滿樂潮州 (東薈城名店倉)

营业中

休息中

難得今日weedend同家人去左昂平360玩，纜車落返黎緊係喺東涌覓下食，成家人緊係搵啲中餐廳食下先夠氣氛，見到呢間滿樂潮洲一於就試試佢！🍚生菜牛肉崧炒飯，貌似蛋包飯，當中配料豐富😍啖啖都係肉！🥦芥蘭新鮮翠綠，配合埋方魚食帶點咸香~🍲胡椒豬肚湯，胡椒味超勁，每飲一啖都覺得好精神😂令人越飲越想飲👍🍱滷水拼盤種類豐富，滷水汁非常出色，超入味。下次入開citygate行outlet一定要再嘆下呢度嘅潮州菜啊

今日同朋友難得黎到東涌，梗係要試下哩間馳名嘅中菜酒樓，結果又真係幾唔錯喎！哩間係一間裝修高檔嘅酒樓，環境光猛，而且充滿中國風。一坐低，酒樓入面嘅姨姨就送上小食，係酸菜木耳，好醒胃！好快就上杏汁白肺湯，姨姨幫埋我地分湯，服務態度好好，同我地有講有笑。哩個湯好香濃郁杏汁味，加上豬肺非常補，滋陰養顔！之後係我最愛嘅金不換檸檬蒸烏頭！好鮮甜，一啲都唔會老，嫩到係滑入口，配上酸菜係非常夾呀！成條魚超大條，我地食到差啲連骨都吞埋😂然後係紅棗烏豆豬尾煲，好香濃嘅烏豆，好有咬口，越咬越香口！豬尾汲收埋紅棗烏豆嘅精華，勁正！我地哩啲飯桶係無飯不歡，哩個瑤柱蛋白炒飯啱曬我！瑤柱好香脆，厚厚一層鋪係面！蛋白亦非常滑漏香口！三個人分碟飯都飽到上心口！最後有好fresh嘅桂花榚作結，哩餐十分滿意！

​ 今日係東薈城到覓食，去到地下果層見到滿樂潮州， 朋友話想食潮州菜好耐，所以就即刻入去試下。 滿樂潮州係高水準嘅中菜，連茶嘅菊花味都好濃郁，好好飲。 我哋一坐低，店員就俾兩壼茶同埋前菜—木耳俾我地，木耳酸酸地幾開胃。 首先本人要推薦沙嗲牛肉芥蘭，每次食飯都一定要叫一碟菜。 呢個配搭我都係第一次食，配搭非常特別。 牛肉嘅份量好多，好滑同鮮嫩。個汁亦好啱送飯食， 我忍唔住食多半碗飯，芥蘭軟硬度適中，因為我食菜比較鍾意有咬口。 另一道想推薦比大家嘅菜就係金不換檸檬蒸烏魚。 平時食泰國菜先會叫嘅烏頭魚，竟然係潮州餐廳侍應特別推介， 所以就點左黎試下喇。 烏頭魚嘅肉好鮮嫩，唔會好鞋。魚底仲有啲茄子薦底添！ 茄子亦都好林，好好味！ 另外仲點咗個湯添，就係杏汁白肺湯喇 我係超鍾意食豬肺，佢啲湯渣好足料，有好多豬肺，豬肺亦都好林，好大嚿，超正！ 個湯好飲到我忍唔住飲咗兩大碗！鍾意飲豬肺湯嘅人一定要試下！ 最值得一提嘅就係店員嘅服務態度超好，佢哋唔單止有禮貌，我哋第一次黎食仲會推薦同介紹我哋有咩菜式好食，冇老點我地，啲菜式真係真材實料！下次一定要再帶屋企人黎！

