滿地餐廳 (已結業)

食肉獸既你一定唔可以錯過以下的一間餐廳！人均100內就食到一份鐵板扒餐～係套餐呀！價錢非常親民又抵食，真係性價比極高。 Mundi 牛柳鐵板餐 $91 配薯格$3，羅宋湯羅宋湯非常足料，有幾大片牛肉在內，非常軟淋，小小酸好開胃。 薯格炸到好脆，勁正！牛柳嗌左5成熟，熟得剛剛好，完全無失望，粉紅色牛肉非常漂亮。有兩大件牛柳，肉質軟滑無筋，唔太重鬆肉粉味，好食！醬汁要喺出面嘅醬料吧度自己拎，我今次拎咗黑椒汁，都幾香濃。特別推介：一定要拎黑松露蒜蓉！ 配牛扒真係勁好味！ 澳洲西冷牛扒鐵板餐 $92 配蘑菇沙律，忌廉意粉蘑菇沙律加咗松露醬真係好香。忌廉意粉就普通左dd, 不過意粉嘅軟硬度值得讚， 軟硬適中。西冷扒同樣超大塊，表面烤得十分香口，西冷對比牛柳相對地冇咁軟腍，但肉味較香濃更有口感。配上燒汁，更添滋味。 加$6 upgrade 食朱古力雪山🥤最後以朱古力雪山作為今餐的總結，朱古力不是十分濃郁，但是配上香香甜甜嘅忌廉就變得十分match，飲落唔會好漏，完美既ending ☺️❤️。

門面都幾吸引，招牌都幾特別，門口大大個Anson Lo紙牌，亦有成個人咁高既模型~ 👧🏻Mundi牛柳 $91有超多選擇可以配，有咖哩飯、紫菜飯、薯格等，我就揀左+$3 要芝士味薯條，仲有跟沙律，鐵板既醬係自助形式，都有4款，仲有其他蒜蓉，我揀左日式燒汁，甜甜地，好正，牛柳軟淋，勁易切開同入口，亦唔會有筋~ 👧🏻朱古力雪山 跟餐+$6大堆cream係上面，攪拌好先飲就一流，朱古力唔會過甜，岩岩好 👧🏻鮮菌牛肉漢堡 $53包面係脆卜卜，佢既牛肉唔係完整一塊，而係好似和風牛肉飯既形式，所以都幾特別，仲有好多菇，好正 👧🏻沙律蛋煙肉pizza熱狗 $42醬汁好多，差d掩蓋成個包，所以味道亦足夠！ 👧🏻凍鴛鴦$20奶味濃 包類全部都大大個，唔怕唔夠飽，下午茶套餐亦好抵食

灣仔離銅鑼灣咁近，喺銅鑼灣放咗工去灣仔覓食。搵到一間鐵板餐廳好抵食😳夜晚一個人去原來都可以盡興，吾叫得多嘢食100蚊都有找，兩個人去預都系二百幾蚊，食物質素都👌🏼又多元化，有鐵板扒餐🍴漢堡🍔鐵板燒🔥✿ 𝗠𝘂𝗻𝗱𝗶牛柳 $91鐵板餐可配頭盤+🍚/🍝/🥗用得餐廳名做招牌菜就要試試😁有得揀幾成熟，揀7成熟，都有少少生，但同時吾知系咪因為咁口感都軟稔易咬。套餐配芝麻醬雜菜沙律同埋薯格，芝麻醬沙律清新，薯格香脆可口。✿ 澳洲西冷牛扒 $92西冷就揀5成熟，西冷就比牛柳結實，牛肉味好濃，真系有港式風味🇭🇰5成熟得黎吾會太生，啱啱好戈種。配藍青口同埋熊本咖喱飯🍛青口新鮮程度還好，熊本咖喱飯都好有日式風味🇯🇵✿ 芝士黑椒雞腿漢堡 $3434蚊咁大個burger都算系咁🤩🍔芝士兩塊好正💛黑椒雞腿為味蕾帶黎刺激🖤雞腿好大塊🐔雞肉嫩滑多汁。

