滷川長 (沙田廣場) (已結業)

第五波疫情來勢洶洶，到超市買餸永遠都唔夠人快，去街市又加價加度唔想煮，唯有explore下附近有乜正既野食買黎加餸。行過沙田廣場，見到有條wing 係專賣嘢食嘅，平時都冇乜留意到，見到呢一間整整齊齊賣川辣既，有一盒盒方便裝賣，30幾40幾蚊好似幾正咁。除咗盒裝之外，仲有好多醬料可以買，可以用來整雞煲，打邊爐，或者水煮魚。我最鍾意就係呢盒半隻口水雞，$68，好入味之餘，唔算超級辣，送白飯一流，又有肉地。第二日食咗呢盒紅油脆耳，$36，咬落好爽脆，我自己加埋啲芝麻喺面，即刻靚晒。仲有呢份夫妻肺片， $45 ，啖啖肉嘅，好香不過唔算太辣， 小朋友都食到。店員介紹之下我買咗呢包水煮底料醬，入面係話自家調校嘅，最緊要係香港製造，呢個時候梗係香港人支持香港人啦。我聽晚就買啲魚片蒸咗佢 👏🏽 期待！

朋友講沙田有間滷味外賣滷川長味道不錯，所以今日她經過就買了一些給我吃當加餸，而且食物絕無添加防腐劑及人造色素適合我不可吃太重防腐劑的我。香港本地每日新鮮製造，十分新鮮，即造就可買到。 煙燻鴨，沒想到這價錢咁大隻，仲有單張教如何煮食，熱水細火8分鐘就可以拆開袋切出來，肉質幾滑而且濃郁煙燻味，味道幾特別又方便。 番尋味鴨掌，辣度堅十足，食完個口仲保持到辣度，鴨掌幾淋身。濃味牛舌，辣度小辣，牛舌口感不錯薄身。 食完之後朋友講其他裡的口水雞都十分好味，話下次再買給我試一試。看到這裡除了川味的即食小食外，仲有即用煮食的醬料,即開即用，好方便，最後決定買香辣蝦來試一試。

好耐無行過沙田買餸，但出到去都買唔到D咩，唯有去商場買幾款滷味外賣分幾餐食。口水雞（半隻）份量都幾多，雞肉嫰滑，入口惹味得黎又唔會太過油膩，辣度唔算太強，配飯一流。麻辣牛筋腩和濃味牛舌，牛筋和腩肉都超軟淋，牛舌件件濃味，入口嫰滑，兩樣份量都好多，食撈麵有佢地最岩，唔需要刻意加醬料，都食得夠滋味。難得買到蝦，當然用香辣蝦醬炒，炒起已到嗅到強勁麻辣味，上碟後更加色香味俱全，辣度比我想象中強，鍾意辣嘅人一定過癮。

沙田廣場新開一間滷味外賣店滷川長，新店登場，決定一試其滋味，帶了一些食物和醬料回家。產品在香港每日新鮮製造，本地出產，即製即賣，不含防腐劑或人造色素，食得安心。這是陳皮鴨，一隻只售$78 ，非常抵食。由於已經調好味道，也已經煮熟，用餐前只需翻熱斬件，即可上碟。鴨肉肉質富口感，非常入味，但又不會掩蓋鴨肉肉香，控制得不錯。今次因為家人想吃鴨，所以選了這款，下次定必要試一試店員推介的半隻口水雞呢！另外還有兩盒即食小食，分別是口水雞中翼和大隻佬牛展。這兩款小食也是涼食最佳，翻熱皆宜之選，但畢竟天氣還是有一些涼意，所以兩款小食也被翻熱了。口水雞中翼辣度非常強勁，還帶有麻香，一盒共有五隻，喜歡麻辣滋味的話，不要錯過。大隻佬牛展切得透薄，辣度比口水雞中翼輕一點，在我而言比較容易入口。牛展軟硬適中，香辣之中滲透着牛肉香味。除了川味的即吃小食，亦有煮食用醬料，可以即開即用，方便在家炮製美食。這是香辣蝦醬，一包共有100克。包裝背後富有烹調方法，圖文並茂。我買了一些鮮蝦，煮食過程中加入香辣蝦醬以作調味；雖然烹調建議每次使用全包醬料，但因我和家人不是十分嗜辣，所以就只用了一茶匙。然而香辣蝦醬味道濃郁，即使只

