漁屋日本料理 (已結業)

今日特登由澳門過離行街,睇左幾間放題,最后選左呢間.之前睇左人地啲食評講佢幾好好~ 咁就同女朋友行過去試下啦, 其實都唔近地铁站好啦,呢到要BOOK 位,我地無BOOK,WALK IN,所以同左人搭枱現在講重點 價錢228 加一,兩位502 , 野食款式係幾多 但三文魚刺身,唔新鮮,冧的. 帶子刺身, 的士咁細片,海胆手卷無味, 甜蝦一般,但夠大只.另SUSHI 麻麻唯一燒牛利,波蘿好食因為唔係咁好食,由6點食左個一個中就埋單走人 總結, 很一般,以咁的價錢,早知出去任一單點到食算啦報告完畢,不喜勿插

因應一個來香港購物的廣州朋友要求，決定去試一次香港的日式放題。由於我從來都沒有試過任何一間的日式放題餐廳，所以對此餐廳也沒有抱什麼特別的期望。這間位於尖沙咀寶勒巷的日式放題餐廳，地點十分方便，從尖沙咀站徒步5分鐘就到。餐廳座位都算寬敞，我們二人坐一張四人枱。枱面已經準備好一大疊「菜單」，可以根據你喜愛的菜式作出選擇，當中包括：沙律、魚生、手卷、燒烤物、小食、炸物、飯類、水果拼、甜品。種類尚算基本齊全，但並未有什麼驚喜。服務員服務水準一般，由於之前已經下單的東西也遲遲未有，要催促多次才能送上。直至結帳為至都未能全部送齊，這點略為失望。總結，各方面尚算一般，未能令我有再次光臨的意欲。

今日放左工的時候，有同事提議去食放題，係決定之際，就揀左尖沙咀寶勒巷的漁屋。我地無book位，但等左十七分鐘左右，都已經好快有位。再細心一睇佢地的招牌，原來仲有荃灣兩間分店添喎。水吧位置係半開放式設計，可以見到師傅埋頭苦幹整壽司同剌身。埋位的時候，先見到已經擺晒工具，set好晒枱，然後最吸引我地係點食紙，即刻二話不說每張都點d黎食，樣樣五件呀十件呀咁寫，未食先興奮，因為點食紙上面的食物相當吸引，我地都毫不留手加完又加，Wa！之後無幾耐d我地所點的食物好快送上枱，將d食物一碟二碟擺設得好精美，尤其係剌身同天婦羅，成座擺設飾物咁，先有賣相，色香味俱全！剌身每款都鮮甜美味，特別係三文魚，好肥美滑潤。之後再黎左其他燒物，都好食到不得了。壽司有非一般的火焰壽司，將魚生燒得半生熟咁，將魚生整到慢慢融到入口咁，非一般的感覺。除此之外，我地仲食左地獄炒蜆同羊架，都係唔錯嫁！之係黎到戲肉la，食甜品，我一口氣食左兩杯雪糕杯。食到飽一飽，先肯埋單走人。

考完試la，當然要食返餐勁黎慶祝下。約埋d同學仔柴娃娃相約左去尖沙咀行街，之後大約七點幾左右到左寶勒巷附近一間的漁屋，係日式放題黎既。裡面的環境都大嫁，可以納容百幾人到堂食，仲有見到水吧係開放式，可以見到壽司師傅係度整壽司。一坐低就有一疊好大疊點菜紙揀野食，計起上黎成十幾種分門別類的食物可以剔：日本菜、飲品、甜品……全部都幾好，無論係食物材料、質素都ok。一開始我地每人都負責點一至兩張的食物，寫返咁多人食的份量。好誇張ar，我地所點的食物，話都無咁快，佢地一次過同一時間送上枱，效率好。呢一刻，我地都覺得相當興奮，見到一枱都係食物。仲以為d炸物ar、天婦羅ar黎得咁快，就會無咁好食，但又唔係wo，食入口都係熱既，感覺太好la！整體大致都唔錯，尤其係有d其實都真係好得ga，炸蠔同炸帶子，兩樣都炸得黎都保持返到食物的味道，唔會太過油膩。仲有d火焰壽司都係好味，將d魚生燒到半生熟，果種口感，再加埋上面一層芝士被燒香的味道，妳正！食完之係，仲有甜品雪糕，好滿足！我自己係到諗，如果之後推出有埋燒墨魚丸、燒魷魚就更加好la！百幾樣食物，多都食都食唔晒，雖然好想每樣食物都試下，但真係好飽，己經食唔落l

