湘川滬 (已結業)

見大家既食評都唔錯, 今日專程同媽媽黎食, 點知.....感覺超差!!! 一定唔會再有下一次!!入坐過程如下:上午十一點十五分到達, 門口既姐姐踎底咗唔知做咩....抬頭眼尾望了我們一眼, 見我們不是熟客, 好似好不願招呼....反而係媽媽先開口跟她說:「早晨!」, 她才急急起身帶位當時, 眼見很多空枱, 包括多張寬敞既卡位, 她卻隨意安排,我們要求坐卡位, 她即時面露不悅! 我們心想: 難度要四位才可以坐寬敞既卡位??最後, 我們坐了一張異常狹窄的卡位, 渾身不自然!!坐底後, 一直沒有人給我們開茶, 直至我洗完手出黎, 仍然水都沒有半點!!我立即舉手, 問: 「可以給我們一壺茶嗎?謝謝!」這時, 侍應才晃然大悟, 慌忙說:「唔好意思....」心想: 既不是繁忙時間, 侍應生竟可像夢遊般上班....難度服務態度同價錢成正比的??(p.s. 因為十二點前入坐係半價的)雖然我們不是什麼貴賓, 但也是真金白銀光顧, 卻換來如此「厚待」, 真是「榮幸」!!食物方面, 水準 below average雞絲粉皮: 粉皮很厚馬拉糕: 普通鮮蝦水晶餃: 皮很厚, 味淡煎鍋貼: 煎得唔夠脆, 皮依然

同父母睇完醫生，巴士直達旺角新世紀，諗住去到邊食到邊；去到lift口，都唔知食乜好，諗無可諗就不如去潮樓啦，搭lift上6樓，一出就見到湘川滬大大隻字做特價，仲要係半價，即時轉太……當時11點幾，得幾枱人，招呼尚算ok，我地叫左人蔘烏龍……嘩﹗乜嘢黎架？人蔘擺烏龍呀?d茶葉真係唔得呀，唔夠人蔘味，d茶葉亦苦；要加左好多次水之後，先叫好飲d﹗老豆同我負責tick嘢食，話易係湘川滬，唔明點解又會有粵式點心？不過佢個蝦餃同泰醬蒸茄子都好好味，有驚喜﹗另外，我地仲叫左小籠包、醉雞、素鵝、肉絲拉麵、鳳爪、春卷；整體而言，佢d嘢都ok，雖然唔會話好好食或者一試難忙，但係又唔係差﹗我個人推介就係醉雞，個酒味調得好好，只係甜左少少；d雞亦入味，又唔會話雪到見到肥膏，食落口都依然好滑，抵讚﹗另一樣要讚的就是，佢12點前入坐都半價，真係抵食，仲要星期一至七都係。

去完church突然又人打黎話請我地飲下午茶大家又係新世紀附近所以就上左黎呢度飲啦佢每日 2 點後就有下午茶D指定野食有半價其實都有幾多野食的之前食過覺得幾好但今次食完好似退步左叫左:1. 流沙奶皇飽麻麻地，都唔流沙既! 不過佢真係有D蛋黃係入面，本人一向覺得奶黃飽是唔會難食的。2. 小籠飽幾好，好多汁係入面，仲熱到辣親嘴。個皮唔算太硬。3. 鎮江肴肉這個也是不錯啦。不過份量唔算太多，但佢好夠味，同埋唔會覺得好肥。4. 咸肉崧子炒飯呢個唔好食! 但我之前食過覺得幾好食的。佢D飯炒到一舊舊，感覺好多水。而且D味道好似唔太均勻，有D係淡到無味，同埋無咩料...好孤寒!!5. 高力豆沙香蕉覺得呢個最好味! 始終有個甜品作結滿足D! 出黎熱辣辣，同埋唔會覺得好厚粉..GD!覺得壺茶都好味--人參烏龍好好飲，因為飲落甜甜地服務唔太好，個阿姐開頭唔SHOW我，D醬汁佢地自己倒瀉左又唔拎返黎!!!

