滿記甜品 (朗豪坊)

营业中

休息中

難得唔鐘意食甜品的男朋友話同我去食甜品好開心咁去了滿記我第一次去食榴槤pancake果然好正喎皮滑cream香當然有一大舊榴槤啦~~椰汁西米露涼粉都好香椰汁味但唔夠凍~~~

o係Pokka食得唔滿足，又同朋友o黎滿記再食過~一人一碗糖水，額外加香蕉班戟一齊分享。感覺幾好：　　蕃薯糖水加湯丸-一向只愛芝麻湯丸，但估唔到依度o既花生湯丸都唔錯!一啖蕃薯一啖湯丸，感覺甜蜜幸福!香蕉班戟-班戟皮仍然薄滑好味，內含巨型香蕉，味道都唔錯~ 當然唔夠榴槤班戟令人印象深刻(絕對想叫榴槤班戟多d，不過朋友好討厭，算啦~)香芒豆腐花-朋友食o既，聽講太甜~　提一提：今次幫襯11/F舖，環境唔錯喎!比樓下靜，o岩傾偈~　

自從畢業之後好耐都冇去過滿記，有掛住佢既班戟就黎食啦～我地幫襯樓上個間，大約九點幾十點去到，都幾多人，等左一陣先有位。我地叫左個椰汁西米露涼粉，當然重有芒果斑戟啦～涼粉既材料充足，食到啖啖都係西米露，味道略嫌不夠甜，椰汁亦不夠香，沒啥特別的一個甜品。芒果班戟則保持水準，班戟皮薄薄的一吃便能撕開，入面既芒果都新鮮好食。不過我最鍾意都係０的忌廉，滑滑的分量不多不少，唔會食到一口都係。滿記既出品始終最好食既都係芒果斑戟，其他既同普通糖水鋪都冇咩分別。能夠做到今日成行成市，都多得科大友唔少。

聖誕節下午茶--05年12月25日聖誕節當日…當然係無想過出旺角行街…但無奈手提電話壞左…要攞去旺角整！咁咪順便朗豪坊睇下d聖誕裝飾啦！行到好攰….咪又係去左滿記食下野..因為上次去apm滿記d野太難食….要補番我上次食得唔開心..所以…今次叫左一個榴槤pancake、而我朋友叫左一個紅豆沙加芝麻糊！先講下我個榴槤pancake..真係好好味！而且….食完仲會有d榴槤味仲係口度散發….真係令人回味呀…haha至於個個紅豆沙加芝麻糊..d芝麻糊好香芝麻…好正~至於紅豆沙都ok…幾好味！如果有多少少紅豆…我想一定會更好！但有一個好古怪的問題…我見menu無綠豆沙糖水我至愛…..我想知道佢地係唔係唔出綠豆沙嫁?????

跟拖友去睇戲,, 未睇戲之前去食下 個甜品拉,, 比拖友介紹尼間,, 選左士多啤梨同木瓜西米食,, ２樣既水果好大同好甜牙,, 士多啤梨１d 都吾酸,, 木瓜都吾錯 錯,, 完全係正貨,, 但係個西半露 就甜得濟,, 而且吾係好凍,, 整體１般,, 水果goo d ,,

原來朗豪坊都有兩間滿記,一間響十樓,我就係響十樓果間食今次叫左榴槤Pancake同埋白雪黑糯米,兩樣都好好味,白雪黑糯米即係雲厘拿汁溝黑糯米,溝埋味道唔錯,黑糯米又夠煙un

竹廬山房冇乜甜品好食，於是食完立即過檔滿記再開餐~ 勁鍾意榴槤o既BF高度推介榴槤班戟，雖然我好唔鍾意食榴槤，都俾佢說服試一次~　榴槤班戟上到，BF將其中一舊一分為四...我抱住"死就死啦"o既心態，毅然放入口...咦，又真係幾好食~ ^^"　　其實佢o既好食係班戟皮好幼滑，忌廉o既香甜味又中和左榴槤o既臭味(我唔鍾意食榴槤，當然覺得佢臭...)；而榴槤依種生果，同忌廉班戟又真係幾match~ 唔鍾意食榴槤o既朋友，應該都可以按受到!!(當然，如果榴槤再少d仲好~)

6月9日吃畢自助餐,因為甜品方面並不能滿足我倆,因此決定再去找甜的吃,我倆也是超愛吃榴槤的,相請不如偶遇,何妨今夜去吃榴槤為主的甜品吃,於是選了這裡惠顧,到達時也要稍等片刻,被安排在店的的一角,坐位甚迫,不過沒關係,反正也坐不耐.要了榴槤布甸和榴槤忘返,前者在尖沙咀的分店,已吃過幾次了,不用多說,好吃才再吃啦!布甸本身算滑溜,底部的榴槤肉算多,很香亦很甜,叫得一個兩人份,真的想再叫多一客呢.榴槤忘返:說到底,其實是椰汁黑糯米加一球榴槤肉而已,不過已是畫龍點睛之作,榴槤肉好像加了冰去打的,凍得很,與椰汁黑糯米很是配合,假若椰汁黑糯米再冰凍一些,就真係完美喇!之前一餐得不到的滿足感,這兩客糖水足以彌補,所以說甜品是為該餐劃上一個完美的句號,在這天來說,一點都不假啊!

之前食滿記專食榴槤班戟, 不過唔係咁鍾意食佢\入面d cream.琴日同屋企人去, 下午6點度, 唔駛等位.點o左榴槤忘返($35) 同杏仁茶+湯丸($21).榴槤忘返幾好食, 個底係椰汁+碎冰(我估),上面有舊榴槤肉(整到成個波咁), 仲有舊黑燸米.攪埋晒一齊幾好食.但如果個舊黑糯米變o埋榴槤肉, 仲正.杏仁茶好滑, 好香, 又唔太甜, very good.(不過鍾意食甜o野o既朋友可能覺得太淡)湯丸係白芝麻加花生, 應該係炒香o左, 落少少salt先包.真係勁香勁好食!個皮都做得好, 因為唔厚, 又滑.我覺得呢個真係好正.

　　味道一般，又不難食又不算很好吃。　　價錢方面，都不算貴。　　沒什麼特別，都不會去吃，我還是會選許留山。　　雖然要等位，但係幾快，不過ｄ坐位真係唔好坐。

去朗豪坊間味千食完，去食呢度嘅甜品…朋友極力推介榴槤班戟。兩個人叫咗一客榴槤班戟同一碗黑糯米芝麻糊。黑糯米芝麻糊係凍嘅，唔會太甜，但d芝麻糊可能係凍嘅關係，就唔夠香喇！榴槤班戟就真係好正- 個皮薄又軟，D餡有一半忌廉一半榴槤，似乎係金枕頭，好香好creamy ，一齊食，凍凍地，鍾意食榴槤嘅人一定要試！

集團變大,分店越來越多,出品越來越失望.楊枝金露豆腐花,唔錯,堂食俾膠兜,大集團作風.芝麻糊加湯丸,稀,厚韌,大量生產之果.五六年之間,滿記由美味的甜品變成一個耀目的招牌.

吃了:鮮雜果涼粉-生果新鮮,不太甜楊枝金露豆腐花-豆腐好滑,香豆味,金露就一般杏仁茶黑燸米-和杏仁味,燸米不夠煙un~service ok,但環境好嘈,要等一會先有位

好好食呀, 入面有西米露同好多生果呀!!

食過好多地方既''楊枝金露''始終都係滿記最香濃,最正