温野菜 (海港城)

营业中

休息中

香港人最鍾意打邊爐，不過提供素食火鍋的餐廳不算多，來自日本的溫野菜，聽餐廳名就知有很多日本蔬菜食。餐廳最近也開始提供新豬肉，當然也有素食打邊爐套餐，一個人來吃也可以呢。第一次來溫野菜吃個人小火鍋，一進門就見到大堆日本蔬菜和菇類，食材方便可以很安心。 溫野菜 Dinner Set HK$256(1人前) / 香菇膳良豬餃子 HK$32 火鍋餐有前菜鹽枝豆和鹽醬麻香椰菜，用來煮的有兩大盤，小的那盤主要是豆製品，有豆腐麵、木綿豆腐、昆布福袋、葛絲和一枝黑松露免治膳良豬。日本野菜的部分包括水菜、椰菜、本菇、青皮南瓜、黑木耳、小唐菜、紅心蘿蔔、薯仔和冬菇，不夠飽還有白飯或烏冬。湯底可以揀北海道昆布湯或野菌番茄湯，昆布湯吃起來很清淡，想濃味一點建議揀番茄。香菇膳良餃子是新鮮手工製作，皮超薄而且可以保存新豬肉的水份，我覺得很好吃。那枝黑松露新豬肉是兩顆肉丸，直接丟進水裡煮，我覺得煮完有點乾柴而且黑松露醬也不知溶到哪裡去了。另外我覺得好吃的還有昆布福袋，腐皮一咬就知是日本貨，好香好好味。 溫野菜雪糕 HK$29 / 紅豆雪糕夾餅 HK$32左邊的是雲呢拿雪糕淋上黑糖蜜和黃豆粉，好像吃日式福餅那樣，我

二十九度坐係office突然想食火鍋，港式火鍋太heavy，日式火鍋清清地，簡簡單單一鍋過，可以滿足一下依個複雜嘅心情！餐廳為日系裝修，中午加上自然光非常舒服，而餐廳大部分枱都望到海景，相信晚市嚟的話可以嘆埋個夜景。同事們一人一鍋唔洗爭，左上角秘傳月見壽喜湯、左下角有機豆乳湯、右邊北海道昆布湯。午市火鍋份量都唔少，有肉有野菜有蝦滑仲有烏冬。首先豆乳湯有淡淡豆漿味道，野菜新鮮有四款，而值得一提係紅心蘿蔔，爽口清甜。蝦滑彈牙蝦味一般，熊本豚肉嫩滑，有少少肥膏好香。最後食埋個烏冬，烏冬又滑又煙韌吸收曬所有嘅精華。整體用料新鮮，味道不錯。

朋友夜晚想打邊爐，佢介紹左溫野菜，因為佢話食過覺得好食。食飯時間，所以都要等一陣，好在附近都有d pop up store 行下。 入到去，侍應好細心提醒我地坐既位置有梯級，出入要小心。 打開menu, 套餐選擇不多，同埋冇得揀自己鐘意食既野，所以我地決定單點。 兩個大肚婆打邊爐，食到好似食放題咁，真係有少少瘋狂。哈哈。我就揀左d日本野菜例如水菜、山葵菜（少wasabi味）、春菊（有d 似唐萵）等，朋友揀既就大路d,南瓜、豆苗、椰菜、黑木耳。全部都新鮮好味爽口。熊本豬梅肉，好香既豬味，而且口感軟滑。長腳蟹好鮮甜，本身都熟既，大約浸兩分鐘食得。美國和牛肩脊肉，睇到咁整齊既雪花，好治癒，佢唔算係肥牛既濃香味，而係淡淡既牛香，薄切令到佢好嫩滑，好正，好想encore。佐賀A5黑毛和牛西冷，呢個相對再香d 再軟身d, 好味，但我鐘意美國牛多dd. 明太子芝士年糕蝦滑微辣，但咬落d 年糕令到整體好有口感，真心推介，好特別，其他地方食唔到，唔知係咪限定既呢？ 以前既餐牌冇。 白蛤普通啦，有沙。本來想encore 美國牛，朋友點錯左，揀左個英國安格斯肋肉，都好呀，試下唔同地方既牛。呢度既牛選擇幾多，