同朋友行完山每次出到東涌，都會感到異常肚餓，最後都要山長水遠出返市區食飯，有個朋友就話不如喺東涌食啦，仲介紹咗一間幾好食嘅潮州菜比我地，令我地諗都唔諗就舉腳贊成。 餐廳嘅環境好寬闊，每個人位置都好有空間，所以行完山嘅大家都坐得好舒服，因為大家都真係好肚餓餐牌都冇睇就叫咗個四人餐！ 第一道菜係潮州餐廳一定會有嘅凍盤-鹽焗黃油烏魚，有一樣野真係要讚一讚依條魚就係上枱嘅時間條魚已經起晒骨，配上佢哋嘅醬汁可以釣起魚嘅鮮味，條魚可以睇到肉絲中間都會有黃油就證明呢條魚非常之肥美，我諗用鹽焗去處理黃油烏魚嘅原因一黎可以辟走魚嘅腥味，二來可以鎖緊嘅水份，仲可以令到魚有啱啱好既咸度。 之後就上咗個湯就係鹹菜胡椒豬肚湯，同平日潮州菜館嘅胡椒豬肚湯有少少唔同，湯底比較清甜可能因為餐廳係個湯度落咗好多瘦肉，同時鹹菜嘅比例都有做適當嘅配合，令到呢個湯今次係同出邊飲開嘅胡椒豬肚湯咁喊，相反篇甜嘅湯底同胡椒嘅辛辣味我覺得就好夾，有種係飲完一碗之後你會想即刻再飲到碗嘅感覺。 唔夠10分鐘左右就上咗一個小菜就係皇子乳鴿伴凱撒沙律，食落去乳鴿非常之鬆脆，裏面嘅肉

難得放假輕鬆下，我同屋企人就黎到東涌食好西！中意食中菜嘅朋友記得要黎試下哩間滿樂潮州！我自己就認為係上等嘅中菜館喇~我同屋企人三個人，叫咗二餸一湯一甜品，夠曬飽啊！首先上嘅係杏汁白肺湯，好濃郁嘅杏汁，好香甜可口，色澤乳白，落足料，飲得岀落足火候！肺梗加係入曬味，好滋潤！飲完湯就上菜喇！首先係沙爹炒芥蘭。沙爹味好岀，而牛肉係厚薄適中，有咬口之餘唔會太硬，芥蘭亦都好新鮮！之後係紅棗烏豆豬尾煲。好足料嘅一煲野呀！豬尾炆得啱啱好，滲曬烏豆嘅味，好香，真係會想叫碗白飯黎送飯食！食到飽曬，服務員就送上桂花榚，樣貌好精緻，晶瑩剔透，好靚呀！味道非常清香，作為飯後甜點十分不錯！另外佢哩度沖嘅茶好有茶香，推薦大家黎試下！真心覺得值得一試！

東涌成日都比人話係美食沙漠，喺東涌區絕大多數都係連鎖式嘅食肆，所以食物嘅質素同變化都係比較快餐店文化，有時放工真係要喺市區食完再返屋企。有一日就腳就喺商場裏面嘅「滿樂潮州」book左位同朋友食飯，一黎貪方便我返屋企二黎想試下好耐無食既潮洲菜。因為懶得用腦既關係直接點左個四人套餐，食物有「鹽焗黃油烏魚」，「鹹菜胡椒豬肚湯」，「皇子乳伴凱撒沙律」，「打魚蛋津菜煲」，「黃金炸雙棗」同「欖菜肉醉炒飯」。十五分鐘左右就上左冷盤同湯「鹽焗黃油烏魚」同「鹹菜胡椒豬肚湯」，烏魚魚肉有黃油就証明條烏魚夠晒肥美仲肉質嫩滑，胡椒豬肚湯個胡椒辣味岩岩好，豬肚爽口彈牙係新鮮貨，豬肉煲到甜味出晒。之後就上左三個主菜「皇子乳鴿伴凱撒沙律」，「手打魚蛋津菜煲」，「黃金炸雙棗」！乳鴿燒得岩岩好皮脆之餘裏面嘅肉汁鎖得住，一食就知係即叫即燒，唔係微波爐叮熱，手打魚蛋津菜煲個潮州魚蛋食落有好重黃鱔味，彈牙既口感只有新鮮既原材料先可以整到，湯底仲係用魚湯做個底味！「黃金炸雙棗」就比較似炸既手打魚蛋，食落口好鬆化不過就唔油膩。最後就到欖菜肉碎炒飯，肉碎半肥瘦有咬口，欖菜既重咸味同個飯好夾，蛋皮好薄炒得岩岩好唔厚身。我個人覺得呢間