有心人請食飯，揀選左去尖沙咀既漁屋食團購放題。一向對團購印象麻麻地，怕夾日子、時間上既麻煩，又怕食店會將貨就價，更何況又唔算平好多呢！今次唔使錢食喎，話食3粒鐘甘多 ，就不妨一試喇！漁屋位於尖沙咀寶勒巷，我地book左食8:30-11:30時段，去到萬事昌廣場地下，要先登記 (原來都几多人黎呢度食)，再排隊等候安排入座。餐廳既格局佈置同一般既放題食店差不多，我地6人行，坐一張有梳化既長枱剛剛好，唔算擠迫。我地不停甘click野食，d野食上得算几快，唔止無漏單，大部份都好好食，抵讚 ！刺身 : 件件鮮甜味美計有三文魚,、吞拿魚厚切。北寄貝、鮑魚片爽口。帶子就細細粒左d。花螺仔細細隻。7吋長蝦、玻璃蝦夠彈身。松葉蟹棒、墨魚、希靈魚都唔錯等。加68蚊就有一隻松葉蟹食, 雖然隻蟹細細隻, 但d蟹肉新鮮好味。卷物、手卷 : 花之戀人、芝士三文魚卷、加洲卷反卷等, 口感豐冨。 海膽手卷無腥味。水蜜桃什果沙律 : 鮮甜好味。炸物、燒物 : 大蝦天婦羅, 熱辣辣又脆又彈身。 茄子天婦羅, 軟熟熱辣辣。 炸餃子, 唔錯。 吉列炸生蠔、带子, 香脆味美。 芝士年糕, 入面係芋茸, 唔太甜唔膩口

自己本身就好鍾意食放題，貪放題可以慢慢食，長時間又可以不斷點想食既野食。今晚同屋介人黎到尖沙咀的漁屋，單睇食物紙，就睇到食物品種都唔少嫁，有成十種以上可以食均日本有的食物，多到呢數都數唔哂。特別想講下日式燒餅，遠遠就聞到燒餅味，賣相普通，但食上口就有豐富的蛋香味，好足的配料，好有驚喜。而且最想俾like會在刺身方面，一來所有的刺身會有冰坐著，每件都外型較大件又厚肉同相當平均，同埋真係好新鮮，又夠鮮甜，已經都食左四五轉，絕對睇得出件件都係有心機放在碟上，無求其可言。最令我印象深刻仲有天婦羅，有六款，包括大海蝦、日本番薯、松葉蟹棒、茄子、日本南瓜同青椒，每款都有食均，炸出來又好味，夠鬆脆可口之餘，吃得出即叫即炸，但有dd油膩喎。飲品都有汽水同啤酒供選擇。食完啦，仲有雪糕食，佢地用左雀巢的細杯裝，不過就唔係好夠喉，要食多兩杯先夠！當然呢餐就未完全食過啦，所以決定下次再黎食過！

