滔滔甜品

营业中

休息中

難得來元朗, 晚餐雖然已經吃了一小件甜品, 但仍然要再來碗糖水 ☺️ 抵達時人山人海, 一大堆人正在排隊, 就算店外有座位還是滿座, 實在太誇張!! 🤯 店鋪內比較狹窄, 如果不嫌棄的坐在外面會更自在, 不過我在想現在把桌開到門外不怕被捉嗎? 🤔薑茶湯丸 $21薑茶帶微微薑味, 本人愛薑的味道, 所以覺得可以再濃再刺激一點 😆 湯丸餡是我愛的麻蓉味, 咬一口有流心形態, 湯丸皮尚算薄, 而且煙韌有口感 😋椰香西米紫米露 $23加了椰漿呈螺旋形, 蠻有賣相! 內含大量西米和紫米, 非常豐富, 份量十足! 😁 紫米有糙米口感, 煙韌軟糯, 味道濃郁香甜。鮮製椰子糊 $23非常稀有的糖水, 可能我孤陋寡聞, 第一次遇見 😅 一上碟已經嗅到濃濃的椰子味, 非常杰身, 未夠滑溜, 有點漿糊的感覺 🙃 味道的確是香濃椰子味, 味道不錯但不是我喜歡的口感。木瓜雪耳海底椰 $32相當滋潤的糖水, 補氣化痰, 木瓜清甜, 海底椰彈滑, 燥底人士最佳甜品之一, 味道正常不錯👍🏻四碗甜品竟然$100也不用, 太便宜了!! 看到大部份差評都是點一些比較新潮甜品, 大概吃這些守舊甜品比較穩陣 🤭 甜品不錯且便宜,

不論男女，只有一個胃。但是每當食飽了，總會有另一個胃食到甜品。食芋圓必定會去滔滔甜品，剛巧晚飯時間，店鋪內沒有人。甜品店環境空間比較細，座位數目有限，枱與枱之間的距離相對比較貼，甜品店外面都會有枱凳。甜品店提供多種款式的甜品及中式糖水。每次去必點叁元豆花。✱ 叁元豆花：有豆腐花、芋圜、地瓜圓、黑糖珍珠及紫薯西米。 還可以四選一添加香草雪糕、愛玉、紅豆或芒果。另外還點了冰烤紫薯雪糕系列 ： ✱ 仙草紫草圜：有仙草、黑糖水晶、蜜紅豆、芋圓、地瓜圓及紫薯雪榚兩款甜品都有豐富材料，芋圓及地瓜圓Q彈的感覺，香甜芋香及地瓜香。仙草紫草圓中的黑糖水晶、蜜紅豆感覺甜膩。紫薯雪榚香濃紫薯味。

飯後諗住食個甜品，依間食物質素中規中矩，但樓面有四個女仔，玩電話嘅玩電話，態度真係好麻麻！問多一句都嫌個客麻煩…而且樓面衛生情況好一般，超級多蚊，係有食客嘅情況之下，仲噴緊殺蟲水…仲話「唔怕啦，又唔係咬我」…唔會再有第二次幫襯！真係唔知係啲客食甜品，定係啲蚊食返啲客？唔怪得之而家香港人都唔願意留喺香港消費，店員質素太差了！………………………………………………………………………………..

元朗呢間滔滔甜品喺大西北呢頭一直都頗有名氣，除咗有傳統中式糖水，亦有好多唔同種類嘅配料可以加配，而且價錢又夠哂親民，真係一個食飯後甜品嘅好地方～熱 石磨芝麻糊湯丸💰HK$32芝麻糊質地比較流質，充滿芝麻嘅香味，湯丸皮薄得來又煙韌，裡面都係芝麻餡，整體味道亦唔會太甜～凍 仙草黑珍珠 + 清心丸💰HK$35椰汁做糖水底，仙草好嫩滑，另外黑珍珠同清心丸都好有咬口！呢個糖水組合又幾特別喎～熱 椰香西米紫米露 + 芋圓💰HK$31淡淡嘅椰汁味配上香甜軟糯嘅紫米，再加埋口感煙韌嘅芋圓！成碗都係滿滿嘅碳水化合物，好飽肚～熱 腐竹馬蹄清心丸💰HK$32爽口嘅馬蹄切成一粒粒，腐竹整到好似蛋花咁嫩滑，味道中規中矩！清心丸味道偏甜，感覺都係同凍嘅糖水比較夾，熱食會顯得味道較甜～