去東涌行完outlet ,諗住食下中菜，見呢間酒樓裝修得幾靚，門口掛住一排排嘅潮州滷味,幾吸引，於是決定食呢間。入到去坐底，朋友先至話佢對滷水有敏感，所以今餐無得食滷水嘅，有一點點失望。但係打開餐牌，唔叫滷水都仲有好多其他選擇，令我眼前一亮嘅，居然有肉骨茶，平時中菜好少食到肉骨茶，上次去完新加坡，對呢種藥材湯念念不忘，上菜嘅時候，見到非常足料，有四、五條一字骨，入口唔鞋，肉質鮮嫩，又有冬菇，加上藥材味濃濃的，同係新加坡飲嘅味道一樣，非常正宗。之後還叫左幾個小菜,其中麻醬手撕雞,雞絲好滑，配埋個麻醬，都唔錯。呢間酒樓唔似一般中菜，d食物幾有特式，下次有機會一定會再食佢嘅滷水鵝片。

今天到朋友東涌屋企敘舊，便到附近嘅東薈城《滿樂潮州》食潮州菜。🚗地點方面，酒樓位於東薈城停車場北面，從停車場行上去只需三分鐘左右，都算方便。這間酒樓看似是新開的，裝修別緻，環境算乾淨。洒樓內部裝飾都幾寛闊，座位坐得舒適：香炸南乳骨：首先我們點了這碟香炸南乳骨，炸得很鬆脆，皮亦很薄和唔覺得肥膩，排骨肉亦新鮮，讚！麻醬手撕雞：雞肉食落很香口，唔覺得有雪味。手撕雞連埋麻醬一齊食就特別好味！南洋肉骨茶：我以往很少機會在香港可以飲到肉骨茶，這個肉骨茶嘅排骨肉都算幾好味，味道帶點小辣：香芋百合南瓜煲：這個南瓜煲我最喜歡就是南瓜，南瓜很香很鮮嫩,連同香芋一齊食就特別好味。糖醋伊麵：這個伊麵炸得很香口、很脆卜卜，味道非常好這間酒樓亦有鮑魚吃:酒樓亦提供不少套餐供選擇：

幾位朋友過嚟拜年都唔知去邊度食飯，東涌真係冇好選擇，想起上次去食過滿樂，想去試多次，終於決定再去一次，今次請朋友去食飯一啲都冇失望😀，仲比朋友極力點讚，話冇介紹錯🙏。尤其是係條烏頭魚💪，攞足一百分💯👍。好彩一早留定如果唔係都冇得食！再嚟就係個煎蠔餅同蠔仔粥一直保持水準不變，今次再點左個豬尾煲同埋滷水拼盤一樣冇令我地失望，後來又追加左一碟滷水鴨舌送啤酒真係一流🍺🍺🍺！我哋呢班都係飲食界嘅朋友👨🏻‍🍳👩‍🍳好少讚人！