Stella又發揮慳錢本色購買飲食團購，4小時午市任飲任食日式放題，$129一人放題加$45服務費，合共計$174。但細心一算，胃納小反而慳得唔多！好喇！好喇！埋位喇！魚翅（假）沙律、芝麻八爪魚、沒有杰撻撻的醬汁，會更爽口！~~剌身~~中間黃色是希靈魚，咬落卜卜聲有腥味；幾特別，有咀嚼口感。其餘有鮑魚片、玻璃蝦、大甜蝦、北寄貝、三文魚、吞拿魚、油甘魚、墨魚片。~~爐端燒~~ 蒜香一口牛，味美、肉質畧為粗「鞋」。好吃紫心蕃薯仔超甜，天然的糖分感覺很可口！~~壽司~~八爪魚、墨魚、玉子焦糖燒，八爪魚、墨魚爽脆！~~火熖壽司~~澳洲和牛黑椒燒、火熖大蝦芝士燒、墨魚燒 三款都好味可口！。~~一口手卷~~這是海膽手卷、也試過肉鬆手卷，沒有難吃的感覺，也不感美味，但可飽肚！~~天婦羅~~海蝦、南瓜、蕃薯、茄子都吃.....牛舌好味要番單添.....~~串燒~~ 雞中翼、多春魚、鹽燒海蝦燒得香口之餘，沒有燒焦。~~鐵板燒~~ 蒜香牛油帶子惹味又油膩啵！網燒羊架不過不失.....金菇牛肉卷油膩膩喔！~~和食~~糖心温泉蛋很軟滑、清酒煮蜆吃到有沙煞風景！  ~~炸物~~左邊：日式炸餃子、帶子、生蠔、唐揚

之前正價食過幾次，都ok 架。所以，今次係見到有團購，即買。（以為好平，再睇清條款，仲要比2個服務費$45+$35)，總數比原價只係慳到每位$36）。睇過其他食評，以為團購，服務會差左，做晒心理準備，但又唔係喎，訂枱及當天入座也相當順利。估唔到食物同服務有進步到。無黎一排，又真係進步左好多及改善，要"讚" 。賣相很好，以前無冰、干冰及擺設架，只是隨意用碟上(碟仲有水)咋 。三文魚- 新鮮 ，肉厚肥美，應該係用那威三魚(見枱面紙有宣傳)，没有以往濕立立感覺 - 必食甜蝦 - 好鮮味- 必食玻璃蝦 - 味道很淡 - 一試無妨北寄貝  -  新鮮

與朋友往尖沙咀漁屋食放題慶祝小弟牛一，d食物賣相精緻，味道不錯，我們order了:翅身(有三文魚，三文魚腩、帶子、玻璃蝦和鮑片) ，材料新鮮好鮮甜味美。玉子糖心壽司(微焦的玉子加上玉子面上的糖，熱辣辣好香甜!)火炙壽司(有左口魚，三文魚和玻璃蝦) ，壽司夠熱，入口即熔，正!雞軟骨串和雞全翼串，前者味道香口，後者很似「大家樂」feel的雞全翼，好香脆一口餃子(細細粒，咬落去不「油」，不怕膩)牛肉鍋(好大鍋，好足料，牛肉好大塊，如細塊d會容易入口)炒菜(好香，好乾身，食落爽口) 日鰻魚飯(好大碟，炒飯炒得好乾身，略嫌鰻魚太少)芝士反卷(芝士味好濃，三文魚粒口感一流，食落不膩)手卷系列(有肉鬆和鰻魚) ，賣相有點似迷你甜筒，熱辣辣脆卜卜，細細件，易入口蝦天婦羅和蟹棒天婦羅(好乾身而不油，食多多都不覺膩)牛油粟米(好香牛油味)牛油焗帶子(帶子好香好好食)最後有甜品豆腐花、朱古力雪糕和可樂，而且餐廳有意大利芝士蛋糕送給壽星，壽星有得切餅，嘻，渡過開心的生日。

