滑嘟嘟 (已搬遷) 新店位置

前幾日屋企人去咗大埔，買咗呢個超級多人排隊，仲要係每人限買一盒嘅糯米糍比我食～～之前好飲話就黎會執粒，但係聽聞好似搵到新舖唔使執啦！係新鮮即整，每一粒係人手包既！一盒有六粒～入面係芝麻花生餡！因為佢係人手包，所以糯米皮嘅分布唔會係十分平均，尤其係收口嗰個位，會比較上厚少少，不過除此之外都可以睇到好似下圖咁～都算係皮薄嫁！而且人邊勁多餡，每咬一啖都要好小心佢會跌出嚟，餡料芝麻極香，花生亦都唔會太碎，有返啲咬口！正👍👍👍

不久之前看雜誌介紹糯米糍，其中有介紹大埔客家糍耙，平時經過都無買來食，於是就去買來試下，是否名不虛傳。糍耙即叫即整，芝麻餡料豐富，現做的是真係好食啲。師傅很熟手，包糍耙很快。不過排隊的人龍好長，想食就要花時間耐心排隊等候。$18／盒(3個)上一次食左糍耙，今次就試食黑芝麻糊和黑豆腐花，所以買了黑芝麻糊加黑豆腐花$14。黑芝麻糊和豆腐花都得滑，芝麻糊唔會好甜，一起吃又不會淡而無味，好食。PS:買糍耙的人龍比上兩星期前更多，可能是就快搬的關係。今次就不食糍耙了。

🥜糍粑($7)▪️終於都食到la‼️即叫即包，好新鮮👍仲包到成隻倉鼠🐹咁-包唔算好薄，我咬左第一啖係未食到餡料，第二啖先開始爆出泥😁首先塊糯米皮幾軟糯有嚼勁，但就有陣麵粉味😖我好怕食糯米皮有陣粉味。-餡料就包得幾重手，一路食一路從口邊跌出泥，十足小逃兵😂-內餡是砂糖，芝麻粉混合花生粒，花生是有炒過的。但我偏向鐘意花生香氣重d嘅餡料，所以整體覺得一般。-味道有d似亞玉豆腐花嘅糍粑🤔聽聞做到5月咋，有機會去支持下。

一宜久聞佢出名的生磨黑芝麻糊, 今日特登去試, 買咗外賣返屋企2個人分, 每人試少少我買咗黑豆花混黑芝麻糊$14,  黑豆花係灰色,好滑身,黑芝麻糊唔係好甜, 啱我, 但食開甜嘅人就未必啱, 黑芝麻糊有啲稀, 唔似糊想食生磨黑芝麻糊一試無坊. 

去完食亞婆豆腐花行過大埔中心，中間經過見到有間叫滑嘟嘟嘅食肆，竟然吸引到我停底望一望。見到有個Booth坐咗個女仔喺度包緊嘢，再睇到上面寫住即包即食，原來係客家糍粑，見$18有3粒，咁我哋即管叫3粒食吓，見到個女仔即整，啲皮望落包得幾薄喎！整好後即刻試試先，一咬落去塊皮比望落去仲薄而且好煙靭，餡料係花生黑芝麻，食落好濃黑芝麻味，花生味亦都重，甜度尚算適中。其實無心插柳咁搵到啲好嘢食，真係要記底佢~

小區小店都不敵瘋狂香港租金，做埋呢幾個月就要結業喇，當見到滿街都倒模商店，就好懷念細個樓下已經有唔同小小玩具店行既時侯。最出名係糍粑即叫即包，排隊等緊果陣緊係買番個《自家磨芝麻糊》($17)暖下，芝麻要風乾一晚先磨煮，大大個爐既熱水座住夠暖，食落夠芝麻香口感亦夠濃稠。終於排到《客家糍粑》($18/3個)，姐姐即叫即包，望到姐姐超熟手咁就包起好勁，皮夠薄粒粒都好大粒好飽滿，入面爆哂花生黑芝麻餡勁惹味。店名：滑嘟嘟地址：大埔廣福道103號地下E號舖餐牌:

每次去大埔都必會黎呢頭搵野食，呢一間係必買之選，十幾蚊有三粒糍粑，粒粒都好飽滿，外皮唔會太厚又夠煙un，裡面包滿黑芝麻，花生...又唔會過份甜，即叫即整，太趕時間/心急既朋友真係唔好去，手工唔同機械!

