滿屋日本料理 (大埔超級城C區)

营业中

休息中

放工有時唔想周圍去，返到屋企附近想食放題，大埔超級城有一間好選擇，滿屋日本料理！滿屋 都算係幾有名氣，日本料理放題，室內裝修充滿日式風，卡位坐得舒服，環境乾淨衛生。食物選擇方面都十分豐富，我突然間好想瘋狂食刺身、壽司🍣天婦羅🍤 花膠、仲有甜品，質素幾高，可以迎合全家人嘅唔同口味！刺身QR code 落單睇真啲又真係幾多唔同種類嘅食。刺身種類都算係好多，基本嘅都有包，仲有泰式虎蝦同埋超甜甜蝦，阿姨就最鍾意食三文魚，阿叔就鍾意食油甘魚，我最鍾意食甜蝦同埋大赤蝦，鮮甜美味，肥美可口，入口濕潤。粉嫩色的吞拿魚，食咗兩round 好滿足，最緊要就係新鮮又好味。壽司種類繁多，我叫左幾款比較特別的，蒜蓉牛油燒帆立貝壽司、火炙醋鯖魚壽司、火炙牛肉壽司、火炙燒鰻魚壽司、赤蝦壽司、鰻魚玉子壽司、象拔蚌壽司。有芒果、黑松露、仲有鰻魚，有創意我鍾意。自助區出面有汽水、紙包飲品、甜品自助區，有甜品、沙律、生果、仲有朱古力噴泉，小朋友最鍾意，自己鍾意食邊款就隨便拎。炸物油炸嘢真係唔少得，酥脆可口，芝麻雞翼、相思雙皮奶、自家製吉列炸蠔、榴槤炸彈、一口芝士。日本料理黃金燒扇貝、西京比目魚、和風汁牛柳粒，仲有最鍾意食嘅

今期又去咗食任飲任食日式料理放題，當然放題價錢都分了幾個級別，越貴梗係可以食多啲不同類型食材，正所謂豐儉由人 俾大家揀選，最緊要係可以滿足一番，今晚就品嚐一下呢間滿屋日本料理點了最經典任食套餐，包括14款種類計埋都有74樣美食慢慢享用，仲有出面嘅自助區提供前菜同小食同甜品之餘，又有清酒同梅酒任飲，再係QR code落單夠方便，先來頭盤一定係刺身啦食材最吸引係必食推介有我至愛大赤蝦、甜蝦、帶子、赤貝&北極貝等，入口鮮甜爽彈食完必定再encore，緊接有一系列經典赤蝦壽司，火炙牛肉壽司壽司海膽手卷同燒汁鮑魚仔軍艦等賣相十足，size 份量啱啱好一口一件食落口感飽滿再來串燒鹽燒海蝦，西京比目魚肉質香嫩滋味十足，想要食啲香脆可口美食又有炸物一口芝士、榴槤炸彈入口流心，自家製吉列炸蠔又外脆內軟， 食番件蒲燒羊架份外惹味係時候食碗用料十足嘅瑤柱海鮮粥，食嘢時間過得特別快，最後食埋限定雪糕一杯作完結又品嚐咗了一餐超滿足日式經典放題美食。

如果想食日式放題，在大埔嘅選擇真係唔多，而這裡就係一個唔錯嘅選擇！餐廳位置正正就係係最方便嘅大埔中心位置，餐廳內座位數量都十分闊落舒適，而在入座前要先選定組合，由A至D四款選擇，由最低嘅A 去到最高嘅D ，今晚我就點了A set經典放題組合，見到內有74款食物選擇，加埋入面有個自助吧，先試了這款，看看能否滿足！落單都係掃二維碼，所以落單後就去自助吧取一些冷熱盤小食，有螺肉、竹筍、翡翠螺、車厘茄等小吃外，還有小朋友喜歡嘅夾糖，飲品都係自助，有不同冷泡凍茶味道夠晒香濃！最快就係個刺身拼盤一次過有齊了三文魚、日本油甘魚、鯛魚、北寄貝、希靈魚、仿鮑片、泰式生蝦、象拔蚌等經典刺身選擇，入口口感新鮮，份量足！除了刺身外壽司都有不同款式，如上面放了蒜蓉牛油燒帆立貝壽司、經火炙嘅醋鯖魚壽司、火炙牛肉壽司，火炙燒鰻魚壽司、大大隻赤蝦壽司、鰻魚玉子壽司、爽彈象拔蚌壽司等選擇。另外還有香濃蟹膏蟹肉手卷及最愛海膽手卷！蒲燒鰻魚都十分肥美出色！西京比目魚大大件之餘入口重啖啖肉😘炸物都十分有水準有十分香口嘅芝麻雞翼、入口流心嘅一口芝士、自家製吉列炸蠔、外脆內軟嘅相思雙皮奶、還有必食榴槤炸彈！燒新鮮菠蘿多汁鮮甜一樣

