源記甜品專家 (已結業)

約左友人速食下午茶，但又怕茶記太飽晚飯食唔落，所以決定食甜品。知道源記係老字號就即管試下。我就叫左合桃露。略嫌合桃味唔夠濃同埋唔夠熱。友人叫杏仁露。杏仁味香唔會太甜，但比較削。總括泥講味道普通而性價高

之前食過幾次合桃糊都覺得幾好既 今日同事突登買外賣返黎俾我食 我地share食左合桃糊同芝麻糊. 但今次真係失望 好似食左糖水落肚甘!! 芝麻糊直頭冇味!! 希望有改善!!!

最近個甜品胃超活躍不停食甜品 但此終對中式糖水情有獨鍾想試呢間西營盤傳統糖水鋪好耐難得過到黎忍唔住一次過試兩款 (甜品胃話no limit)燉蛋不嬲係我至愛 所有蛋甜品我都啱蛋味濃 唔會太甜 好滑 比布甸更滑的質感熱食最好味 老板娘話佢呢度冇凍的甜品啱哂我另一樣掙扎左好耐芝麻糊定合桃糊最後揀左合桃糊加蓮子蓮子好大粒 而且有好多 粒粒都有咬口唔會太淋 合桃糊個味冇想像中咁濃 偏淡但都有合桃味既 唔算非常出色 少少失望 都係燉蛋正啲另外見佢有雞蛋糕 我呢個蛋控當然都唔會錯過 不過佢好乾身 太dry 一d都唔spongy 雞蛋味亦唔算濃 認真麻麻👎🏻

是夜同一班同事於西區晚飯，食飽之後特登撘叮叮過來源記食糖水，因為同事話源記桑寄生蓮子蛋茶聞名，佢指定要食呢間。桑寄生蓮子蛋茶$36用著中式的”萬壽無彊”碗盛載，下面有隻銀碟隔熱，感覺低調傳統，貫徹店舖風格。桑寄生茶味道甘香清甜，甚似暖和的王老吉! 蓮子雪白渾圓如珍珠，是人手去芯，沒有煮成過份腍爛，好好咬口，略帶甘甜。雞蛋裏裏外外都浸成深啡色，非常有味!據聞桑寄生茶正氣又養生，乃婦女恩物，臨走不忘打包一碗返去比老婆大人養一養生。

好多甜品店都又中又西，但係呢間就淨賣幾樣中式甜品，以桑寄生、蓮子、合桃、蛋等為主。一個人點咗呢隻茶：好少食呢啲嘢，唔係太識比較。此茶甜度甚高，桑寄生本身其實幾有香味，不過有少少被甜味蓋過。蓮子做得幾好，唔會太淋，粒粒都有得俾你咬下。雞蛋極為入味，口感亦非常好。佢有雙蛋嘅選擇，咬咗隻蛋一啖之後，即時後悔冇叫雙蛋。結論：傳統甜品，值得一嘗！

難得去開西區，當然要食碗飯後甜品啦。夜晚9點幾黎到，要稍稍等一下位。我同老婆永遠獨孤一味，桑寄生茶。一碗桑寄生蓮子茶（$34）+一碗桑寄生雙蛋茶（$34）源記嘅桑寄生茶水準一向保持到，而且呢款糖水正氣得黎，又補陰補血，難怪被推崇為女生恩物啦。蓮子除左清心養神之外，仲煲得好淋，一啲都唔硬。戲肉來了，糖水內嘅雞蛋，好入味，淨係見到隻蛋嘅色水已知對味。我甚至誇張啲講，連蛋黃都入味，唔會出現外面上色，入面冇味嘅情況。正氣養生糖水，食味同營養兼備，絕對會定期回頭光顧！

