溏串小町 (已結業)

今日又嚟到大埔補眉，難得放假就行下大埔搜尋下有乜野穩世美食，經過翠和里發現左一間香港少有既居酒屋，望穿櫥窗見到舖面佈置幾有特色好有日本風味就決定入去食個晚飯~裝修的確幾有格調，播放住日本樂曲，猶如身處係日本一樣，不過餐廳無menu提供,同元X一樣用QR code scanner take order .版面都好容易操作，價錢亦唔算貴👍🏻一坐低店員就送上前菜同日本茶😋so sweet !係枝豆啊！！我好鐘意食枝豆！咸咸地，不錯。落單無耐食物都好快就到。呢個係清酒煮蜆，需然份量唔算多，不過個精髓係個湯度，清酒經過煮熱後味道更加香濃，放入新鮮既蜆實在係絕配！甜而帶甘，清酒大大提升蜆肉既鮮味。呢個盤係有4道菜既，只放埋同一個盤上。左上角係日本蠔刺身，入口有淡淡既海水味然後好快就轉為鮮甜味，雖然身形唔算大隻，但口感豐厚，恰到好處。而右上角嘅係加州卷一份有三件，好多蟹子，裏面都係包青瓜蟹柳，同平時食到嗰啲都差唔多。左下角係油金魚壽司，脂肪感覺上比較重d,雖然稱不上好似大拖羅咁入口即溶，但依然鮮味十足，而三文魚肉質堅挺，入口感覺結實飽滿，魚油豐盈！壽司飯都做得幾好，不過個人認為落多少少壽司醋會更好食

收工同朋友去大埔搵食，見到有新開小店就去試下，外面同入面裝修都好靚，的確好日式，坐位都好舒服。服務員都好貼心同有禮兩個人叫左兩個飯同小食，平均黎講野食都好有驚喜，見到係有心機之作。我最鍾意個炸生蠔，係即叫即炸，上到檯台熱辣辣，外面層面嘅麵包碎夠薄，非常香脆，咬一啖，生蠔d汁仲流出黎，仲係食到個鮮味！所以非常難忘，會再去食。另外個饅魚饅都相當唔錯，饅魚上面仲有小蝦🦐乾，非常欣賞。我地仲有叫左d魚生，食落都新鮮。食左咁多野今晚每人都係$200，我覺得算抵食，下次會叫多d朋友一齊去再試下佢嘅串燒！

今晚同男朋友入左去大埔行下，順便睇吓有咩食，行行吓見到呢間野嘅裝修幾得意，好似幾唔錯，所以我地就決定入去食，呢間係食日本菜的。我哋坐低左一陣，啲員工服務態度好好，會過嚟介紹有啲咩菜好食，仲有玄米茶飲，我地最後叫咗個刺身拼盤，海膽飯同埋散叫咗其他既刺身，上菜速度都好快，侍應一遞到上枱，哇，擺設得好靚，份量都好多下，帶子同埋生蝦都好鮮甜，好好味，成個刺身拼盤都係$198，個海膽飯$99，食落去都好好味好鮮甜，唔錯，值得推介

今日友人又可以早放工咁就一於去搵下新美食啦黎到小店多多嘅大埔真係有d難揀究竟要幾耐先可以食得晒大埔嘅美食呢今日就揀左一間新嘅日本菜佢係用懷舊居酒屋嘅設計嘅呢度落單好特別除左壽司拼盤同刺身拼盤有show出黎之外其實食物都係用QR code自己睇餐牌同落單嘅由於啱啱出糧今日決定食盡d一坐低就俾左個前菜 枝豆 我地正常無特別啦睇餐牌都有幾多嘢食揀喎仲有d係限時大割引！我地無叫拼盤全部散叫叫左3款刺身: 三文魚($28) 油甘魚($18) 同蠔肉刺身($68)3款都好新鮮同好味！三文魚同油甘魚一d都唔孤寒用厚切！油甘魚抵到要encore 燒物就叫左 冬菇($18) 翠肉瓜($28) 牛舌($48) 墨魚($38) 同 烤豚肉提子卷($28)除左墨魚普普通通之外，其他都好好味！牛舌夠厚度，翠肉瓜同冬菇多汁，個烤豚肉提子卷好特別！提子超甜仲叫左清酒煮蜆($58), 炸雞軟骨($38), 鹽燒三文魚頭($33) <-限時大割引！，雞軟骨餃子($38) , 醬油炒雜菜($38)清酒煮蜆嘅清酒味極濃，飲多2啖都驚揸唔到車😂炸雞軟骨味道幾好，不過覺得炸得燶左少少啫三文魚頭雖然特價，但係好一般炒雜菜

