滿樂潮州 (東薈城名店倉)

营业中

休息中

機場附近嘅東薈城除左離地outlet之外, 去藍天嗰個出口個層有好幾間食肆, 今日收早同老人家飲茶, 就去滿樂吧. 午市有滷水拼盤, 炒飯麵, 點心, 茶芥就每人12蚊, 一坐低會加多樣我地唔食嘅「咸菜, 小食」(HKD10), 係酸菜同花生🥜, 費事問有無得退所以由佢.•瑤柱菜苗餃 (HKD42)比起淨蝦餃而家會prefer菜苗餃, 多啲蔬菜同瑤柱絲, 味道豐富好多, 水晶餃皮厚薄適中, 唔會一夾就穿.•皮蛋叉燒腸粉 (HKD52)旁邊兩條翠綠嘅菜心令到整體感覺新鮮好多, 腸粉皮同平時食有小小不同, 口感比較分明, 裡面叉燒同皮蛋份量係適中的, 皮蛋好爽. •古法馬拉糕 (HKD25)一件四方馬拉糕趁熱食最好味. 甜甜的, d 氣孔分佈平均, 即係發酵得好, 中式嘅糕點有fluffy感, 仲係熱暖的, 每次飲茶必食.•瑤柱蛋白炒飯 (HKD118)鋪滿瑤柱絲嘅蛋白炒飯好吸引, 炒得乾身👍🏻, 蛋白份量夠👍🏻, 菜心切粒又新鮮👍🏻, 完全沒油淋淋. 三個人or以上黎飲茶絕對推介li個開心share.•滷水鵝肉拼盆 (例) (HKD138)滷水嘅鵝肉同翼好入味呢, 尤其潮州style豆腐

We just passed by the area and decided to try this restaurant for dinner. The service of the staffs were great and the food came along earlier than expected. All the dishes tasted perfectly, for sure we’ll be back for their dimsum.

東涌餐廳選擇不多，這天和家人到東薈城，因為突然想吃點心，就選了滿樂潮州。香煎蘿蔔糕每次飲茶必點的蘿蔔糕，不太過油膩和軟，很不錯。蟹籽鮮蝦燒賣蝦很足料，好吃。香煎韭菜粿不過不失。蝦春卷香脆香口，挺好吃的。腐皮卷湯汁入味，不錯。其實這裡的點心真的算不錯，起碼比起同在東涌的稻X好很多，缺點就是價錢…………有點太貴！！！小點要$25，特點更是要$52，值不值真的見仁見智。不過東涌物價本來就偏高，偶然來吃一次還是可以的啦～

晚餐，人不少。本来想点二人套餐，但是我想喝猪肚汤而不是粟米汤就单点了。结果两人吃了将近700，是大大的不划算送的拌黄瓜，很清爽。胡椒猪肚汤，猪肚okay，胡椒味很重，旁边桌的人见我俩点了也点了份，第一口是呛到了。卤水烧鹅拼盘，烧鹅，卤肉，卤香干，卤蛋，都不错。但是好像没吃到卤大肠，有点缺憾。榄菜炒饭，米粒炒的很香和干，挺好。蚝烙，大概是这顿饭的败笔，油而且太咸，剩了一多半。潮州菜的特色之一，这里做的不好是没想到。第二件没想到的是，埋单拿了500以为是够了，没成想还得再掏一百多。。

自港珠澳大橋通車之後，第一次來東涌逛outlet ,想像不到竟然有大批旅客，逼爆，好彩只等了半小時就有位去食午餐前菜是青瓜粒和雲耳，可以令人開胃睇卑餐牌上的點心價錢，果然系百物騰貴皮蛋义燒腸粉，名字頗為吸引，但入口卻一般反之蒸排骨比較惹味，燒賣也美味，食物新鮮馬拉糕非常鬆軟，而且好有庶糖香味，甜味適中五行六合菜是有五款食品，包括甜豆、百合、紅椒、子羗和潮式酸菜，可以說系新配搭，味道OK 只是點心的價錢好䀚貴，燒賣收費糸$52元 😩