没有意思，但如座位可以坐卡位就比較好，服务员態度好，食物程序出得好，不會太亂，人数也不會坐得太逼，但地方第一次来比较難揾，希望一下次還有優惠，我一定會再帮襯，及會叫多D朋友来

好耐之前都嚟過大埔呢間食放題，但今次再嚟發現新裝修之餘食物仲變得更多元化，基本刺身、壽司、串燒、一品料理同天婦羅等等，外面設有自助區，可以自己拎飲品、仲有小食同熟食，甜品更係花多眼亂，最估唔到呢度竟然連朱古力噴泉都有，性價比超高！🔸自助區🔸同朋友先用手機落左單先，等緊食物既途中把握時間出去拎小食同飲品，小食有炸魷魚圈同炸雞新鮮炸起熱辣辣，而且refill速度都算快，仲有咖喱魷魚同魚蛋等街頭小食，咖喱汁少少辣好惹味😚😚😚🔸刺身及壽司🔸第一round食既當然係食左刺身同壽司先啦，叫左我最愛既三文魚同甜蝦刺身，三文魚厚切且肥美，甜蝦新鮮大隻、鮮甜爽彈，不停encore 🤭，手卷方面推介蟹肉同海膽手卷，蟹肉鮮味唔會腥，海膽口感順滑，值得一讚既係佢地手卷上面既紫菜唔會淋哂，證明新鮮即叫即整💯💯🔸串燒🔸食放題一定要食串燒，平時出面居酒屋一串都幾十蚊，而家一個價錢任食，同朋友落力食多幾串先得，必點雞軟骨同牛舌，雞軟骨脆卜卜送汽水送酒一流，牛舌爽口有嚼勁，只需加入鹽同胡椒調味已經好好食😋😋😋🔸一品料理及煮物🔸熟食方面佢地都有好多選擇，我就揀左放題比較少見既避風塘鴨舌，好少見到放題有鴨舌食一於叫黎試下，

用千幾蚊去食呢啲質素我不如去餐廳食buffet 上野食個已經好長㗎啦 啲嘢食又唔係咁好 餐廳見到都唔係忙㗎啦 仲要冇乜客 而且我個餐咁貴你比嘅嘢食完全唔合乎 冇貨係咪應該要寫明 我哋食嘅嘢冇嗰樣嘢值唔值呢個價錢？ 冇貨應該要寫明唔好咁伏有時賺錢唔係咁樣㗎 ！我唔嘈唔代表冇其他客人出聲 如果第二個一定要出聲 餐牌寫明嘅嘢竟然冇貨但係餐廳唔出聲 等到埋單先話係呀冇貨，唔係大晒㗎

食物夠水準，中日港菜式皆全，服務到位，職員有禮，有效追單，愉快進餐。自助飲品區備有冷熱清酒，各類包裝罐裝飲品齊全，小食，餐前小食，朱古力噴泉，甜品，名牌雪糕全有，惟座位稍窄。

[ 滿屋日本料理 ]今晚嚟大埔搵朋友食飯，中意任飲任食嘅佢就帶咗我嚟食日式放題。✿ D極緻組合 $558-598（視乎日子時間）呢個組合有齊哂組合A至D嘅食物，加埋過百款全部都係任食😍 D組合主打大拖羅刺身、加拿大海膽刺身、乳龍蝦刺身&香煎鵝肝等🤤 而其他組合主打中拖羅、松葉蟹腳刺身、池魚皇刺身、鮑魚等食材。今晚食咗太多款食物，未能盡錄😝介紹啲個人比較鍾意嘅🫶🏻刺身好厚切同新鮮🤤 大拖羅&中拖羅嘅天然魚油脂好甘香，味道肥美；加拿大海膽刺身香濃鮮甜唔會苦澀。壽司飯酸度適中，size啱啱好唔怕質飽個肚😝 個人推薦火炙大拖羅壽司、海膽鵝肝伴帶子壽司&海膽劍魚腩壽司。串燒&燒物每款都熱辣辣呀！鹽燒牛舌&黃金燒扇貝配埋餐廳任飲嘅清酒無得輸👍🏻煮物嘅汁煮鮑魚&辣酒煮東風螺惹味又好味，有驚喜。總結🫦食足150分鐘放題嘅感覺真係好滋味🤤 Set D極緻組合款式最多，有好多都係貴價食材，而且係任叫任食，5百幾蚊一位算係物有所值💰✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿滿屋日本料理地址：大埔安邦路9號大埔超級城地下542-548號舖電話：36222070✿✿✿✿✿✿✿✿✿✿✿✿✿✿✿✿✿✿✿✿

