滿樂潮州 (東薈城名店倉)

营业中

休息中

難得放假輕鬆下，我同屋企人就黎到東涌食好西！中意食中菜嘅朋友記得要黎試下哩間滿樂潮州！我自己就認為係上等嘅中菜館喇~我同屋企人三個人，叫咗二餸一湯一甜品，夠曬飽啊！首先上嘅係杏汁白肺湯，好濃郁嘅杏汁，好香甜可口，色澤乳白，落足料，飲得岀落足火候！肺梗加係入曬味，好滋潤！飲完湯就上菜喇！首先係沙爹炒芥蘭。沙爹味好岀，而牛肉係厚薄適中，有咬口之餘唔會太硬，芥蘭亦都好新鮮！之後係紅棗烏豆豬尾煲。好足料嘅一煲野呀！豬尾炆得啱啱好，滲曬烏豆嘅味，好香，真係會想叫碗白飯黎送飯食！食到飽曬，服務員就送上桂花榚，樣貌好精緻，晶瑩剔透，好靚呀！味道非常清香，作為飯後甜點十分不錯！另外佢哩度沖嘅茶好有茶香，推薦大家黎試下！真心覺得值得一試！