少見清甜椰子糊，大份好食仲夠抵，冬日平價暖胃甜品之選😋！・・・・・・・・・・・・・・・・・・・・🥥 鮮製椰子糊 HK$23・味道：一入口係椰子嘅清甜，比起平時嘅椰奶甜更清新，after taste帶甘香，正喎👍🏻！・口感：白膠漿質地XD，比想像中流質輕盈，唔會好杰好膩。💜 椰香西米紫米露 HK$23・味道：椰汁加紫米露，加埋都唔會好甜。紫米同椰汁兩者好夾，暖胃舒服嘅一款～・口感：同上，幾輕盈，唔會好杰好膩。・・・・・・・・・・・・・・・・・・・・🤰性價比：高～🤰9衝度：9衝～🤰結論：接近湯碗size好大份XD，好抵食而且好味，微甜波讚好！出面好少見嘅椰子糊，值得一試！・・・・・・・・・・・・・・・・・・・・

🪻豆花紫花園 $39 有紫薯雪糕、黑糖水晶、芋圓地瓜圓、豆腐花、紫米同花奶 坐低嗌左5分鐘都冇就黎左😹啱啱到嘅時候紫薯雪糕有d冰碎係面 觀感即刻扣左小小分 不過入口的確有紫薯味 唔會太甜 仲有d桂花係面 頗為用心👍🏻黑糖水晶同紫米令口感更豐富 味道就正常發揮 係想像到嘅味；芋圓同地瓜圓唔錯 大大粒煙煙韌韌 食得出各自嘅味；豆腐花就好明顯係超市d盒裝豆腐花 好hea😂死甜冇豆味 抔一抔就碎曬 btw舖頭員工幾nice 而且唔會趕客 因為店鋪內位置較少今日好凍唔想係出面食所以就等位 等左一陣佢有主動問要唔要坐低等🤡見舖頭有其他糖水價錢實惠 評價都唔錯 不過我1015左右坐低都有部分糖水售罄 想食嘅話可能就要早d黎～味道：3/5口感：3.5/5CP值：3.5/5

同朋友食完飯又唔係幾飽，就過左黎食甜品🤣甜品都算幾多選擇，除左餐牌最基本個啲之外都仲有期間限定或者新出既產品😋朋友就叫左個豆花紫花園（含黑糖水晶、紫米）呢個甜品主打冰烤紫薯雪糕，結合左雪糕既柔軟順滑同烤紫薯既香甜味，而且仲會食到粒粒紫薯肉，口感超豐富👍🏻我就叫左個阿華田仙草，入面仲有埋珍珠同雲呢拿雪糕，超豐富！面頭係滿滿既阿華田粉，就咁食都已經好好食，每一啖都係牛奶同可可粉既味道😋而且珍珠Q彈有嚼勁，好食～

星期六晚同朋友食飽飯,未夠八點,當然要揾下場。路過見到有不少人買外賣,店內已坐滿人,出面已經開咗兩枱做生意, 睇落好似唔錯,於是入去一試。我叫了豆花紫花園(走花奶),有紫薯雪糕、黑糖水晶、紫米、芋圓同豆腐花,紫薯雪糕好特別, 第一次見,雪糕好有紫薯味又唔太甜,值得一試,芋圓同地瓜圓都好QQ,食到芋頭同番薯嘅味,豆腐花好香豆味, 配上紫米同黑糖水晶甜到剛好又有咬口,這個甜品值得encore。朋友叫咗黑糖珍珠檸檬愛玉,佢話略嫌有啲酸。