今日喺大埔超級城玩咗一日，好想食放題，因為唔使諗食啲咩嘢，任飲任食都唔係一個錯嘅選擇，非常之啱我。三文魚刺身見到都好光澤，好鮮甜牡丹蝦非常爽口，好有蝦嘅甜美，我都應該食咗十隻八隻。和牛壽司：我鍾意嘅係啲飯唔會好大舊，牛肉一啲都唔鞋口，非常之有牛肉味。三文魚壽司：基本上我每次食親壽司都有佢份，一口一口食。羊架啖啖肉，燒得好香，好夠火喉，個味道係我最接受唔到嘅味道。雞翼入邊都好Juice唔會非常乾身，點少少檸檬更加覺得清新食多幾隻。雜錦天婦羅：隻蝦不得了好彈牙，個粉漿做得幾好，唔會太厚，個味道又一流。咁大食嘅我梗係食一碗拉麵定下個肚，濃郁豬骨湯底，麵嘅爽到啱晒我。放題點少得有雪糕食，比利時朱古力係我食咁多款覺得係最啱我食嘅亦都係最好味。

今日約了朋友食午餐，朋友安排了吃午市放題，那麼就一起放縱一下吧！除了自行點食物外，和其他滿屋一樣，有甜品、沙律、小食自助區。午市除了放題外，也有定食，定食也包自助區，其實真的十分化算！二百蚊90分鐘放題，任食任飲，更有指定清酒及梅酒可選，而在飯餐末段可選Mövenpick、Häagen-Dazs 作甜品，性價比很高😊。先取一些前菜，款式真的不少，麻辣豬耳、雞腎及泰式鳳爪，衝擊味蕾。陳醋木耳及海帶，酸酸的，引發食慾。😋剌生種類選擇不少，我們點了9款。整體也新鮮，最喜歡的是大赤蝦🦐、北海道帶及仿鮑片。大赤蝦及帶子味道鮮甜，值得再點。象拔蚌和螺片就沒什麼味道，最為遜色。另一方面，任點海膽手卷，我們點了海膽手卷和蟹膏蟹肉🦀手卷。手卷是迷你版，不過海膽及蟹膏蟹肉份量也不少的，兩款都很鮮味，海膽入口即溶，而蟹膏又香，配搭梅酒，點多幾轉，已經回本。天婦羅方面也做得不錯，除了蔬菜🍆🍠外，有虎蝦🍤天婦羅，外表香脆，不會油膩膩的。旁邊的相思雙皮奶讓人感到驚喜，外表香脆，內裡軟滑，甜度也適中，大愛。❤️此外也有吉列炸蠔及一口芝士。炸蠔熱辣辣的，吃時小心燙口，內裡juicy 。友人是芝士控，芝士香酥，滿足胃口。

平時做嘢好攰都要獎勵自己食得好一啲豐富啲享受日式美食呢度裝修有日式風格夜晚早啲到就唔使排隊再加上選擇多食物有質素而且自己落單好方便播單車好快就到整體裝修都係日式風格刺身任食，而且選擇真係好多 有大甜蝦肉質鮮美新鮮鮮甜三文魚超級厚、八爪魚🐙呢度嘅小食、飲品甜品都係任食熱辣辣好味的新鮮蟹🦀️粥，裏面有蟹特色壽司料理，選擇好多串燒都係即叫即整仲有牛舌，燒鰻魚等等味道絕對不馬虎天婦羅都係熱辣辣地上，天婦羅蝦配上日式醬汁一流下次再過嚟食

