滿地餐廳 (已結業)

餐廳主打多款鐵板扒餐，豬牛雞羊任君選擇，仲有漢堡包、熱狗同各種炸物，大人小朋友都啱食～ 呢度採用咗半自助形式，可自行調配鐵板醬汁同份量，十分方便🫣 整體環境舒適，價錢亦非常親民化，物超所值，晚飯唔想咁頹又驚貴嘅不妨過嚟試吓😎鐵板餐包括頭盤、主菜、配菜同飲品！加拿大海蝦唔算好大隻但勝在口感爽口彈牙，熊本咖喱飯好有日式feel，味道甜甜地而且醬汁夠多🥰 黑松茸鮮菌同芝麻醬雜菜沙律嘅份量都好足，蔬菜新鮮美味，感覺更加健康😜Mundi雜扒有牛肩扒、昆布蘭腸、煙肉同煎豬扒！牛扒煎得啱啱好，帶陣陣牛香，軟嫩多汁，豬扒大大塊，厚度適中，口感鬆軟！另外叫咗Mundi雞扒，肉質滑嫩啖啖肉，香濃惹味好滿足～ 鐵板下面仲放咗好多蔬菜，正👍🏻最後加配兩款小食！豬柳煙肉蛋漢堡係偏港式嘅漢堡包，包皮夠脆身而且餡料都幾豐富，搭配醬汁邪惡感滿滿😜 黑胡椒鐵板炒蜆新鮮熱辣香噴噴，香濃惹味，好想叫多碗白飯呀🤣

扒餐有頭盆、主菜同飲品，價錢都係70-90左右，勁多人食，亦都真係抵食。Mundi 牛柳，完全冇根啖啖肉。 兩大件厚切牛柳， 好夠腍熟度岩岩好， 牛味濃。Mundi 雜扒，有薄牛肩扒、昆布蘭腸、煙肉同煎豬扒。好多款所有食材都高質!兩隻扒都好好味，薄牛好香軟! 豬扒好juicy!頭盆叫左海蝦同羅宋湯，蝦好鮮美，湯勁濃惹味好飲!配菜除左飯同意粉，仲有薯格選擇!薯格香脆正呀，意粉有香草汁。其他醬汁就自己出去拎，鍾意點配搭都得。餐廳招牌特飲， 凍朱古力雪山隨餐只需加六蚊， 勁多cream 同埋朱古力粉， 朱古力超香濃。黑松茸鱈魚漢堡，好大個呀，包非常香軟，食材勁豐富同充足，蔬菜好fresh, 鱈魚塊好香脆好味。

《飽肚實惠鐵板餐🥩》———————————————-#滿地餐廳 🌼-想鋸扒又唔想咁貴，大家可以食呢間平民西餐廳，平平地$100內就可以食到牛扒鐵板燒🤩 -餐廳環境光猛闊落，別具風格，除咗霓虹燈招牌之外，仲有充滿設計感嘅本地藝術品同畫作🎨 餐廳提供十幾款鐵板餐，款式多元🥰 -🥩 鐵板Mundi 雜扒餐頭盤可以揀羅宋湯、芝麻醬雜菜沙律、黑松茸鮮菌沙律、青口同加拿大海蝦🍤 我哋就食咗青口，份量都ok😃雜扒餐有薄牛肩扒、昆布蘭腸、煙肉同煎豬扒，非常豐富🤤 仲有紅蘿蔔、椰菜花、粟米等配菜，一定夠飽～ 配搭鐵板肉，主食都有得選擇，例如日式咖哩飯、紫菜飯、香草醬意粉、芝麻醬沙律，甚至可以升級做薯條或薯格😉另設有調味料區供自取醬料，有黑椒汁、洋蔥汁、羅勒醬同黑松露蒜蓉等，可以瘋狂加汁，自己想要幾多就幾多😍-🇯🇵 和風鮮菌牛肉配鐵板煙鴨胸鐵板燒如果唔想食扒，都有其他鐵板燒嘅選擇，我哋揀咗呢一個壽喜燒牛肉，醬汁帶微甜，都幾有日式風味，另外加配咗煙鴨胸，啖啖肉，都幾厚切😚 同紫菜飯一齊食都幾唔錯👍🏻-🖤 黑胡椒鐵板炒蜆個炒蜆夠哂鑊氣，蜆肉亦無沙，都算新鮮😊 而且份量都好足，喺鐵板上熱辣辣，黑胡椒亦唔會太辣