元朗好食嘅糖水鋪依家真係買少見少，今日介紹依間甜品鋪係我定期都幫襯下嘅。而依個冰烤紫薯系列就係我至愛☺️三款甜品配料大致差唔多，一樣有紫薯雪糕同黑糖水晶，最唔同係個底，分別有仙草、豆花同愛玉🤭今日就食左其中兩款:🍴 仙草紫草園（$40）📝評分: 8/10個人最鍾意配仙草底🙂先讚個紫薯雪糕，食到粒粒紫薯肉，唔係好假個隻紫薯味，個人鍾意雪糕呈半溶狀態，配埋黑糖水晶同紅豆，成碗野撈埋好有咬口好好食🤤🍴 豆花紫花園（$40）📝評分: 7/10而豆花底就冇仙草底禁有咬口，但豆花整體算滑🙂配埋紫米芋圓一樣好食！不過今次食嘅芋圓偏軟身，如果稍微有返小小咬口就更好🤭

外賣真係冇仇報,去開元朗開完餐,就諗住買甜品回家漢下,去到舖頭好多人, 似乎都唔夠人手幫我地落單, 落完單企門口等左20分鐘先拎到野食,等到成身汗回家一睇杏仁荼湯丸冇湯丸. 仲要收左湯丸價,杏仁荼比正常的結身,好似食粥咁, 而且冇咩杏仁味,有點失望芒果西米撈變左椰汁底,芒果得幾粒, 仲要超酸,食到出眼水只有之麻糊比較正常,但感覺好結,加左好多粉又冇咩之麻味,諗住打電話返去訴下苦, 點知在openrice 搵, 連電話NO. 都冇試一次就夠晒數 !!

🥥椰香西米紫米露💰$24🍡腐竹馬蹄清心丸💰$33.⚡️係元朗食完雞煲當然要直落糖水🤣，行經見 @ 大排長龍，9秒9決定就食佢啦～店面唔算大，人多嘅時候都要坐露天位，個日我地兩個人排咗10分鐘左右就有得入座，都幾快🙆🏻‍♀️.⚡（偽）養生嘅小女子選擇食熱嘅🥥椰香西米紫米露，因為平時少掂紫米，本身以為會會膩，點知出奇地好食同夾😳，椰香味濃伴隨淡淡穀物香氣，可encore～🥰.⚡🍡腐竹馬蹄清心丸小女子食唔慣😂，不懂清心丸嘅味道，但腐竹糖水嘅部份還是很🉑

朋友帶我嚟滔滔呢度食甜品叫咗個腐竹清心丸糖水一食就上癮所以今日特登又再過嚟食今次叫咗一碗紫米露湯圓清心丸另外一碗蛋白杏仁茶湯圓加清心丸兩碗都好有水準好好味食完仲有好飽肚嘅感覺真係食完都唔使食飯而且今日兩個落單嘅都好有禮貌所以食得好開心好滿足呢度嘅清心丸仲會有甜味比一般舖頭係唔同試過買返屋企自己煮完全冇呢一個味道所以要食真係要落嚟舖頭食先得因為加咗清心丸所以買單大約$80蚊上次㲋就要排隊啦今日4:30啱啱適逢開鋪就唔使等不過等都好值得嘅

椰子糊頭幾啖覺得好清，但食食下又幾好食，好上癮，椰子味越黎越出，但又好清甜，糊底勁絲滑唔係用粉沖開，唔會一粒粒，好似飲緊結身嘅椰皇水咁仲有啲芋圓淋到呢⋯好軟綿綿，又好香芋頭味，估唔到咁大粒都可以咁軟糯

第一次食滔滔甜品啦，晏晝四點幾去食，見到好多學生都去幫襯，我同朋友兩個人去，每人叫咗一個甜品，價錢來講偏貴而且份量少，位置細，服務態度麻麻地，唔知係咪隔籬枱有人落咗單，而我地仲未落單，就過嚟催我地落單。有人食完走左，比我睇到服務員執枱好求其，好似好驚整污糟自己隻手咁樣。總結，芋圓好食，豆花底同整體都唔係好出色，由於今次兩個人都係叫左同一個底嘅甜品，唯有下次再試其他款嘅甜品，美中不足就係無做小食～想食水果撈去b仔或者其他糖水舖會好d啦～

食完飯後，意猶未盡就決定食埋糖水先散水，呢間甜品店款式都幾多，睇裝修以為係得中式糖水食，但原來都有其他款式揀，地方較為細，有點擠迫感，但食物質素唔錯，份量多，下次入嚟要再食