晚餐飽得捧著肚子走，然而這三人未有放棄，依然心牽飯後一點甜 決定過海尋甜，下車後散步傾談好一會，落格的瞬間正是到達糖水舖之時 來到始於1855年的老店源記，見那長長人龍，似乎甚受歡迎，實力或許不俗？ 有聞全蛋雞蛋糕是源記的名物，幸好晚上到來尚有少量存貨，特地點一件來分享 賣相不俗，略帶蛋香，然而實感乾涸易散，並非想像中的軟綿 沒有嚐過新鮮出爐的成品，無法作出比較，也未知算不算是出師不利了 核桃露核桃香氣一般，未會太膩，然而甜度適中，細滑潤順，只略帶稠 桑寄生蓮子蛋茶及以傳統石磨製作的蓮子雞蛋杏仁露亦為源記的得意之作 不過友人所點，只見材料滿滿，沒有充分細嚐，味道不予置評

源記都好多年歷史，屹立不倒，總有原因，食過就知。<古法雞蛋糕>好香雞蛋味，食落質地係硬身既，味道就有小小似"__華"既傳統蛋糕味。我係嫌佢唔鬆軟既，但同時呢個先係佢既selling point。平時食到既蛋糕，一定係好鬆化，好有空氣感，鬆化係來自人造牛油，有反式脂肪😖而古法製造就真材實料，無花巧，係有值得欣賞既地方既。<杏仁露>杏仁露滋潤就唔洗講啦。呢個我就有小小失望，因為無乜特別，無特別香濃又無特別滑不過，朋友叫左樣新奇野，我第一次見，就係窩蛋杏仁露，唔係度度有。係將生雞蛋打入熱糖水入面，搞匀，杏仁露即變微黃色，倍感香滑！

韓潮跟得多，返璞歸真，食返香港傳統糖水，邊度有？西環源記就有啦，仲一啲都唔老土！好多後生仔食。店內環境簡約，尚算舒適，不過都唔坐得耐，如果要談心就要轉場😅桑寄生蓮子蛋茶桑寄生係公認既孕婦恩物，能安胎。但除左對孕婦好，佢仲有其他功效，多到你估唔到。佢可以除風濕、強筋骨，可舒緩關節痛。此外，仲可以益肝腎添！古語云：苦口良藥，但呢個係糖水，好易入口仲好好飲，可選加或免蓮子，迎合個人口味。入面隻雞蛋真精髓！佢係整到好似茶葉蛋甘，蛋白係啡色，質感較茶葉蛋硬小小，桑寄生既味入哂隻蛋度，好正，果然係古法，唔係周圍食得到。

一直覺得西環那一帶的地名很有趣，有一天便跟朋友在西營盤充滿舊時風味的街道巷弄穿梭遊蕩，從東邊街走到西邊街、低街走到高街、第一街爬到第三街⋯⋯在炎炎夏日的古老香港，彷彿走出了舊金山的味道。朋友轉頭帶我走進正街一家糖水老店 - 源記，後來才知道，哇，居然是一家百年老店，並且有可能是全香港最古老的糖水鋪呢！他説妳吃桑寄蓮子雞蛋茶補一補吧，還用手指了指桌上一張單子：「陳年桑寄生滋陰降壓；純正杏仁露止咳療肺」，中藥典上則寫著「桑寄生的功效：滋補、養血、安胎、營養肌膚毛髮、舒筋活絡去風寒」，以前從來沒有喝過用普洱與桑寄生加上冰糖搭配熬煮成的桑寄生茶，就是很怕喝起來會像在喝中藥，幸好，源記的桑寄生茶聞起來雖然有中藥味，但喝起來不會，入口清香甘甜，還蠻不錯喝的。那天還點了蓮子芝麻糊，源記芝麻糊的品質水準與半島嘉麟樓的杏仁茶有得拼，香滑細緻到完全喝不出顆粒感。在電動攪拌機尚未問世的年代，傳統的做法是先將芝麻在鍋裡炒香，放進砂盆或黑石磨，再用番石榴木造的擂漿棍逐步加水用手工慢慢磨出最細緻、最幼滑的極品芝麻或杏仁糊出來，老一輩的人深信手工磨出來的滋味一定勝過機器磨出來的滋味。當你喝過幾家糖水甜品鋪後，其實很

