滿記甜品 (朗豪坊)

营业中

休息中

響朗豪坊睇完戲, 走時響滿記食甜品非常多人, 等了一陣有位啦, 不過勁迫order了芒果班戟同芝麻糊焗西米布甸芒果班戟: 外皮軟滑, 內裡的cream不會太甜內, 芒果都幾大塊, 整體都不錯焗西米布甸: 個餡好似每日都唔同的, 是日係芝麻糊焗西米布甸, 其實即是布甸內有一pat芝麻糊而已... 西米布甸很香, 配搭入面熱熱的流沙芝麻糊都幾得意服務都算幾快, 但坐得很迫, 也不要指望可以坐得耐同朋友傾下計

芒果班戟：嗯嗯，差不多，一般啦芝麻糊：覺味唔夠重，不用多說，還是覺大良八記是心水芝麻糊豆腐花：不過不失，但有次芝麻糊奇少白雪黑珍珠：有口感，夠晒凍，解喝之選！楊枝甘露：友人最愛楊枝甘露，佢話好fresh，甜味可接受芒果黑糯米：滿記最好！！

吃完晚飯，食點甜品滿足心理，想試下10樓的滿記。眾所周知朗豪坊上落的層數比較複雜，由12樓電梯一落已到8樓，不想再往行上，索性去4樓算了。我同媽媽的紅豆沙，有少少的起沙，不算綿，我就鍾意大大粒紅豆，很多渣。試了老豆的芝麻花生湯丸，皮亦不夠薄，不太黏韌，饀了很少，要咬到較深的位置，才可食到芝麻饀。細妹的奇異果冰，果味幾濃，不會被碎冰沖淡了，當中還有幾片厚厚的果肉。老公的榴槤忘返上枱後，已陣陣傳出「香氣」。

2008年4月5日同朋友食完飯,行左陣就黎左朗豪坊行街響12樓睇完赤子band show之後就直接落黎10樓食糖水坐底無幾耐就見到洪潮豐我地叫左一碗黑白芝麻糊湯圓,楊枝甘露仲有一碗芒果椰汁黑糯米其實我覺得廿幾蚊一碗糖水佢吾係好值不過係一個食飽飯無野做,坐底傾下計ge好地方我同朋友share左一碗芒果椰汁黑糯米芒果幾甜,黑糯米都幾"煙un" 但吾明點解椰汁會好似雪糕咁下次會再黎,不過只限食飽飯無野做ge時候

同男友食完意飯店突然興起不於買D甜品返去俾屋佐人食諗起媽媽對滿記得榴槤PANCAKE讚不絕口(佢好少會特別鐘意一樣野食架!)於是做個孝順女買俾佢同埋爸爸返到屋企拎俾佢地食我入房換衫時都聞到0個陣榴槤味..真係勁!佢地食完都話好好味^^

...請睇戲! 約了友人一道看戲, 她未到我就先來這兒食住等。身邊不少人都推介滿記的這款白雪黑珍珠($26), 想吃很久的我今次終有機會一試。白雪黑珍珠裏面材料豐富, 有黑珍珠、芒果、香蕉、椰果、西米和龍眼肉, 加上雲呢拿(雪糕) 汁底, 想不到多種不同質感、味道的食材組合起來竟然有奇妙的化學作用, 難怪它是滿記的王牌甜品之一。果然冇介紹錯喎!

好耐無食過滿記la~~今次試左個白雪黑糯米~好好食呢!!覺得自己好似食緊雲呢拿雪糕咁~有兩舊黑糯米, 食完已經好飽了~~好滿足=]]見到餐牌有杏仁蛋白, 以前好似唔覺有ge~~有機會試下先!

辦年貪...中場休息, 坐底想叫杏汁蛋白...失望..."無"! 唯有退而求其次- 燉雪耳木瓜, $25, 兩件木瓜大大舊, 可以腍, 木瓜又係唔夠腍, 糖水可以淡, 唔知自己麻煩定想食杏汁蛋白無得食...所以係雞蛋裡挑骨頭!

我剛食完番薯加湯丸，唔太好味，完全全部都係同一個味道，d甜品又無嘜特色，我朋友叫了馬豆糕食，佢話有陣濃味，真係有d唔掂!!!

去ＭＵＪＩ買零食，上黎兜個圈順便食楊支甘露！照舊，芒果柚肉同西米，一樣既配搭當然係一樣既水準，不過冬天芒果唔當做，比較酸，但食落又唔太難入口，叫ＯＫＡＹ！要論最好，當然是西貢，環境至少都好一大截！

睇完戲,搵甜品食!十一點,滿記仲未收,就呢度啦!嚟個紅豆沙涼粉,涼粉爽口,但紅豆沙份量少..而且味道普通,唔香!如花要左椰汁西米露涼粉,如花叫這甜品因為佢鍾意椰汁同埋涼粉,但事實證明涼粉始終要配淡奶先好食!下次食,有時間入西貢好d!

前排同家姐細妹去呢間度食....坐位坐得唔太舒服.....經家姐既推介, 我就叫左白雪黑珍珠....個名都幾特別.....椰汁底配芒果粒,海底椰,龍眼肉,西米等等....好好味~~可能自己本身鍾意食椰汁既dessert....所以一食就愛上左喇.....但係價錢較貴.......間中食都可以^^"

起初是欣賞這兒的豆腐花的獨特質地，進是有陣子狂吃這兒的「杏仁茶豆腐花」（$21）。進而發現這兒的紅豆沙好料堅香口，於是迷上「紅豆沙豆腐花」（$16）和「涼粉紅豆沙」（$16）。好喜歡涼的豆腐花跟熱的紅豆沙那種冷熱交替的質地和味覺！

杏仁露都唔錯,幾滑同唔太甜

吃完粉同漢堡扒之後, 開始由頂行番落去, 都係當食飽散散步, 來到這裡, 就好像個中途站, 就吃吃甜品補給.吃滿記也不知吃了幾多遍了, 價錢係越來越高, 成$20一碗糖水, 其實不太值得的. 當然, 這裡的班戟, 也實在係得的. 不過是晚唔想食芒果班戟, 就要了芝麻糊加合桃露, 再加個布甸.芝麻糊加合桃露$20: 7分, 這個雙拚要去到$20, 真係貴人一倍. 一直以來, 這裡的糖水系列不算好出色, 但係又唔太差, 是晚也一樣. 甜了點, 但係都幾滑的, 芝麻同合桃也溝得埋.焗荔茸西米布甸$23: 7分, 侍應漏了單, 等了一大輪先有得食. 小弟一向喜歡西米布甸, 除了老闆娘, 鳳記同蓮記之外, 這裡也是心水之一. 本來另一家滿字頭的西米布甸也幾好的, 但係今非昔比了. 說回這裡, 是晚的荔茸不太均勻, 也甜了點, 皮不夠脆, 但仲係幾香的. 是晚的水準未算滿意, 應該可以更好的.吃完再行過.