睇到湘川滬做promotion, 可以半價食幾味菜, 而且食滿200蚊仲送100蚊coupon, 都幾吸引, 所以就同爸媽黎左試食叫了滬江清炒蝦仁, 特價48蚊味道較淡, 蝦仁好細粒, 幸好還算爽口另外土匪搶鴨也是做緊特價, 賣48蚊勁多辣椒, 好辣, 不過辣得好過癮, 鴨肉很滑, 不會死實實, 唔錯紅油抄手: 個紅油汁十分好味! 排骨拉麵: 排骨炸得幾脆, 拉麵頗彈牙最後要了個馬蹄糖水, 不太甜, 味道是ok的

090211烤麩、海蜇、青瓜餚肉、夫妻肺片松鼠魚清炒蝦仁樟茶鴨蒜子炒菜蛋白炒飯高力香蕉豆沙八人套餐$1,088.00另再加蛋白炒飯茶、前菜加一合共$1,400.00是日團拜，有大有細，要揀個光鮮、企理、就腳又價錢唔算貴嘅地方，睇食評話幾抵食，就試吓啦驚嗌小菜碟頭細唔夠食，問清楚套餐唔係“例牌”份量，決定要八人套餐烤麩過甜，味道麻麻，呢個菜“利苑”就整得好食嘞海蜇冇味又唔彈；青瓜同餚肉，不過不失；反而個夫妻肺片夠麻辣，好惹味松鼠魚幾大條，炸到好酥，食到尾舊魚都脆，酸甜度剛好清炒蝦仁份量足，味道清又滑滑哋，啲細路好鍾童意食樟茶鴨冇味又肥，件數多但係唔好食呢炒菜唔多油；炒飯唔夠味；高力香蕉豆沙唔鬆軟綜合所有，呢間嘢用嚟聚吓舊就算啦

星期四晚嚟開新世紀,所以同朋友嚟左呢度食晚飯,都幾多人,等左一陣先有位,一行四人見到有個四人套餐好似都幾抵食,278元有幾多樣野食,我們就點了呢個餐.套餐包括:一窩粉絲豆腐津白湯-都幾多碗,我飲左三碗,佢地每人都飲左最少兩碗,多料,豆腐好滑好味雞絲粉皮-都好好味,好重花生醬味咸魚仔-呢個好好味呀,咸咸地好入味,好開胃豆腐-都好味,豆腐都好滑四季豆-呢個一般呀,因我食過其它的較好味,味道較出梅菜骨-呢個有些梅菜係上面都幾特別,骨都好多肉好廋,好味呀麵筋-呢個一般呀,可能我不太喜歡食麵筋小籠飽-好多肉汁,熱辣辣好味紅豆沙-OK整體來說呢個餐好抵,份量都好大,四個大人食都食唔晒,我地食到好飽.茶芥都唔貴-前菜辣菜圃8元,茶錢9元一位.

裝修好中式, 有紅色大燈籠掛係天花...侍應廣東話講唔正,介紹菜式比你要估佢講緊咩- 叫左個醬茶鴨, 勁肥, d 羔成半寸厚- 叫左個酒釀丸子,等左好耐, 隔離枱叫左都費事等,埋單走左.等到la 入口完全冇酒味....桂花味勁d...唯一可取之處, 星期日想食飯唔使訂,又唔使等位,就有得食~

星期日黎呢度飲早茶,原來有半價優惠,不過食物唔多好食...北京水餃怪怪咁,竟然係乾身無湯,或者係我唔識野卦...味道竟然同之前點左既小蘢包無分別,舊肉同個皮都一樣味,只係一個蒸,一個就咁放係碟上...最好味係椒鹽排骨,雖然唔夠香,但係起碼夠脆,同埋唔油,仲夠大碟,夠份量!素菜蒸餃都唔錯,清清地又多菜,一籠四隻,幾好味!不過,鮮蝦水晶餃唔及一般蝦餃好味;燒賣都好普通。反而三鮮鍋貼徝得推介,底煎得脆,唔會太燶,又唔油,好香,好好食!一碟有四隻,唔算細隻架!但記住趁熱食喎!狗不理包普通到唔普通,只係肉包一個。炒腸粉有驚喜,好香,好入味,但略嫌油,埋有少少辣,不過的確係惹味!魚蓉鮮竹卷比例細條,料唔多,唔太值得食...至於春卷,夠脆,但皮太厚,料又怪,比一般酒樓無咁吸引...花雕醉雞轉彎同埋江希肉我都無食,但係屋企人話唔錯喎...豆沙鍋餅令人失望,唔夠香唔夠脆,一定唔可以話係高質囉!係入得口咁啦!不過因為早,所以無乜人,夠靜囉,但係好似一到下午,就會好多人架喇!服務方面,有時略欠效率,可改善!

