滿記甜品 (西港城)

营业中

休息中

今晚食完飯之後，阿媽請我去食甜品，喺上環都冇乜選擇，於是去咗滿記。滿記價錢一啲都唔平，我叫咗個杏仁蛋白，因為唔係好多地方有得食；阿媽就叫咗個芝麻糊腰果花生露，阿媽話應該幾香。嗰個杏仁蛋白真係好好味，杏仁好香，蛋白夠滑。阿媽個芝麻糊腰果花生露的確好香花生糊同芝麻糊嘅味。後尾阿媽話想食糖不甩，於是，就算好飽都要捨命陪君子。呢個糖不甩真係不行了！同我以前食嘅好唔同，糖不甩同湯圓一樣咁大粒，但係冇餡料嘅，外面有花生碎同椰絲，可惜以前係有砂糖，而家佢變咗用黑糖漿，成件事好怪，而且因為佢好似湯圓咁大粒，所以中間好淡，加上佢個粉團煮得唔淋，所以唔好食！

滿記喺香港有好多既分店，特別係商場入面。夏日炎炎，最好既就係去試下滿記既甜品啦！今次試既係綠茶紅豆雪山豆腐花。聽個名就好似幾特別咁，唔知味道方面又點呢？甜品入面有綠茶雪山（綠茶味雪糕），紅豆，白玉同埋豆腐花。好老實，賣相係非常精緻，有一種日式甜品既感覺。但覺得成個甜品唔同既Element 都唔係太Match。特別係豆腐花係室溫，但雪山係冰凍，成件事有小小唔夾！如果可以連豆腐花都係冰凍既話會透心涼好多！

香芒白雪黑糯米：有半隻先芒果，兩球黑糯米。黑糯米做得好出色入面有芋頭，而且軟熟得來又煙煙韌韌。底下係椰汁雪冰清甜又夠凍，撈埋所有嘢簡直是perfect match。呢個應該係新出嘅綠茶雪糕配鮮果。雪糕冇乜綠茶味，鮮果分量好多，重好大舊（有芒果，紅火龍果，士多啤梨，奇異果同西瓜。紅豆好大粒煲得好琳。底下仲有綠茶啫喱同蒟蒻。不過如果佢賣點係綠茶雪糕，我就覺得唔貼題又冇乜特別了。

食完潮州菜還是覺得欠了些什麼似的，佳因天氣濕冷，潮州菜多是冷盤，總覺胃裡得不到滿足感，於是乎走去附近的糖水店食番一碗熱騰騰的糖水填補不足。蓮子雪耳杏汁杏汁又香又順喉，不是太甜太膩。材料有好多雪耳，蓮子和龍眼，口感非常豐富。以質量來說只賣三十多元，好過自己㷛煮。

#滿記甜品 (上環)上環德輔道中323號西港城地下4-8號舖-----焗荔茸西米布甸🍮-$29-😄上環好少開得夜ge甜品店 😂突然想食甜品就得滿記呢個選擇 冬天想食下熱甜品 b仔就會叫呢個荔茸布甸 荔茸ge芋頭味非常重 非常香濃幼滑外層ge西米亦焗得剛好 唔會太硬唔會太淋～😂其實滿記好多甜品我都覺得好一般 唯獨係呢個可以令我不斷回頭再食😆-----B仔整體評價：8.5/10個👍🏻B仔抵食程度：7/10個👍🏻B仔環境評分：7/10個👍🏻B仔味道評分：8.5/10個👍🏻B仔回頭機會：9/10個👍🏻-----#ig:swallowhongkong跟住我一齊吞食香港啦！#swallowsheungwan

西港城分店原來係買完飛之後再自己去拎，好似foodcount咁。榴槤忘返！大大球榴槤好滿足！紫米有咬口， 最鐘意佢個雲尼拿冰底，唔係用椰汁！不過好似俾之前細碗咗！芒果西米露都幾足料，用芒果打個汁底，仲有半個芒果，不過芒果唔夠甜。

之前同朋友喺上環行街，經過西港城見到有滿記甜品，都好耐無食過，所以就入咗去坐下。一入到去見到有個叫做白雪黑珍珠嘅甜品，見到張圖好似幾吸引咁，所以就order咗2份。等咗大概5-10分鐘左右就叫到我地number。原本睇圖都以為係幾大杯，但係點知個糖水份量頗細，大概應該係女仔自己一個人食嘅份量。不過好彩食落都唔錯，除咗有紅豆、芋圓等普通材料之外，最加分嘅係佢有芋泥，都算係幾特別。甜度都正常，不過如果平少少就好啦。

今日有同事請食下午茶🤤🤤🤤，叫左滿記外賣，好似係用外賣APP送既。滿記d 野係唔錯，但外賣唔係咩都叫得架。。。🤔🤔我有同事叫豆腐花類產品，碎到完全見唔到固體咁濟🙈🙈又有同事挑戰叫左個雪山，明明其實行過黎5分鐘都冇既路程，都可以溶到變哂樣🙄🙄係我個黑糯米仲叫做正常樣👌🏻👌🏻，味道都keep 到平時既水準。所以大家如果來叫外賣記得諗清楚佢放多陣同運送過程搖黎搖去頂唔頂得住🧐🧐

I went there with a friend for having a quick, effordable dessert after dinner. Luckily this place is open till 23 pm (+) what I really appreciate! (HK needs more places with longer opening hours! )We immediately got the desserts after ordering.We had the Thai glutinous black rice with coconut sauce (I really like it! ). Frozen, nice texture/structure of the rice.. and the green tea and durian ice cream in coconut sauce (we didn't like the durian ice cream that much because the texture was rat