一早已經將滑嘟嘟加入左大埔必食名單今次去開大埔終於有機會食到-糍粑係即叫即包 夠晒新鮮當日平日去到 離遠已經見到有幾個人排隊買果然名不虛傳 好彩姐姐嘅手法好純熟 包得好快 幾秒包完一粒 等幾分鐘就到我 而且粒粒都包到脹卜卜 靚靚仔仔-花生黑芝麻糍粑糯米皮煙韌得黎亦好軟熟 厚度適中🤘🏿餡料係黑芝麻碎加上花生碎 一咬啲餡料多到爆曬出曬唔係講笑食落充滿濃郁芝麻香 正宗皮薄餡靚🤘🏿係我食過最好食嘅糯米糍 沒有之一🤤❤️黑豆豆漿當日好熱所以另外都買咗支豆漿來飲 豆味好濃郁

客家糍粑（$15/3粒）🍡🍡🍡糯米糍即叫即包，望落粒粒好飽滿😍🍡，咬落都仲係暖身架，外皮做得好薄好柔軟，唔會黏笠，食落又唔會黐牙。咬開有滿滿嘅花生同黑芝麻餡料😋，味道非常香，而餡料主打少甜，食落甜度適中，正宗皮薄餡靚。有每人限買數量，就算前面大排長龍都唔驚等好耐，不過阿姨都好快手，基本上一兩分鐘就拎得，拎完梗係要即刻食啊，最新鮮熱辣呀嘛，可惜夏天天氣熱，企喺旁邊食都幾辛苦架😂😂😂。

如果趕時間你就唔好買啦， 因為佢哋話即叫即製作都要等成三十分鐘， 皮薄餡多， cp值 極高， 但係糯米皮覺得你有非常煙靭， 由於人手包嘅關係所以佢哋每一個大小都唔係咁平均 ，完美主義者就唔好買啦

黎到大埔點可以唔食遠近馳名既 #客家糍粑 呀！出名平靚正，皮薄又餡靚，即叫即包，軟熟又煙韌，煙韌怪真係不能錯過 😳 而個餡係黑芝麻碎加花生碎，又香又有咬口，真係超級正 😋 啲餡仲多到瀉哂出黎 🤤🤤🤤 遠比玩哂潮流既芒果呀、榴槤呀、紫薯呀，更加有一份味道，薑都係愈老愈辣，都傳統既最好！——————————————————————#客家糍粑 $15/3——————————————————————#滑嘟嘟大埔廣福道 103 號地下 E 號舖

這家滑嘟嘟最有名就是客家糍粑，亦有自家製芝麻糊、豆腐花等，糍粑即叫即做，每次去到都要排長龍，店舖亦沒有座位，食客都要企在舗外享用食物。每人每次限買6個糍粑，單個$6， $15/3個，$30/6個。客家糍粑（$15/3個）即做即食的客家糍粑，外皮煙靭軟糯，皮亦很薄，見議即日食用，吃不完也不要放入雪櫃。餡料是花生黑芝麻，不太甜，花生碎有口感，芝麻亦很香。芝麻豆腐花（$12）芝麻糊很香濃幼滑，但豆腐花就不夠滑，真的有點失望。

大埔 滑嘟嘟客家糍粑 $15/3件又係平民恩物啊😍 真心又平又足料，性價比超高！👍🏻 糯米皮薄得黎又煙韌，包住滿滿既芝麻花生餡料，確係正😈💕評分：😈😈😈😈😈（5分滿分）

大埔墟果然除咗，昌運 味千拉麵 隔離嗰間細鋪之外。冇舖頭可以超越到 亞婆豆腐花。呢間嘢 唔好話超越。連正常豆腐花都好食過佢。 唔係講笑，一咬落去 入口即溶 。等等係入口即溶 。 然後變成同清水冇乜分別嘅嘢 。我即刻望住個妹妹仔， 咁嘅嘢你同我講係豆腐花？ 當然聽過呢間野，主打嘅唔係豆腐花 係芝麻糊。 所以去呢間鋪食就唔好食豆腐花。醒醒定定食個芝麻糊就算 ，唔好玩火自焚 如果唔信 可以去食下， 食完你會懷疑，究竟 呢碗嘢 係唔係一碗豆腐花？ 【本食評純粹個人立場】 謝謝觀賞！

大埔名物除咗三多炸雞髀同華輝蘋果批外,最令我感興趣嘅就係客家糍粑.反正嚟到附近,咁就去朝下聖.明明地址寫住晌廣福道,不過沿路都搵唔到滑嘟嘟嘅舖位,之後見到對面馬路有張大橫額大約寫住”往滑嘟嘟請轉入同秀坊”,好彩佢哋有呢個指示,如果唔係我哋應該會錯過咗,似乎有唔少慕名而嚟嘅人都遇上差唔多嘅情況.到達後發現附近有唔少外賣為主嘅食店,滑嘟嘟門外仲堆咗一堆企晌度食豆腐花同芝麻糊嘅食客,聽講呢兩款甜食都係用店入面嘅電動石磨磨製,當日仲傳嚟一陣陣誘人嘅黑芝麻香.我對客家糍粑比較感興趣,佢哋係用人手即叫即包,睇住店員將糯米團搓扁再包餡料嘅整個製作過程,的確幾開心.好彩當日輪候嘅人唔多,大約等咗幾分鐘就買到.每人每次限買六個,我哋兩個人就總共買咗一打.客家糍粑用咗透明膠盒載住,每個之間仲墊咗蛋糕紙保護,防止佢哋癡埋一齊,由呢個微小嘅舉動睇得出佢哋都幾有心思.外表圓圓,個子大大.糯米皮薄,軟熟煙韌,入面嘅花生同黑芝麻磨得細碎,份量夠多,有啲咬口又香甜,食落真係唔錯.