今日去沙田行街看到有間滷味外賣店叫滷川長，店務員推介口水雞所以我都叫了再加其他小食。香港本地每日新鮮製造即造即賣，每款包裝得幾好，所以這裡的食物，絕無添加防腐劑及人造色素。 口水雞，份量勁大份而且麻辣度好惹味，肉質都幾嫩滑，啖啖肉，抵食又好味。麻辣牛筋腩，好入味，保持到牛肉味感，入面一大盒都差唔多滿，辣度小辣岩家人吃。大隻佬牛展，薄身入味，不太辣不錯。買即食包時見到不不同的即煮醬料，但看到有麻辣雞煲醬已經勁吸引我，後面仲有教法，一於買一盒回來試整雞煲。

鄰近新城市廣場的沙田廣場，在2020年商場通道進行翻新，去年分拆為多個外賣食店舖位，我今天逛了一圈，並在新店舖「滷川長」外賣，為晚飯添加川味餸菜。我的選購。香油海蜇~陣陣麻油香味撲鼻而來，海蜇皮很爽脆。濃味牛舌~帶微辣的麻油香味滲透牛舌片，很能引發食欲。大隻佬牛展~牛展製作雖然有辣椒油成份，但相比無濃味牛舌的辣度，很肉味濃郁，最宜下飯。煙薰鴨~$78煙薰鴨非常抵食又好食，煙薰味道濃郁，鴨肉質軟綿可口，日後會再回購。煲飯與炒菜後就可以開飯了！除了加餸還手多多購買麻辣雞煲醬，嘗試自家麻辣雞煲，麻辣雞煲醬與川辣椒香料分開兩袋包裝，辣度到可以 自己控制。是晚我用薯仔、草菇、冰鮮雞與麻辣雞煲醬烹煮成為一道美味可口麻辣雞煲。今晚除了麻辣雞煲，我又外賣半香油海蜇加餸。温馨提示：麻辣雞煲醬很足味，像我一樣不受辣，一包麻辣雞煲醬可分多次使用。

香港品牌 -「滷川長」- 主打一系列獨特川味滷水食品, 香港製造🇭🇰, 仲有配料、醬汁可以買。今次買咗原隻煙燻鴨、麻辣牛筋腩、口水雞中翼, 另外再加香辣蝦醬用來炒餸菜。香辣蝦醬 - 方便醬料包方便、省時又美味! 可以煮出多樣菜式! 原隻煙燻鴨 - 入口有好香嘅煙燻味, 調味調得剛剛好, 肉汁豐富, 肉厚香嫩, 新鮮美味👍🏻 麻辣牛筋腩 - 牛筋腩肉質嫩, 牛筋有彈牙口感, 香辣味十足!口水雞中翼 - 辣中帶香, 香中帶麻, 雞肉充分吸收到醬汁嘅辣味!

禁晚市堂食一段時間加上疫情嚴峻 盡可能都會買外賣 屋企附近開咗本地品牌滷川長店內有多種選擇而且係每日freshly made 絕無防腐劑及人造色素食得放心又惹味口水雞半隻大大件 啖啖肉雞肉亦唔會太鞋辣度不太辣 食落相當過癮 泡椒鳳爪鳳爪沾滿泡椒味 食落開胃麻麻泡椒味慢慢散發岀來食唔停口苗條雞翼尖份量頗多 滷水味濃且入味作為拌酒小菜相當正斗另外藤椒醬為四川家鄉口味黑椒豆瓣醬 辣度非常 用黎撈麵或煮餸都相當合識味道相當不錯

