滾得棧

营业中

休息中

星期1约了2，3闺友，来到了这间滚得栈火锅店，在楼梯口，有个靓靓姐姐把我们带进了一个靠窗的4人抬，可是我们都不知道吃什么好，，左看看，右看看的，这时候有个服务员好像知道我们在想什么似的，立马走到我们跟前，给我们介绍他们店里的招牌菜，抱着试试看的精神，在靓靓姐姐的介绍了，我们叫了点点东西吃，现在来这里和大家一起分享一下他们那里的美食吧！ 番茄蟹汤底，浓浓的汤底，鲜美的蟹，光是看到这汤底就让你食欲大开了 手切牛颈脊，和着鲜甜的汤汁，别有一番风味的牛肉，嚼劲十足 海青班，限量的哦，卖完就没有的 还有馅多皮薄的饺子，还有一份熟食，生炒糯米饭 都挺不错的，姐姐们的态度也很好，没像楼上说的那么恶劣，总是笑哈哈的，

同朋友訂了6:30，早到了半個鐘　那時已經有2台客我和朋友因待應介紹，點了潮州湯底　 非常香還例牌牛頸脊,半份手打蝦丸，半份雲吞，雞件， 墨魚滑,和 牛骨膸 牛真的不錯，手打丸和墨魚滑很有口感，牛骨膸是第１次吃，真是吃過返尋味。其他都不錯。２個人都吃不完，所以打包了吃餘的，侍應招待我覺得幾好，並不是這麼差，衛生和環境也ＯＫ。價錢方面都不算太貴既，偶然跟朋友來吃都可以接受到，或者多叫幾個朋友一齊吃仲好，價錢除多Ｄ又可以試多點食物！

8點一行6人黎滾,上到去見到滿哂座,心諗死得 帶台姐姐話埋緊單好快有台. 原來入面仲有.間野都幾大.等左5分鐘好快就有位.問服務員姐姐有咩好推介,佢話蕃茄蟹湯底同手切牛頸脊都一定要試.!我D朋友好鐘意食海鮮類,佢就介紹海青斑同桶豪.而熟食就推介了蝦膠''讓''油條 最後,佢仲好好,同我地講話其實4人以下可以半份半份咁叫.可以試多D又抵食D,下次可以同屋企人黎試下蕃茄蟹湯底: 真係好正.隻蟹好足.無被呃. 個湯好好飲!!一定要試!!手切牛頸脊都: 同肥牛唔同,厚D,但香好多.有口感 唔會'UN' GOOD海青斑:條魚1 D都唔''SD''.淡淡肉. 唔錯桶豪:有5隻.比平時出面食開既大隻! 喜歡食豪既朋友可以試下.因為我D朋友都後叫多一碟.蝦膠''讓''油條: 好香. D蝦膠好好味9菜餃同雲吞都好足料! 好鐘意食個9菜餃4寶丸同象拔旁丸都係手打正 豬腰同豬潤都OK 最後仲加左生菜,西洋菜,WO冬.食得好飽飽 間野既氣氛唔錯.燈光唔會太光暗暗地幾好FEEL.

看到報紙專欄有介紹滾得棧有位熱心服務員介紹名菜, 服務周到. 決定一試滾得棧火鍋. 結果和預算剛好相反.先說食物:本地牛頸脊不錯, 是這店的招牌菜. 蕃茄蟹湯底也是招牌菜, 用了Openrice的優惠券$188. 好吃!其他菜, 例如牛栢葉, 美國牛, 羊肉, 西洋菜, 等等, 都沒什麼特別. 牛栢葉很硬, 幾乎咬不動.Asahi啤酒夠凍. 其他茶水就供應不足. 不問就不會自動來添加.為何好像只點了幾道菜 原因是因為我們到達滾得棧時服務員態度惡劣, 導致什麼胃口都完全消失. 報紙專欄上有很多名菜介紹. 很可惜, 我今次和以後也沒機會嘗得到. 由到達找訂位致點菜飲料, 某位女侍應態度實在難以理解. 她整晚不理不採, 對我們"單字反應", 呼呼喝喝. 她的態度實在非常"趕客". 門口侍應當初找不到我們的訂座紀錄, 就只會不停說"無位", 想把我們趕走. 終於找到我們的訂座, 她"黑面"地帶我們到二樓樓梯口的桌子. 多次問侍應拿菜單也遲遲未到, 最後還是要本人親自到櫃檯取. 當時只有幾張檯有客, 完全不算忙. 因之前聽到啤酒妹說Asahi有優惠, 我問"黑面"女侍應有關此優惠時, 她一個"無

