漁吉海鮮丼專門店 (已結業)

今日放工同閨蜜去咗觀塘工廠區度搵食！閨蜜話想食日本嘢，見到呢間漁吉好似幾正咁，就決定想去試吓，間舖頭八點前就關門，好在我哋6:30已經去到。呢度平時有得做外賣生意，去到坐低睇完餐牌就自己行去收銀度下單，另外有得自助斟麥茶飲！🔥北海帆立丼呢個丼有北海道帆立貝、三文魚子同埋海膽！份量都唔少，三文魚子好多用嚟撈飯一流，帆立貝鮮甜口，厚肉， 一口一啖正！海膽夠新鮮，勁甜！🔥漁吉特選丼呢個特選丼好豐富，有三文魚、油甘魚、赤身、鰻魚、帆立貝、左口魚邊同埋櫻花魷魚！呢個雜錦丼啱晒我呢啲咩都想試嘅人食，刺身好新鮮，份量又多！