湘川滬 (已結業)

套餐抵食，但係檯面散餐牌唔好立亂叫，上次叫o左口水雞同柦柦麵，睇單先知道分別收$80同$30幾，另外服務一般，特別係男性黑衫，佢兩條友係我張檯兩邊講o野，口水係我o的食物上空飛o黎飛去！

呢間我食過兩次, 真係唔錯, 但我就覺得貴左少少, lunch每人都食左成百元. 另外, 一定記住要訂位, 否則有排等!!!!

其實個擔擔麵應該係落左d麻椒先會變怪味...<br />其他菜色都唔錯丫~<br />我兩個人去叫左:<br />擔擔麵(唔值得推介)<br />窩貼(ok啦)<br />酒糟魚塊(d魚幾爽加埋酒糟唔錯)<br />辣子雞(幾正宗)<br />金沙南瓜(即係咸蛋蓉包南瓜炸好味~!!)<br /><br />不過真係幾多人等位架~ 記住訂位先喎~

同以上食店個裝修,食物,Style都一樣.

*擔擔麵* (超難食): d味好怪, 食唔落口. 阿媽直情以為d麵變壞左....*生煎包* (簡直係經典難食): 好似隔左幾夜, 難食過街坊酒樓元蹄: 煲湯豬肉無異松子黃魚: 有d腥, 汁酸得滯....小籠包: 未夾都穿, 皮唔靚, 餡都麻麻...待應態度麻麻總括一句, 唔明點解以哩個質素加價錢, 有人o係出面等位.....無下次

前日食左銅鑼灣的滿江红川菜，今日又試這間 但主要試上海菜同湖南菜。最好之前訂位。三個人叫左樟茶鴨(半隻)、白椒老乾媽炒腰花、孜然寸骨、素雞四季豆、雪菜炒年糕、酒釀小丸子(三碗)、南瓜餅。埋單460蚊，價錢比金滿庭稍平。裝潢同金滿庭就好似，厠所的衛生設施特别先進，干浄。鴨好入味，仲有好似北京烤鴨的餅同甜面醬，雖少但好味，$120。素雞裡的四季豆應該係炸過，做法不同，好香口。腰花刀?太差，但味道一流，正，白椒不辣帶甜。寸骨是炸過的排骨，孜然都係同羊肉比較相配，配豬肉總覺得不大入味。上海菜都做得偏鹹，素雞如是，年糕亦然。甜品上枱時，桂花飄香，一聞就知係好桂花醬，丸子多、桂花多、酒釀多，比滿江红好一佰倍不誇張，同金滿庭比，這間桂花味浓，金滿庭酒味重。今次推介腰花、酒釀丸子同樟茶鴨！下次試過四川菜再來分享，今次因為傷風唔敢食太多辣野

近來開咗好多fusion的京滬食肆，依間開咗唔夠一個星期，可能位置係葵芳關係所以價錢比較平，因為套?比較抵，我o地三個人都叫咗四人套餐，份量唔大，所以四個人食可能唔量。個套餐有冷盤、湯、小菜、點心同甜品，每道都有幾種選擇，好有彈性。冷盤叫了燻魚同無鍚脆鱔，脆鱔剛剛炸起，又熱又爽脆。小菜有揀咗糖醋魚塊及清炒時菜，碟糖醋魚又係剛剛炸，甜酸恰到好處，食落好開胃，最後係小籠飽同高力豆沙，個甜品好唔得，好硬唔係鬆軟。小籠飽，嘩!一咬勁多汁流出o黎。基本上都食得過。