滬江飯店

营业中

休息中

月圓之夜, 找了一個賞月好地方 - 西九龍海濱長廊, 於是就在附近吃些特別的 - 蟹粉套餐, $398! 是晚極旺, 接近五時訂位, 必須七時交枱, 於是兩人趕快搭乘西鐵, 未到六時已到達飯店!我們叫了蒜茸拍青瓜, $52, 蒜茸香, 汁帶點甜味, 青瓜夠爽脆, 很想再 Encore!一份蟹粉套餐包括 :　清蒸大閘蟹, size不大不小, 蟹黃夠多夠香夠黏, 伴食既蟹醋也很美味!蟹粉籠仔粢飯, 上次蟹粉伴飯 (天香樓)已令人回味, 這次配以黏口糯米更是一絕, 於是單叫再 ENCORE 一份($90), 我想剩食起碼自己也可以吃上三個份量!蟹粉魚翅, 本身不吃魚翅, 為了試味也吃了一啖, 蟹粉味濃, 沒有厚厚的獻汁! Good!蟹粉湯包, 最怕吃太多肉既 dumpling, 但老公評為不錯!炒豆苗, 顏色亮麗, 油油的, 量少少, 吃罷也不會太油膩!薑茶湯圓, 芝麻湯圓兩粒, 湯圓帶芝麻香也煙韌, 薑茶夠薑夠辣!這個套餐內的各樣菜式也做得很好, 比東海的蟹粉出色! 除套餐外, 餐牌內其他菜式的價錢也合理, 下次想試試冷盤, 小菜!

今晚提早食中秋節晚飯, 一早訂咗五位, 之前聽到人哋講話幾好食又幾抵食, 又係中菜, 最啱同屋企人一齊食飯. 環境唔錯, d坐位唔密, 空間夠哂. 我哋叫咗個前菜鎮江肴肉, 都幾多, 幾好味; 點咗佢哋o既名菜豆腐餃子, 好佩服師傅d手工, 咁軟o既豆腐都可以包住咁多菜餡, 不過味道就一般, 可能係素菜關係, 但係好啱老人家食. 小籠包我訧無食, 細細舊, 唔知好唔好味, 個樣都好靚. 之後上咗個雲南鴨半隻, 估唔到炸完o既鴨肉都仲好敕滑, 食法好似片皮鴨咁, 用粉皮包住件鴨加埋大葱青瓜海鮮醬, 唔錯喎. 菜就叫咗碟芥蘭, 我最鐘意食o既菜. 仲有一個酸辣湯, 不過材料就好少, 味道比之前d菜式差. 最後加個蛋白火腿炒飯, e 個真係好好味, 白雪雪o既炒飯以為唔係好好食, 但係食咗一啖之後, 忍唔住食左一碗. 炒到粒粒飯都分開, 唔會一舊舊. 用hsbc card 簽帳有九折優惠. 幾抵.

每次看見醉乳鴒都想試試,,,好像很吸引的樣子...但那天和男朋友仔試過後...卻發現一點也不好吃...我明白要吃嫩滑的肉質應該點醉雞...但那醉乳鴒又真的'鞋'得過份...而且一點也不入味...我們還點了...拍黃瓜...味不會偏濃...易入口...春卷...相信只要炸得夠脆...難食極有限...響鈴...很新鮮的配搭...甜甜的...但咬得牙'交'有點累= =咸蛋黃爆蝦...很香咸蛋黃味...很欣賞廚師能把咸蛋黃均勻的沾滿每隻蝦...但一咬下去...真的啖啖油...平日愛蝦的我也因太油膩而要投降...最後要勞煩男朋友仔清碟招牌炒飯...這個飯算炒得不錯...但只是一般的炒飯...我只喜愛撒在面的瑤柱絲...嘻糖醋魚...呵...我最喜愛這個...酸酸甜甜...醬汁調教得剛剛好...魚肉很滑...其實每樣食物都只屬一般...2個人$700也太貴了吧?$700我可以有更好的選擇啊!!!

今天趁著午休, 和家人來此午膳.4人套餐 $218, 包括4杯竹蔗水, 4碗湯(今天是酸辣湯),可在菜單上選3款冷盤或熱盤, 我們叫了醉香豬手, 雞絲粉皮, 蔥燒牛筋再加上任選一款粉麵或兩款點心,我們叫了津白肉絲炒年糕.最後送上紅豆沙糖水.無論是湯或是糖水, 勉強可分為5小碗. 因為我們共有五人, 加上是本人生日,所以再加上响鈴火腿夾 (每件$30, 共order了5件),超級正, 雖說料好味美, 但太貴也不能常吃,不過今次生日特別豪一次!另外再加了清炒河蝦仁, 小籠包一客4隻, 蔥油拌麵, 金銀銀絲卷各1條.計上5人茶芥, 用HSBC咭找數有9 折, 共$651,我覺得算好食抵食.

