滾德起火煱小廚 (已結業)

有时候发觉除了集团大铺外，间中真系忽略了啲间坊小店，今晚就行过这里见到都几抵食，于是便入去食饭，而当中嘅菜式都唔错，所以分享一下，本先就系见到个鸡煲入去，但望见邻枱嘅小菜后就转点了小菜，点了餐牌推介避风塘鱿鱼须$88、京都肉排$78、黑椒牛仔骨$88，师傅嘅手势都唔错，样样都够晒镬气，避风塘鱿鱼须，虽然黄金蒜蓉唔系好够，但鱿鱼须就炸得好香脆内里够晒烟韧弹牙！而京都肉排个味道就调得啱啱好，带少少酸甜，而肉质都十分松软，啖啖肉！另外个黑椒牛仔骨就十分入味，入口时个阵黑椒浓郁嘅味道，加埋多汁软熟嘅牛仔骨，真系令人十分满足！师傅手势真系唔错，口味又够晒大众化，下次可以再试埋个火锅！如果系街坊又真系多个开饭选择！…查看更多

深圳开完会，搭皇岗巴士返归，拣咗跟同事喺太子落车，顺便食个鸡煲，吐下苦水。对面马路见到个门面好光鲜嘅 滚通常都会又啱我食嘅鸡煲打边炉。过去门口一望，果然招积重庆鸡煲，街坊价钱，老板娘好热情咁招呼，一于食呢间。二话不说先order鸡煲，即叫即做都要等10分钟。火炉都未开已经闻到浓浓的香辣味道。各处乡村各处例，同样都系鸡煲，但每个师傅都有唔同嘅自家撚手材料。今次鸡件非常鲜嫩，大概滚5分钟之后，鸡就啱啱熟，而且香料嘅味道扑鼻，小辣仍然十分刺激，食食吓就感到麻啦！两个人食一个鸡煲，都已经有三成饱，再加啲火锅配料，应该就差唔多啦！双拼咪饺，见到个名几特别，大概就系云吞拼水饺，本身鸡煲加左清汤打边炉，𠮶个招积嘅重庆辣味越滚越出色嘢食吸收晒汤底嘅精华，系呢个时候加个红薯粉就更加Perfect 了。打边炉又点少得可乐呢！今次有啲辣，饮冰冻的柠檬可乐，立刻爽歪歪！…查看更多

呢日黎到太子嘅滚德起火㶽小厨, 听讲佢出名小菜,打边炉同鸡煲,都好似好耐冇打边炉同鸡煲, 于是就黎呢度睇下有冇惊喜啦餐厅基本上都好近太子地铁站C出口, 行入基隆街街头冇几耐已经见到大大个招牌有个「滚」字够哂扬啦！入到里面环境都几光猛宽敞, 台唔多而且都差不多坐满人, 所以好彩一早订咗位而刚好有张二人台。墙上都几多鱼嘅装潢研究完餐单之后, 我地决定叫一个重庆石锅鸡煲(原味鸡)(例牌), 由于唔知佢地嘅辣有几劲, 所以选择咗少辣首先, 十分欣赏整个鸡煲的味道, 因为一食就会有种想继续食的感觉,明显同一般内地食到嘅极重口味鸡煲唔同内地偏向用辣油配料香料去整个鸡煲, 而滚德起呢个鸡煲系食到鸡肉索哂D酱汁而唔会过咸, 香料配料亦唔会过多抢哂鸡肉的鲜味, 最重要系唔会觉得重味精, 真系各方面都做得好好, 一定要试呀另外提返个少辣, 如果唔食得辣嘅话, 都会建议拣返唔辣, 因为佢嘅少辣食落其实都偏向辣的, 幸好佢唔算麻, 唔会令人食到口水鼻涕全流亦唔会愈食愈辣同觉得好口渴。顺带一提: 强烈建议两个人食的话, 例牌已经好足够, 起码有半只鸡, 而且好多肉, 啱哂食肉兽呀好多肉呀最后我地加多一份手打双拼滑, 冇估错应该系虾滑加墨鱼滑, 加落鸡煲入面一阵好快食得, 而且好弹牙呀!值得一试呀加汤之后冇咁辣同埋感觉冇咁热气我地仲叫咗一杯大冻柠茶, 又真系几大杯而且好清凉解渴,几乎要ENCORE呀配鸡煲简直系不二之选!餐单都几多选择…查看更多

今日同男朋友系太子买完野 天气变冻就想打下边炉系Openrice见到滚德起评价唔错 又近地铁站 结果发觉野食都好岩我地口味店面唔算好大 但都有好大张枱用泥摆野打边炉滚德起同其他食火锅既唔同 佢呢度仲有烤钳鱼俾我地拣 食完鱼再落料一齐打边炉 $238已经有好大条鱼 条鱼唔多骨 系上炉之前已经煎熟左 汤底好浓郁因为我喉咙唔系好舒服 所以叫左BB辣 虽然得几条辣椒但已经够晒辣 鱼肉吸晒啲汁热辣辣好鬼正本身已经配左好多菜 生菜 芽菜 豆卜 冬瓜 洋葱 所以真系好足料我地仲叫左鲜鱿片 牛栢叶 蔬菜盘 双拼滑（虾滑+墨鱼滑）同打边炉必备既乌冬 质素都好高 洗得好干净鲜鱿片份量好多 仲要帮我地系上面𠝹左花牛栢叶唔系平时食既白色牛栢叶 佢系深啡色既 比白色更爽口弹牙蔬菜盘好高cp值 48蚊有齐金菇 冬菇 娃娃菜同豆卜泥啲必食种类 份量都唔少双拼滑好有惊喜 好浓虾同墨鱼味 一粒满足左我两个愿望 必推呢度既服务态度都好值得一赞老板娘（应该系？）好nice 仲提我地两个人应该食唔晒石锅鱼 食烤鱼就岩岩好听佢介绍就实冇死下次再想食烤鱼就唔洗番到大陆咁远 系呢度食都够晒高质…查看更多

天气时冷时热的同时，相对湿度亦持续高企，体内湿气久久不能散去，加长了懒床时间。(其实我每天也懒床。) 小小的题外话，袪除湿气不一定是「袪湿茶」，麻辣火㶽亦是另一选择。辛味食材有助行气排汗，具袪湿作用。Final Boss 出现了。餐厅内设大圆枱，可供十二人用餐。火㶽以外另一选择「精美小炒」，下回必食！专为数据怪而提供的免费WIFI。正宗四川麻辣汤 $78必食度⭐⭐⭐⭐辣味控必食推介，辣味味浓郁，「辣」和「麻」两者亦十分出众。汤底材料非常丰富。五花腩 $68必食度⭐⭐⭐⭐⭐仲有最靓嘅猪腩肉、仲有最靓嘅猪腩肉、仲有最靓嘅猪腩肉......手打墨鱼滑 $78必食度⭐⭐⭐⭐汤汁布满食材表面，惹味且保留食材鲜味。莲藕片 $30必食度⭐⭐⭐⭐新鲜爽脆，另一麻辣汤必食推介。油麦菜 $32必食度⭐⭐⭐⭐午餐肉 $42必食度⭐⭐⭐⭐⭐你们有所不知，午餐肉才是火㶽的最佳伴侣。红薯粉 $22必食度⭐⭐⭐⭐⭐麻辣汤汁尽渗于红薯粉内，面质弹牙。…查看更多