每次路過正街，我一定入去源記坐坐。西環源創立於1855年，已經係過百年老舗。都係屋企人介紹我先識嚟食。如果你晚飯後嚟，就必定要等位，可以的話，好似我咁下晝嚟就好似去cafe咁慢慢坐。呢度最出名就係桑寄生蓮子茶養顔、滋陰、保健，中式糖水就係咁神奇但我一最鍾意的，仍然係合桃露，但係主角係D蓮子。呢道無論桑寄生或杏仁/合桃露都可以加雞蛋或蓮子，D蓮子大大粒，完完整整，入口用脷一頂，即刻粉碎，十分鬆化。坊間D蓮子唔係太淋就係實的的，只有呢道我先鍾意食蓮子。呢道仲有全蛋雞蛋糕，唔似西式蛋糕的濃蛋味，而是清香的蛋味，應該用冰糖整，因為食得出淸甜味。

我點了桑寄生茶和雞蛋糕佢哋仲有芝麻糊果啲中式甜品桑寄生可以加蓮子和雞蛋我比較喜歡當糖水飲!! 雞蛋糕好食，好濃雞蛋味好值得試!宜家好多地方都搵唔到!! 食中式甜品源記真係一流

同懷孕的家姐在西環食完午飯，想食個甜品，即刻想起附近的源記，因為佢嘅桑寄生蓮子蛋茶實在係太出名，而桑寄生出名對孕婦好，好似話可以安胎，真是太適合了。之前都食過好幾次，通常夜晚食，好多時都要排好耐隊，可能因為佢越來越出名，幸好原來中午冇咩人，唔洗排隊，如果唔係大肚婆企喺度等都幾辛苦。佢舖頭唔係好大，枱都幾細，坐得幾迫。我們叫了桑寄生蛋茶，今次冇加蓮子的，糖水來到的時候夠晒熱，糖水有少少甜，但係好好飲，唔會太濃或者覺得苦，個黑蛋先係精髓所在，佢應該係浸左好耐，浸到好似鐵蛋咁，個蛋有甜味，超正，必食推介！

成日話老字號, 歷史悠久, 但我想講, 咁樣真係唔係大晒囉......冇錯, 呢度以前係相當出名, 亦係唔少人嘅回憶, 但好可惜, 今時已經唔同往日, 俱往矣.呢日老細話請大家食糖水, 叫我路過買埋返去, 佢話有一間幾好食 (事實上, 我地相信佢應該只係識得嗰一兩間最出名嘅). 原來, 就係源記. 好耐以前嘅源記, 的確係幾唔錯, 而近年每逢有朋友遠道而黎到西環, 有時都會慕名而來, 咁我作為東道主, 有時都「迫住」要一齊食, 就係咁, 一年食一兩次, 可以話係見證住佢地質素嘅下滑, 好味程度嘅沒落....質料方面, 感覺肯定唔係以前足料, 絕對比以前稀同埋淡, 真心, 幾令人失望. 最慘佢價錢方面又不斷咁升, 而家其實已經係去到一個稱得上離譜嘅價位, 喺咁嘅情況下, 真係有必要再喺材料方面慳埋慳埋嗎....? 有時貴少少, 都明, 話晒有返咁上下名氣, 如果keep住好食, 都理解, 但呢度唔係, 價格向上嘅同時, 質素就向下, 今次亦再一次失望.係, 老細一路食係一路繼續讚, 繼續緬懷佢當年幫襯嘅歷史, 話而家點樣仲有當年嘅味道, 但我地一班手足都知道, 其實佢只係食緊當年嘅情懷,

Yuen Kee is a traditional Chinese dessert shop in Hong Kong. It started since 1855, existed around 161 years in Third Street of Sai Ying Pun. The dessert shops in Hong Kong are normally providing limited options only for dessert. Yuen Kee is more focus on fewer options of sweet soups. Grind black sesame soup, Green and red bean soup etc. All the Chinese’s desserts are stew by themselves, especially the black sesame soup. They adopted the stone mill method in the traditional way instead of machin