滿記甜品 (西港城)

营业中

休息中

食羊宴前，友人因不懂如何去，因此便相約在上環等，因時間又太早，便和她到西港城行行，忽然她像看到什麼很高興的樣子，原來這甜品店在國內係幾出名的，她的友人叫她一定要來試試，當然我們也不可能齋坐啦！最後我們叫了芝麻糊加豆腐花、楊枝甘露和芒果西米露。芝麻糊加豆腐花- 芝麻糊幾滑口，可惜唔夠芝麻香；豆腐花偏硬，相信係開的比例唔多好吧！楊枝甘露- 芒果味幾香，她也認為我們沒有介紹錯。芒果西米露- 和楊枝甘露很相似，只是少了西柚和西米露的份量唔同吧了。友人就很喜歡，話終於都試到了。

還記得上月大熱天的港島半天遊，真真幸苦。不過為陪家人，沒法子啦!行至汗流浹背走入冷氣間，理應來個冷飲降溫，但腦海卻浮現出熱騰騰的湯圓影像，一於「以毒攻毒」，熱辣辣鬥熱辣辣，來個薑水淨湯圓; 其他還點了蕃薯糖水、杏仁茶、芝麻糊再加一客芒果班戟大家分享。湯圓外皮煙軔，花生內餡甜美，一客六顆，味道一流; 薑水吃罷身子暖烘烘，胃部舒舒服服的，比吃冷點有益吧; 芒果班戟也做得不錯，可惜芒果肉少了一點。

隔左兩日後, 再光顧多一次外賣,又係買榴槤布甸,今次無咁好味啦!下次要試下第二款甜品!

今晚買個榴槤布甸俾男友食,我食左一啖,好勁ga榴槤味喎! 最估唔到係咁夜都咁多人係呢區食甜品,而且坐滿晒添呀!

不嬲都鐘意食芝麻糊, 都食唔到一碗...唔甜得黎, 連芝麻味都冇...加湯丸, 以為會係芝麻餡,原來係花生餡(不喜), 硬gei? 唔係掛?呢碗真係我食過最差o既糖水... 多多即沖的還好!!!

5 Feb,2006 星期日食完肉骨茶,在上環閒逛了一會。媽咪想食糖水。餐牌上寫明薑汁雪糕不設外賣,即管試試有甚麼特別。雪糕不算很凍,雖吃到薑味但不濃,質地有別於一般雪糕,比較鬆散。我選了芝麻糊加綠豆沙:芝麻糊香濃,不甜。綠豆煲得淋,有果皮味,很不錯。二家姐選了芝麻糊加豆腐花:豆腐花軟滑。媽咪選了南北杏雪耳燉木瓜:糖水充滿木瓜味,反而杏味欠奉。木瓜很甜,不錯。埋單: HK$88 我請客。

屋企人覺得不錯, 我自己唔鐘意cream,所以覺得好一般, 因為佢係有極多cream,果肉一般大, 不過好香芒果味, 如果可以走cream都唔錯, 不過有點貴, 哈哈

我媽媽食既...合桃露豆腐花$23- 好水... 而且合桃味一d都唔出...富貴蛋白- 原來只係腐竹糖水, 不過杰身d, 用蛋白, sell健康, 個名好似好勁咁, 真係估佢唔到, 味道可以啦, 腐竹糖水$17, 呢個要$26, 有d唔抵;杏汁蛋白$30- 呢個勁好味, 因為杏仁味好香好正, 如果鐘意杏仁就一定鐘意

原來手造甜品既榚點係有甜品製造公司送黎架....仲以為係佢地自家製既添.....以後都唔再食喇....

今日mama買左個榴槤pancake。第一次食。yummy~估唔到會係咁好食~!!好香既榴槤味，好新鮮

今晚一行九人落黎試下呢間甜品店。我食過佢其他分店的甜品，但西港城呢間真係未試過。首先，環境係我意料不及的一回事。正門入去都不錯，但因為無位，侍應就帶我地去另一邊。個度有點自成一角的味道，大家好容易傾到計，環境比正門個邊還要好。有人話食野唔單止食味道真係無錯，環境及服務態度絕對有其影響力。我同我個Friend叫了杏仁露加豆花($19)及這裡出名的榴槤班戟($20)齊齊分。前者的杏仁露不算得上高水準，杏仁的香唔夠，亦唔夠滑，始終都鍾意「松記」多ｄ。豆花亦屬一般，唔夠滑，講豆花當然係「公和」老舖啦。榴槤班戟相信係呢一間舖吸引我既其中一點，鬆軟的外皮，包住忌廉，裡面有一件很大的榴槤，榴槤的質素不錯，夠臭，夠質感，夠咬口。若然不喜歡榴槤者，必定係非常厭惡。「醉翁之意不在酒，只在乎山水之間樂也。」相信這句來形容坐座的每一位，亦不算失實，有時，快樂就是那麼簡單。

之前同屋企人0係隔離梨花園食完燒烤,就過0左黎呢度食甜品~我試0左個薑汁雪糕同少少綠豆沙.薑汁雪糕佢地話係自製的,28蚊一個,細細件,食落口似自己造0既雪糕味道,質感麻麻地,似將牛奶雪造冰咁.味道就好重薑味,都唔錯,係口感差少少.綠豆沙13蚊唔算貴,海帶好多,但綠豆量唔算多,最多係糖水,不過13蚊算平平地啦~

試左個白雪黑珍珠味道幾好~~而且坐得都幾舒服~~~

今晚屋企煮意大利餐，食飽飽落左樓下食甜品，順便賀下個friend搵到工。住搬左黎個幾月都係第1次去食。自己本身無食過滿記，所以都想試下係咪真係咁好食。9點幾落到去，都ok多人，不過o岩o岩好有抬，5個人都唔洗等位。自己嗌左個湯丸綠豆沙，可能因為我個有湯丸啦，所以其他人既轉頭即有，我個要等多三兩分鐘，不過仲好，咁先係即叫即整嘛。味食落唔覺有咩好特別，湯圓我覺得的式左d，有3粒。其中有個friend食過西貢果間話大兜d的，我就覺得1碗o岩o岩好啦。不過不失，坐就坐得幾舒服，拍下拖，吹下水不錯的地方。

同事請食糖水又例牌响度叫外賣，我要左合桃芝麻糊，今次唔掂，都幾水又唔香，好似開粉咁，同埋對我黎講太甜啦，食兩啖已經覺得好漏，唔好食