繼上次與同事去食京菜的'北京酒樓'後,今次有人提議去食上海菜 - '滬江大飯店'.打頭陣有醉乳鴿 - 酒味濃郁之餘夠入味,而且唔覺油膩兼幾多肉; 加上個樣都幾靚,唔錯!鎮江肴肉 - 賣相幾好,以為會好鹹但原來味道剛剛好. 可能有人會覺得唔夠凍,但我覺得幾好.脆皮素鵝 - 味道其實唔錯,但總覺得上次北京酒樓較出色小籠包 - 有點驚喜,皮薄但唔易穿! 內裡肉質鮮嫩且多汁,有水準!北京烤鴨 - 隻鴨好大隻,真係'片皮'為主,肉並唔多; 所以如果揀壹食記得拎返個殼走,仲有好多肉呀!賽螃蟹 - 加入蠶豆幾特別,蛋白滑溜之餘又有咬口,唔錯!四季豆 - OK啦,無特別.酒釀丸子 - 個樣雖唔錯,但味道唔係人人鍾意; 有人覺得太酸,我反而覺得過甜.第一次去滬江覺得幾有水準,難怪勁多人等位要限時交檯. 價錢方面都唔平,四條友埋單每人差唔多二百.

見到好多人讚呢度，朋友生日就推介佢哋試下，訂位時預留鳯尾魚、豆腐餃子同北京填鴨。大約7:15pm去到，發覺呢度真係幾多人食，可能樓底矮關係，所以環境都幾嘈，如果想傾偈，呢度就唔算係一個好地方。由於訂位時預留鳳尾魚、豆腐餃子同北京填鴨，所以都可以食到呢幾樣嘢，鳳尾魚話係冷盤，但似乎係啱啱炸起，熱棘棘脆卜卜，好好味，不過食完就幾熱氣喎！豆腐餃子好考功夫，清清哋都幾特別，北京填鴨唔係好肥，有啲淨皮，有啲連肉，幾好，起咗層皮後，啲侍應仲會問需唔需要打包返屋企，都幾細心，但食落最唔好就係塊薄皮，居然幾難咬開，所以就要扣番啲分。另外叫咗小籠包同崇明島爆蝦，小籠包皮薄多汁，一籠四隻啱啱夠四個人分。朋友叫咗崇明島爆蝦大家都好好奇係乜東東，仲以為係清炒蝦仁，點知原來即係黃金蝦，真係估佢唔到，味道都算唔錯，炸到個連個殼都可以食埋，不過細咗小小。最後叫埋個甜品 - 高力豆沙，又係炸到熱棘棘，附上兩碟調味料，其中一碟係士多啤梨醬，紅得緊要，不過又特別同幾好味喎！食完呢餐我諗都幾熱氣，因為我哋食咗好多炸嘢，整體嚟講每樣都幾好ok，但可能冇食到最多人讚的火腿夾同醉豬手、醉乳鴿，所以好似有啲美中不足咁！有機會一定要

同事X終於找到新工，大伙兒決定與她齊齊吃Farewell Dinner ，左挑右選下，決定到此。來過尖沙咀多次，不是這個Farewell Dinner，我一直也沒有留意此飯店呢!抵達飯店時，同事已點了十二人套餐，另加兩隻北京烤鴨，但烤鴨製作時間至少40分鐘呢! 等了又等，終於來了六小碟的頭盤 - 鎮江肴肉、醉豬手、海蜇頭、燻魚、牛肉(因為無帶相機，唔記得最後一款)，味道各有特色，水準不錯。六小碟後，便到黃金蝦球 (鹹蛋黃炒蝦球)、響鈴火腿，真係好好味呢! 響鈴火腿，真係一食便愛上，有機會要再食呢! 另外有兩款不同炒菜，但普通啦! 仲有海參，呢個唔錯呢! 終於到北京烤鴨，嘩， 等咗差唔多一個鐘呢! 呢個唔算太出色，每塊鴨都片得過大呢，仲以為兩隻好多添，原來啱啱好咋!食完烤鴨，大家已經開始飽飽! 此時，再上蛋白炒飯及小籠包，因為我想吃甜品，所以兩款都無試呢! 此套餐每碟的份量不少，所以十四人都食唔哂呢! 同事話唔叫烤鴨都夠食呢! 想不到桂花酒釀小丸子要多等一會才上枱，幸好味道都不錯。下次一定要約其他朋友再來呢!