是晚的大餐，是為了同11月及12月生日的兩位好姊妹，及 12月13日 Suki好姊妹婚之好姊妹團而設的~ 真係一晚慶哂同傾哂咁多個targets 呀!! 揀左黎 「湘川滬 」，因為方便大家，而且又係鐵路沿線，走都可以方便d丫~kakaka 是晚照舊，由我發板，哈哈.....唔寫食評都唔知道，原來一共叫左 18 款菜 真係咁好意頭呀~四人餐﹕無錫脆鱔﹕細細碟，一上桌就好快被清 我好似...無食到忝丫 可能上菜果時我忙住角色扮演啦~~~ 但見咁快連影都無左，估計應該味道唔錯卦~洞庭湖小魚﹕呢碟魚仔...味道一般 無咩特別...類似阿媽蒸 咸魚仔 果d東東...但佢就炸左既，再有d油咁既液體浸住...到尾都仲存在...睇黎大家都唔係咁欣賞滋補花膠四寶羹﹕由於是4人餐，估佢份量唔會多，但都可以分到9碗喎 所以如果真係得4個人食，應該每人要飲最少兩碗 呢個羹都幾多料，味道都幾好，清清地咁...唔錯~ 散叫要 $ 128 架湘西土匪牛肉﹕本來想揀「京蔥爆牛肉」，但 珊姐 話要辣一辣佢，所以就揀了一上枱便知是勁辣既 土匪 喇~ 嘩....成碟只見一隻隻既辣椒，牛肉就...唔係好覺眼啦 由於我唔食

朋友聚餐提議呢度, 黎到果時未夠七點可能因為尚早, 所以reception同其他待應都ok, 但後來人開始多便不夠待應, 好難搵人. 到落order果時有個待應姐姐攞個牌黎猛話唔知乜野雞同蝦今日半價好抵食, 猛咁推介, 但因為個牌根本冇佢講果d野, 所以再問第二個待應, 佢先話半價菜星期六係冇半價, 之前果個姐姐分明想魚目混珠呃我地.最後叫左個四人套餐(三款小食, 三款餸同一款飯/麵), 片皮鴨同兩客香蕉高力豆沙.小食揀左:雞絲粉皮: 個汁好杰, 麻麻地好食燻魚: 呢個ok素鵝: 好乾同好燶, 又得塊皮冇乜餡, 食左一小片已經完全唔想食三款餸:椒鹽排骨: 呢個唔錯, 幾好味醋溜魚片: 個汁甜左d, 不過味道都ok賽磅蟹: 味道唔錯, 不過少d油仲好瑤柱蛋白炒飯: d 飯好硬, 真係好隔夜飯feel片皮鴨: 隻鴨唔似係烤出黎, 唔香脆又唔好食, 不過都唔夠包片皮鴨塊皮難食, 好厚同好怪, 好似唔係好熟咁香蕉高力豆沙: 唔夠熱同唔夠鬆軟以食物水準, 裝修同service, 都冇下次lu.....