本來，我都幾佩服謀人打正旗號在網上爆粗，起碼比起佢既陰濕跟班有吉士，不過死性就唔改，除了數舊女朋友的事，仲會拿人地屋企人作人身攻擊，而Isaac行不改名，咪咁老土係網上將我的中文名放上來，就以為會多人撐．其實早在報刊撰文我也會出全名（某本地最大的飲食雜誌編輯亦出中文全名）。講到試菜，套用網民不時拿來爆笑三番再三番個句，讚到澎澎聲，其實係集體抄錯「炒米缐」事件，我同幾位編輯打邊爐時，也邊吃邊笑話「膛稿」（抄press release）都抄得醒D啦大佬！不少編輯朋友都喜歡打邊爐,而談到牛更是雙眼發光，早前邊爐友推介說滾得棧值得試試，一行十人去試試，除了「瀨野」的招牌咕嚕等熱葷水準唔掂，而蝦滑、墨魚滑唔貴叫吃得過，至於幾味牛中，大家對著金錢腱雙眼發光，但其實這裡罕見的牛扒邊（伙計這樣說的），肉爽有牛味亦有脂香，是必吃推介。

天氣咁凍，緊係拾吓拾吓啦。以前食過深井嗰間，感覺好好。知道滾得棧係天后開佐間分店，緊係搵埋班朋友一齊去試吓。全晚叫的食物都有水準。以下係我的推介：手切牛頸脊 – 好有牛肉味:雲吞及菜肉餃﹣皮薄，個餡好爽口日式烏冬：好快就熟，好滑。最特別係由於我啲朋友見到餐廳個餐牌推介生炒糯米飯，打完邊爐後就叫佐一碟嚟試。我都係第一次係打邊爐的時候食生炒糯米飯，真係好特別囉。碟飯份量十足，以呢個價錢加上糯米飯的乾爽，粒粒分明的質感。絕對係稱得上好味，好有驚喜！！！

今日三点半和朋友去下午茶,唔駛等位! 點左個鮮上肉響玲腸,一碟六件,唔似響玲,似腸粉包住鮮竹卷,但味道不錯. 然後再來–個黑松露魚翅帶子餃長方形的點心籠.只有兩件,買相精美,蝦彈牙,帶子新鮮,仲有素翅在上面! 最期待班蘭馬孻糕,因為本人十分喜愛班蘭葉蛋!馬孻糕有班蘭葉味道,入口即溶,十分鬆軟,不太甜! 芒汁沙律盞,買相精緻,要趁熱食! 最後点了–個川味雙蚌米餅!–上枱,勁唔掂!米粉煎成餅狀,嘩未食已油香撲鼻!勁油膩!聞到都唔想食!試左一啖就放低了! 見到隔離枱的迷你甜品,下次一定要試下!

訂咗8:45pm, 未夠8:30pm 去到話埋緊單, 轉頭有位打電話俾我, 等到9:00pm, 去問佢又話埋緊單..到9:15pm, 見到真係有人埋單, 但突然有個人出現就俾咗張枱人...太過份啦..未食嘢已經一肚氣走咗!!!!

一直想試深井店, 但實在太遠了!最近妹妹極力推介位於天后的分店, 於是昨晚跟邊爐鐵腳去試試。朋友未到, 已點了能吸引妹妹狂喝九碗湯的蕃茄蟹湯! 很甜美, 大大隻蟹, 蟹肉鮮甜, 啖啖肉!手切牛頸脊 - 切得太厚, 有點韌, 麻麻!白鱔片 - 切得求其, 不夠新鮮, 像任食店的款式!四寶丸 - 蝦丸最出色, 彈牙! 新鮮, 成隻蝦形出晒嚟! 墨丸亦彈牙新鮮; 但牛丸及鯪丸都好一般! 下次叫雙拼好啦~日式烏冬 - 跟旺順烏冬有得揮, 爽口!整體食物質素okay, 始終牛肉是邊爐主要食材, 這碟牛影響我對此店的印象, 其他食物亦沒有妹妹吹噓得咁勁!店員服務可以, 尚算有效率! 但店內好嘈! 不宜傾偈!下次會試試日間點心!

從來我對創意／創新的食物都有抗拒，不是味道怪怪的不中不西，便是基礎功也搞不好的所謂創新。但看過滾得棧的食評後很想一試這裏的食物，結果是真有點喜出望外！我們三人試了十多款點心(不能盡錄)，不過特別覺得好的有：蝦餃，蝦腸，青芥脆蝦小漢堡。怎麼都是蝦呢？只因我是蝦痴，也對蝦的要求很高，這裏的蝦質素很好，有鮮味及彈牙！另外做得好的點心有咸水角，吃得出是新鮮炸的。$1試的班蘭馬孻糕，糕很軟滑也很新鮮，惟一不喜歡它太多椰汁味。至於很多食評稱讚的白汁芝士磨菇批就不太合我口味，略嫌奶味及芝士味太特出。最後是(忘記名稱）的煎堆，煎堆表面的芝麻很香質感也很脆口，內裹卻有點「驚」喜，因為除了有綠茶味的蓮蓉外，更還包有一粒麥提沙！可恨我在減肥中，這個「驚」喜不能奉陪了。滾得棧的創新除了在點心上，它也用上一些特別的器皿，大家也可從其他的食評看見。順帶一提這裏有些點心只有2件，人多的話要order多些；不過卻看見其他人order的炒粉麵飯卻大碟得有點驚人，我們吃不下那麼多所以沒有評語了。很期待下次來試它的首本火煱！