地址－滿地餐廳灣仔天樂里3-5A號僑康大廈地下C號舖💋Mundi牛柳 (配芝麻醬雜菜沙律，熊本咖哩飯)，佢首先就上左個沙律，佢個沙律份量勁多，裝到滿晒，仲鋪滿左麵包粒，有種卜卜脆的口感，好特別，配埋之麻醬食，好正，之後就上左熊本咖哩飯，佢個咖哩味香濃，我地試過將佢同出面自取的蒜蓉一齊食，感覺更佳，而主角牛柳方面，我揀左7成熟，佢出面可以自取燒汁，和風燒汁同埋黑椒汁，蒜蓉，黑松露蒜蓉，洋蔥粒同埋羅勒醬，可以方便客人跟據自己喜好而調配合心意的醬汁，呢個做法幾好，我就揀左燒汁配蒜蓉，佢跟左2大塊牛柳，都好大塊下，食落牛味好重，口感唔錯，唔會過老，配埋我自調的醬汁一齊食，勁正。💋Mundi雜扒(配羅宋湯，薯格)，首先佢就上左個羅宋湯，佢個湯味道香濃，而且配料豐富，薯格真係不枉我加左$3去升級佢，佢D薯格炸到勁香脆，咬落去直頭發出聲音，正！而佢雜扒方面，有煙肉，腸仔，豬扒同牛扒等，勁足料，又大塊，佢煙肉唔會太鹹，唔錯，腸仔外脆內軟，豬扒厚身之餘又唔難咬，牛扒質素我覺得比得上中高價位的級數，牛味香濃，配埋我朋友揀的黑椒汁，帶點辛辣，層次豐富。💋自選牛漢堡(沙律蛋，麻辣沙律醬)，呢個漢堡勁大份，佢塊

✨Mundi 牛柳🥩牛柳比想像中大份同厚身，但係又好容易切開，完全冇筋，肉質軟腍😙 可以揀熟度，不過建議大家揀熟啲，叫五成自己煎完仲係幾生✨超嫩滑雞扒呢度雞扒真心正！！係真係好嫩滑唔係得個名🤣🤣而且有肉汁添，外皮香脆，啖啖肉，好好味🤤鐵板黎講呢個真係高質～另外套餐包埋一個頭盤 & 配菜 & 飲品，主菜又大大份幾抵食😜 本身想揀其中其中一款係藍青口，咁啱嗰日冇晒，所以兩份都揀咗加拿大海蝦🦐 一份有四隻，幾鮮甜～ 配菜有意粉/雜菜/薯條/飯類，揀咗熊本咖哩飯🍛同埋紫菜飯☺️個人鍾意個咖喱飯多啲，甜甜地少少辣。✨鐵板黑椒硯 $48啲硯都幾多，冇沙粒，加咗啲洋蔥同黑椒一齊炒好香夠惹味🔥✨四季春茶✨朱古力雪山🍫❄️甜度適中，朱古力味都夠重，唔錯👍🏻

今日又去咗捐窿捐罅搵好嘢食😎行到嚟灣仔天樂里見到呢間滿地餐廳！價錢好親民，餐牌選擇食物種類好多，而且裝修都唔Hea架！叫咗兩份鐵板餐之後去自助區度拎醬汁！燒汁都有普通燒汁同日式燒汁揀！蒜蓉又有普通蒜蓉同黑松露蒜蓉揀😆Mundi 牛柳果然係用餐廳名命名嘅菜式😍呢個牛柳好軟熟、好腍身！而且份量都幾多架😉澳洲西冷牛扒西冷扒超大塊超厚肉！油脂感十足🤤又唔會黐牙！非常欣賞佢每塊鐵板都配埋大量嘅蔬菜🥬有四季豆、紅蘿蔔、大量粟米同小蕃茄！前菜方面嘅加拿大海蝦都幾爽口彈牙，是日煮籃青口好香奶油味！估唔到呢個價錢除左有肉食外，都會有埋海鮮食✨配菜方面我地揀左啖啖黑松露味嘅薯條&同炸到好酥脆乾身嘅薯格🥰另外必叫嘅係呢杯朱古力雪山，朱古力超級香濃😌加埋上面嘅忌廉好飲過好多肥仔水呀😜滿地餐廳 (灣仔)灣仔天樂里3-5A號僑康大廈地下C號舖