小籠包－皮很厚,肉質很乾冇咩肉汁,雖然係好大個,但唔多好食.上海炒年糕－無乜料，只係得個油字，不過年糕幾煙un鎮江餚肉－有八條,幾晶瑩剔透及很爽脆.好味糖醋魚塊－有開胃既酸甜汁, 魚塊都幾有口感, 酸酸甜甜, 配合得宜拍青瓜－蒜味濃了一點點，而且還要油了一點辣子雞－無乜雞可言，因為太多辣椒喇！甜點：峰蜜煎堆仔－太甜喇，攪乜呀？食唔到佢地既煎堆味囉～整體：油！臨走個時，佢地都打烊喇，但係個地下超油，去個洗手間都要小心亦亦，驚會扇親。

今日10月1,,12點30來到,,等左5分鐘就有位**都算幾好"3個人...order左:1) 素鵝(小食)...好一般,,^^好似普通炸腐皮咁..2)五香牛肉面..唔錯" 湯底清清地咁,,面質幾好..3)上海粗炒,,一流^^好好食..4)寨磅蟹...中規中舉..不過都唔錯ga啦5)炒腸粉...有dspicy,,不過幾'野'味呢^^6)小龍包..ok啦,,無咩驚喜*7)狗不理.. 好正^^包內d肉好香* nice三個人賣單270$.. 食到咁多野,,味道又唔差^^ 都值得下次再來既* 不過.." 上菜就真係亂左d..xd"

上星期有一晚同老公去食晚飯,見到個memu有蜜汁金華腿跟薄餅,雖然要七十幾蚊,但見賣相幾吸引,所以即管叫一次,味道確實不錯,火腿不會太咸也不會太靱,薄餅亦夠熱,整體口感幾好.頭盤有個雞絲粉皮,花生醬好味,雞絲亦夠滑.另外兩公婆一人一碗湯,香菜鮮魚羹就嫌不夠味,酸辣湯味道不錯,但湯料不夠.

來這個場行街，選了去湘川滬食lunch, 因為幾年前食過覺得唔錯。一行三人，本想叫套餐，但睇睇吓好似又唔多o岩食，於是都係散叫。糖醋魚塊 (小)：個酸甜汁幾好，不太杰，魚塊炸得也不錯，至少不只食到炸漿，都有好多魚肉。回鍋蘿蔔糕：好惹味，蘿蔔糕幾好，軟軟地，但略嫌肥膩了點。擔擔面：係我食過最難食ge擔擔面。完全不正宗。湯底沒有麻醬的香味，反而有陣怪味；有少許肉碎，仲出奇地有酸菜...從未食過咁ge combination。面條質地不錯，不會糊口，帶少許彈性但食完之後，個脷尖覺得"o拿o拿"地，好怪！菜乾雞粥：呢個係廣式多過係湘川滬菜。粥底稀稀地，清清地，無味精；雞嫩滑；菜乾很嫩無沙。蒸纛菜包：清清地，個包皮做得很鬆軟。但個餡就dry d, 得d 菜，連粉絲、木耳同carrot 都無。小籠包：唔掂，皮厚，無肉汁但就有勁多油。海記好食過佢百倍。口水雞：幾年前食過係好好食的，但今時唔同往日。個醬得個辣字，唔香唔惹味。幸好雞很嫩滑。但細細碟要$68，太貴了吧！人手唔夠，樣樣都要等好耐。不過侍應們都很有禮貌。埋單3人 total $278，不算貴，但完全唔正宗也欠特色。應該唔會有下次。

大學同學聚會, 朋友一早訂左位, 所以唔駛等. 不過平時中午經過見佢唔太多人食午飯, 仲以為夜晚都會好少人! 所以個環境比想像中嘈~五個人, 叫左以下既餸菜:清炒河蝦仁: 星期一至五特價, $48. 不過d蝦好似細隻左d.花雕醉雞: 幾滑, 合格之作.小籠飽: 味道ok, 不過皮唔夠薄.咸肉娃娃菜: ok.糖醋排骨: 不錯之選, 上碟既時候仲好熱.銀絲卷: 蒸同炸都有試. 炸既好味d~松鼠魚: 推介之作, 好開胃, d魚肉好滑!服務一般, d侍應又唔係冇禮貌, 不過覺得佢地又唔係好enthusiastic. 同埋d冷氣太凍啦, 茶又唔夠熱, 所以坐到好凍!!