沒有堂食的日子，就同HONEY外賣食好西，是日去沙田，見到哩間新開的沙田滷味外賣店--「滷川長」，新店開場~~睇睇下個陣，真的好多不同款式的滷味職員同我地說，佢地哩間滷味外賣店，滷味系香港本地每日新鮮製造 滷味即造即賣，唔會有隔夜，同埋滷味系絕無添加防腐劑及人造色素，食得放心，當我地選擇緊買咩滷味時，職員仲向我地介紹除了有川味即食滷味外, 也有即用即煮的煮食底料醬作主打,可以即開即用, 方便又好味見到佢地主打，必試推介-半隻口水雞，因為HONEY想食牛為主的滷味，唔緊要，下次再買XDDD姐姐見到我地買得多，都給個環保袋我地，好貼心，我地今次買左麻辣牛筋腩，二師兄豬手粒，麻辣爽肚同埋大隻佬牛𦟌見到佢地的滷味真的好乾淨，包裝又整齊，令人放心，買左加熱，煲個飯再加碟油菜就食得，真的好方便，麻辣牛筋腩，HONEY話哩個好好送飯，牛筋腩好肥美，加上有麻辣汁，真的好正，二師兄豬手粒，二師兄豬手粒有五大舊，個汁都唔錯，豬手淋身容易食麻辣爽肚，哩個我最愛，爽肚食落真的好爽，加上又系麻辣汁，HONEY都忍唔住食左好多大隻佬牛𦟌，有7-8件，牛味重，如果加埋個台灣麵真的一流，肉質唔會太乾~哩間滷川長真的好

WFH其實忙過返工，連續自煮幾餐，已經諗唔到煮乜好，想話落街外賣自取，原來好多食肆連晚市外賣都唔做了.......... 我同老公都鍾意食辣，見到滷川長除左滷水，原來仲有不同款式既辣食，見到都吞口水，就買了口水雞、麻辣牛筋腩、泡椒豬手粒、香辣蝦醬回家，來一頓辣辣晚餐。 麻辣牛筋腩，牛腩及牛筋部位口感軟嫩，都幾入味，雖然是麻辣，但帶點甜味，應該只有bb辣程度，屬入門級，不吃辣的也可以吃到。 口水雞(半隻)，皮爽肉嫩，雞肉本身也帶點鹹味，我喜歡雞皮下沒有厚厚的脂肪層，口感好好，微辣的口水汁令到雞件更惹味。 泡椒豬手粒是我最期待的，確實好好味，咬了一小口泡椒，都幾嗆喉，豬手粒好爽口，微微的酸辣味，佐酒一流呀！ 本想將香辣蝦醬留待明天油燜大蝦，但好想一次過試埋個辣度，所以就加了匙香辣蝦醬去撈麵，不得了不得了，這醬含有辣椒花椒辣豆瓣醬，辣度十足，完全是四川地道的家鄉口味，一邊食一邊冒汗！辣得好過癮呀！ 這餐辣食果然不錯，不會只有死辣，而是有層次的辣，不同味道的辣，鍾意食辣的一定會愛上。

成日經過聞到香噴噴 原來開左間滷味店推出多款川味即吃小食香港本地每日新鮮製造 即造即賣絕無添加防腐劑同人造色素食得惹味 食得放心.《半隻口水雞》即開即食勁方便好大隻 啖啖肉 一d都唔鞋口味道都唔算好辣 越食越上癮.《麻辣牛筋腩》呢款比較辣 而且好麻牛筋質地QQ 牛腩軟腍就咁買返屋企已經係一味餸.《濃味牛舌》厚薄適中 好入味不過略微雪過左有d鞋口 可能翻一翻熱會好d.《健美牛肚》牛肚唔係到到有買食得出有d藥材味質感爽口彈牙.除左以上既小食 小店仲有賣煮食底料醬即開即用 夠哂方便

最近因為疫情關係，多咗喺屋企食飯經過呢間沙田滷味外賣店滷川長，係新開㗎，決定試吓😋外賣滷水店每款滷水都預先包裝好，每日都係本地香港新鮮製造，感覺新鮮啊！我買咗半隻口水雞🤤必食推介啊口水雞麻香十足，而且份量好多辣辣地🌶每件雞件都啖啖肉啊，唔會有好多脂肪而且無添加防腐劑同人造色素，食得出係鮮雞肉啊！撈飯或者當小食都好好味😋另外叫咗活力雞中翼、濃味牛舌、豬手粒各款滷水都係即開即食，叮翻熱就可以食到，真係好方便豬手粒同雞翼滷水味濃，味道有少少辣，好開胃啊牛舌口感爽口，而且幾厚肉，值得一試！另外仲有即用煮食底料醬作即開即用，買來煮下其他餸都好方便啊！

