漁吉海鮮丼專門店 (已結業)

早幾日 OT 完有 d 攰，諗住買外賣返屋企食休息下，於是 search 下附近有無正野，跟住比我搵到呢間魚生丼專門店 😍 見佢咁吸引當然 gogogo 買返去食啦～ 辛苦左成日一定要慰勞自己嘛 😆漁吉特選丼正所謂小朋友先做選擇，當然係揀個樣樣都有嘅特選丼啦 😍 三文魚、油甘魚、吞拿魚、海膽、赤蝦、左口魚邊、帆立貝、櫻花魷魚、三文魚籽、鰻魚 🤤 豪華到一個點！件件新鮮厚切，鮮甜、無根，口感一流 🤩 啖啖魚生超幸福 😋北海帆立海老丼因為我地勁鍾意食蝦，所以特登加埋呢個 😍 帆立貝、牡丹蝦、赤蝦同埋甜蝦 🤤 好鮮甜好正！蝦頭 d 膏邪惡但美味 😋 辛苦 OT 後食呢個真係覺得好開心啊 😆佢地外賣好貼心，會釘好個袋等 d 魚生丼唔會因為郁黎郁去而走曬位，仲會跟埋一包冰！咁就拎到返屋企都一樣新鮮靚仔啦 😌

係附近交收完，去左呢個工業大廈下面夾公仔，夠鐘肚餓就係OpenRice 睇下附近有無日本野。之後見到呢間啦日本丼飯的相幾吸引，就啱哂想食日本野既我地去食啦。呢到都好容搵到。去到之後同朋友叫左兩個海鮮丼，北海帆立海老丼同埋海膽三文魚丼，係門口已經見到他們會用日本米做飯底，應該有質素嘅保證。嚟到之後D 刺身好新鮮，帆立貝有鮮甜，唔會說到好硬未解凍就拎出嚟，蝦大隻新鮮唔會好霉，日本珍珠米好好食夠軟熟同埋酸度啱啱好。海膽夠新鮮，唔會苦，三文魚夠肥美，百零蚊價錢份量都好大下 一個人都食唔曬一個丼飯，仲食到好飽。下次再黎觀塘可以再試下他個lunch , 性價比十分高，又坐得舒服。

之前喺九龍城已經食過一次，已經覺得依間舖頭幾好食， 依家搬咗去觀塘過嚟試吓先漁吉特選丼材料豐富， 仲好多當中有三文魚、油甘魚、鰻魚、海膽、三文魚子、櫻花魷魚、赤蝦、左口魚邊、帆立貝， 刺身質素都唔錯， 赤蝦鮮甜有蝦膏， 帶子大大粒而且仲有海膽咁，多款刺身啱晒有選擇困難症嘅你呀～ 一個刺身丼就滿足晒你咁多個願望 比目帆立丼就有左口魚、帆立貝、三文魚子， 刺身鋪滿咗喺成個飯上面啊， 左口魚燒一燒油脂出晒嚟味道更加香濃❤️

放工見完客，客人介紹呢度有間日本嘢幾好食，於是同同事一齊去試吓。舖頭裝修簡潔，但係食物上枱就發現好有心機，質素唔錯，性價比幾高 我哋叫咗呢個比目帆立丼，比目魚非常鮮嫩，而且經過火炙，魚油出晒嚟，帆立貝份量都大，大大粒，識落好滑，加上丼飯有新鮮嘅飛魚子同埋三文魚子，撈落日本米飯味道豐富，雖然看似簡單，但加咗少少青檸汁調味， 層次感出晒嚟另外呢個豪快海鮮丼都係非常新鮮，除咗又新鮮又大隻嘅大蝦之外，仲有非常之香口嘅油甘魚，吞拿魚係新鮮而多魚油，肉質一層層，入口就溶 玉子都加上餐廳名，好有心思

是日要加班，但又好肚餓，就跟左同事到附近搵食，醫左肚先再回公司併過😆。同事中午都常黎食嘢，晚飯是第一次喎。餐廳環境都乾淨，買飯後等食，茶☕️自助形式自己斟，都方便企理。我點左北海帆立海老丼，材料有火🔥燒過的帆立貝，厚身又有口感，大隻爽彈的牡丹蝦，鮮甜可口的赤蝦同甜蝦, 最後食啜埋多膏的蝦頭，巧滋味啊。同事叫左北海帆立丼，佢個碗同樣有火🔥燒過帆立貝, 海膽份量都多，我都撩咗少少黎食，都幾鮮甜啊，三文魚子巧肥嘟嘟，同事話好好食😋。但因個飯都相當多，佢都係食淨左d飯。食飽飯又乖乖的上回公司做嘢囉😌。