一行十多人, book 了一張大枱食飯, 食咗:豆腐餃 - 好好味, 豆腐入面有菜饀片皮鴨 - 皮香脆, 但無乜特別炸臭豆腐 - 幾好味, 不過唔夠臭松子魚 - 好酸, 好好味響鈴火腿 - 金華火腿蜜餞, 個面脆脆哋甜甜哋, 同埋個包一齊食, 啱啱好, 一吃難忘

上次想試滬江, 點知裝修, 今日終於同家人試到啦本來想食手作菜-豆腐餃子, 侍應話賣晒, 可能真係要訂先有無計啦, 好彩響鈴火腿夾包有唶個包真係好好味, 軟棉棉的包釀著香脆的腐皮同甜金華火腿, 甜金華火腿似豬肉乾咁唔鹹又唔太甜, 正係招牌菜仲有個小籠飽, 皮薄而煙韌,肉鮮而多汁此外, 沙鍋雲吞雞也是有誠意之作, 湯濃, 除了雞和靚雲吞外, 也有金華火腿和菜一般我們食滬菜, 都會點松子桂魚, 今次都一樣, 大桂魚都幾新鮮, 脆而薄粉, 甜酸汁剛好另外仲食咗個火腿白菜心, 無咩特別, 正常菜式而家廿五週年仲有八五折, 都幾抵食

收到風佢地要內裝, 同舊同事一大班人來. 好在有訂位唔係真係無得食. 我地訂了1. 火瞳翅 - 金華火腰上湯加上好大排既翅, 我地10個人叫了6兩翅剛剛1人有1碗仔<-真係好正呀.2.豆腐餃子- 豆腐皮下有菜碎, 味道是濃的可以說是幾惹味. 豆腐味都幾濃<-唔錯呀.不過要訂先有得食.3. 小龍包- 有肉汁肉夠實仲要夾完都唔穿, 正.4. 火腿津白 - 好清, 個人覺得麻麻5. 清炒河虾仁-好爽甜, 加小小醋就更好食.<-分量再多小小就好啦. 我地10個人, 一人都係得幾粒渣....6.炒年糕- 好好食呀,菜好甜,年糕 好CHEWY又唔油仲要好入味, 滿分推介.6. 酒瓖小丸子- 小丸子好夠Q, 好好食呀.7.豆沙窩餅- 有小小油, 豆沙不太甜, 但個人不喜歡豆沙窩餅.其實都唔明, 好地地做咩打內裝呢......唔知幾時會開返呢?

dad 鍾意食上海菜所以帶左佢黎呢間阿蘇介紹既餐廳. 佢五月十二號開始要裝修呢!weekend 黎食 lunch, 冇訂位, 去到十二點二, 知客話點半要交檯~ 冇所謂啦~ 點左小籠包~ 好味道, d 肉汁好香唔會漏, 有水準, 呢個掂!響鈴火腿夾包~ 都係招牌菜, 成日以為 d ham 會好咸, 但原來少少咸味都冇, 得個香字, d 蜜汁又唔會好甜, 加埋炸個塊脆脆, 正!素菜蒸餃~ 佢地竟然上左個鮮肉蒸餃, 真係玩哂野! 個經理都同我地換返..醉豬手~ 屋企人話好似白雲鳳爪咁既味喎, 好似冇咩特別蛋白炒飯~ 叫佢少油真係落好少油, 炒得幾乾身, 好味~可能因為叫左個夾包所以貴左 d, 個夾包 120 蚊得四份.. 花生同菜甫都幾開胃!

