湊湊火鍋‧茶憩 (K11購物藝術館)

营业中

休息中

冇乜邊幾間珍珠奶茶店會有大紅袍畀你揀，呢一間真心好飲。茶味好濃，大紅袍嘅香味係飲得出嘅，個奶好滑下，珍珠冇乜特別，size略嫌細咗少少。有八折，都幾抵，下次會再買。

湊湊鍋 我覺得都ok 既火鍋，價錢合理而個湯都好好味，火鍋食物都唔錯但牛肉覺得比較普通，但整體係好既☺️☺️🥘邂逅鍋 $258 其實是蟹粉黃魚湯，真心推薦💁🏻‍♀️ 魚湯味極濃，黃魚肉也不少，魚肉應該煎香再煲湯，最後還有蟹粉4碟，可用來加湯，送飯食， 但我就用蟹粉撈烏冬，超讚🤤🤤🤤唯一唔滿意係太杰個湯，所以好快飽🥴湊湊火鍋‧茶憩 (K11購物藝術館) (尖沙咀)尖沙咀河內道18號K11購物藝術館B1樓B124號舖

試過都唔少火鍋店，但暫時未有一間會好味道想返轉頭食，直到試左湊湊火鍋嘅花膠雞湯底真係一試難忘。同朋友試咗麻辣同埋花膠雞湯底，雖然冇叫咩肉，全部都係蔬菜，以為會好“清”點，但估唔到用花膠雞湯底煮，加咗清湯都非常濃郁，全晚九成時間只係滾蔬菜都好好味道。麻辣湯底亦可以請樓面不斷無限加添，服務態度非常好。有次叫一半花膠雞湯底一半酸菜魚湯底，但樓面哥哥都超好，用完餐後特登俾啲鴨血俾我地試，非常貼心!! 除咗花膠雞湯底係非常推介外，最吸引我嘅係超大杯嘅珍珠奶茶都係20幾蚊!! 同埋最後奉送嘅梅子茶啫喱都係非常之咁好味，酸酸地，再有一絲絲嘅茶味😋😋😋!!! 係價錢比較貴，如果唔係真係會成日食!!🤣🤣

禁晚市，亦無阻食野見朋友的心情，午市也可以。一進店，裝修格調很特別，坐也舒服、濶落，坐兩人也不覺迫。待應待坐下就作簡單介紹，如紙巾牙簽擺放位置等。點餐時，侍應也有提供意見，整體服務不錯。我們點了花膠湯及四川麻辣煱。花膠湯很美味，侍應建議先飲湯，湯很不錯。四川麻辣煱對我來說有點辣，但味道很好。侍應也送來每人一小杯沙冰，真是太好了，沙冰有即時降辣的感覺。麻辣煱內附鴨血及豆腐，是無限添的，好味啊！值得一提的是，離開時，侍應送上一盒鴨血，目測數量也不少，約有十件鴨血的。叫了「企鵝」很精緻，本以為只得賣相，味道也想不到很味美的。有叫飲品，台式飲品，$30多元價，但很大杯的。不叫飲品的話，侍應也有送上熱茶。但要醬油的話，每位收$19，不要的就不收費。整體來說，食得開心，服務及食物質素也滿意！

依家收工搵食真係好艱難🥲好多餐廳都10點前就關門，幾經辛苦搵到間C類餐廳，可以同朋友邊食邊傾多一陣😌😌✨鴛鴦湯底（花膠雞湯x 台式麻辣湯底）店員上鍋時，會建議你滾多一陣就飲雞湯先，飲完再加湯打邊爐。花膠雞湯好足料，入面可以食到一舊舊花膠同雞肉粒，飲落味道非常鮮甜，質地濃厚、creamy 。食辣的朋友我大力推薦，湯底濃味但一啲都唔會過咸，重點係點呢款湯底可以「無限」任添鴨血同豆腐，係無限呀！✨和牛肩胛肉眼份量都幾多，而且啲肉唔會切哂啲肥膏出黎，都幾有誠意。每片牛肉都切得幾大塊，放落鍋中渌十秒左右就食得！牛肉味道濃厚，肉質嫩滑多汁，而且又唔係過肥食落成口油，推介～✨企鵝丸見到啲企鵝咁得意就叫左，真係超得意，勁適合打卡。開頭以為呢隻丸得個樣，但係食落都勁好食。原來啲黑白色係用左墨汁墨魚丸同普通墨魚丸，食落非常彈牙，而且味道濃郁，唔似出面個啲感覺成口麵粉咁！呢個好食到我地encore多次添！✨滷味大腸食台灣野又點少得滷味呢！大腸既質地好軟熟，一啲都唔會韌，食得出已經煮左好耐。一入口除左醬油既咸香之外，仲食到香料八角、花椒、甘草等既香氣。不過略嫌就咁食有少少咸，所以大家都係一件起兩件止。✨松茸菌

