滿屋日本料理 (已結業)

見無book位又唔使等就諗住試下，果然就普普通通啦刺身方面不過不失，但壽司都頗爲騎呢，基本上試一舊就唔想再食。另外熟食又系好多都過咸。無特別驚艷的菜色，搞到最後都唔知哎咩好，可取既地方系上菜都幾快啦，希望菜色方面有所改進。

行行下街 個肚腩仔響鬧鐘 就知道要晚餐時間到了朋友介紹下去左sogo後面地方好易搵，不過要上三樓再搭lift閒日唔洗等位一坐底緊係分工合作一面老公去熟食吧掃野食一面由我寫Order紙食物種類多 Order紙都分成兩本刺身有三文魚 劍魚腩 帶子 甜蝦 大赤蝦大赤蝦大大隻 鮮甜又爽口壽司最推介火灸和牛 岩曬鐘意食唔太熟既我手卷有海膽手卷 海膽份量唔算多但好新鮮 超鮮甜 好味😋熟食有羊架 煮得唔會老 正！出面仲有焗蠔 焗蟹蓋任拎 不過份量比較小阿！有個必食推介香辣咖喱抄蟹小小辣 認真開胃仲有好多唔同款既熟食 樣樣都係超曬班上菜速度快 無漏單不過2人台好細建議唔好一次點太多 以免出現張台唔夠放既尷尬畫面除咗哈根大師雪糕做甜品 仲有馬卡龍 泡芙 蛋糕等兩個雪櫃任你揀結束完美嘅一餐就最啱啦

我喜歡食放題或自助餐，就是可以各取所需，食物枱上或餐牌上的食物，你喜歡甚麼就要甚麼，甚至可以無須徵詢同枱其他人都可以，要幾多亦隨自己喜歡。已經有一段時間沒有食放題，因為要就大家時間，最後選了一間連鎖店，就訂了星期日，比平時要多付$10也沒有問題，而且有分時段，限食90分鐘，為了要配合大家時間，只有揀了後段時間，約好了及訂了位，一行四人就準時出現。食店位於銅鑼灣廣場二期，交通方便，店內面積也很大，位置算是寬敞，我們到時已經有很多客人了。食物除了可以剔點菜紙外，大堂還有食物區，提供一些即食的，如蟹蓋、蝦、墨魚丸、牛腩、沙律、珍味螺肉、各式甜品及雪糕，還有多款飲品包括啤酒、汽水、罐裝飲品、日本清酒及梅酒等，如果在這裡留連，只怕肚子的位置就會少了，難以去裝眾多美食。不過香甜的梅酒還是不得不喝的，所以也棄用清酒的小杯而改用較大的杯去斟，小食也就順手拿小小，如牛腩也做得不錯。點食物當然第一時間就是刺身，我們點了三文魚、油甘魚、劍魚腩、大赤蝦、甜蝦、天使蝦、鮑魚片、帶子、赤貝，都相當鮮味，當中大赤蝦豐腴肥美，油脂滿溢，值得食完再食。而赤貝亦十分爽脆，後來除了再點原先食過的，亦另加了希靈魚。燒物方面就

星期日同男友又去食依間放題即日book都有檯，去到等一陣就有位入每位加多88蚊就可以試個升級版升級版究竟有咩特別呢？一坐低，緊係要試下啲刺身先可以叫升級專享嘅牡丹蝦，啖啖肉爽口又滿足蝦頭仲有膏添都唔記得左食左幾多隻，因為成檯都係蝦殼三文魚都算正常，不過油甘魚剌身就有啲腥其他刺身都係中規中矩*鮑汁燴花膠*清清地唔會太咸，花膠幾大塊骨膠原推介*鵝肝多士配意大利黑醋*鵝肝煎得幾香，配以多士，一脆一軟口感不錯不過黑醋汁太濃味，未放到入口已聞到陣陣醋味刺鼻同埋我不太喜歡鵝肝，試一試就好*磯煮南非鮑魚*鮑魚軟腍腍又入味可惜數量有限，叫左兩次就冇哂下次黎嘅話要嗌多啲*黑松露和牛刺身*初頭都驚會食痾自己，所以都係每人叫左兩塊試下濃郁嘅黑松露香係口中洋溢估唔到同和牛刺身幾夾(食完之後冇病到，安全！)*和牛蔥燒卷*依個真係岩重口味人士大量嘅洋蔥碎同蔥花被和牛卷包裹如果配料少啲都幾好食*首爾人參雞鍋*真係足料奉上架喎大大隻雞脾食完已經好飽不過啲湯有少少怪味飲品方面除左汽水清酒、梅酒都係任飲🤩最後食埋個開心Mövenpick雪糕就完結喇

