梅蕃薯餅，六件番薯餅炸到脆卜卜，出面均勻灑上話梅粉，甜甜酸酸，加上入面香甜嘅番薯，超好食。必點之選！

我本身係超鍾意食魚🐟呢日就同朋友去 #漁師兄 試吓烤魚我哋就揀咗酸菜口味嘅烤海鱸魚✨鍾意佢夠肉厚同埋肉質嫩滑😍以我所知，餐廳只係會用新鮮活魚☝🏻所以每日嘅供貨數量都係售完即止，如果想食指定嘅魚就記得早啲去😆.呢度嘅烤魚真係貨真價實，可以睇到佢用料十足除咗主角烤海鱸魚，仲有唔同嘅輔菜包括有芹菜、金菇、蓮藕、大豆芽等全部都好吸到個烤魚湯底，超惹味😋試完啲配菜，到主角喇❤️輕輕一夾就夾到大大嚿魚肉😍海爐魚烤到外面有少少焦香味而入面肉質又保持到嫩滑，一啲都唔鞋口！.除咗烤魚，我同朋友仲叫咗啲風味串燒嚟試吓：☝🏻雞中翼外皮好脆卜卜，但係啲肉保留到肉質，而且調味適中，鹹鹹香香，如果隻雞翼大啲就perfect！☝🏻羊肉串羊肉味好濃，個人勁鍾意，而且呢串羊肉係有少少脂肪連住啲肉，所以有足夠油脂保存羊肉嘅嫩滑同肉汁☝🏻五花腩平時好少食啲咁唔健康嘅部位🤣但係串燒就唔同講法喇！因為肉同埋脂肪比例剛好，燒到連啲脂肪都好脆邊，唔會太重油膩感.飲品方面，我哋叫咗白桃乳酸同埋菠蘿綠茶，兩款都幾fresh，唔會太甜👍🏻下次冇咁熱氣再去，會想試埋麻辣口味同埋其他烤魚😍

我同阿妹都鐘意食魚，今晚選了元朗「漁師兄 」試試！一入到去覺得環境很舒服，很寛敞。由於妹妹不吃辣，於是店舖職員很用心講解我們知烤魚口味款式，令我們很快便有了選擇。我們選了酸菜味䱽魚，加上蔬菜組合，有芹菜，金菇，蓮藕，大豆芽。酸菜魚微酸，很開胃，而䱽魚煎至金黃，魚肉煮得鮮味很嫩滑，很滋味很惹味。燒麻吉： 熱呼呼吃，吃起來軟軟的，很彈很有口感。白桃味乳酸很清甜，清新的白桃口味，配上椰果，很好喝。如果是很喜歡吃魚的愛好者，我很推介這間店的烤魚真是很好，值得一試。

位於朗屏西鐵站附近，原本係想食烤魚，但作為一個任性嘅人妻，坐低見餐牌有雞煲食，又改變主意🌟香辣雞煲 $198 全隻叫咗小辣，超惹味好香，食到近底多汁嘅雞件感覺特別辣🌶辣得好過癮，食到個嘴有少少腫添😆食到甘上下，店員好貼心會加少少湯，怕痴底煲燶～最好嘅甘濃味，食完返屋企都無好口渴嘅感覺🌟小酥肉$38好鬆化，將佢係雞煲到蘸一下汁再食，滋味更正🌟椒鹽雞軟骨 $38脆脆嘅口感好涮嘴，調味啱啱好，唔會重鹹🌟荔枝紅茶$28荔枝清甜配微澀嘅紅茶🌟鳳梨綠茶$28呢杯比紅茶甜多少少🤏大概因為所用嘅綠茶茶味較紅茶淡

近排多咗嚟呢邊搵食，今次試烤魚啱口味得嚟服務又好，放入可encore之列。有自知之明唔太食得辣，點個酸菜魚惹味得嚟又冇咁刺激。見到侍應拎串燒出嚟香噴噴，又點咗少少試一試。串燒先上，燒得好靚，有炭香加埋孜然同醬汁真係不敗！羊肉串個人覺得好正，因為佢夠羶；麻吉燒比預期好食，外邊香口惹味入面麻糬又好煙韌，之前淨係用佢打邊爐真係埋沒咗佢；雞肉大蔥重點在蔥，幾甜口。等咗一陣主角上場，今次選咗貴少少嘅江團魚，其實冇概念係咩魚，純粹見到介紹話「肉質嫩滑」，食落果然好滑特別係尾位真係一流，最正係成條魚除咗主骨基本上係冇細骨，我哋一邊食一邊驚嘆冇骨好神奇！酸菜魚湯底味道濃郁，鮮同酸中間個平衡幾好，最愛湯水嘅我飲完一碗接一碗。另外要大讚呢度加湯可以直接加魚湯，唔係加水或者清湯溝淡晒！加點咗份蔬菜組合，吸晒個湯嘅精華好好味，又可以refresh一下。食烤魚一定要叫飲品啦，冇諗過會咁巨型，唔怕兩啖飲晒食惹味嘢必備！呢個湯杓設計幾好，倒湯同時隔埋啲骨走。我哋早食飯，趁冇人影張相先，過多一排已經滿座。店舖空間唔算好大，不過乾淨整齊，仲有最重要係夠冷氣。餐牌俾大家參考一下，選擇唔少。總括今餐食得開心兼滿足，烤魚值得

=  =  =  =  =  =  =  =  =  =  =  =  =  = 💬 總括: 烤魚分量十足，味道惹味，2個人淨食魚都好飽環境：★★★★★ | 味道：★★★★★ 服務：★★★★☆ | 抵食：★★★★☆———————————經過卡咪目測同非正式統計 元朗烤魚、酸菜魚鋪頭好似比其他區特別多 近朗屏又開咗間烤魚店 同親愛的又試新野 - 漁師兄 餐廳日間提供魚湯米線 晚上就主打招牌烤魚、雞煲 - 一入店已經閒好香香料味 睇睇Menu 有烤魚、雞煲、風味串燒等 今晚已經想好食烤魚 但又遇上選擇困難症 烤魚又有4種魚類選擇 仲有6個口味 有辣有唔辣 而辣度亦都有大中小辣提供 - ▼ 香辣味江團魚（小辣） 用手機落單 好快一大盤烤魚上枱 分量十足 枱上墊枱紙有食烤魚教學 第一步先飲湯頭, 湯頭鮮甜 烤魚外皮先烤過 第一次食江團魚，特點係肉質嫩滑 大大條啖啖魚肉，魚肉入口好鮮滑 -怕單點烤魚單調了些 點埋輔菜組合 - 金菇、大豆芽、芹菜、蓮藕一鍋熟 索滿湯汁特別惹味 烤魚用黎佐飯一流 - 同時點了風味串燒做小食 ▼ 燒五花腩片 焦黃帶脆 迫出脂肪香味 入口充滿油脂甘香 - ▼ 燒大蔥雞肉