滿地餐廳灣仔的一間平民百元內扒房，吃過同系列的滿滿食堂，今天驚喜發現還有這一家，出品一樣性價比高又美味，位置好找。套餐價包括了前菜主菜主食飲品，選擇豐富，每個套餐都是兩位數，真的很划算，百元內就可以扶牆出。紐西蘭羊扒，肥嫩的羊肉，烤得焦香，羊肉的羶味都被香味所掩蓋，拿著啃大快朵頤。黑松茸鮮薗沙律，黑松露配萬物，甚至可以用來蘸薯條。麻辣薯條，沒想到還有麻辣味的美乃滋，超級辣，很特別。鱈魚牛肩扒性價比超高，七十多的價格可以吃到雙拼，對於選擇困難症也太友好了。加拿大海蝦是新品，新鮮程度直逼日料店，蘸醬油芥末，甜味更激發出來。加配了一個炸單骨雞翼，炸的外酥里嫩，一口爆汁。總的來說，很適合平日不想吃普通快餐的時候過來飽腹一頓，又不傷錢包。兩個人可以點上滿滿一桌海陸空盛宴。

見呢排都少機會可以食牛，今次就去咗間位於灣仔嘅餐廳食午餐。睇返餐廳嘅Menu，見到呢間餐廳都有好多款式可以選擇。例如有鐵板扒、漢堡、熱狗等，所以都可以有好多唔同嘅搭配。首先就食咗以餐廳命名嘅牛柳，跟餐仲有藍青口同咖哩飯。一個鐵板扒餐有頭盤主菜仲有小食，可以話係價錢適中，另外仲加咗6蚊要杯朱古力雪山嘅特飲，特飲上面有一層忌廉，所以睇落就好似雪山咁。層忌廉都好食。之後就叫多個以澳洲西冷牛扒為主菜嘅鐵板扒餐，我就叫咗三成熟。今次嘅頭盤我就叫咗新推出嘅加拿大海蝦同香草意粉，每種食物都畀到好唔同嘅感覺。一個人食嘅話其實都幾足夠。另外仲叫咗個自選牛漢堡，我就揀咗鮮菌餡同麻辣沙律醬，漢堡睇落嘅體積都大。入面嘅餡料應有盡有。

女女好鐘意食鐵板牛扒～ 貪佢滋滋聲！好有feel！今次 我地經過天樂里 發現呢件滿地餐廳 好抵食啊！一般鐵板扒套餐 全部100蚊內 搞掂！我地嗌左 幾款🐮牛柳 : 好大份 2大塊牛柳 都好霖身小朋友都啱食🐑羊扒: 2大件煎到好香啊😍😍👅鹹牛利+腸: 唔係咁多地方有 所以好開心啊～牛利仲好霖！好好味！🍱套餐仲配埋 +小食(青口 /🦐大蝦 /🍵湯 /沙律🥗)+咖喱飯🍛/紫菜飯 🍙/香草意粉🍝 +$3 又可以變粗薯條🍟+🥤餐飲 +$6仲可以變 🍫雪山朱古力😍啊真係 又大份又抵食啊！而且佢地好得意架 有自助調料吧！鐵板嘅醬汁 蒜蓉 洋蔥 芥末等等，可以按自己口味去拎！又真係好幾好wor！講真啊 咁多年黎 真係冇咩餐廳可以俾夠洋蔥 蒜蓉我😂😂值得一試！