好耐冇食滿屋喇，而家食物選擇多左，質素都唔差👍🏻 . 🔸冷盤類 除左點菜紙既野食外，自助區仲有好多小食，例如鳳爪、雞腎、蝦蜆、自製沙律等👅 . 🔸刺身壽司類 刺身有13款，每一片都好厚切，新鮮甜美🤤，最推介食帶子、油甘魚，軟腍肥美，赤蝦都好正，勁大隻，爽口彈牙😍！壽司就冇咩點食，慳番啲quota🤣 . 🔸天婦羅、炸物類 虎蝦同蟹棒天婦羅都好食，香口而唔油膩👏🏻！芝麻雞翼皮脆肉嫩，芝士年糕軟熟有咬口，吉列蠔、香芋丸都好正🤤 . 🔸串燒、一品料理 每樣串燒都好好食，香口入味，有鹽燒蝦、五花腩、牛舌、蕃薯仔、翠肉瓜，鹽燒蝦我食左10隻🙈🙈好惹味！ 咖喱蟹個汁甜甜地又辣辣地，蟹肉都多🤣 .🔸甜品 有10多款揀，例如有芝士蛋糕、布甸、芒果雪花冰等等😋😋芝士蛋糕芝士味幾重!甜品都唔差! 每人亦會有一杯Haagen Dazs / movenpick 😝 .星期一至四 $238星期五至日 $248 滿屋日本料理地址：銅鑼灣駱克道463-483號銅鑼灣廣場二期8樓

今日同朋友黎滿屋食日本野，沒想到沒令我失望，刺生鮮甜、熟食味美，最讓我驚喜是清酒和梅酒和各種飲品任飲，多款甜品及雪糕，真是殿堂級享受！刺身：我最愛既三文魚好厚身，所以好有口感，吃著充滿魚油的味道；赤蝦同甜蝦 二者同樣鮮味爽口；另外的刺身同樣地新鮮而不腥！炸天婦羅海蝦：蝦質十分彈牙又實肉，完全不像是死蝦；外層金黃色而不油！壽司質素也不錯。最好的是它的壽司飯偏少，可以多試不同壽司🍣最後用高質movenpick 雲呢拿雪糕及Haagen Dazs朱古力雪糕做結束。這晚吃的特別飽特別開心

放工後，相約朋友到銅鑼灣行街，朋友想食放題，上網睇到評語幾好，結果就去食啦💓先點左刺身😍點左好多款不同的有牡丹蝦鮮甜大隻，仲有爽滑北海道帶子，仲有甜蝦、油甘魚tim ，各款刺身都十分新鮮肥美😋食完刺身接下來就係壽司啦，和手卷，好多選擇有牡丹蝦、三文魚子配甜蝦、油甘壽司、深海池魚等等，鮮味可口👍🏻仲有海膽手卷食完再encore💕之後就點下熟食，很多選擇，有串燒、天婦羅、蟹粥、燒物、羊架、雪糕、蛋糕等等，應有盡有的放題，任飲任食✌🏻

朋友生日，諗黎諗去唔知去邊食好，咁岩睇到依間滿屋，清酒梅酒任飲，我朋友就係喜愛飲酒，即刻覺得岩哂佢，而且食放題，實有野岩食既！問左朋友佢都覺得ok，就訂位啦！滿屋裝修新淨，算坐得舒服，服務員態度都好好，不厭其煩成日幫我地落單！清酒梅酒自助，仲有好多其他無酒精飲品選擇！食物方面超多超多選擇，我地主要食刺身，壽司，燒物已經好飽，各樣味道都好好，上食物都快，而且冇乜溜單，請埋朋友都係500幾，超級性價比高，朋友都好滿意，值得推介比大家👍🏻