我個人好少會去食丼，但呢間餐廳係朋友推薦，話以前係九龍城時幫襯過，話好好食。而且又近公司附近，所以就揾左日約埋朋友去食。餐廳係毅力工業中心，觀塘都好多餐廳係工業中心內，而呢個工業中心，我一向只行地下既零食舖，真係好少上去。可能夜晚，上到八樓，一般工廠區格局，由於時間尚早，餐廳客人唔多，坐位可以坐得比較鬆動，而茶水係自助，我個人是喜歡的。坐下來，職員便送上餐牌，每張圖都好吸精，我呢個選擇困難症患者揀左好一陣先揀到，因為樣樣都想試最後我揀了漁吉特選丼，而朋友揀了比目帆立丼。終於上菜，真係好吸引，望落去已十分新鮮。急不及待食，我有十樣海鮮，由於無飽魚，所以改成鰻魚，更加好每樣刺身都好新鮮，魚，蝦，貝類都贊👍個左口魚裙邊，好好食，食落去一啖魚油，好濃既味道，飯都食多啖朋友那個比較專，主要係帆立貝和左口魚裙邊，見他唔出聲一直食就知有幾好食，他話個wasabi 係甜甜的，好特別另外仲叫左軟殼蟹手卷，送上來，軟殼蟹暖暖的，再配上凍凍的壽司飯，真係好好食。食完真係超滿足下次可以再介紹人來。

上Open Rice 揾下附近有乜好野食, 俾我見到這間漁吉, 天氣熱就最啱食刺生丼定價多少還是次要, 最緊要係俾到好質素。先點個小食, 炸三文魚鰭$38, 有4件, 天婿羅薄薄的, 好香脆,又估唔到三文魚鰭會係咁肥美, 油脂極豐, 正!😋漁吉特選丼$228無論三文魚、油甘魚同吞拿魚都係厚切, 這才像樣，肥美可口, 由於冇海膽, 要換鰻魚, 都係我至愛, 冇所謂啦~赤蝦同帆立貝係可以食到鮮甜味, 櫻花魷魚同左口魚邊好滑溜呀😍北海帆立海老丼$188最鍾意食刺生蝦, 這丼有齊甜蝦、赤蝦、牡丹蝦, 各種除咗好新鮮之外 , 嗰種鮮甜味, 真係要試過才可領略。加埋輕輕火炙嘅帆立貝, 軟、滑、鮮!份量都唔少架。😉嘩，仲要講明用日本米喎👍🏻

今日要在觀塘交收，一直都知道觀塘好多好野食… 今次去工廈搵吓野先！地點在地鐵站行8分鐘左右就到，方便快捷👍🏻👍🏻呢期興食日式爆丼飯🤗🤗環境清幽，有一幅特色牆，座位寛敝👍🏻👍🏻⭐️北海道帆立海老丼⭐️$188（帆立貝，牡丹蝦，赤蝦，甜蝦）海老超大隻，同我隻手一樣大，新鮮爽甜，蝦頭超多膏😍😍帆立貝輕輕燒一燒，爽口👍🏻👍🏻⭐️豪快海鮮丼⭐️$158（三文魚，油甘魚，牡丹蝦）每一塊既魚生都好大塊，又有厚身，咬落去好有口感👍🏻👍🏻）價錢抵食，食材新鮮👍🏻👍🏻

朋友介紹的觀塘日式小店🐟🍤🎏小店位於工廈內因此晚上7時多去到的時候餐廳內只剩一位員工而且原來他們是關8點的🥶所以最後就買了外賣🥡/❶寶石魚生丼 $98三文魚、油甘魚同產地直送既鮮魚，所以就仲有吞拿魚同魷魚🦑份量比我想像中多，食到最後唔會剩係要食白飯😂 ❷北海帆立海老丼 $188帆立貝有燒過，另外仲有牡丹蝦、赤蝦同甜蝦🦐以工廈黎講，呢兩個丼飯價錢唔算親民，不過食得出係材料新鮮既！同埋因為係外賣，感覺堂食會更好味，同埋下次會想試壽司個啲🍣🍱📍漁吉海鮮丼專門店觀塘觀塘道396號毅力工業中心8樓E室

今日又經過觀塘☺️去得觀塘一定要探索下工廈既小店🇯🇵見到有間日本店係openrice有好多個笑笑就一於試下佢啦！！都有好多款丼飯同壽司可以選擇，同朋友就一人簡左一款丼飯外賣返屋企食😛比目帆立貝丼左口魚邊、帆立貝、三文魚籽左口魚邊是成條魚最肥美既部分🤤咬落好彈牙又甜，入口就有香口既甘甜魚油味道，層次豐富帆立貝好甘甜，咀嚼口感好彈口，比刺身魚片厚身 感覺好滿足三文魚籽之前喺其他店舖食過嘅魚籽腥味好重，漁吉嘅三文魚子除咗粒粒都好飽滿之外，仲冇腥味架🫶🏻三文魚親子丼三文魚、三文魚籽三文魚子頭先就讚咗啦，三文魚刺身好鮮味、好厚肉，份量仲要唔少，絕對對得住個價錢