探完朋友又肚餓，就去左最近既東薈城食飯本身想去打邊爐，點知咁岩酒樓有喜宴，所以我哋轉咗地方嚟咗依間。啲食物款式都比較多選擇！我地點左滷水的鵝片拼盤，椒鹽鴛鴦魷魚，半隻脆皮雞，一鍋鮮蠔仔泡粥，欖菜肉碎四季豆。一坐低有兩款前菜提供比我地，上菜速度都算快，等左十分鐘度拼盤就到，整睇上賣相都幾吸引，鵝片厚薄適中，但豆腐好似酸酸地。一鍋蠔仔粥份量幾多，啲料好充足，有好多蠔仔冬菇係入面，我地四個人都平均每人食到兩碗，呢個值得推介：）由於朋友好鍾意食雞，半隻都好大份，一上枱已經聞到好香，隻雞燒得好脆，但有啲乾身。最後我哋都四個女仔食唔晒。本身最期待嘅椒鹽鴛鴦魷魚反而比較遜色，啲一片片既魷魚比較硬好難咬，反而魷魚鬚會比較好。最後欖菜四季豆啲肉碎同啲豆都好好味，味道好濃，如果配飯一流。

東涌有一個大型商場，入面有好多大型鋪頭，間唔中入去行街都係一個好去處，行街之後梗係要食飯啦，大家揀咗一間潮州菜食，因為呢一間酒樓成日都好多人排隊，好多人等位，一於試一試潮州蠔仔粥呢個潮州粥非常之足料，有好多蠔仔，亦都有好多其他配料，包括冬菇、莞茜等等，令到整個粥好香好香，入口味道一流，蠔仔嘅鮮甜再加冬菇等等配料嘅味道，味道非常出色方魚炒芥蘭芥蘭就食得多，但去咗方魚去炒，就唔係咁常見，方魚嘅鹹香味同芥蘭甜味非常之配合，味道唔錯蟹籽鮮蝦燒賣鮮蝦大大粒，非常之鮮甜爽口，加上孩子，口感更加獨特，燒賣嘅豬肉味道好好，係一粒高質素嘅燒賣。糯米卷呢一間酒樓嘅點心非常之好食，連個糯米卷都整得好好，好有心思，餡料好足唔怪得知呢間酒樓成日都有人等位，因為食物味道好，環境亦都好舒服，服務唔錯，值得一去

東涌有一個大型商場，入面有好多outlet 舖頭，行街可以行一整天，但醫肚都好重要，所以去嘆個茶，再去行街。有好多人排隊，所以預早攞籌，行一陣，再返轉頭，時間就啱啱好喇。蠔仔粥呢個蠔仔粥超多料，除左又鮮又甜既蠔仔之外，仲有好惹味既冬菇肉碎，仲有好香既莞茜襯托，加上粥底好食，突顯潮州粥既味道滷水鵝、魷魚、滷水豆腐滷水鵝不瘦不肥，而且好入味，肉質有口感，魷魚好爽口，滷水豆腐味道剛剛好，整體呢盒滷水非常出色。蝦餃每粒蝦餃都好晶瑩剔透，大大粒，脹卜卜，蝦好爽口新鮮，味道很好水晶包第一道甜品非常好食，有豆沙餡，有蓮蓉餡，非常彈牙，為呢一餐畫上完美的句號。東涌呢個商場有好多不同食肆，但潮州酒樓就只有呢一間，而且味道好好，下次過黎都一定要再幫襯。

一家人一齊黎到屋企附近商場食野食點心，好早黎左拎位，坐低左一陣已經有人排等位，餐廳安排左我地坐埋一邊，遠離大廳，提高私隱度。黎食潮州野點可以唔食潮州粥，粥底食落味道唔錯，唔會好鹹，配料仲有蠔仔，令粥底味道鮮甜，至於蠔仔就勁滑，而且份量相當多，就好似蠔餅咁多。跟住係滷水拼盆呀，又係潮州明菜，滷水鵝片夠晒入味，刀功一流，薄薄地好鬼野味。仲有其他例如豆腐尤魚同腩肉等等，尤魚好滑，豆腐就滷水風味，點埋醋汁非常正又惹味。屋企人話要食埋點心添，最正當然係潮州粉果，真係皮薄餡靚，size剛剛一口食晒，裡面既餡就爆滿晒，用料十足但食落唔會好劑。仲有香煎韭菜果，外皮煎到金黃色，而且口感脆口，裡面係充滿韭菜，食落相當香口。最後仲有潮州糯米卷，細細舊夠晒易入口，糯米軟滑，食一點都無油利感覺。