呢日去港島區行完山好肚餓🤤就想食啲飽肚又抵食嘅餐廳呢間滿地餐廳主打平民鐵板餐🥘見咁多人推薦一定要試下!😆.💫鐵板扒呢個套餐有頭盤、主菜、配菜、飲品 既豐富又抵食😝.頭盤我地點左羅宋湯同藍青口羅宋湯湯底好濃郁 仲有好多蔬菜喺入邊🍅🥕 十分足料而藍青口食落仲有海水味 份量都幾多🌊.🌟Mundi 牛柳 ($88)牛柳有兩大舊🥩 仲配上好多蔬菜肉質非常之腍兼且好有牛肉味一食就知係優質 好過普通茶記仲可以點幾多成熟 媲美其他西餐廳🤩.🌟紐西蘭羊扒 ($88)羊扒一樣可以揀幾多成熟同埋有兩大件🍖食落有少少酥香味 肉質軟腍廚師拿捏得好好 唔會煮得太生👍🏻.至於配菜我地點咗兩個飯🍚紫菜飯飯面放上紫菜同芝麻仲加埋啲燒汁熊本咖喱飯就係日本風味嘅甜咖喱飯 夠晒飽肚🍛.飲品方面就加咗$6要朱古力雪山 外型非常吸引朱古力上面鋪滿cream 賣相同味道一樣出色😚.🌟迷你蝦多士拼炸薯格 ($32)下午茶時段咁抵食 所以除左扒餐之外我地都點左啲小食蝦多士同薯格炸到脆卜卜 但係一啲都唔油膩🤓.🌟素雜菜春卷拼芝麻醬雜菜沙律 ($28)春卷細細條一啖一口🫔 配埋沙律更添清新🥗.餐廳仲設有一個自助調味區客人可以自由添加醬汁

餐牌由門口行入嚟 feel到地板痴立立座位都算闊落牆上仲有好多草間彌生乜都未叫 經理就俾定兩把刀我地就咁撻係度有啲唔衛生有個自助吧位醬汁 生蒜 熱水都係自己拎不過現場其他食客唔知道自助 問侍應拎佢地都會幫手 好nice羅宋湯羅松茸鮮菌沙律唔hea喎牛柳 大大份配菜好慷慨封門柳如果你搵金x嚟做比較肉質味道完勝熊本咖哩飯而我不知道點熊本法 就係有啲蔥？香草意粉加埋啲澱粉質完滿埋單加一190蚊平日仲要無加一添你話仲有乜投訴只收現金

今日一早到灣仔，四週行搵早餐食，見到佢門面特別，晚上主要做扒餐，又見到早餐有牛扒，所以入去試試⋯⋯叫咗一個安格斯牛肩扒早餐，牛扒肉味濃又夠淋👍，薯餅脆口🤤煎蛋🍳不腥有蛋味，煙肉應該係用煮連袋煮熟，再微微一煎，所以唔會太乾，好味😋另外+$6加碗通心粉，食落似係家x牌即食通粉口感，雖然一般，但佢湯底夠濃而火腿絲夠多搶回不少分數😋⋯⋯只是杯凍檸茶就真係唔得😝總括：唔計另加和凍飲，食呢個牛扒早餐只是$42了，相比果啲大xx快餐連鎖店真係抵食好味得多😎

