滿記甜品 (西港城) (已結業)

今晚食完飯之後，阿媽請我去食甜品，喺上環都冇乜選擇，於是去咗滿記。滿記價錢一啲都唔平，我叫咗個杏仁蛋白，因為唔係好多地方有得食；阿媽就叫咗個芝麻糊腰果花生露，阿媽話應該幾香。嗰個杏仁蛋白真係好好味，杏仁好香，蛋白夠滑。阿媽個芝麻糊腰果花生露的確好香花生糊同芝麻糊嘅味。後尾阿媽話想食糖不甩，於是，就算好飽都要捨命陪君子。呢個糖不甩真係不行了！同我以前食嘅好唔同，糖不甩同湯圓一樣咁大粒，但係冇餡料嘅，外面有花生碎同椰絲，可惜以前係有砂糖，而家佢變咗用黑糖漿，成件事好怪，而且因為佢好似湯圓咁大粒，所以中間好淡，加上佢個粉團煮得唔淋，所以唔好食！