媽媽最愛就係食日本野今日就繼續帶佢發掘香港好食嘅日本菜🥰🥰-見到餐廳好日式既門面就比吸引住左-餐廳入面幾大幾寬敞，坐得好舒適，坐位都幾多-壽司拼盤 $198每件都係我鍾意食既食材🥰🥰🥰魚生同飯既比例幾乎2:1😂😂-芝士年糕食完都唔油口外脆內軟，一咬落去芝士爆漿🤭🤭🤭-吉列炸蠔，size都有相當份量咬落去熱辣辣，唔會炸到太乾水，成功地鎖住水份！-刺身拼盤 A甜蝦大大隻，鮮甜肥美！-海膽鮮味，配上飯糰，單單食呢個配搭都覺得值回票價🤭🤭-呢餐日本野食得媽媽相當開心我地都覺得食物質素唔錯，而且店員好主動有禮貌🥰🥰對呢份工作好有熱誠下次會再黎幫襯！

呢間餐廳位於太和站，出去行10分鐘左右就到，唔難搵到。第一次食， 餐廳環境幾乾淨同埋日本feel濃。出面掛住一些燈籠，夜晚著左燈應該更好睇。可以打下卡🤣🤣距lunch set 主要係食刺身同壽司🍣類，仲有d 定食咁。Dinner 原來仲有得食串燒，9點後入座，有全單8折，幾吸引！呢邊人流比較少，餐廳座位亦足夠，可以同朋友在這邊慢食慢聊。餐廳的貼牆紙和掛飾，處處可見日本味道。如果播埋日本歌會仲正。我叫左個日本鰻魚定食。（已包味噌湯、滑蒸蛋、沙律和一個整得好精緻的和菓子，係紅豆味的🥰）鰻魚飯十分大份，而且味道中上，絕對對得住距set Ge 價錢有餘，距係魚上面加入乾蝦米同蔥，一起食口感甚為豐富。另外叫左個可樂，餐廳響應環保，飲管是用木製的🥰店員們服務幾貼心，長期保持笑容，不時觀察顧客需要，例如添茶。感覺賓至如歸。下次再幫襯。

今晚經過呢間居酒屋忍唔住想試一下，睇下有無日本風味😛雖然店舖唔大，不過裝修幾有特色。坐底後店員就同我地介紹由時令刺身組合既拼盤，價錢唔算貴。落單係用電話qr code，夠哂環保！軟骨餃子$38我本身好鍾意食雞軟骨，而男朋友又好鍾意食餃子，所以叫咗呢個軟骨餃子。第一次聽軟骨做餡嘅餃子，估唔到食落口味道又幾夾，而且口感幾特別。串燒拼盤有菠蘿，海蝦，冬菇，翠玉瓜，豬腩肉同雞翼，相當抵食！ 侍應們另外介紹兩個調味料：日式山椒粉同埋麻辣椒鹽。腩肉本身已經有黑椒醃過，燒得一啲都唔乾身，而且肥瘦比例平均，唔需要另加調味料都已經好好食！燒雞翼係我既串燒至愛之一，呢度既燒雞翼亦都冇令到我失望！ 燒冬菇第一啖食落去覺得味道好特別， 在細心一諗覺得佢應該用sake浸過， 味道好特別冇違和感。鰻魚飯$98雖然鰻魚唔算好大條，但都幾肥美，燒得岩岩好，唔會太乾身。甜甜既鰻魚汁真係配飯一流！刺身拼盤B $398有四隻日本蠔刺身，大紅蝦，三文魚，紋甲墨魚，帶子，海膽。每款刺身都好新鮮味道 日本蠔一啲都唔腥！仲好creamy,不過我男朋友略嫌唔夠有海水味。海膽係加拿大海膽冇腥味。 三文魚腩好厚切口感一流。

