漁師兄

营业中

休息中

元朗漁師兄，主打魚湯米線，仲用上魚的不同部位，非常足料。無論係魚頭、魚咀、魚尾、魚腩等等，都可以揀；原味以外，仲有番茄魚湯、麻辣魚湯！選擇都幾多。餐廳仲有小食，串燒，香辣烤魚，不只是魚湯米線。麻辣魚湯魚腩米線（$48）啖啖鮮魚肉，加小辣惹味的魚湯米線，適合唔鍾意lun骨的我！番茄魚湯魚尾米線（$53）魚尾雖然比較多骨，但鮮味十足，番茄湯底更加發揮提鮮作用！鳳梨綠茶（$14）鹹檸七（$11）跟餐優惠價必點！泡椒鳳爪（$20）話梅蕃薯餅（$18）一樣係加配優惠價，可以試多幾款，蕃薯餅加上話梅粉幾特別！

星期六放假日，最鍾意同老公去元朗食好野。今次去左漁師兄食晚飯，一入餐廳，餐廳牆壁有好大幅海裏面好多魚裝飾，燈光上面又有一個個魚網，環境好別緻。漁師兄出名晚市烤魚、雞煲好食，餐牌仲有風味串燒、前菜小食、仲有手調特飲及港式飲品。前菜小食點左兩款：椒鹽雞軟骨-賣相吸引，食落脆口。孜然骨-每件大件厚身，燒得入味。老公知道我最愛食雞煲，最後點左全隻香辣雞煲，份量真係唔講得少⋯勁多😋 叫左小辣,每件雞好瘦,啖啖肉好正。飲品方面叫左兩杯芒果紅茶，超大杯，勁冰凍，好飲又解渴。不得不讚哩度侍應服務好細心👍🏻👍🏻見我地雞煲食到甘上下⋯會幫我地加番少少湯，等雞煲無甘易燶⋯又會幫我地調一調個火。而最重要哩度價錢好平，好抵食。

元朗出名多好西今次去世宙探完朋友出返黎見到呢間有烤魚好肉好吸引🎈江團魚-香辣味小辣 店員話江團魚最滑 一般係屋企都好少可食到江團魚 即管揀咗江團魚試下！條魚好大條好好肉 真係滑身仲要好好咬口唔算多骨 都係啲大骨為主其實佢有好多款唔同嘅湯底 不過朋友驚好辣 叫左小辣小辣都唔算好辣 一般食開x仔 3小咁上下佢+$48 有個輔菜組合 因為好鍾意食蓮藕 所以都加埋落去野飲佢呢度除咗有港式飲品之外 仲有啲手調特飲 我地叫左杯白桃乳酸同凍檸茶❤️佢除左烤魚之外 仲有雞煲同埋串燒🎈台式香腸 一啖一粒 即刻有台灣既味道🎈大蔥雞肉 雞肉都好嫩 鍾意食大蔥嘅朋友真係可以試下呢個配搭你一定會滿意🎈金菇肥牛卷肥牛燒到脆脆地但又唔會乾身 唔錯唔錯到最後口痕 同朋友見到隔籬枱食雞軟骨忍唔住叫黎試下🎈椒鹽雞軟骨呢個真心推介 小食size 但真係好好味 雞軟骨炸完再用蒜頭炒 好脆好香 仲要唔油 👍🏻👍🏻👍🏻

自從起咗世宙之後，呢一帶都多咗唔少野食，特別係川菜、烤魚，迎合港人愛辣愛香口嘅口味。門口招牌三隻紅色大隻 —— 漁師兄相當吸晴，未抬頭果抹豔紅已入眼簾。雖然係烤魚店，但勝在樓底高，入店不覺局促，亦無油煙味或地板黏糊嘅感覺，環境衛生唔錯。價錢為合理水平，一份烤魚介乎$288-328，有四款魚種六款鍋底選擇，不同魚類肉質鮮味各有千秋，可以根據個人口味選擇或咨詢店員意見。因朋友唔食辣，我又中意食酸菜，二話不說揀咗酸菜口味，配上肉質較滑嫩、魚骨較少嘅江團魚。烤魚已預先用蔥蒜爆香，再放入熱鍋水煎，魚皮煎得焦黃，連湯底都充分混入魚肉嘅鮮味；配料索滿哂吸收咗河魚精華嘅湯汁，每一啖都食到 鮮、甜、香🤤🤤江團肉質緊實不散，同時不失軟嫩，有啲似滑身版鱸魚；除咗主幹外無多餘嘅骨刺，易於食用，且肉含量多，食起嚟有啖啖肉嘅滿足感。推薦一定要加配金菇、芹菜、大豆芽及蓮藕嘅輔菜組合，咁先可以食哂所有湯汁精華😍😍川菜點可以少咗串燒呢，燒秋葵係must eat item😝灑滿孜然粉燒香，令本身清淡嘅秋葵更香口惹味～另外點咗大蔥雞肉同燒牛肉，牛肉雖然唔算厚肉，但肉質稔軟，火候算得恰到好處。食完濃味香口野可以飲返啲解膩飲料