星期六夜晚同老公出灣仔食鐵板扒餐。呢間鐵板扒餐超級抵食，一個餐包頭盤、配菜同飲品，眼見好多一家大細黎食飯。頭盤: 羅宋湯、加拿大海蝦。羅宋湯微辣，幾多料，飲完好開胃。加拿大海蝦唔係霉晒個種蝦，都幾大隻，仲有4隻甘多。主菜: Mundi牛柳、美國安格斯封門柳。Mundi牛柳叫左五成熟，牛柳厚身，肉質軟腍，好易咬。美國安格斯封門柳 同樣五成熟，封門柳牛味出啲，肉質都係好好咬，唔鞋唔韌。配菜: 熊本咖哩飯、薯條。熊本咖哩飯咖哩份量足夠，撈得晒成碗飯。薯條 (+$3)要左鹽味薯條，薯條熱辣辣，夠香脆，正。飲品: 朱古力雪山 (+$6)、熱檸茶，朱古力雪山 屬於小朋友口味個種。煙肉pizza芝士焗熱狗另外叫左個熱狗食，煙肉同芝士包住條腸，面頭仲有大量青瓜絲同醬，相當飽肚。

前幾日就去咗灣仔嘅一間主打港式西餐嘅餐廳🍴 食物種類都唔少㗎，大家可以選擇鐵板扒🥩、漢堡🍔同熱狗🌭，仲可以加錢要小食，價錢親民又抵食，而且味道都唔差架！今次就叫左兩個鐵板扒套餐🥩🥩叫到成枱都係嘢食，食到勁飽，都係二百幾蚊咋！🤤😋套餐嘅前菜及配菜都好吸引，加6蚊就可以upgrade嘢飲，要凍朱古力雪山👍🏻🧋頭盆是日煮藍青口青口肉質嫩滑無渣又Juicy，味道鮮甜且充滿清新嘅海洋味，餐廳用了白酒去煮青口，令到味道更加鮮甜美味❤️加拿大海蝦🦐🍤第一次見鐵板餐廳嘅前菜有凍蝦食，冰凍海蝦嘅味道比較鮮甜，肉質比較光滑細嫩，食落去嘅口感非常爽口🦐🍤一啲都唔會太霉👍🏻主菜Mundi 牛柳🥩🥩 $91大大塊嘅牛柳有兩塊，牛柳係各個牛部位中最軟嫩和最瘦的部分，油花比較少，食落去嘅肉質軟腍，肉汁亦豐富🥩五成熟加上鐵板嘅餘溫 就熟得啱啱好，牛柳底下仲有紅蘿蔔、椰菜花、粟米及豆角等等配菜🌽🥕🥦美國安格斯封門柳🥩🥩 $88封門柳係成隻牛，肉味最濃的一部分，同時脂肪不多，食落去肉質都比較嫩滑，肉味都比較濃郁，重點冇諗過$88都可以食到封門柳🤭🤭配菜薯條（黑松茸）+$3外脆內香軟嘅薯條🍟，再配上黑松茸醬汁，份量又多👍🏻真

喺灣仔區找間西餐廳要食合乎要求（平靚正）係非常非常之難.我今日介紹嘅西餐廳.就有齊晒上述嘅要求.還有餐廳都有特別裝修及裝飾風格.牆上面掛咗好多畫.餐廳門口走廊罷咗個金色機械人.成個人咁高.餐廳天花有霓虹燈招牌.唔知道好似去咗Disco咁樣.成間餐廳有自己風格.座位都幾舒服.覺得又有啲似工業風。呢度食嘢一啲都唔貴.鐵板扒餐主菜由$68元起至$88元.仲有頭盆五選一.還有可以升級 黑松露薯條或薯格.要加$3元.熊本咖喱飯.紫菜飯.沙津等係免費.共六款嘢.任擇其一。 今日點餐如下： 1. Mundi 牛柳 5成熟 X1 $88元 配加拿大海蝦 X1 份 黑松露炸薯條 X1 份 加$3元 餐飲: 朱古力雪山 X1 $6元 2. Mundi 雜扒 X1 $76元 配是日煮籃青口 X1 份 熊本咖喱飯 餐飲: 朱古力雪山 X1 $6元Mundi 牛柳Mundi 雜扒 📌滿地餐廳 (灣仔)灣仔天樂里3-5A號僑康大廈地下C號舖