行開LCX又突然想打邊爐, 海港城大部分餐廳都排滿長龍, 而呢間日本餐廳優勝之處就係可以用apps等位, 可以邊行街邊等位, 既不會浪費時間, 又可以食我至愛嘅涮涮鍋。日式火鍋比較健康同食材也比較高質, 所以我都非常喜歡。美國和牛肩脊肉 $119和牛肉質鮮, 非常有牛味, 唯獨份量較少。可能要點幾份才夠, 唔係就到喉唔到肺。有機豆乳湯淡淡的豆漿味, 開始時比較清淡, 但會愈滾愈 香甜。非常養生。骨膠原柚子塩湯一見到有骨膠原已經吸引了我點, 再加柚子已經幻想到多養顏, 味道有點像魚湯, 味道相比較濃。建議加點水, 否則會愈食愈咸。野菜五品盛合 $65日式涮涮鍋比較注重健康多菜, 所以温野菜點可以唔點菜, 二人食份量剛好。黑松露免治雞肉 $39黑松露味没有太出, 免治口感特别, 口感實在但不夠彈口, 還是一般肉滑比較適合我。帶子 $62帶子新鮮香甜, 肉質非常彈口。蒟蒻非常爽口, 個人比較喜歡白色, 灰色有種不知道怎樣形容既味道, 但都好味。食飽當要點返個甜品綠茶粉配紅豆再配雲里拿雪糕, 非常滿足!整體算不錯, 但價錢相對偏高。

辛苦工作了一整個月姊妹提議黎温野菜食火鍋因為佢地聯乘日本美妝品牌CANMAKE Tokyo推出左個「櫻花鍋」🍲 $398一人前 餐廳環境都被櫻花包圍🌸而且對住海景吃日式火鍋真的超幸福☺️同朋友gathering真係啱晒，座位超闊落又舒適湯底係好多骨膠原既櫻花梅子雞湯🌸淡淡的梅子香氣令人增添食慾日本櫻花麩造型可愛💓個定食仲有跟沙律同烏冬巴馬火腿凱撒沙律好開胃呀！「花樣盛合」一上枱，超吸睛精緻的🥰全部都係砌到玫瑰花形少女心爆發😚英國安格斯牛肋肉肉味比較重，美國牛胸腹肉肉質鮮嫩，沖繩飛天豚腩肉豚味突出🤤 仲有最好味嘅係黑松露免治膳良豬標榜係低脂🥺零膽固醇🥺低卡路里🥺❤️原來係新興既純植物肉！岩哂又想食又想健康既我🤣🤣食完咁多肉類點少得蔬菜🥬是日廚師推介五品野菜春菊、啡金菇、紅心蘿蔔、毛瓜、日本蔬菜店員貼心提醒桌上兩種醬汁👍🏻👍🏻柚子醋用來點蔬菜🥬芝麻醬則用來點肉類🥩呢個定食仲有每人一支月桂冠美人桃酒🍑🥂(桃酒是我最愛的💕) 包裝好美好美！而且好易入口🤤同閏蜜一齊打邊爐飲酒真係人生一大樂事😍👭最後仲以櫻花味雪糕作結🥰清新而不甜膩重點係😱每位惠顧既客人仲可以獲贈CANMAKE Tokyo美妝禮品一

平時食開果d日本涮涮鍋都係任食，不停refill豬，牛，雞，第一碟係最好味，但往往之後就⋯一般。行過海港城，諗住試下呢間溫野菜，見到都多人等，而且門面同餐廳裝修都幾日式。坐嘅時候要小心，因為行出行入要跨過條樑，坐耐左會唔記得，記得以免click倒。湯底係每人一鍋，我地今次揀左壽喜湯，其他主食都係散叫。秘傳月見壽喜湯 $29/每位 湯底唔太鹹，適中。每碟食物份量唔多，比起任食相對貴左d。鹿兒島黑毛和牛肩脊肉 $169 牛肩肉薄薄一片，見到肉紋分明，幾新鮮。丹麥雞腿肉 $35 雞腿肉肉質鮮嫩。熊本豚梅肉 $ 52 半肥梅肉好淋呀，唔怪得人地話梅頭好食啦。免治雞肉 $32 免治雞肉放左喺竹筒上，雞肉好滑。豚肉餃子 $29，八爪魚魚餅 $25 呢2款配菜都唔錯，平時Hot Pot都一定食。