位於元朗這間「漁師兄」之前聽朋友食過覺得不錯，今日終於有機會試下，入到餐廳已經爆滿，所以在門外等了大約十至十五分鐘就安排入座。餐紙上可以選擇不同種類魚、口味亦有多款串燒及火鍋配料。麻辣味江團魚江團魚外皮煎得香脆，大約八成熟放入鐵盤加熱煮熟後更加入味，魚肉好滑好鮮嫩，辣度可以按照個人喜好選擇，湯底亦都好鮮甜。輔菜組合有芹菜、金菇、大豆芽和蓮藕，輔菜吸入湯底好惹味，蓮藕切得好薄好爽口。燒雞泡魚乾雞泡魚乾燒得好香口，加入了少少辣粉，甜甜地好食到一條接一條。燒茄子茄子🍆燒得剛剛好，好林又多汁。燒大蔥雞肉外皮燒至微焦，蔥味好香好濃郁，連埋雞肉一齊食，味道一流👍荔枝紅茶/紅西柚綠茶每一杯都會飲到果肉，好清新，解膩一流😋

好耐冇食烤魚，暫時喺香港都未搵到一間最似大陸味嘅。平時元朗好多人食果間我都覺得麻麻地，估唔到新開呢間都幾有驚喜。環境幾好，光猛簡潔，不過坐得太近廚房會咳餐懵，因為佢地啲辣椒真係真材實料，一炒辣椒就好嗆。我哋兩個人叫咗麻辣味嘅江團魚，我地揀左小辣，岩岩好。啲色水都好靚，條魚燒香左，魚皮好香脆，而佢啲辣醬係即叫即炒，所以都好香，辣度都岩岩好。而江團魚都真係啖啖肉，好嫩滑，索晒啲汁真係好正。值得一提嘅係，其他地方見你煲到冇乜湯會幫你加水，但係呢度會幫你加魚湯，真係好足料，唔使擔心愈食愈淡。我哋另外叫咗三串串燒，其中一串雞腎，佢呢度落孜然粉一啲都唔孤寒，所以好香，好有大陸味。另外叫左串羊肉同雞翼，羊肉唔會太騷，又係好香，好似返左大陸咁。雞翼都好值得一讚，因為佢真係可以燒到外皮好香脆，而啲肉都唔會太乾，真心唔錯。飲品方面我哋叫咗一杯白桃乳酸同埋士多啤梨乳酸。除咗俾佢淡淡的粉紅色吸引之外，佢仲有透明波波，甜甜地好彈牙，好好味，而個乳酸唔會太甜，幾好飲。兩個人食都係$500鬆啲，食到飽飽又好食，絕對可以翻焯。

放lunch經過呢間專食魚湯米線嘅餐廳，平時最鍾意飲魚湯一於試吓。有好多魚嘅唔同部位配米線，如果淨係想飲魚湯又唔想食魚，都有自選配搭。叫咗兩款唔同嘅試吓，一碗魚鮫米線，另一款自選麻辣豬膶腐竹米線。一嚟到梗係試吓個魚湯，幾清甜唔算好濃 配米線來講都算唔錯。麻辣叫咗小辣都覺得好刺激😂建議想試魚湯都係唔好揀麻辣不得不提豬膶非常好食，好厚身平時出面食到多數係乾爭爭嗰種最鍾意食豬膶 超推介！！小食炸雞軟骨都唔錯～

同男朋友早幾日經過元朗 想食米線 行左陣見到呢間 於是上網search下食評 個個都好推薦 所以就去左食男朋友就叫左魚腩米線我就自選米線簡左麻辣湯 腐竹同孜然骨米線魚腩無骨唔腥 好好味😋腐竹吸左麻辣湯既味道 非常開胃 ，而孜然骨另外上 好惹味！一定要食！但我地一致認為米線份量小 唔飽肚🫠⋯⋯總結，呢間店味道很好 👍🏻但份量小。可以一試！！！