星期日黎到呢個商場打算食餐飽先走去行街街，好在一早約實，如果唔係有排等位，餐廳仲非常好，安排左個位置好好，屏風背後，方便傾計。首先叫左鮮蠔仔潮州粥，食落味道唔會過鹹，至於鮮蠔仔就夠滑，令粥底味道鮮甜，潮州粥風味濃。跟住係方魚炒芥蘭，方魚弄到卜卜脆，就好似薯片咁樣，至於芥蘭就經過細心處理，令菜頭唔會過硬，食落更覺嫩滑新鮮。主角之一係滷水拼盆，滷水鵝肉非常鮮味，刀功一流連皮食切到入口即溶，而且處理得夠晒入味。至於其他配料仲有豆腐啦，尤魚同腩肉等等，各有特色食到津津有味，非常惹味食到唔停口。除此之外，仲有各式點心添，最正係滿州蝦餃皇，真係皮薄餡靚，蝦肉飽滿，愛蝦人仕不能走寶。仲有蟹子鮮蝦燒賣，大大舊燒賣裡面全部都係蝦，充滿蝦肉用料十足，面層鋪埋蟹子除左靚仔賣相，口感就更住。呢度環境不俗，最緊要係食物係有質素，係唔會粗製濫造，確係有保證的集團性經營。

今日去東涌東薈城， 行行下街發現這間潮州菜館-滿樂潮州, 食完又覺得味道幾好 ,加上價錢不貴, 坐得舒適 ,適合大家去東涌時可以試下。話曬食潮州嘢，當然離不開食鹵水鵝片啦， 就點了碟滷水鵝片拼盤。 這碟鹵水鵝片，還有鹵水蛋、鹵水豆腐、墨魚片和腩肉， 鵝片切得啱啱好， 唔算厚又唔算薄， 口感極佳。而鹵水味濃郁， 醃製得非常入味， 不用酸醋已好好味。杏汁白肺湯， 是這裏的店員推介， 果然非常潤喉。 簡直是杏仁糊與豬肺混合一起食， 豬肺好淋 好感軟熟。 唯獨杏汁太濃杰， 好像食緊杏仁糊一樣， 魚稀釋返少少會更佳，杏汁是好香， 較為特別的一道湯。還點了北菇火腩春菜煲和沙爹牛肉炒河， 沙嗲牛肉炒河炒得好正，沙嗲味極濃， 滲透在每一條河粉上，食落口感香滑味美。 加上牛肉肉質新鮮，手切滑牛， 不是一般雪藏肥美可比。而 北菇火腩春菜煲，大大煲又多芥菜, 開胃醒神，送飯一流。

話說滿樂潮州開張已有一段時間，一直不在該區無機會入去試試。今晚剛好在東涌晚飯，決定跟三五知己一起入去試試。我阿媽係潮州人，所以令基一直以來，都對食潮州野都有一定要求，不過今次滿樂潮確實有驚喜。呢到咁靚，當然對呢度有一定期望啦，竟然出奇地好吃。先講呢度服務相當一流，上菜都唔會拖拖拉拉，是東薈城來講，相當不錯。先食佢既馳名的鹵水鵝拼盤，鹵水汁的味道剛剛好，配上爽滑鵝肉，入味之餘唔會太咸，兼有少少甘香。配上爽滑彈牙的墨魚片，喜歡食鹵拼的絕不可錯過。再來杏汁白肺湯，有別於其他地方飲到的杏汁湯，呢度既杏汁似是真係磨出來的，杏香濃而清，豬肺更有潤肺的功效，在屋企好難煲得出呢種湯的清香。欖菜肉碎炒飯最為驚喜，開頭以為好油，點知竟然炒得剛剛好，米飯粒粒分明，唔油有咬口，加上飯是蓋上雞蛋，更見大廚的心思。潮州蠔烙有別於平時蠔餅的煮法，有點似台灣的蚵仔煎，但食入口唔會太粉漿，蠔仔也相當飽滿，啖啖肉的蠔仔入口有相當的滿足感，加上不會太炸，相對唔似蠔餅咁熱氣。不過魚露不宜點太多，否則會有點咸。但比起平時的蠔餅，這蠔烙是破格之作。芋茸鴨又係喜出望外之作，在芋茸釀入少量的配料，入口有芋香之餘，也不會太粉，可以說是

