滿記甜品 (西港城) (已結業)

同事請食糖水又例牌响度叫外賣，我要左合桃芝麻糊，今次唔掂，都幾水又唔香，好似開粉咁，同埋對我黎講太甜啦，食兩啖已經覺得好漏，唔好食

呢度响西港城入面,Das gute後面,地方唔算細裝修都幾好.有次老細萬歲响度叫外賣,夠$150免費送貨,附近多office,此舉實屬明智之舉. 由於對西貢滿記的豆腐花不敢恭維,都係穩穩陣陣叫芒果涼粉. 味道亦一如所料,可幸芒果都幾甜. 另外試左焗西米布甸同熱合桃露都幾好,Pancake類因為我唔鍾意食cream所以冇食,同事就幾鍾意. 凍薑汁souffle就麻麻地. 媽咪鍾意食榴槤,外賣過榴槤布甸比佢食, 佢話足料好味.呢度價錢應該同西貢滿記差唔多,但就好坐好多,講抵食同款式多就一定唔及松記,不過附近冇乜選擇下,有時放工想食定甜品或者同同事傾下計都ok的

尋晚比女朋友捉左去呢間手造甜品....位置唔係太就腳.....平日夜晚都幾少人.....聽講星期六日會旺啲...鋪面裝修幾仔細.兩個人坐底, 叫左芒果班戟同埋海底椰黑糯米甜甜, 個芒果班戟真係好好味...用班戟包著啲芒果同埋cream...非常精絰...呢個糕點係預先造定,一盒盒放係雪柜度, 另外仲有榴槤及香蕉味, 鍾意呢啲生果既朋友一定要試下. 至於個海底椰黑糯米甜甜就唔錯啦. 同元朗間B仔比, 我覺得B仔好食啲, 熱啲同埋香啲, 不過兩間都造得好滑.埋單17+22..無加一, 都唔錯啦.順度一提, 滿記原店係西貢, 而家用手造甜品呢個排頭開左好多間分店, 尖沙咀新港中心, 海港城, 中環娛樂行, 銅鑼灣時代廣場都有. 咭片上印有二十四小時投訢熱線, 又有理念口號, 一派新潮管理既味道.