元朗真係有好多美食，呢日就約左friend 子到左元朗呢間低調但高質嘅烤魚、雞煲專門店食好西。。。<漁師兄>就係世宙對面條街，地點方便～7點幾去到已經幾乎爆滿，睇嚟大家都係識食之人～入到餐廳已經聞到好香，嗰種味道好似似曾相識呀！無錯喇！就係佢地嘅皇牌烤魚同雞煲。。。兩樣都咁吸引，真係好難取捨呀！因為我地兩個人食唔到太多野，見隔離枱啲烤魚賣相好得，最後我地就揀左烤魚，再點些串燒同飲品已經夠食。。。烤魚用gas爐煮熱，暖住食唔怕凍左影響口感～ 呢度嘅烤魚提供多種口味, 包括: 香辣味, 麻辣味, 泡椒味, 豆豉味, 酸菜味和馬拉亞參咖喱味, 我地就揀左酸菜味的海鱸魚, 上枱時已經聞到椒香撲鼻, 入口更是非常惹味, 肉質香滑~ 連芹菜, 金菇, 大豆牙同蓮藕等輔菜都好入味呀～咁開心緊係要食吓串燒啦～ 我地點左串燒金菇肥牛卷，燒元貝和燒五花腩片, 全部都有好香嘅孜然味, 愈食愈想食, 特別係燒五花腩好juicy, 燒元貝也很鮮甜。。。Friend子話要飲番杯凍咸檸七清清熱, 我就飲士多啤梨乳酸sweet吓～整體感覺唔錯啊！店員上菜速度快，食物質素也不錯，賣單都不用$500，遲啲

今日同女友去元朗一日遊，我地主要以食為主，第一站係漁師兄。魚湯米線係佢地招牌菜🤤餐廳裝潢比起一般米線店較為精緻，牆身貼上不同大小魚形狀嘅碟，營造出魚係海裡穿梭既畫面🐟- 魚米湯米線（轉烏冬）魚尾好大條，肉質相當嫩滑，不過好多骨。魚湯呈奶白色，味道甜得有少少誇張，無味精所以唔會好口渴。另外仲加左滑牛肉。- 魚腐孜然骨麻辣魚湯米線湯底好麻，不過魚湯嘅味道就被覆蓋。孜然骨厚肉惹味，調味夠誠意。米線口感滑溜，而且好索汁😋- 手拍青瓜小食嚟講青瓜分量好多，青瓜爽脆，配上惹味既蒜蓉同麻辣醬非常開胃。- 椒鹽雞軟骨雞軟骨外酥內脆，分量好多，至少二十粒。食品方面，凍檸茶同紅西柚綠茶跟餐分別加左$9同$14，兩者都好大杯，尤其紅西柚綠茶係用大玻璃樽🤩魚湯米線不愧係餐廳嘅招牌菜，其他小食都好抵食！

最近發現到一間很吸引的魚湯米線，放假終於試到了。愛辣的我當然都點了麻辣湯，最難得的是魚湯的鮮甜味仍然很突出，兩種味道很夾好好食！魚腩份量很多又嫩滑，加了個金菇，金菇吸收了湯的精華，無得彈超好食。試一試放在檯上的辣菜莆，爽爽的加進米線兩種口感天衣無縫，而且辣辣的非常惹味，食極不厭。涼拌皮蛋$18加配，但份量都很多。首先，蒜香非常濃，加上芝麻和辣油超開胃。老公點了肥牛同貢丸，想不到肥牛都好好食，肥牛都有牛肉味，又不會過薄，貢丸都好食，食落好實淨好足料，超滿足。他加配$22 椒鹽雞軟骨，炸得很香脆，味道不錯。一杯是鳳梨綠茶，一杯是紅西柚綠茶。我很喜歡紅西柚綠茶，酸酸的果肉加上綠茶超解渴又清新，而且大大杯很抵飲！全單$173，又好食又抵食好驚喜！！已經想計劃下一次再來，暫時漁師兄是我食過最好食的魚湯米線，性價比超高！

最近多左去元朗搵fd.平時都係去cafe hea 下， 今日有d 餓就隊個餐先。揀左呢間漁湯米線。咁當然呢度賣點係魚啦。唔中意食魚咪唔岩食？咁呢度有自選組合岩哂我口味。但其實好勁， 唔同既魚部位都有得揀。岩哂中意食魚既朋友。我揀左肥牛魚腐魚湯米粉。冇錯係可以揀米粉！ 開心 本身又想試麻辣 但因為最緊食太多辣野， 腸胃唔多好， 所以先黎食返d 健康又安全既野😂😂朋友揀左腩肉魚腐蕃茄魚湯米線。我地都叫左d 小食。涼伴皮蛋，d 皮蛋都流心。 正！手拍青瓜。勁多蒜， 超Like!!!!!重口味人士表示好歡喜！咁熱天氣真係要食返呢d 先開胃🤩