今日同朋友興祝生日， 去了佢附近新開餐廳，名叫「溏串小町」， 位於大埔翠和里5號麗和閣地下D1號舖。 餐廳裝修精緻、 地方寬闊， 食物亦富有特色， 不妨一試。首先叫咗個《刺身拼盤A $198》 食材豐富， 包括有三文魚、帶子、海膽、 北寄貝同甘蝦。 最值得推介係《海膽》、《三文魚》同《帶子》， 《海膽》入囗甘香， 配上壽司飯一齊食， 味美之極，《三文魚》鲜甜肥美， 魚香味十足。 帶子大大粒， 鮮味無比， 爽口彈牙。 份量十分嘅《日式鰻魚飯》，我哋可以開心share ，有大條而厚身嘅鰻魚，口感豐富， 鰻魚配上燒汁，好夾， 仲好惹味添， 好食！ 我最喜歡食《串燒拼盤》， 因為夠惹味， 食物豐富， 包括有冬菇、翠玉瓜、新鮮菠蘿、串燒大蝦雞中翼同豬肉串。 最值得推介係《新鮮菠蘿》、《串燒大蝦》同《雞中翼》。 佢用咗新鮮菠蘿， 特別鮮甜，多汁，清新。 《串燒大蝦》， 啖啖肉，大大隻， 爽口彈牙， 仲好鮮甜添！ 好惹味嘅《雞中翼》， 脆口外皮， 滑嫩肉質， 點上配料， 正！ 總結： 食物不錯， 環境寬闊， 價錢合理！

大埔小店多，今晚約左同朋友試一試呢間日式居酒屋。裡面裝修好懷舊，貼滿舊式海報。出糧冇耐，所以我地想食得豐富少少😂。三文魚刺身 （$38）朋友話好新鮮，有三塊抵食，唔錯！吉列日本廣島蠔（$48）、唐揚炸雞（$48）廣島蠔有四隻外面脆卜卜，裏面creamy冇腥味。炸雞好香但又唔算好油膩，配埋沙律醬好好食！水牛芝士條（$48）我覺得好好食，鍾意食芝士嘅朋友一定要試吓，裏面有拉絲。不過提提大家上咗枱之後一定要快啲食，因為我想留一條到最後先食，點知攤凍左已經冇咗拉絲！好傷心！燒海蝦（$28/1）燒得好香口，肉質緊緻彈牙，但價錢略貴。豬五花腩（$28）味道唔錯，但我覺得多咗少少肥肉。烤豚肉提子卷（$28）、開邊雞中翼串（$28/2）烤豚肉提子卷好特別之前冇食過，所以叫咗串黎試吓。提子好甜好清新，可以中和左烤肉串嘅油膩，唔錯。雞翼串正常發揮。小町飯（$38）、醬油湯烏冬（$38）同朋友分別點咗兩個主食，分量唔算好多，但價錢平，配埋之前嘅小食其實好夠。小町飯係半熟蛋撈飯，唔錯。醬油湯烏冬味道都味道啱啱好唔會話太濃。最後埋單400幾，價錢合理，坐得舒服，同朋友傾得好開心。

今日去咗大埔嘅《溏串小町》食dinner ! 餐廳位於大埔翠和里5號麗和閣地下D1號舖。餐廳環境不錯，仲有客人影相留念添， 好溫馨呀！ 免費餐前小食！ 這份《日式鰻魚飯》，我相當滿意， 因為份量足， 有大大條嘅鰻魚，鰻魚真係好厚肉， 口感十足， 配上燒汁嘅鰻魚， 好惹味， 好好食！ 嚟到梗係叫番個《串燒拼盤》， 食物包括有菠蘿，冬菇、翠玉瓜、雞翼同豬肉串，食物相當豐富！ 我最鍾意食《菠蘿》同《雞翼》！ 串燒菠蘿超好食，新鮮菠香甜多汁， 真係一試難忘！ 串燒雞翼， 肥瘦適中， 外皮燒得香脆， 肉質香滑， 味道不錯。下次可以試吓壽司同刺身， 因為價錢都算大眾化！

大埔不嬲都出名多好野食，今次就為大家介紹一間日本菜😋而且距離太和港鐵站大約只需5分鐘路程，十分方便🤩🍨🧡迷你滿滿海膽飯：如果你係海膽既忠實粉絲，呢個海膽飯你一定要試！鮮橙色既海膽，鋪滿整碗壽司飯，陣陣鮮甜既味道，一試便會愛上🧡🧡🧡🍱日式鰻魚飯：燒到香噴噴既大大條鰻魚，配上甜甜既鰻魚汁，絕對係必食之選🤩🍡🍢串燒拼盤：串燒拼盤以蔬菜為主，有翠玉瓜、冬菇同菠蘿，仲有雞翼，鮮蝦等等既一眾常用串燒食材，尤其是燒菠蘿🍍，鮮甜多汁，燒完之後產生既化學作用，令菠蘿既甜味升級左幾個層次呀🤩🤩🤩😋味道：9/10📸賣相：8/10🛋環境：8/10💁‍♂服務：8/10💎性價比：8/10💲人均：$200⏪回頭率：80%📍溏串小町大埔翠和里麗和閣D1地舖