今日一點幾打完波，諗住食茶木啦，點知茶木冇位，咁我同屋企人都好肚餓，見對面有間滿樂潮州，咁就入去試下，見價錢又唔算好貴。佢哋果個春風得意卷，原來係炸兩既反版黎，咬落去果陣好有口感，而且唔會好漏好油膩。另外佢哋個蘿蔔糕，都幾好食，蘿蔔大大粒多過粉，超足料！我哋再叫左個蝦餃，師傅真係包得唔錯，唔會好似其他酒樓咁餃皮好易甩出黎，而且個餡都幾大粒同爽口。小菜方面，我哋揀咗石斑球，食落酸酸甜甜咁，好開胃！而且佢落既粉漿唔多，唔會話咬落去五成都係粉！最後我哋叫埋杏汁白肺湯，不得不讚下佢地啲waitresses，服務得好周到，幫我地裝好一碗碗，而且湯料十足，好濃既杏仁味！

今日入咗東涌東薈城shopping掃平貨！但係行街前 都係要醫肚先 見到有間滿樂潮州都幾雅緻 價位又中中挺挻見到佢既招牌菜係鹵水鵝拼盤 就即刻叫咗個師傅都切得幾薄 而且唔會連埋啲肥膏 再點埋個醋 正呀！再叫咗個蒜蓉炸春卷 炸得岩岩好 脆脆地又唔會話燶咗 真係好考工夫！蒜蓉味又唔會蓋過咗蝦既味道！小菜方面我地叫左姜葱花膠海蔘煲 內裡既海蔘炆得林之餘又入味 而且花膠相當厚身又大隻 味道好香 完全無食到膩既感覺！另外一款是潮州反沙芋頭 呢到既反沙芋頭同其他食店唔同 除左賣相好 芋頭同沙糖既比例都做得岩岩好 吃落唔會太甜 而且芋頭炸得好好食！

之前見商場新開左間潮州野已經好想帶屋企人去試今次就襯住放假帶屋企人去食飯！佢裝潢都幾光猛！坐得好舒服 而且都好滿座！勁多一家大細黎食野！入座會附送花生同咸菜添！點心紙既選擇都幾多架！唔想價錢太貴既 中、小點都幾多選擇架！我地另外揀左個涷蟹食 同滷水鵝拼盤！隻花蟹當日既時價計算係400一隻 但都幾多肉 肉質都好實好甜 所以都食得幾開心另外個滷水鵝片都超正！醃得超入味 而且肥膏唔多 好抵叫！另外仲有叫三個點心 蝦餃皮薄 蝦又新鮮！鳳爪又好夠味 唔會太咸 至令我眼前一亮既係黃金年糕！煎得好靚又好煙韌 椰汁味又好夠 甜味岩岩好！最後叫左個杏汁桂花糕甜下個口 好清新好好食 而且唔會一拮就散哂 為成餐飯劃上完美句號！

We enjoy the food very much, specially the poached oyster porridge, yummy yummy! Ordered 2 bowls...The sliced marinated duck taste great, however, the duck is too fatty...I gave 9/10, 1 mark deducted from the fatty duck.

食品少油 就算有油都感覺不是千年油食材新鮮 吃完不會感覺口渴 員工有禮貌 老實介紹食物 地方整潔 人多也感覺空氣流通 實在好味 值得推介 好吃過 百X 潮州菜館 食物有少份和例牌 1）糖醋石斑 算好吃2）雜菜煲真才實料 有乾瑤柱 3）蒜蓉炒芥蘭 有點貴$88 但真新鮮和爽口 4）滷水鵝拼盤 不平均 墨魚只得三片 5）蛋白杏仁芋泥 甜而不膩 甜品貴得來有水準 如果可以轉用甜品碗更佳 兩人吃到飽鉋都是$530 多東涌唯一一間吃完想讚好和想寫食評的一間謝謝

星期日跟母親吃晚飯叫茶時，待應給了水。茶叫了也沒有俾。無言了咸菜豬肚湯，淡而無味。而且叫待應拿湯碗也要叫三次。五行六合菜，又咸又苦又油。碧綠川椒雞球，又油淡而無味紅棗烏豆豬尾煲，較為易入口。不過來的時候是微暖。全餐晚飯又難吃又失望。沒有服務可言