中秋節將至，又是時候去大橋街市買燈籠予侄兒做中秋節禮物，今年人山人海的情況比往年誇張，我也花了些時間才買到目標。擠擁完體力下降一半，是時候要補充體力，於是我跟媽媽去了附近的漁師兄用餐，大吃特吃烤魚。若是初訪漁師兄，絕對要試試招牌烤魚，因為媽媽不敢吃辣，所以我們選了酸菜味，魚方面則挑了江團魚，另加48元配金菇，芹菜，大豆芽和蓮藕。江團魚極為細嫩，而且也沒有那種要讓人挑半天的細刺，吃起來非常方便，江團魚炸到約莫六分熟後烤煮吃，魚皮香酥，魚肉鮮嫩。烤魚湯底以鮮魚熬煮，並加入酸菜，酸菜酸爽，湯鮮汁濃又不失甘美，直接喝兩，三碗都不會膩，而且金菇，芹菜，大豆芽與蓮藕泡在酸菜湯，吸附滿滿湯精華，好不入味，即使它們只是配菜，也很好吃呢。我和媽媽都是乳酸控，我們分別喝士多啤梨味乳酸及白桃味乳酸，白桃味乳酸整體喝起來清爽，尾韻帶有白桃的甜美，白桃味乳酸裡頭有些果凍，使嘴巴不會無聊，果凍跟乳酸完美結合，滿足我想吃甜品的慾望。士多啤梨味乳酸有著令人心動的可愛粉紅，士多啤梨的香甜在乳酸襯托下發揮得淋漓盡致，均勻攪拌後喝上一口，甜中帶酸，讓人一秒回到童年那熟悉的味覺，飯後來一杯士多啤梨味乳酸還能幫助消化。燒雞中翼

天氣太熱， 好想食一D有水份既食物， 而且我同皇上又一向都好喜歡食滑滑的米線/米粉。行到元朗見佢有漁湯的米線。 當然要闖入去試試❤️（5⭐️最高）自選1: 漁湯米粉+魚腐+孜然骨+漁腩（5⭐️）米粉爽口， 魚腐幼滑， 必食⭐️漁腩。 好入味， 漁骨少。 連bb都鐘意食。 🥰。 孜然骨好抵食， 又大份， 仲要好入味👍🏻自選2:漁湯米線+墨丸+水餃+豬扒（5⭐️）米線滑口， 墨丸爽口彈牙👍🏻， 水餃有鮮甜豬肉味😘。 大大件半煎炸豬扒， 咬落一d都唔黐牙,好正呀😍👍🏻特色小食▶️話梅蕃薯餅（5⭐️）炸蕃薯面滿布話梅粉， 咬口有層次。 第一個層次是酸酸的話梅粉， 第二個層次係蕃薯香甜😊。▶️椒鹽雞軟骨（4.5⭐️）如果喜歡辣味既朋友， 係必食之選👍🏻。因為是用辣椒🌶️炒， 不是用椒鹽粉， 所以辣味好出， 我只是聞， 都已經好搶喉嚨😂。 💕必飲-大大杯特飲紅西柚綠茶（5⭐️）內有新鮮西柚， 甜度岩岩好（我叫小甜）， 淡淡綠茶香，最岩而家飲。 👍🏻鳳梨綠茶（5⭐️）菠蘿肉好多， 仲有少少椰果係底部💕， 好yummy ❤️而且勝價比高👍🏻。

嚟到元朗食香辣雞煲，叫返全隻雞煲先～份量都幾多，啖啖肉，雞肉幾嫩滑，～叫咗小辣，比想像中辣～店員拎上枱放上gas爐，炒兩炒，香噴噴～香料好多～越煮越辣，食得好滋味～再order多兩款小食，孜然骨，孜然粉風味獨特，芳香濃烈，連骨嘅肉鮮嫩入味～蒜泥白肉,好多蒜蓉，麻油好香，爽口彈牙白肉配上清爽青瓜片，多層口感，開胃小菜～飲品大大jar, 幾抵飲～芒果紅茶，紅西柚綠茶～兩杯飲品都揀咗少甜少冰，所以甜度剛好～