一人一鍋好高質既午餐邊爐🙌呢間好高質日本食材 因為前一日黎排隊排左好耐都未有位 便放棄了 到下一日決定晏少少先來吃 大約1點半入座 終於唔洗排有得食😋好舒服既環境 而且服務都幾好 店員首先為我們介紹一下餐單 而落餐是用平板電腦落單😊-今次試左壽喜燒 味道很好 中意食壽喜燒既話必定要點😋兩個都點了肉食餐 點了定食A (雞腿和豬腩肉) 然後可選白飯或烏冬 仲有白菜同秀珍菇添👍👍全部用料都好新鮮 另外飲品方面選了蘋果蘆薈😋😋-好吃指數: 86/100環境: 88/100價錢合理🙌

溫野菜最近有便宜下午茶，聽朋友說好吃，所以便找友人一起試。店家比想像中大，很快可以入座。溫野菜的特式是一人火鍋，食材較一般火鍋店講究，多為日本，丹麥或美國的新鮮食材。下午茶時間除了下午茶餐牌外，還有午餐餐牌。在下午茶時段吃午餐有7折優惠。GREEN MONDAY是素食餐牌。和友人分別點了DIY壽喜燒牛肉飯及和牛湯午餐A。店內均用IPAD點餐，容易操作，店員也會在旁邊簡介使用方法。-壽喜燒湯底-讓野菜及肉類更鮮甜。-前菜-前菜來得很合時，可以邊等湯底熱邊吃前菜。兩種沙拉都很新鮮，醬料較少，可以吃到食材的原味。但我們比較重口味，所以比較喜歡薯仔沙拉，沙拉醬較濃。-新鮮野菜-野菜拼盤內有紅心蘿蔔，眼色搶眼，比普通蘿蔔更爽口。其他蔬菜較一般在菜市場買到的蔬菜清甜，不用靠調味也好吃。-肉類--竹筒免治雞肉-店員建議煮15分鐘。令人意想不到的好吃！雞肉彈牙爽口，裡面帶點像雞軟骨的爽脆口感。彷似將雞軟骨及雞肉混和，中和了兩者的口感，有濃郁的雞肉味道。-丹麥雞腿肉-雞皮不會有太多脂肪，有「啖啖肉」的感覺，不會太乾也不會太油膩。-牛胸腹肉-油脂分佈平均，配上壽喜燒的白飯剛剛好。-熊本豚梅肉-豬肉爽口，但

DIY壽喜燒牛肉飯 💲69辛辣野菜牛肉鍋 💲79（可另選湯底）包飲品及椰菜一份除銅鑼灣分店外 全線分店均有所供應熊本豚·雞套餐 💲98（下午茶時段午餐7折）✅ 肉類普遍唔錯 只係牛肉比較薄🐄 (其實都屬於正常現象）✅ 闊麵又滑有彈牙 一場黎到要試下😎✅ 隨餐既一盤野菜有豆腐、冬菇、蘿蔔、金菇等等 幾足料而且質量都唔錯🥗❔ 辣番茄湯味道較淡而且唔夠辣 但湯入面都有真番茄🍅❌ 麻香椰菜比較硬同生 而且麻油味太濃🙅🏻‍♀️👅Taste：3.25/5💰CP值：3.25/5🙋🏻‍♀️Service：3/5👁‍🗨Stylishness：3.5/5

星期六梗係訓到好晏，成十二點幾先起身，朋友打電話黎話去打邊爐，心諗第一餐就打邊爐，會唔會太過份，但又未試過食溫野菜，決定去試下溫野菜打邊爐做法係一人一鍋我揀左柚子骨膠原湯底，我自己本身就好中意柚子味，加上有骨膠原，美顏！正呀！朋友就揀左鰹魚湯底，甜甜地，我地兩個食落都比較中意鰹魚湯底，似我地平時食既烏冬湯底，至於柚子湯其實柚子味唔係好濃，食落都唔錯！前菜我地叫左一份鹽辛薯仔（伴魷魚沙律醬）本身以為係凍架，原來啲薯仔係熱架，熱辣辣，配上呢個粉粉地顏色既沙律醬，又好好食！呢個沙律醬不得了，同我地平時食開既沙律醬好唔同，好似混左千島醬咁，呢個前菜必食！我下次再黎都一定會點！主菜我地叫一份澳洲M9和牛肩脊肉同一份熊本豚梅肉，每樣都有四片，我地覺得不過不失，反而係個醬汁出色，有一個柚子汁同芝麻醬，隻芝麻醬同平時食開既又有唔同，用黎點肉又好正喎跟住我地叫左一份免治雞肉同黑松露免治豬肉，呢兩樣係平時火鍋店比較少有既，我就比較喜歡免治雞肉，入面有一粒粒軟骨，食落都好好味另外我地先叫左一份生菜，我地以為有好多塊，點知又係得四塊，入面其實係空心🤣，同埋朋友成日講溫野菜既菜好好食，我心諗咪又係菜，點好食法，