而家開咗好多火鍋店，任食又有，單點又有，但能令我翻兜嘅就真係得湊湊火鍋必點台式麻辣湯底湯底濃味又唔會過咸過辣過油，烚完啲食物都仲食到食物原味，重點係點呢款湯底可以無限任添鴨血單豆腐，鴨血好大舊，已經煲到入味，齋食鴨血同豆腐都飽如果同行朋友家人唔食得辣，咁可以試下花膠雞湯店員會叫你個湯一滾飲咗湯先，之後加湯打邊爐。花膠湯好杰，有好多舊花膠，雞肉已經切粒，仲有幾蚊鮑魚仔，十分足料企鵝丸 (墨魚漿製)每次嚟都必點，除咗造型可愛，仲好彈牙好有墨魚味，一隻一隻插喺冰上面好似南極咁丸拼盤有牛丸貢丸蝦丸，全部都好彈牙好有肉味鮮味，絕對唔係hea貨黑豚肉 羊肉薄切黑豚同羊肉，淥兩淥就食得唔會鞋口，羊肉唔會好羶，普通人都會接受到，我覺得食羊就應該食羶味的當然冇問題經典珍珠奶茶呢個又係佢嘅皇牌，茶味香，奶味不過重，珍珠煲得淋而不失口感，平時唔打邊爐都會外賣一杯返屋企慢慢嘆店員服務態度好好，又加湯又加鴨血都好好禮貌，仲有沙冰同甜品送，非常滿足的一餐

先總結吧 整體體現1/57.25pm 到餐廳等位 13個號等到8.34分入座2人 消費7131.買咗杯奶茶 奶茶唔算太差 2.性價比中等 份量ok3.服務態度一言難盡下次唔會去

以台式麻辣鍋作招徠，裝修有台灣風格，火鍋店湯底濃郁，鴨血和豆腐可以無限添加，每位都可以享用自助醬料bar、任食前菜、魯肉飯及生果最後仲有柚子沙冰解辣及梅子茶凍作甜品火鍋店服務態度良好，經常會主動添加鴨血及豆腐，一定可以比大家有一餐滿足的火鍋食品方面 : 勵志鍋 : 香、麻、辣、醇、辛、甘六種味道，加上鴨血同豆腐，一個惹味的麻辣鍋底美國特選牛小排 : 牛小排出色，麻辣鍋底必食之選伊比利亞黑豚肉 : 豚肉味濃，油脂香，切得大塊，肉質鮮味精選羔羊肉 : 羔羊唔羶有肉味，鐘意羊肉涮的又點能錯過海鮮棒棒糖 : 墨魚膠及蝦膠整成的棒棒糖，外型精緻，彈牙美味企鵝丸 : 企鵝造型可愛，墨魚丸彈牙有口感梅子茶凍 : 綠茶味清香，梅子酸甜美味Ours Tips : 如果大家仲想返屋企回味多次湊湊火鍋的味道，仲可以外帶湯底，鴨血、豆腐回家再次品嚐

雖然食物質素很高，但是侍應的服務態度必需要改善。他們不但不經詢問擅自拿走我們的菜單，而且態度非常不禮貌，表現十分囂張。試過很多間火鍋店，這是第一次遇過服務態度最差勁的一間。這簡直完全影響湊湊和K11 musea招牌聲譽！我真的沒有想過能在K11找到一間如此低素質服務的火鍋店！真的對這家分店感到大失所望。

用餐時段：星期五下午3點至5點45左右享用方式： 火鍋用餐環境： 非常滿意餐廳設備：非常滿意食材質素：滿意食材味道：滿意餐廳服務：非常滿意內容：我地2人用餐點了一個雙人套餐：包括鴛鴦火鍋底，一份牛肉+海鮮/鮑魚，蔬菜，肉丸，配料冬粉或者油條，期間麻辣湯底的豆腐及豬血係任你添加，享用麻辣火鍋時，餐廳怕你太辣，會提供菠蘿冰供你解辣，有提供濕紙巾，牙籤，酒精洗手，環境優美，寬闊，適合與朋友傾計。美中不足： 訂價有些過高，我認為不值得呢個價錢，埋單時接近HKD900，但不覺得自己有食過啲咩落肚，係享受服務多過食物。