同朋友們係太和食個飯，揀返間日式料理店先😊 好多都係成個家庭落嚟食飯落單係scan QR code，上網自己睇menu 同落order，勁方便又環保👍🏻我地叫咗2個set 同3個主食🍀刺身拼盤B ($398)拼盤係2人份量，有廣島蠔、海膽、海老、三文魚、帶子、魷魚同飯團4隻廣島蠔好creamy🤤海膽都好鮮甜海老勁大隻三文魚又厚又大塊，其他刺身都好新鮮肥美😋🍀串燒拼盤 ($138)豚肉、翠肉瓜、香菇、燒菠蘿、海蝦同開邊雞翼，味道唔錯🤤最特別係有麻辣海鹽同香草檸檬2種香料，沾一沾更惹味👍🏻🍀汁燒豚肉飯 ($68)半肥瘦嘅豚肉好juicy，非常入味，推介！😍🍀醬油湯烏冬 ($38)烏冬咬落非常彈牙，醬油味香，就咁食都好好食👍🏻🍀小町飯 ($38)淋上醬油，再連半熟蛋一齊攪拌，簡單得嚟又好味😋

一家三口唸住出去食個lunch，比呢間舖頭嘅門口吸引左我地入去。入到去出奇地有baby chair我已經覺得好正！估唔到人面裝飾得噤靚，勁有懷舊日本居酒屋feel睇一睇個餐牌，正啊！有午市定食，完全満足左我唔鐘意唸叫乜，又想有好多嘢食嘅人。我地叫左三個set 刺身定食，配前菜，沙律，湯，烏冬仲有甜點！壽司定食，一樣配有前菜，沙律，湯，烏冬同甜點！日式咖哩雞定食，呢個配左蒸蛋嘅。我地仲叫左芝士餅，忌廉蚧肉餅同黑豚肉餅。呢3個set夠哂我地一家食。總括，環境我比滿分嘅，因為裝飾好靚！味道都可以，係個甜點有小小硬。服務我都好滿意，因為照顧到我地呢啲要帶細路嘅家庭！值得一試！

我同男朋友係壽司迷，成日都會食日本菜。今日見呢間新開就諗住試下，點知一坐低就話三文魚賣哂，諗住唔緊要啦食其他野 望下個menu 選擇十分少，揀無可揀之下都嗌左幾樣野試下。第一樣係迷你海膽飯 $98，都尚算有部分係鮮甜，但真係迷你到得一個月餅咁大。。。之後係帶子壽司同北寄貝壽司 $38兩件，又係細件到爭鮮咁既size而且一啲都唔鮮甜完全冇味。之後嗌左個醬油湯烏冬$38，又係冇味的，好失望。。。最後仲有生蠔三隻$68，味道一般，但係佢係冇連埋個殼一齊上，令人不禁懷疑唔知係咪d急凍蠔tim😅順帶一提，價錢唔平但又表現好姑寒，例如豉油要店員倒俾你，wasabi又係要問先有，食生蠔果舊青檸同5毫子一樣咁大咁薄😅唔會再食。。。

山長水遠入大埔 搵到間新開嘅居酒屋新開裝修得幾靚 環境好舒服 唔會好迫好嘈一坐落就有人介紹今日有咩好推介佢係用QR code睇餐牌落單 既環保又唔驚漏單主要有刺身 沙律 壽司 拼盤 手卷 小食 串燒 炸物甜炒秋葵 $38個秋葵好嫩 用蜜糖炒 上面再加左紫菜係好好食 食到停唔到口炸日本池魚 $48炸日本池魚用黎做小食配啤酒 簡直一流池魚幾好味 略嫌有啲油 可以再乾身香口啲滿滿海膽飯 $98海膽好鮮甜 魚子粒粒都卜卜脆可以唔駛加芝麻 啲飯略嫌唔夠醋