真係好耐冇去東涌了， 難得今日星期日就入去東涌行下。 現在東薈城真係變化很大， 除了很多大品牌商店外， 連食肆都多了， 行到過去名店倉發現這間潮州菜館- 滿樂潮州, 見到咁多鹵水鵝便食指大動， 晚餐一於入去食餐好嘅。這裏環境不錯，地方寬敞，結合咗酒樓與美食廣場之装修格局，座位好多選擇。看了餐牌，決定必點的是鹵水鵝片，其它有點了潮州蠔烙 和金銀蛋浸莧菜, 再加兩碗白飯，兩個人食啱啱好。先嚟鹵水鵝片， 鵝片切得厚薄適中，賣相吸引，未食已流曬口水。味道非常入味, 鹵水味香濃, 加上鵝片肉質嫩滑，口感爽，食落特別滋味，佐飯一流。而鵝片底層還有五花腩、 鹵水蛋 、豆腐和墨魚片，鹵水味足，非常惹味。潮州豪烙，大大碟，味道特別。 表層煎得非常香脆，蛋汁甘香，加上勁多份量又鮮味的蠔仔， 配上魚露汁，特別正。金銀蛋浸莧菜， 鹹蛋味香濃，配上滑溜溜的皮蛋，新鮮的莧菜，連湯汁飲落都特别香甜。這間潮州菜館，價錢合適，加上招呼好，下次入東涌也會再幫襯。

今日同幾個同事剛好在東涌做野做到好夜，累累地就想係附近搵野食，即興就去左滿樂潮州菜館度食晚飯，點知幾有驚喜，都幾有水準，值得再去。我地一坐低。發現地方都幾闊落同舒服，因為餐廳樓底好高，就算多人都唔會覺得局促，同埋入面都有唔少大圓枱同卡位。侍應既態度都好好，餐牌上都有好多款式可以選擇。前菜小食有花生同甜酸菜，起初以為都係普通一般既小食，但花生原來係煲過，仲加上調味，微甜又林既花生，好味。因為太肚餓，朋友即時點幾樣菜。其中係必食既滷水鵝肉拼盆（當日餐廳人數都唔少，但唔洗等好耐就已上菜）拼盆入面有鵝肉、雞蛋、墨魚同豆腐，墨魚彈牙爽口，每舊鵝肉都厚厚，啖啖肉，又好入味，送飯一流，所以我同朋友好快就清曬成碟。跟住侍應就送上杏汁白肺湯，以往杏汁做甜品就聽得多，煲湯就真係第一次試，一遞碗湯埋黎已經有好香濃既杏仁味，起初以為兩樣唔係好合，怕會好怪，但飲落又出奇地match，湯料十足，一致讚好。然後唔可以唔提既係欖菜肉碎炒飯，炒飯粒粒分明，食落又唔會太油膩，有心思既係炒飯面有蛋絲包住整個飯，相當唔錯。食食下發現原來身邊都有唔少枱都叫呢個炒飯，睇黎我地真係無叫錯啊，呢個菜應該幾受歡迎。另外食得潮州菜又點可

約左班好耐無見的朋友，地點附近有間類似酒樓的餐廳未試過，突然想食潮州野，就黎試一試，等我介紹下今日食嘅幾味菜。前菜花生同平時酒樓食嘅花生有唔同，唔會乾真真咁，軟硬適中，味道甜中帶香，佢唔係油炸嘅花生，食落唔會覺得好熱氣 前菜酸菜都係同平時酒樓食嘅唔同，唔會太酸，甜酸味岩岩好，好開胃。芋茸香酥鴨芋茸有好多，炸得外脆內軟，食落唔會覺得好油膩，建議唔洗點咁多醬油，因為點太多醬油會搶左香酥鴨嘅味道，芋茸同鴨肉嘅味道都幾夾。煎蠔餅有別於平時打冷食嘅蠔餅，呢隻蠔餅質感似台灣蚵仔煎+韓式泡菜煎餅咁，但呢到係唔油膩，而且都足料，份量幾大份，4個人食都好飽，份量黎講係幾抵食。鹵水拼盆出名嘅鹵水拼盆，好入味，而且唔會太濃味，我好怕太濃太鹹嘅鹵水，食完會好想飲水，但呢到嘅鹵水拼盆味道岩岩好，通常呢d拼盆我食一兩舊就唔會再食，但食呢間嘅拼盆，幾乎食哂成碟，個人幾中意呢間嘅鹵水味。😋足料杏汁白肺湯本身個人唔太好杏仁類食物，甚至可以話係抗拒，但呢個好有驚喜，個杏仁味唔會搶哂成個湯，而且好足料，好大個豬肺呀，食完可以做爆肺Gem 。😂 味道同材料份量係好有驚喜。火腩春菜煲D菜充分吸收火腩肉嘅精華味道，清甜得黎又會滲