開得喺K11 musea 都預咗佢唔平㗎喇 💸💸🤑 第一次試呢間台式打邊爐店 餐牌選擇都不少，湯底分台式麻辣、花膠、蕃茄、菌菇、川辣、豬骨，餐牌對每款鍋底包括食材、口味都有介紹叫咗佢嘅招牌胡椒豬肚同埋花膠湯 揀咗二人餐$789未計+1值得一讚嘅係佢嘅湯底 胡椒豬肚真係好足料入面已經有好多豬肚 識落爽口而且啲湯真係會令你想成煲飲晒 😋 花膠湯底都唔錯入面有足料嘅花膠同埋雞肉粒 不過佢就係比較杰身容易啲燶底 配料方面有海鮮、牛肉、豬肉、丸類、滑類、蔬菜，另有小食，食材份量我就覺得比較少 以佢呢個價錢來講可以多啲🤑佢擺盤係靚嘅 用嚟打卡都呃得下人不過佢個盤肉呢 有大白菜墊底 份量其實都真係唔多 牛肉薄身偏細碎，輕輕一淥散開 (ง°̀ﾛ°́)ง鴨腸爽口 不過如果唔係特別鍾意食嘅話可以唔使叫都得 因為其實佢個質地都唔係特別吸味 反而唔係用嚟打邊爐用嚟炒菜會更加好味🥲海鮮方面有聖子，鮑魚，帶子，同埋蝦 打邊爐都係食佢個湯底嘅啫 海鮮方面就不過不失大紅袍珍珠奶茶🧋 甜味可以自由選擇 價錢都同出面買到嘅手搖飲品差唔多 珍珠有咬口唔錯佢仲有個自助區 (調料、茶位、前菜、水果、肉燥+白飯) 不過全部都冇遮無掩

每次經過湊湊都見到門口有超級多人，但永遠望入去都睇唔到嘢，因為好黑😂多得有朋友一早去等位，所以我去到就已經可以直接入去，辛苦佢排咗一個半鐘。今次我哋叫咗鴛鴦湯底，麻辣好出色，鴨血豆腐可以不停refill， 出面嘅小食都好味，我最鍾意食佢個魚皮，辣辣地好入味😋另外我就叫咗胡椒豬肚湯底，湯底好飲。朋友話佢嘅花膠湯底都係好正，下次都想試吓！至於配菜，我覺得間間都差唔多，個湯底好食，嗰個火鍋就係好食。整體嚟講我覺得依間都好味不過價錢相對就比較貴少少，兩個人食都食咗$1400

朋友極力推薦湊湊火鍋之外🍲仲提醒我一定要飲佢哋嘅珍珠奶茶🧋未抽到時間打邊爐經過見到有得外賣珍奶決定一試佢甚麼料子～☺️第一次飲梗係叫朋友+店家推薦嘅大紅袍珍珠奶茶我自己就叫半糖走冰朋友就叫7分糖少冰可能當日係星期日咁啱去到我哋就賣哂珍珠要等15分鐘先煮好反正唔趕 落兩層行個圈上返嚟嘢飲已經準備好🤙🏻嘢飲比我想像中大杯好多以為開喺K11 Musea呢啲地方會貴精不貴多茶味獨特 珍珠又夠多絕對抵飲之選‼️不過唯一挑剔地方係枝飲筒太窄 珍珠成日kick住筒口🤭一個人唔太餓嘅情況飲哂一杯真係飽到上心口

來到湊湊，居然不吃火鍋？因為午市套餐太吸引了，除了主菜外，還有中華沙律，豆腐，鴨血，雞蛋，粟米，菠菜。雖然份量很少，但種類很多，所以已經很飽了。今次點了蕃茄牛肉麵($128)及酸菜魚麵($88)，牛肉比較出色，因為酸菜魚居然是魚塊，不是一般的魚片，立即減分不少，不過在價錢已反映了。套餐可以以半價配飲品，當然不錯過，大紅袍珍珠奶茶，很香很滑。另外，點了荔枝蝦丸($68)，雖然沒有荔枝味，只是外貌吸引，但又熱又脆，不況一試。

🔖好快又入冬，又係打邊爐既時間喇。K11既裝修靚同滿有藝術氣息就係人都知架啦，而呢間湊湊既裝修其實都有別於其他分店，佢既設計靈感來自海洋。運用石，海、木既空間元素，結合K11 MUSEA既概念。🍽聚會鍋（鮮菌菇）呢個鍋一黎到你會見到有層紅色既油，唔洗驚，其實佢係麻油黎，唔係辣既。🍽勵志鍋（台式麻辣鍋）一黎到個鍋入面已經好豐富，辣度只有一種，湯底夠辣夠香，食落藥材味唔錯重，不過愈食個湯就愈濃味。🍽抹香珍珠奶茶珍珠偏細，茶味較重，質感幾細滑。係我杯茶！🍽美國特選級牛板腱屬於薄切，份量唔算多，兩個人既話唔係諗住係到喪食牛其實份量都足夠。油花細密算平均。🍽飛魚籽墨魚滑圓碌碌一舊，味道正常，我就覺得唔算太特別。💡食完最後會送上梅子茶凍。酸酸甜甜既梅子味帶有淡淡既鐵觀音茶香味，覺得非常清新，打完邊爐有呢粒甜品作結清一清個口感，非常完美。💡 鴨血同豆腐可以無限添加，食完店員仲會問你要唔要打包麻辣鴨血豆腐（免費一盒）👀打邊爐黎講，兩個人黎食點都係偏貴，最好有4個人以上黎食先會算係抵食d，呢間主要都係食環境同服務，如果係想滿足你個舌頭，呢個價錢黎講梗係有更多選擇啦😊😋食物：️8/10🤵🏽‍♂️服務：9/10