放工去附近食個靚飯，空間都幾寬敞幾舒服，Menu 就有刺身飯同可單點嘅壽司類揀，但我見好似個個都丼飯🤣比目帆立丼有4大嚿帆立貝同啲左口魚裙邊～兩樣火灸燒過之後都勁香！燒完嘅帆立貝依舊鮮甜，而左口魚魚油勁豐富，有少少入口即溶feel～超正超滿足三文魚親子丼面頭有超多三文魚子同8塊都幾厚切嘅三文魚喺面，三文魚都幾肥美，三文魚籽就唔腥，撈飯很好吃！丼飯刺身都幾新鮮下～不過丼飯唔包餐湯嗰啲感覺性價比就有啲低🙈

今日放工同閨蜜去咗觀塘工廠區度搵食！閨蜜話想食日本嘢，見到呢間漁吉好似幾正咁，就決定想去試吓，間舖頭八點前就關門，好在我哋6:30已經去到。呢度平時有得做外賣生意，去到坐低睇完餐牌就自己行去收銀度下單，另外有得自助斟麥茶飲！🔥北海帆立丼呢個丼有北海道帆立貝、三文魚子同埋海膽！份量都唔少，三文魚子好多用嚟撈飯一流，帆立貝鮮甜口，厚肉， 一口一啖正！海膽夠新鮮，勁甜！🔥漁吉特選丼呢個特選丼好豐富，有三文魚、油甘魚、赤身、鰻魚、帆立貝、左口魚邊同埋櫻花魷魚！呢個雜錦丼啱晒我呢啲咩都想試嘅人食，刺身好新鮮，份量又多！

平日中午時間呢間工廈樓下都有好多人，平時嘅話都係食下雙餸飯同海南雞飯都好似幾吸引，但今日食好啲，上樓上食刺身丼🤣🤣🤣豪快海鮮丼 $128相中可見真係樣樣刺身都有油脂光澤，件件都切得唔薄，食落好實在，刺身飯酸度適中，配上青檸好特別，但就有更fresh嘅味道，甚至太大份食唔哂飯。玉子燒好香甜🥚比目帆立丼 $158一見到啲炙燒過嘅左口魚同帶子真的想用肥美來形容！平時啲左口魚真係細條好多，呢度有4大塊同4大件帶子，再配埋鹹鮮嘅三文魚籽，好滿足呢💕

漁吉❣️丼飯 未打針叫外賣啦✅未打針❓除咗自己煮仲有咩選擇，梗係嗌外賣啦✅大大碗刺身丼，一人一碗就非常好，返到屋企再沖杯蕎麥茶，非常有日本風情。刺身夠新鮮，已經贏在起跑線。粒粒魚子蝦子卜卜脆，拌飯一流。刺身夠新鮮😋，自然就唔會有腥味同雪味，而且帶子夠厚身。最緊要佢嘅飯，壽司醋平衡剛剛好，唔會太酸亦唔會太淡。而且重要嘅嘢要講多次，佢真係好大碗，好飽肚。😆重俾我見到好耐冇見既樽仔豉油。😆不過就唔係魚仔樣😅推薦度（10👍🏻滿）：7.5👍🏻滴汗度（10😅滿）：不適用衞生（10⭐️滿）：8⭐️環境（10⭐️滿）：7.5⭐️賣相（10⭐️滿）：8⭐️味道（10⭐️滿）：8⭐️價錢（10⭐️滿）：7.5⭐️服務（10⭐️滿）：7.5⭐️地點（10⭐️滿）：7⭐️［漁吉海鮮丼專門店 (觀塘)］📍觀塘觀塘道396號毅力工業中心8樓E室#食飯 #推介 #美食 #美食推薦 #美食日記 #外賣 #外賣自取 #takeaway #hkfoodpic #delicious #foodpics #foodies #topcitybiteshk #foodblog #hkblogger #foodhk #hkfoodshare #discover

💛漁吉漁吉特選丼 $188有多款刺身, 包括三文魚、油甘魚、海膽、赤蝦、左口魚邊, 原先有磯燒鮑魚不過當天缺貨轉左蒲燒鰻魚. 櫻花魷魚比較特別, 幾有口感. 海膽同赤蝦普通. 有款紅色, 唔知係吞拿魚口感都有點過腍. 左口魚邊唔錯鰻魚都幾大塊, 幾軟腍仲有甜甜哋嘅蛋豪快海鮮丼 $128朋友選嘅, 包括三文魚、油甘魚、帆立貝同甜蝦. 朋友話都唔錯, 特別係帆立貝同甜蝦都幾鮮甜位於觀塘牛頭角之間. 簡潔裝潢, 牆上畫上藍色嘅繪圖