呢排疫情禁堂食，全家人都好鍾意食川菜，好失落。好彩我比我搵到一間川菜外賣，係沙田新店呢！有部份菜式包裝好，仲係本地每日新鮮製造 即造即賣，天氣咁凍，唔使點等，好快就拎得！而且價錢合理，質素不俗，而且絕無添加防腐劑及人造色素，推介！🍀半隻口水雞$68 必試推介！一定要大贊佢個份量都幾多，四個人食啱啱好，食辣一定要嗌，麻味香濃，雞肉肥厚適中，雞肉好新鮮啊！川菜必點之選☘️二師兄豬手粒$36骨膠原滿滿，有別於其他餐廳的豬手，呢一間嘅豬手皮滑脫脫，唔會太過韌！而且滷水入味！🍀返尋味鴨掌$38鴨掌份量適中。出了滷水味道之外，鴨掌辣味比較出，果然係下酒小菜，送酒一定更為惹味！☘️麻辣牛筋腩$58雖然本人比較少食牛，但呢道菜絕對係最出色，牛腩炆得好軟腍，而牛筋晶盈彈口，牛味相當濃郁，無想過外賣都可以媲美餐廳質素。除了有川味即食小食外，亦都有即用煮食底料醬售賣，即開即用，方便又滋味，yeah！

呢排疫情禁堂食，全家人都好鍾意食川菜，好失落。好彩我比我搵到一間川菜外賣，有部份菜式包裝好，天氣咁凍，唔使點等，好快就拎得！而且價錢合理，質素不俗。🍀半隻口水雞$68一定要大贊佢個份量都幾多，四個人食啱啱好，食辣一定要嗌，麻味香濃，雞肉肥厚適中，雞肉好新鮮啊！川菜必點之選☘️二師兄豬手粒$36骨膠原滿滿，有別於其他餐廳的豬手，呢一間嘅豬手皮滑脫脫，唔會太過韌！而且滷水入味！🍀返尋味鴨掌$38鴨掌份量適中。出了滷水味道之外，鴨掌辣味比較出，果然係下酒小菜，送酒一定更為惹味！☘️麻辣牛筋腩$58雖然本人比較少食牛，但呢道菜絕對係最出色，牛腩炆得好軟腍，而牛筋晶盈彈口，牛味相當濃郁，無想過外賣都可以媲美餐廳質素。

2022年2月15日 星期二今日出到去沙田打算買外賣返屋企食，費事日日煮飯行到沙田廣場發現呢間舖頭新開張，於是直接入去睇吓有咩食入到去見到好多款唔同種類既滷味一字排開列晒出嚟，全部都熱辣辣好新鮮，而且見到店舖係即點即切，客人點左要咩滷味先即刻切開放入盒另一邊係凍櫃，一樣放滿左滷味，每一盒整體擺放，全部獨立包裝，店員話可以存放雪櫃幾日都唔會變壞，一拆開包裝凍食或者叮微波爐一陣熱食都得，夠晒方便，於是我一次過買咗幾盒返去試吓同時見到店舖做緊新春優惠，買滿$100已經有95折，$200以上仲9折添，真係好抵，我買左4盒滷味都係百幾蚊咋買完走既時候先見到有沙姜春雞賣，價錢仲要唔太貴，下次再黎一定要試返到屋企準備食飯既時間先開始拆盒，首先有紅油脆耳，一拆開已經好香椒麻味，食落去好脆身又有咬口，麻味重過辣味，幾易入口之後有活力雞中翼，一盒一共有六隻，都算大隻，而且整得好入味，裏面嘅雞肉已經全部變晒色，每一啖都食到醬汁，唔覺太鹹，味道岩岩好呢個係濃味牛舌，有少少辣，牛舌幾煙韌，但唔會咬唔開，每舊牛舌都幾厚，醬汁用嚟撈飯一流最後有店舖既招牌口水雞，無諗過半隻雞都有咁大份，雞肉好幼嫩，而且雞皮幾多雞油，