下午茶都要加一服務費 加都唔緊要 仲要冇服務 落單個陣店員不斷傾計 打斷左兩次落單 離晒大普 如果要攞醬要自己出去拎 一d服務都冇 收咩服務費😅😅😅仲有餐枱唔會提供紙巾 而且只收現金一開始入到去一個人都冇都覺得奇怪，咁大間野，空場，見到有好評，不禁懷疑係佢哋自己店員打講下食物質素，食物質素一般，叫左杯特飲，朱古力雪山，特別難飲，其實就係凍朱古力+cream係面，朱古力冇味唔甜，飲落口有粉，真係好差，以後唔會再幫襯，大家唔好比佢個餐牌呃到同埋提一提大家，佢嘅單骨雞翼寫$18(3件) 其實係得1.5隻，味道同麥當勞一樣，所以想食就去麥當勞仲好，起碼唔洗加一先啦🤣🤣🤣都冇服務架啦，最後唔建議大家去食

最近食左呢間超抵食既鐵板餐，迫不及待地快手出文share先😝一個鐵板餐都係6x-8x，前菜除左常見既沙律&羅宋湯外，居然有得揀青口+海蝦（重點唔洗加錢）揀埋配咖哩飯/紫菜飯/意粉/薯條/薯格，再送埋熱飲或汽水，我地叫左咁多野，連埋加一先24x💕>是日煮藍青口：青口有5-6隻，雖然細細粒，但食落都鮮甜。>加拿大海蝦：有4隻蝦，幾大隻、難得地冇乜蝦屎，會配埋豉油+芥末，味道都唔錯😋>炸鱈魚拼雪花牛肩扒：私心推薦，覺得呢款CP值最高，炸魚成塊鐵板咁大塊，炸到外脆內軟，又冇雪味；牛肩扒都算大塊，肥膏唔多，食落軟腍又冇筋。揀左配紫菜飯，超多紫菜碎，配埋飯素好快食左一大碗。>Mundi牛柳：鐘意食牛既就建議試牛柳，呢款既牛質素更好，牛柳熟到7成熟，好厚肉，油花比較少，肉汁豐富。跟咖哩飯，咖哩汁味道濃郁，有埋紅蘿蔔+薯仔粒粒。>鐵板黑椒蜆：好有大牌檔風味，份量好多，香噴噴之餘鮮甜惹味，仲好貼心地比左兜仔放殼。>朱古力雪山&紅棗蜜：+6蚊就有既朱古力雪山，打卡靚靚，朱味濃郁又唔太甜；紅棗蜜清甜潤喉，正！

《不負責任食評—滿地餐廳》評分：🌕🌕🌕總評：一間都幾多上班族嚟食飯嘅餐廳見佢間嘢出名係鐵板餐同男友分別都係叫咗原塊牛扒鐵板餐🥩佢西冷 我封門柳 選擇算係比出面多但係鐵板唔夠熱加上冷氣好凍我諗食到1/3 塊扒已經係凍哂🥶最後真係凍到食唔落就問廚房可唔可以幫手加熱個鐵板個經理都係好心不甘情不願咁拎咗我男朋友嗰塊去加熱（我個塊都無加到）🫠加完熱之後都係5分鐘就已經唔熱啦🥱最後都係算數照食牛肉質地明顯係放咗鬆肉粉食落啲肉嘅纖維已經係冇晒咁滯😓其他前菜、配菜都係一般般最令人期待嗰個朱古力雪山睇落好濃郁但係飲落係好稀嘅朱古力 好失望🥲其實餐廳都係普通茶餐廳裝修服務鐵板餐80幾蚊我覺得以上班族午飯來講有啲小貴但係臨走前發現其他人有嗌一啲類似炒牛肉嘅鐵板餐反而感覺唔錯而且平好多大約$4-50就有交易另外就係佢冷氣真係開得太大入到去好似入咗雪房一樣🥶冇咩事應該唔會再食