滿堂紅頂級雞煲火鍋 (已結業)

之前聽朋友介紹去滿堂紅食限時任飲任食雞煲好抵食,所以前幾日就特燈同朋友去試下食晚飯!一入到去,門面好大,店內環境都好大,有成幾層咁多,坐得舒服,而且生意幾好,多人光顧!火鍋配料同飲品選擇多,而且樣樣新鮮又大碟!除左有火鍋配料任食之外,仲有熟食食物任食,例如咖哩魚蛋,雞腳,豬肚煲,涼伴青瓜木耳等等雞煲內的雞份量十足,夠晒大隻,味道亦夠濃,之後轉火鍋都超正!服務員的服務態度都好好,好有耐性,即使店內好忙,都冇忽略你要求,笑容滿面地服務你!地理位置方面又易搵!火鍋配料方面,力推肥牛,新鮮又大碟!下次一定會再同朋友去食,超抵食!一人200蚊都唔洗!