由頭到尾都唔知名去邊度食生日飯.....太神秘了,終於等到呢一日晚上才知道係呢一間食店,亦都係本人第一次來到這一間飯店食飯,食咩完全唔知道,因為女朋友己經一早諗好哂,落完單時仲同個待應生耳語兩句........hehe....廢話少講.......入正題.首先來了一碟醉乳鴿......味道都幾好,只係覺得乳鴿肉未夠身(唔太入味),食的時候我要再"點"一吓啲酒才覺有酒味,應該呢碟仲可以有進步空間,這一碟餸其本上都值70分.響鈴火腿夾包....食法幾得意,用一塊薄的麵皮來夾一塊金華火腿加炸物,夾住來食都甜甜哋都幾好味,本人覺得應該係金華火腿啲汁係用蜜糖來做的,因為個待應生來幫我哋夾的首先見佢將塊炸物放在金華火腿的碟內"點"一下啲汁才夾的,但係呢碟餸,如果有人想試的話最好就要趁熱食,因為我倆食完第一塊之後都覺得幾好味道,但係隔了一陣再食第二塊的時候就因為凍咗,嗰塊皮己經硬了少少所以呢一樣餸要趁熱食.....呢碟餸都有78分(但真係要趁熱食--本人建議)松子桂魚(半條)....我就覺呢碟餸就一般般啦,因為唔係太特別,女朋友就覺得啲汁就唔係好夠酸"釣"唔起啲味道,但條魚都可以啦,始終都係一條炸魚

公眾假期，訂了檯都要等，不過唔緊要，因為值得的，來之前因為之前在這裡看過食評說不錯，不過坐下後發覺，午餐價錢都不太貴，抵食！３個人，叫了４人餐，再加一個小籠包。其實，份量係多到我地３個女仔食唔曬！個餐包一個羹，三個點心，一個主食再加甜品。我們叫了糖醋排骨，火腿津白，水煮魚片做小食（不過份量一點也不少）然後津白炒年糕。糖醋排骨　－　骨不多，肉鬆軟，正！火腿津白　－　很清，要吃得健康的你一定要叫水煮魚片　－　跟四川用油泡的有點不同，又很少，不過都味，麻味不多，辣味比較重津白炒年糕　－　年糕鬆軟，又點油，不過可接受。服務也值得讚，不斷幫我們加水，能夠在短時間內回應我們的需求！

在一個下著時而大時而細雨的晚上，在亞水的推介下，我們一行五人(傻仔敏、豬頭人、ricky、kit、水)去到位於尖沙咀的滬江飯店，豬頭人一早book好枱，而且還訂了網上很多人推介的「豆腐餃子」。我們依照訂枱時間，準時7點半到達，這時店內的客人已很多，而且座位排得滿滿的，有點兒狹迫。本來想一嘗這裏的片皮鴨，但怕吃下一隻便吃不到其他，所以只好留待下次品嚐。每枱有兩碟配菜，一碟是紫菜花生，一碟是醬油蘿蔔，兩款都很好吃，這些都是必收費的，不論你吃不吃都要收錢，傻仔敏很討厭求其遞上兩碟花生的那些，就像明搶般。冷盤：鎮江肴肉 – 個人覺得不夠凍，而且有點乾，王家沙的比這裏好。冷盤：醉乳鴿 – 酒味香郁，乳鴿皮薄肉鮮，沒有半點油膩感，十分出色。包點：小籠包 – 小籠包做得很好，笨手笨腳的傻仔敏也沒弄穿包皮；內藏的肉汁十分香甜，熱騰騰的吸上一口，很討好，小籠包最精的就是這一口肉汁，而且裏面的肉團份量剛好，不是一舊要人吃飽的大肉團。湯水：蘿蔔絲鰂魚湯 – 魚湯呈奶白色，這份鮮甜濃郁叫人讚賞，魚肉本身十分鮮甜，就算怕魚骨的也忍不住吃兩口。豆腐餃子 – 或許是過份的讚譽，所以較為失望，這碟菜可能需要極高技巧的

這是我第二次光顧此食店,食物依然有水準~本人較為喜歡以下菜色,推介一下:1.醉豬手 (爽口彈牙,酒味適中)2.醉乳鴿 (入味,肉質嫩滑)3.水煮牛肉 (辣味濃,牛肉好食,最鍾意裡面加了粉皮非常配合)4.清炒蝦仁 (味道岩岩好,蝦仁十分爽口)5.小籠包 (好食,但皮可以再薄一點)另外點了的菜色:6.臭豆腐 (始終跟以前擺街邊檔略為遜色)7.涼拌海蜇頭 (味道不夠搶)8.豆腐水餃 (外表十分細緻,一定很考功夫,可惜味道清淡,豆腐跟餡料不太配合)9.蘿蔔絲魚湯 (魚的鮮甜不夠)10.炒筍 (沒有特別之處)簡單黎講很多菜色都是心機菜,價錢合理~絕對可以長期幫襯!!!