 見團購有, 仲賣左咁多張, 所以一試我食既一段時間係由1700-2000, 食3小時.我6點先到, 坐低就起勢咁點了.刺身 -- 好好食, 好新鮮, 厚切我最喜歡芝士炸蝦反卷 -- 雖然食"飯"係放題大忌, 但里面舊蝦又幾大舊, 成舊野個配搭比例好好, 一D都唔覺得有飯多餡少既感覺, 好味炸蝦天婦羅 -- 我ENCORE左好多次, 大大話話我一個人食左12隻以上. 粉漿薄薄的, 又唔油膩, 食得多都唔覺滯炸蕃薯天婦羅 -- 我都食左3, 4片, 厚薄適中細細件, 好味鐵板一口牛 -- 食第一碟有6粒, 第二次ENCORE黎左十幾粒, 第一碟好食過第二碟. 有少少生, 但口感OK. 第二碟又熟又韌, 估唔到成兜最好食係墊底洋葱, 甜甜的玉子壽司 -- 件玉子完全唔好食, 太過甜, 冚哂蛋味, 似食一磚糖水多過似玉子雪花肥牛鍋 -- 中規中矩, 好食火炙和牛壽司 -- 塊牛半生熟, 食落去又幾好食, 仲有燒過既香氣溏心蛋 -- 全晚唯一最唔掂既一道菜, 個流心蛋味道好怪, 又甜, 又有酒味, 總之好難入口金菇牛肉卷 -- 牛肉同金菇比例1:1, 一啖都食唔哂, 好大件, 啱哂食肉獸既我總

本來想去試對面個間. 不過比個價嚇親所以來漁屋試下...我地7點左右到, 可以食2個鐘.服務 :個侍應一直講緊電話, 我地係門口等左一陣先帶去。同我地講8:00前埋單$188/位 8:00後就$208/位.食物 :先來例牌壽司刺身先...小食 : 芝麻八爪魚/ 中華沙律 / 蟹籽沙律 ~~冇特別, 一般日式餐廳都係依D.壽司 : 辣味三文魚軍艦 ~ 只係加辣汁. 唔係"撈"左先 ,一般芥辣八爪魚軍艦~ 都OK! 但芥辣唔夠勁漁屋軍艦~ 即雜錦, OK啦越式虎蝦壽司~ 算新鮮, 唔加辣汁可能仲好! 立魚壽司~ 一般唔太腥可接受卷物 :加洲反卷/ 芝士炸蝦卷/ 天婦羅蝦反卷 /繽紛金蠔卷~唔算差, 一般日式餐廳水準, 但天婦羅蝦反卷比較特別, 蝦好大隻.刺身 : 立魚 / 三文魚 / 吞拿魚 / 帶子 / 大甜蝦 / 玻璃蝦 / 希靈魚 / 花螺 ~~整體幾新鮮唔腥 , 特別係大甜蝦唔錯幾鮮甜.食廿隻都冇難度, 帶子都唔差!串燒 : 鹽燒海蝦 / 雞中翼 / 雞軟骨 / 多春魚 / 神戶牛舌 / 日本紫心蕃薯仔/ 河豚魚干海蝦麻麻, 雞軟骨太硬, 神戶牛舌唔錯. 淋身但感覺油, 日本紫心蕃

荃灣果兩間漁屋就試過，今次第一次黎到尖沙咀呢間。隔局同荃灣果間有D唔同，相比其餘二間的食物、飲品同甜品的款式都差無幾，都有炸物、和食、鐵板燒、串燒、天婦羅、卷物、一口手卷、火焰壽司、壽司/軍艦、剌身、沙律/前菜、鹽燒 (限量供應)、拉麵/手打烏冬……只係當中既款式裡面多左D新品種咁，例如唐揚三文魚龍骨、日式燒餅、繽紛金蠔卷、黑龍卷、蒲燒火焰墨魚、凍食花螺，印象之中荃灣都暫未有新口味D食物，既然係呢間分店先有，當然唔會錯過囉特別印象最深刻有繽紛金蠔卷、黑龍卷，做法好新穎：黑龍卷是將三文魚同青瓜、玉子配合，別有一番風味，食落去有種魚既油花味加上清甜既青瓜，非常配搭。而繽紛金蠔卷，當然主角是大大件既蠔，炸得鬆脆之餘而不覺油膩，蠔味重所以無被其他配上既食材搶風頭，吃多幾件都仲得。其他款式都食均，整體都唔錯。之前荃灣兩間漁屋D甜品只有雪糕，但尖沙咀呢間就多左豆腐花，提子同青檸啫喱，實在太好，如果大家想試多幾樣唔同既食物，值得去試一試！