上次食過lunch buffet之後念念不忘, 試過walk in幾次都冇位食, 今晚終於安排好book枱開餐。首先我負責點刺身, 壽司。 最愛海膽手卷呀, 細細卷既日本飯上放滿飽滿既海膽, 新鮮即整。好正。第2 round就把握時間去食前菜, 同時都有串燒送到了天婦羅質素有驚喜, d炸粉厚薄岩岩好。 再黎就係熱食, 牛百業大塊左d, 魷魚我朋友好鍾意。 一口牛好林, 一碟份量幾多, 好好味好快食哂黑松露抄菇好香口, 想不到的美味。 燒菠蘿必叫。厚必多汁。

又到食放題嘅日子，一諗起食放題通常都係諗起果幾間，最深刻印象既梗係食物新鮮好食既滿屋啦。記得上一次食既都已經係一排前，所以覆桌係應該既。好耐都冇返嚟食過，睇吓有咩upgrade咗先。首先緊點刺身啦，油甘魚、三文魚、帶子、生蝦都係必點既，依舊新鮮肥美。然後到壽司，和牛壽司好似有啲熟得滯，左口魚壽司勁好食，其餘唔使講照舊新鮮好味。跟住就輪到熟食環節，炒蜆唔少得啦味道好入味，冇沙嘅梗要俾個like啦！仲有係雞軟骨同雞翼都係我首選必食，味道依舊有水準。跟住輪到嘢飲，我諗我都好耐冇嚟過滿屋囉，竟然有hoeGaarden任飲，我無聽過同第一次有放題有得咁任飲，出邊買20幾蚊一罐㗎，飲返幾罐都抵啦，仲要有埋清酒同梅酒任飲，冇得彈！梅酒麻麻哋，清酒好OK。最後梗係甜品啦，雪糕有moven pick ，仲有幾個味揀，雪呢拿，朱古力，口感軟軟的。 omg 好味到呢。。。。每次黎滿屋一定無失望，梗有驚喜，好快我又要再黎架啦，等我！

慶祝朋友生日 期中一個最開心既方法就係食放題滿屋放題質素比較好, 選擇多, 又近地鐵站作為搞手既我一定係揀滿屋第一round我地嗌左刺身同壽司, 刺身以赤大蝦最正, 又大又新鮮。 甜蝦同三文魚好厚肉, 肥瘦適中。 第二round叫燒物, 羊架, 燒菠蘿 , 美味多汁。 芝麻雞翼好正, 脆卜卜, 入面又煮到軟一軟。雞軟骨就乾身左d, 而芋泥丸, 天婦羅蝦, 同天婦羅蟹柳熱辣辣, 食完一條又一條。 飲品方面, 有熱飲, 清酒, 汽水。 我地都好滿意。生日可以提早同餐廳訂蛋糕, 細細既一個唔會太heavy又靚仔。 店員仲會唱生日歌tim。 到最後每人一個雪糕, 大家都好滿足呀。

收工約咗舊同事gathering，就近近地去咗公司附近嘅滿屋食放題，發現原來都唔簡單啊！平時想食好少少又唔知可以食咩好，BUDGET有限但又想豪食，就住就住叫真係十分不爽。。。所以通常都係食放題，方便又多選擇，自己揀自己喜歡，啱曬我依啲三心兩意嘅麻煩人 ^_^估唔到平日夜晚去都會爆滿咁濟，不過好在有訂位。位置都坐得好舒服而且私隱度好高，吹水一流一嚟到坐底馬上先來個剌身船，場面都幾震撼，基本上放題應該有嘅呢度滿屋都有！「小食任你拎」，平時最想食嘅日本前菜呢到竟然係任食魚生好新鮮好厚肉！甜蝦好高質！仲要幫你剪埋尾！特別推介燒鰻魚：放題黎講有燒鰻魚已經舌驚喜，仲要燒得咁好食係加分，不得了不得了壽司種類都好多，而且款款都好有特色，用料新鮮，絕對值回票價海膽手捲推薦呀！放題黎講都算好高質，不過唔敢食太多怕好快飽飽 (戰鬥的心好強)放題必吃燒雞翼，新鮮炸好脆卜卜，一人啪四隻唔過份，太香口惹味！估唔到炸榴槤都有，榴槤愛好者可以TRY TRY熟食既種類都幾多野揀，啱曬一大班人去食，總有一款啱大家食，炒蜆炒菇咩都有，仲幾夠獲氣添牛油粟米絕係係必食，多多都唔夠食，一啖接一啖又唔怕痴牙，爽甜品仲有最愛嘅雪糕

