滿記甜品 (朗豪坊)

营业中

休息中

試過呢間o既涼粉之類普通甜品，冇特別又唔係平。不過pancake就幾好，特別係榴槤味!一次過買香蕉、芒果同榴槤pancake 三款外賣。香蕉肉好在生生地，咬落實d 同埋幾香味。芒果肉好酸，酸到cream 甜味都遮唔到(芒果唔合時)榴槤肉好多、好甜同好香~一打開個包裝袋已經飄出陣陣榴槤味~~~不過街食就會幾尬尷，一來未必人人鍾意聞到榴槤味，而且食完隔好耐，間唔中打(C 益)仲有榴槤味呢v_v

一向都覺佢地D dessert ok, 而自己就特別鍾意食糖水加豆腐花, 但佢地d豆腐花真係唔係好得, 個質感好假, 又冇豆味, 我諗佢地如果用百幅豆腐花撈落去都好過佢地個d豆腐花, 希望佢好可以改善一下.

叫左芒果西米露- 西米唔會淋到爛, 有口感, 但味道很單調, 好像缺少了什麼似的.

平安夜，睇阿發哥之前行過foodcourt，女友忽然想食甜品(少有! )，啱啱企响呢度門口，相請不如偶遇la..平時若果有得揀我都唔會入嚟，因總覺呢度名大於實。但嗰晚食嘅榴槤pancake確實不俗--- 又香又甜，cream相當之滑，食到唔停得口；焗西米芋茸布甸係袖珍版，呢個就爭D --- 芋茸量不夠，焗得亦不夠香，都係鳳城嘅西米蓮蓉布甸勝幾籌...講起都流口水..

自己對甜品一向不太熱衷, 但女朋友愛吃, 因此吃飯後若沒吃甜品, 總要甜一甜吧!每次去都是吃榴槤PANCAKE + 海底椰豆腐花, 真的很好吃嗎? 可能貪其夠就就腳吧!其實對它的其他甜品感覺一般, 覺得榴槤PANCAKE都OK, 幾香榴槤味, 而且女朋友亦愛吃, 本人亦愛吃豆腐花, 配上海底椰, 配搭OK, 唯豆腐花的水準相當普通, 相對來說較為「實」!吃甜品的地方多的是,「就腳」是其最大的優點吧!

昨晚响旺角食完晚飯，突然好想食甜品，朋友便提議到滿記，好彩不用排隊等位。朋友order咗 楊枝甘露，而我就要白雪黑珍珠。朋友個楊枝甘露ok，但冇驚喜。可能因個人喜好，我覺得個白雪黑珍珠唔好食。我食到好重雲尼拿雪糕味，有d 芒果肉、香蕉肉、龍眼肉和黑珍珠，幾樣嘢撈埋一齊好似唔多夾。而且地方太窄，坐得唔舒服，一食完就埋單走。下次都係食番石磨坊算吧。

一直對滿記不存好感然而友人喜歡還是嚐過數次西貢店的味道普通得不能再普通是次因就腳的關係到了朗豪坊店一看餐牌商業化貴不值得最後點了紅豆沙涼粉滿記主打應是什麼什麼班cake吧不見其特別之處奶是另上不夠環保味道只屬一般家母煮得更有味道"一般"港式甜品(糖水)就是如此一加二二加三三加一一二三就成了六款甜品(糖水)

琴晚食完飯，去左朗豪坊滿記食甜品。嘩~都好多人排隊等位，由於d位太窄又唔夠地方駛咁，所以坐得唔係咁舒服好迫。叫左個榴槤班cake皮滑cream香，仲有一大舊榴槤簡直齒甲留香，但系非常細件覺得太少唔夠喉。不過我覺得個皮無味唔夠甜，算是普通了一點。朋友叫左個芝麻糊，佢話食到芝麻味，但係不夠甜，而且太稀唔夠糊。

食過幾次滿記~幾like 佢ge banana pancake~ 不過略為多cream~食過荔芋西米pudding 好似係咁叫~冬天食會好好~yesterday 同friend 去呢度食多次~食左o個唔知咩雪黑珍珠, 幾好味~好多料, 有mango , banana 龍眼肉, 仲有一隻唔知叫咩子, 幾有口感, 仲有黑珍珠同椰汁, 幾好味~服務態度好過沙田o個間~

晚餐後，食甜品。因為同行的有人不喜歡榴槤，所以叫左香蕉班cake。其實它唔平，但就非常細件，男孩子一定會感到太少。香蕉都幾大，不過對於我來說就唔夠甜，個皮無味，算是普通了一點。之後同朋友分享糖不甩，甜就唔係好甜，幾煙韌，這個就不錯！上面的唔知什麼碎，加上去真的幾香，值得再食多次！

原來這間店子的面積頗大，實在不用在地下美食廣場那間小小的滿記擠。二人行點了凍杏仁茶和芒果豆腐花。杏仁茶沒有試吃，但眼看白雪雪滑流流的，想也不差；自己的芒果豆腐花非常美味，一夠冰凍、二豆花夠滑、三芒汁是果肉打製而非行貨糖水，誠意十足。

上個禮拜同老公去睇戲..距離開場仲有45mins就去食個甜品先!我係去上面果間..因為好似坐得舒服過下面果間~~我地要左芒果豆腐花同西瓜涼粉,芒果甜中帶少少酸,唔錯,因為太甜會好似好假咁.西瓜好夠沙,不過好淡,唔甜..同埋隻味同涼粉唔係好夾咁.service唔錯~~初時個waitress帶我地坐果張檯我唔鐘意..我自己揀過張,佢d態度仍然好好

同朋友們係金太郎食完野, 其中一人話想食甜品.於是去左朗豪坊滿記(註: 我係去10樓果間)10樓果間好過4樓果間, 坐得舒服d.4樓成日有好多人等位, 又細間d.分別order左:芝麻糊加合桃露(熱) - 我覺得幾正呀, 朋友話普通楊支甘露- ok啦, 唔值呢個價芒果黑糯米- 我試左一啖, 淡左d. 麻麻.durian pancake - 呢個唔駛講啦. 大家都知好正!佢地話我個芝麻糊加合桃露唔抵wor... $18我又覺得唔係丫... 起碼要磨出黎, 同埋又有益, 芝麻糊對skin好, 女仔食多d無妨, hehe! 合桃補腦, 又好食! 佢地果d只係幾樣材料撈埋, 我都整到喇(除左durian pancake)不過durian同mango都係少食為妙.食完之後, 係度大聲講大聲笑大聲玩...哈哈哈!!! 真係好開心!

點了個榴槤布甸,外面的布甸同普通的mango pudding無咩分別,只係入面係一大pat超正的榴槤肉,簡直係極品呀! 愛死咯!

環境~應該唔會好鬆動~卡位除外~分別點了:花生糊+豆腐花(熱)紅豆沙(熱)??黑燸米(總之有d雪糕ge物體)芒果冰先講2個較好的吧~芒果冰,友人聲稱幾好味~詳細不明~??黑燸米,真的十分不錯!!!蠻有創意~紅豆沙,友人聲稱淡了少許\\\,這個價錢不太值~花生糊那個,那些豆腐花竟然凍凍地的=.=.....有點兒那個~可能平常去左開有另外一間甜品店,值錢只是這裡3分1,所以兜得後2個甜品真的不濟~前2個基於味道及創意,都算不錯~