想食放題唔一定要出去旺角嘅，陣間搭咗紅Van去咗無人之境點算🤪喺大埔超級城呢個迷宮入邊，已經有一間滿足到你食日本嘢慾望嘅放題店😆間嘢雖然舖頭唔係好大，但係都容納到十幾台客👌一入門口先有一系列嘅冷盤，同埋甜品櫃任君選擇。另外仲有清酒任飲，飲品選擇算係好多元化，我特別欣賞嘅係有朱古力奶，同埋有氣利賓納！真係唔係到到放題都有㗎👍嘢食方面呢，當然唔少得刺身啦，雖然A餐選擇唔算多，但係都還可以啊。其實魚生食來食去最多人揀都係嗰幾種啫，最緊要係新鮮。另外嗰啲熟食雜物都OK 㗎，全部都係即叫即炸，唔會放到凍哂硬掘掘。牛油粟米幾好食，仲有羊架都唔錯。最後仲有一人一杯Häagen-Dazs雪糕完美作結😋

好早之前已經訂左位，撞正打八號波🥲 一心諗住無得食，打去問一問，佢地話打十號波都照開😆 於是同朋友一行四人，打風都照出發去大埔🤣大家留意返，超級城嘅位置唔近火車站，所以大家要預返多15分鐘左右轉巴士或者小巴，雖然要轉車，但係都係點到點嘅，係無懼風雨嘅放題呀！由於月尾，錢就洗哂啦，所以叫左個最平嘅course，雖然係最基本level，但所有經典放題野都有齊嘅，唔好睇小佢呀。用QR CODE 落單～一開波就比我見到有哈根達斯 salted caramel cappuccino!! 即叫！（因為驚無哂）呢個雪糕就做左我頭盤了 lol刺身炸物壽司天婦羅，唔洗講你都知啦，全部都係經典必食。最最最最應該試嘅！係估你唔到海鮮粥！！好熱好味！我作為中年婦人覺得有養生feel佢門口有清酒，同埋一啲餐前小食，都唔錯嫁！個福袋好有驚喜～～開開心心笑笑下又一晚雖然打8號風球，但好彩最後走個時都仲未落大雨… thanks god!

8月尾 暑假既尾聲想食餐好既開sem 飯 就黎左大埔滿屋日本料理因為見佢既刺身放題有分級數 又可以食到比較貴價既刺身 所以就試下 呢到除左qr code 點餐外 仲有d 冷盤、前菜、熱食、湯、甜品、飲品 可以係出面自己拎 先點刺身同壽司 三文魚、日本油甘魚、北寄貝、希靈魚、象拔蚌、泰式生蝦、赤貝、酒煮榮螺片、北海道帶子刺身、大赤蝦、大目吞拿魚刺身、池魚皇薄切大部份刺身都有點到 全部都新鮮 特別推薦北海道帶子刺身同大赤蝦 帶子刺身好大粒同好甜 大赤蝦真係大到差吾多成隻碟咁長 啖啖肉好味呀 另外叫左B 餐 所以點左大目吞拿魚刺身、池魚皇薄切好有吞拿魚 池魚肉幾爽口 食落新鮮 蟹籽軍艦、海膽手卷、火炙芥辣味牛肉壽司、厚燒芝士鰻魚壽司、醬燒三文魚壽司壽司飯唔會好舊 不用浪費quota 呢d都係刺身無既款式 特別推薦牛肉壽司 另外再叫左d料理類避風塘炒鴨舌、脆骨丸子串、燒羊鞍、黃金燒扇貝、鹽燒海蝦、避風塘炒尤魚鬚、豉椒炒蜆、汁煮鮑魚、美味花膠雞鍋、一口芝士、芝麻雞翼、燒新鮮菠蘿、鹽燒牛舌、鹽燒雞翼其實全部都幾好味 佢d味道唔會太濃/ 太咸推薦燒羊鞍 厚肉 唔蘇避風塘炒鴨舌 出面比較少食到 幾惹

呢度個午市定食堂食嘅話會有半自助吧任食，不過Badboy覺得有少少confuse邊d先算係半自助吧嘅野，會擔心有無拎錯野😂而午市定食本身寫有附送生果同甜品，不過badboy就無食到，唔知係咪要自己嘟qr code落單禁🤷🏼‍♂️。-🍣滿屋精選魚生丼 $105(三文魚、油甘魚、北寄貝、甜蝦、角螺、帶子各2件)除咗油甘魚有少少腥，其他魚生都幾鮮甜，飯正常，量好多，連埋半自助吧嘅野食就太多食唔哂。半自助吧有好多中式辣野食，感覺都抵食嘅。但d炸野全部都唔熱嘅，個唔知咩炸圈圈仲好硬，除咗炸粉，唔太知自己食咗咩😅-Badboy一個人食被安排搭枱，中間隔住膠板但如果隔離枱係坐兩個人，無得揀坐對面位拉開距離，會覺得唔太自在。