門口有教主既人形牌行入去就見到一個大大個金色公仔，入到去雖然地方唔大，但不狹窄仲幾好坐添，第一眼睇到餐牌最吸引係價錢，真心講唔算貴仲好多選擇，叫咗4個扒餐和1個兒童餐，羅宋湯好濃蕃茄味如果有埋個餐包就最完美，個鐵板餐有2件好厚既牛柳，仲有好多蔬菜，我地跟咗唔同既配菜，有咖喱飯、芝士意粉、紫菜飯、芝士味薯條（薯條仲有幾種口味），兒童餐揀咗單骨雞翼配薯條，當然要叫埋雪山朱古力飲啦！個cream真係好正，兒童餐仲有玩具送添！（小朋友返到屋企己砌添），員工都好有禮貌，做野又快手地方都好乾淨，真心講真的幾好食，一定會再去幫襯的！

好好味牛扒好juicy羅宋湯好夠味（如果有埋餐包就一流）紫菜飯好食芝士意粉味道濃厚地方乾淨雪山朱古力d cream好好味兒童餐仲有玩具送價錢平又好夠分量門口個大公仔超正

滿地餐廳 - 性價比高鐵扒餐今黎到灣仔區一間西餐廳，主打港式既西餐，就係鐵扒扒餐，重有熱狗、漢堡包、多款特色小食，重有特飲，最重要是價錢大眾化，性價比高。Mundi 牛柳 $88招牌菜之一既鐵板扒餐，燒熱嘅鐵蛋加上大大件嘅牛柳， 五成嘅熟度，牛柳牛味濃，肉質軟腍，配上醬汁一流。套餐重包左前菜同配菜，我地選左藍青口同紫菜飯。再加$6飲朱古力雪山。Mundi 雜牌 $76另一款就點咗雜扒，可以一次過滿足多個願望，雜扒包括牛肩扒、豬扒、昆布蘭腸和煙肉，每種扒都啖啖肉，份量有誠意。

芝士拉斯漢堡🍔chill 住食。。。大大🍔 🧀芝士安格斯🐮牛肉漢堡🍔配料 🥚沙律 🥬泡菜 🍄蘑菇 🥓煙肉🌶麻辣沙律醬 / 黑松露醬 ／ 燒烤醬 ／黑椒醬加14蚊仲有小食同嘢飲添配料揀咗蘑菇同黑松露醬✨️小食梗係不二之選， 黑松露醬薯條🍟另外仲揀咗下午茶餐🦐蝦多士配薯條🍟🥩薄切🔪安格斯🐮牛肩肉配🐽豬柳鐵板上♨️熱辣辣♨️🔪吉列🐖豬扒配薯格吉列🐽豬扒咖哩飯🍛，🍅🥦必試🍫朱古力雪山

入到去員工都已經口黑面黑，完全好似唔想做咁，又唔想幫我落單，突然會聽到一d好大力掉碗碟既聲音，唔係唔小心果隻，我心諗做到咁不滿不如唔好做？然後有個男既員工仲搞笑，明明俾左一百蚊佢，等左好耐都未找錢，之後問下佢，佢就勁悪咁話乜事呀，咪找左囉，我心諗真係生意差到咁竟然五蚊都要呃？不過佢咁既態度同食物質素，生意差都唔出奇，咁我都費事同佢嘈，當我怕左佢，不過呢間店一定無下次，我懷疑佢每個客呃埋呃埋都唔少！

🔥鴛鴦扒伴法蘭克腸 $76（+$3 薯格）藍青口（跟餐前菜）朱古力雪山 +$6🔥和風鮮菌壽喜燒牛肉．紫菜飯 $57 （+$8 追加煙鴨胸）🌊鐵板炒蜆 $48🥣羅宋湯 $13🔸一間擺滿潮物嘅餐廳，原來係食港式鐵板餐，仲有漢堡熱狗等等，性價比十分之高😍淨係講一樣嘢你就會明，其中一款餐追加煙鴨胸只需+$8，而佢係有三大塊，超抵🤩🔸醬汁自助區自取，整體味道可以比到80分以上，一定好食過果幾間老牌鐵板餐連鎖店🤡鴛鴦扒係豬同雞，兩款都保持到嫰滑，又唔會過度調味，十分唔錯，而前菜有得揀藍青口都好有驚喜👍🏻和風鮮菌壽喜燒牛肉絕對係超值選，$57今時今日茶記都食唔到，但就食到咁豐富嘅鐵板餐😋