見食評好似唔錯, 專登過海飲茶.睇張點心紙, 有傳統點心又有新派點心, 花多眼亂, 最後決定今次先試d基本野, 因為如果基本野做得唔好, 就一定唔會黎第二次.叫左個筍尖生剝蝦餃(兩隻), 同一碟兩黃肉絲炒麵.先黎蝦餃. 個皮幾薄, 且有彈性. 一入口, D 蝦真係爽得好緊要, 令我絕對唔懷疑d蝦係生剝既. 好食到本來想 encore, 呢個時候, 碟炒麵上檯喇......嘩! 好大碟呀!!! 可惜冇帶相機, 唔係真係想影低佢!d麵幾脆口, 肉絲食得出用左新鮮豬肉, 不過個"獻"味道淡左少少. 下次一定要試下d新派點心先得~坐得舒服, 唔會有逼既感覺. 服務都唔錯, 幾位服務員都甚有禮貌. 會再黎"滾"過!

前幾日約O左朋友去港島影相，個Friend話帶我去飲下午茶，就O黎O左天后滾得棧飲茶，從前好鍾意係深井滾得棧打邊爐，因為唔係成日係香港所以都好耐無入去打邊爐囉，唔知幾時呢間火煱店已經從深井開O左出O黎，個日同朋友兩 點幾上到去見到都無乜人得個兩三枱客，都有D擔心唔知DO野食得唔得，食落原來又OK喎賣相幾精美，我最鍾意食佢個燒賣因為無乜肥糕食落好爽口,我好怕食燒賣食到裡面好多肥糕，所以呢到O既燒賣對我O黎講係VERY GOODo岩食，跟住我覺得個腸粉幾特別，好似炸兩咁不過裡面多O左D鮮豬肉同蝦肉幾香口，個腸粉皮又厚薄適中真係唔錯。佢個小漢堡幾得意，中間係D炸蝦餅有D青芥沙律醬係到，唔會食到覺得好辣個味道唔錯樣子又可愛，個芝士磨菇批幾香口鬆化都幾好食。兩個人埋單120蚊有找價錢非常合理，好耐無試過飲茶有一種滿意O既感覺，呢到O既點心出品可以叫做精美，價錢又合理，所以都想係到讚一讚，有時間我一定會再O黎試下其他O野。

一行三個人拿住優惠券去食蕃茄蟹湯底, 點火鍋配料時, 服务員姐姐好好人咁同我地講怕我地叫咁多食唔晒, 不如部份點半份. 除左蕃茄蟹湯底, 仲叫左手切牛肉, 滑雞塊, 蝦滑, 芝士丸, 特大桶蠔, 牛骨膸, 羊肉, 金菇, 年糕, 油麥菜. 個湯底好好味 唔渴喉, 蟹就鮮味唔夠, 但好夠肉. 牛肉好滑, 桶蠔一桶四隻, 隻隻都好大隻. 其他樣樣都算正常和新鮮. 今次唔記得埋尾時整碗白飯, 個湯底用來撈飯真係好好味. 全枱食物食晒, 飽到行唔郁.

朋友知道我鐘意嘆茶, 專登帶我去到試食, 初初我都呆佐, 乜呢度唔係得烚下烚下架咩?原來呢間係新開既分店, 仲要係有下午茶嘆既, 一睇到張點心紙, 嘩 D 點心好特別呀, 並不是普通既茶樓貨式, 連叫茶飲都可以唔洗再飲普洱, 香片呢D大路野, 可以叫玄米茶飲下叫佐八款點心+ 一個甜品, 真係正到爆我地點佐以下既點心:鮮上肉響玲腸 ~ 外面熱中間脆內裡軟綿綿 - 掂!!綠茶流沙包 ~ 熱辣辣一黎到就索到好清新既綠茶味, 內裡既流沙狂漏出黎, 包同餡既比例岩岩好多都冇, 又唔太甜 - 掂!!七味蒸豬爽肚 ~ 豬肚夠爽, 冇臭味, 冇雪氣味, 面頭放上紅,黃椒&蔥, 配搭幾新鮮鮮茄蛋花鮮竹卷 ~ 諗起蕃茄炒蛋, 幾得意青芥脆蝦小漢堡 ~ 呢個野真係勁得意, 超迷你, 仲要係勁足料愛心白汁芝士磨菇批 ~ 至愛吃呢個, 好好味呀咸香黑魚子燒賣 ~ 黑魚子既配搭唔錯, 好鮮味呀荷香鴨胸大米雞 ~ 呢隻雞, 犀利呀, 食完都冇話有飽飽滯滯既感覺, 我鐘意可愛四色小甜點 ~ 四種味, 我只吃了榴槤同朱古力味, 好好味呀朋友真係要多謝你帶我去呢度搵食~thx

中學同學八用之星生日，有人想打邊爐，就去試下，落單時我地點咗牛拼盤，其中牛肉，牛利同柏葉都食晒，就牛腱差啲，另外要提係牛頸脊同雞腸，牛好有牛味好香，肥紋有賣相，雞腸又新鮮，叫到成枱食唔晒都只係260一個人，好抵食