坦白講香港大部份日式放題都係ma ma地, 通常得個平字, 但求食飽你就算。所以我都比較少去放題, 但有唔少朋友都話試過依間幾好, 咁又約埋女朋友放工去試下。BOOK 好枱好快就有得入去唔洗點等。 O拿O拿淋叫野食先!一般放題有既野都食到同齊全，賣相幾吸引，而且份量都唔細。上枱既野食都會食到係新鮮做出黎，值得試一試燒物，燒物我地特別encore五次嚕，因為每次做得熱烘烘，醃料同醬汁好入味，加上食到又唔會乾'真真'。可算是咁多種類黎講最好食。非常細心的還有刺身會有冰坐底，d魚生仲要件件都咁肥美。差唔多每款食物我地都已經食勻哂，最推介日式燒餅，我第一次在放題食到依種食物。值得一讚既係，當日場內已坐滿，但無論我地點了多少食物的數量，佢地都會送齊D數量，一件也不能少，最怕其他好多一滿場，就間中會失單，但依度無咁既事情發生。飲品種類都有好多款，汽水同啤酒等。當然就係唔少得飯後甜品啦!試過這間漁屋之後，好想立刻介紹俾好多朋友，價錢中上，但可以食到高上的食物。好有種值得再來的衝動，還會一想起就要來那種感覺。這種價錢，好難食到有質素的日式放題。

從未寫過食評,為左呢單野,我專登開個户口嚟寫食評,希望大家唔好又中伏！之前幫襯過二三次...發覺食物水準"愈來愈差",職員態度亦"愈來愈差"依家可以話未食過一間咁難食既放題,完全無一樣野食想再嗌多次但先唔講野食住...講職員態度先預左等位...冇問題但依2日又濕又熱,企係冇冷氣地方等位,因為我地有個3歲小朋友,所以咪問職員要等幾耐,想帶小朋友落樓下M記等,佢態度係 “都要清完上場既枱先有得入” 我當堂儍左, 喂! 用團購冇比錢呀! 咩態度?我對食物已經冇咩要求,只要唔好太難食就ok,等成個鐘,第一輪叫既野食仲未到齊食物質素差到不能接受，三文魚刺身好腥，平時最少食十幾件，今次食完一件已經唔想食, 仲有其他刺身希靈魚、八爪魚、帶子等…但次次都嚟唔齊火焰壽司,味道算不錯三文魚好腥,其他刺身好細舊清酒蜆冇味又腥,又冇肉又細粒,沒有酒味羊架唔熟好酥大部份食物都有漏單情呪,全部食物都係嚟唔齊,地方超擠迫,團購賣$129, 但加埋所有附加費都要成$220幾一個人,同walk in有咩大分別,但咁樣用團購手法揾客，唔會有下次!唔通我團購比平左, 態度就可以差... 食物就可以差….蝕哂

團購午市放題與家人第一次光顧什麼食物也沒到肚之前,,要點熱食點了雞翼,,牛舌,,鐵板一口牛等等一口牛較牛舌好吃~~然後就開始追擊刺身了除了希靈魚是一向不吃的啊,,其他都有吃都很新鮮,,沒什麼雪味三文魚及玻璃蝦好鮮味如果帶子可以大粒些就好了！！壽司幾乎沒點..就點了蟹棒..味道一般然後又吃回熱食天婦羅的粉漿不會太厚南瓜及蕃薯天婦羅比蝦的好吃!!南瓜及蕃薯都甜甜的燒菠蘿又甜又多汁!!正!!牛油粟米很多粟米及很大pat牛油還有一個香芋丸之類的,,煙煙韌韌,,芋頭味香！好吃！！整體來說是不錯吃的~~~就只是座位之間比較狹迫喇~~