銅鑼灣一向都係年青人最鍾意聚腳嘅地方，而銅鑼灣亦都有好多食肆，究竟邊間好食呢，我今日食咗間又平又好食嘅放題介紹畀大家睇下 一般嘅放題都係take紙叫嘢食，但呢間放題竟然有沙律吧，雪糕機，壽司，炸物，中式食物，同埋甜品都係任攞嘅，直頭係出咗放題嘅之外，首選推介嘅芝麻八爪魚同埋蒜味螺肉再加啲蟹仔上去非常好食 炸物其實選擇非常多不過好多人去攞，雖然影出嚟好似好少咁 ，除咗春捲薯角之外仲有炸雞中翼亦都有焗蠔 而且補充其他食物速度非常之快 ，特別推介 雞中翼，雞中翼炸到非常之香脆，而且內裏嘅肉汁亦都非常之鮮嫩，另外芝士焗蠔雖然蠔比較細粒但係亦都係非常之香甜，而且芝士其他嘅味道配合得非常之好 仲有唔同嘅壽司啦泡菜啦甜品啦等等嘅 而我咁鍾意食甜品嘅人，一定係咁食呢個雪糕機啦，食咗五杯呀 除咗食物甜品之外日本嘅sake梅酒都係飲飲㗎 仲有爆谷機，爆谷非常之香脆好味，某程度上食完啲嘢都有少少飽啦 食放題點小得刺身呀， 帶子非常新鮮，甜蝦我哋兩個人一比都畀成十隻，唔似其他只係畀三四隻，重有北寄貝，油甘魚，希靈魚，樣樣都非常新鮮 木瓜燕窩，木瓜非常新鮮而且燕窩同椰汁非常之香鬱冇得彈 如果人壽司嚟講最好食就係

今天逛銅鑼灣行到攰攰地，朋友話想食放題，上網睇睇，選了這間位於銅鑼灣廣場2期樓上的”滿屋”，來到餐廳都開始要排隊，平日來說好旺，應該無選錯。去座位前經過自座區，都十分多款式：食物有自助沙律、燒魚鮫、蘿蔔豬手、蘿蔔牛筋、老火湯紅蘿蔔青蘿蔔煲豬展等等；飲品有清酒梅酒、熱泡茶、各類啤酒汽水飲品。急不及待取些試試，質素不錯。看看點單紙，當然先來刺身先，點了三文魚、油甘魚、劍魚腩、大赤蝦、帶子、甜蝦、鮑魚片、天使蝦、北海道角螺、北寄貝，刺身質素都不錯，最突出是大赤蝦，又大隻又新鮮，鮮甜味美。壽司：點了京蔥三文魚壽司、深海池魚王壽司、柚子油甘魚腩壽司、黑松露赤蝦壽司、海膽大蝦壽司、象拔蚌壽司、 泰式虎蝦壽司，質素水準正常火炙壽司：岩鹽火炙和牛壽司、火炙鰻魚汁原條海鰻壽司、岩鹽火炙左口魚背壽司、火炙咖哩醬三文魚壽司、火炙雙色蛋黃醬滿屋蝦壽司、火炙千島醬皇帝蟹棒壽司，本人較喜歡火炙壽司，最喜歡左口魚背和原條海鰻，左口油份豐富，原條海鰻吸引。精選壽司：還點了些特色壽司試試，雙色香芒之戀、海膽帶子、海膽半拖羅蓉、香芒吉列大蝦卷。軍艦：蟹肉蟹膏軍艦燒物：燒物也十分出色，推薦燒紐西蘭香草羊鞍、鹽燒海斑魚、蒲燒