在香港開業多年的港式甜品店 <滿記甜品>，不經不覺間，也跟另一間港式甜品店 <許留山>，同樣大受遊客歡迎！ 除了遊客支持之外，香港食客依然撐這間港式甜品店！雖則，現時不斷充斥著很多後起之秀的新甜品店！各式其色，只要做好本份保持水準！才會有生存空間！卻不乏一班粉絲呢！現時，<滿記甜品> 保留其港式甜品，還有加入新元素！可帶給食客新鮮感！ 就在一年半前，上環西港城分店把門面翻新，給人煥然一新的新形象！靠包裝還要內涵！連曲奇餅店也撤退！趁當日跟公司老闆及老闆娘出席個客 2:30 的下午茶聚，中午放工後，我先到 <滿記甜品> 食糖水打底！ 其實！當日我想食這裡的招牌榴槤甜品，可是！一想到陣間要見客，又不太方便食！付款後，店員隨即給我一個電子感應器，閃燈即可取！紅豆沙豆腐花 $26這碗紅白色的糖水，顏色分明！ 豆腐花質感稀薄而滑不留口！ 浸在甜美綿滑細膩的紅豆沙，混合發得大粒而粉腍的紅豆，一濃一淡，兩者共融配搭恰到好處！

食左幾次滿記就黎寫下食評啦，首先我必須要講呢間滿記冷氣開到好大，似乎係想客人食完快啲走。呢間滿記自從裝修完靚左好多，食物選擇都算多，除左圖入面既仲有其他糖水選擇。由於窩夫圖片好吸引，所以食左抹茶同草莓味，窩夫係半份既，48蚊黎講算貴，而且好奇每次整完半份，咁另外果半份窩夫去左邊? 講返啲野食先，雪糕其實有兩球，一球係兩塊窩夫中間，而雪糕冇咩特別，抹茶味唔重，窩夫餅亦唔夠熱，整體不過不失啦抹茶味會配紅豆，草莓就配草莓粒同脆脆。窩夫賣相好得，可以呃下like，但試一次就夠。另外亦試左個草莓奶昔，都幾大杯，飲完好飽。不過雖然話係奶昔，不過有少少似沙冰口感囉糖不甩得幾粒，正常味道最後要推介下個草莓西米露，有一球雪糕，草莓，西米同少少沙冰都幾多水果整體黎講啲賣相好得，可以呃like，但冷氣好趕客，不過上環要食糖水真係冇其他選擇

晚飯後，要在上環區吃個價錢大眾化的甜點，原來是有一定難度。基本上，有很多專營甜點的甜品點，於九時多便關們，尚在營業的，又索價不菲。網上查探，得悉西港城的「滿記甜品」仍在營業，一行四人便即走路從永樂街前往，不到五分鐘便到達，入內，只見人山人海，等了片刻，才有位。此店是先到櫃臺點餐，待會完成便通過震動器通知往取食物。坐了數分鐘，我已忍受不了人山人海帶來的嘈吵聲，聲浪之大猶如五雷轟頂，比雷聲更可怕，強勁的冷氣亦直轟我的面門，眼睛也被吹得乾澀，加上檯與檯間空間有限，很有壓迫感，令人渾身不自在。回說我吃的甜點，是抹茶雪糕豆腐花，雪糕有點茶味，豆腐花也很滑，豆味尚有而不太甜，整體是不錯，只是再好味也徒然，店內的轟耳聲實在教人吃不消，早走早著。

自從好耐好耐之前第一次食「滿記」嘅「榴蓮忘返」，就愛上咗。每一次去滿記必點，有時堂食，有時外賣，有時耐無食都會掛住。我覺得佢嘅榴蓮忘返係「全世界最好食嘅甜品」。無誇張，如果你好榴蓮嘅話，真係會覺得好好味。椰汁、椰汁碎冰、黑糯米、榴蓮肉，全部好match，比例又啱啱好。尤其是夏天食，椰汁碎冰咬落口，好冰涼。又因為椰汁碎冰嘅關係，黑糯米食落去又唔會太漏。其他鋪頭嘅榴蓮甜品完全無得比！超級無敵讚！！！必試！

下午茶時段老闆糖水萬歲，方圓廿里中上環區好像只剩下滿記一間糖水舖，唔夠30人訂購，大概45分鐘就有專人送上外賣。由於辦公時間沒有甜水mood，反而想吃個窩心的小甜品暖一暖心，故選了這個荔茸焗西米布甸，標註明 (熱食)。焗西米布甸用錫紙原個焗，以外賣膠盒保暖，感覺新鮮衛生，入口時整個布甸仍很溫暖！布甸質地幼滑奶味濃郁，少甜。荔茸打得幼滑，像一個軟心，甜味較重，與原味西米布甸配合得天依無縫！最新的價錢為$34，有人萬歲吃得份外舒暢！

又有下午茶, 今次食滿記~叫左飲品同甜品各一款同同事開心 share士多啤梨奶 (HK$29)打碎的新鮮士多啤梨溝鮮奶, 入便有碎冰, 有點太甜撞岩今日天氣轉涼加上公司的冷氣真係凍入心 XD!焗荔茸西米布甸 (HK$26)未食已經聞到勁香!熱辣辣正好中和返頭先果啖凍飲食落又甜又暖, 好飽足~