星期三晚揀左呢間餐廳，見到太多人好嘅review，怕weekend多人，7.30pm去到，坐坐下都滿晒lu... 叫左封門柳，個個review都勁讚，梗係試左先啦！叫medium, 啱啱好，surprise有好多vegi，一啲都唔求其架！黑椒汁好鬼正。order 2份set, 揀appetiser 青口+蝦，再配薯條+salad, 1份set只係$88，呢個quality,真係超高CP. 而家一份火腿通粉早餐都要$40啦！另一樣我好鐘意嘅係佢啲appetiser 大細適中，始終扒先係主角，成個set份量啱啱好，唔會浪費。店員好好態度，好有親切感，齊上齊落！已經睇定menu揀下次試羊扒，仲有burger都好想試！飲食業呢2年咁艱難，好食嘅餐廳一定要去幫襯支持！

餐廳位於銅鑼灣與灣仔的交界裝潢以figures 、油畫及霓紅燈作裝飾💡有別於一般茶餐廳型格玩味十足🎨套餐包含了前菜、主菜及飲品價錢十分實惠 即使男士享用也十分飽足👦🏻𝓐𝓹𝓹𝓮𝓽𝓲𝔃𝓮𝓻：🐚是日煮籃青口🦐加拿大海蝦𝓔𝓷𝓽𝓻𝓮𝓮：🥩Mundi 牛柳牛肉質感軟綿 沒有半點肉筋牛味出眾🐄🐖美國黑豚豬梅肉扒豬扒有厚度 既爽口同時帶點煙韌肉質細嫩 同時脂肪分佈平均✨𝓓𝓻𝓲𝓷𝓴：🫖名頂四季春茶🗻朱古力雪山朱古力味突出但同時整體甜度不會太高加上面上的忌廉是邪惡之選😈𝓢𝓲𝓭𝓮 𝓓𝓲𝓼𝓱：🥘黑胡椒鐵板炒蜆上枱時散熱發香濃的黑椒味味道偏向惹味 不會太辣🌶是重口味之選

👍🏻澳洲西冷牛扒(包頭盤、配菜、嘢飲) $86超抵食平民鋸扒🤪！所有鐵板餐都係$90有找，仲包頭盤、配菜同嘢飲估唔到呢個價西冷牛扒咁大塊，賣相又幾靚仔有哂網紋咁😆味道就正正常常啦，牛味唔會係好濃個種，但冇雪味/騷味，肉質有彈性但唔韌，厚薄適中最正係生熟控制得好，嗌咗五成唔會整到過熟，切開仲係粉紅色😙同埋鐵板夠熱喳喳聲上枱，記得醬汁同調味料要係出面自助區拎味道：7/10性價比：9/10-👍🏻Mundi牛柳(包頭盤、配菜、嘢飲) $88牛柳肉質比起西冷更鬆軟，雖然冇咁大塊但有兩塊，肉量唔少整體同西冷一樣係正常發揮，但呢個價錢嚟計真係唔差，冇嘢好挑剔，抵食味道：7/10性價比：9/10-🔸頭盤款式選擇可以參考返post尾嘅menu海蝦比預期中好食，肉質爽彈，冇腥味冇雪味之餘仲食到蝦鮮味，點下豉油食正藍青口味道正常，冇腥冇沙，本身煮過有調味，唔使點醬汁都OK呢個價錢頭盤都有七隻青口，好抵-🔸配菜薯條熱辣辣，都算脆口同幾飽滿加$3要咗麻辣醬點下，麻辣味好突出，辣辣地幾惹味不過隻麻辣味同薯條好似唔係好夾，或者灑普通辣椒粉會比較好芝麻醬雜菜沙律面頭有啲類似爆谷嘅嘢咬下，沙律菜新鮮爽口，不過芝麻醬偏少