最近，來到尖沙咀的LCX時，總會看見有一間名叫溫野菜的火鍋店門外堆滿了等待的客人，店內主打由日本直送的日本蔬菜。打開餐牌一看，無論食物款式及湯底都令人目不暇給，令人興奮。 除了主餐牌的單點食物外，還有定食套餐可選，是日選了定食B及D，兩者的分別就是一個是肉食餐，另一個是素食餐。 定食D就是那一個素食餐，前菜可由甘味泡菜或黑糖蠶豆及鹽醬麻香椰菜，蠶豆帶上黑糖的甜美，麻香椰菜正好來開開胃，夠爽脆。 主角當然落在野菜盛合上，共有十一款日本直送的蔬菜。林林總總的蔬菜分別是舞茸、啡金菇、金菇、本菇、生菜、水菜、蘿蔔、甘筍絲、椰菜、洋蔥及薯仔。當中的確有幾款較少有，但亦不算罕見。以水菜來作火鍋真是吸引，也不要忘了薯仔，薯仔香氣濃厚，煮久了亦夠爽口。 另外，還有炸豆腐年糕、年糕片、白飯或烏冬、甜品及飲品。很喜歡炸豆腐年糕，有點像豆卜，可是卻釀入了年糕，有趣有趣。我們兩個都選上了有機豆乳作湯底，豆味香濃，又香又滑，如果短時間不攪動一下湯底，面層更有機會結出一層腐皮來，證明豆乳是非常濃郁的。定食B的前菜可由味付鵪鶉蛋或辣醬芝士選擇，小弟則選擇了辣醬芝士，辣度一點也不重，但卻與芝士很匹配，有點點辣腐乳的味

原本打算去旁邊的食店，估唔到下午5點已要等位，因趕時間，改去呢間食店，因為唔駛點等位。其實之前已試過呢間食店，質素不錯，可以值得再一次光顧。湯底我叫左蕃茄辣湯底，我覺得一點也不辣，另湯底除了有蕃茄肉外、還有蒜粒，配烏冬一流。朋友叫左蕃茄雜菌湯底，我覺得湯底偏淡一般。我地兩個人叫左兩客牛肉+一客豬梅肉、一客蔬菜拼盤(用會員coupon)、一客餃子、兩客烏冬。三客肉及蔬菜比外面涮涮鍋質素都好一些，餃子及烏冬我覺得還可以。最後，我地叫左每人一客溫野菜雪糕(雲呢那雪糕加類似馬麗餅碎)，再加埋熱茶，很完滿的一餐。我同我朋友都唔係大食人士，今餐有七成飽。職員加茶、上菜、埋單，很快便有回應，值得加許

忙左成朝工作！Lunch梗係要食好啲與同事食個打邊爐！今次我哋就揀咗溫野菜一人一鍋午餐set我哋就揀咗壽喜燒湯底甜甜地好味呀⋯⋯佢哋呢個小食非常出色係螢光魷魚加牛油薯仔特別係魷魚嗰種鹹香美味.佢哋嘅白菜同蘿蔔仲有秀珍菇金菇全部都非常新鮮.有美國牛肋肉及豬梅頭肉料新鮮！仲配搭左雞肉滑同烏冬。仲有一杯乳酸梳打作總結。好食飽咗又再去工作啦。

之前成日見到呢間餐廳都係大排長龍好想試吓咁就係一個凍冰冰嘅日子決定嚟呢度打邊爐。座位都幾闊落裝修都唔錯嘅，都有少少日式feel，而職員嘅態度亦都算幾好解釋好詳盡而且有禮貌，做事係有效率嘅不過略欠一點主動。食物方面，溫野菜佢就係逐樣計錢嘅咁我哋呢湯底就分別叫左壽喜湯同埋鰹魚湯底，湯底算做得唔錯嘅清清地，壽喜湯就濃左一啲不過都可以接受。頭round就叫咗一份鰹魚豆腐,芥末八爪魚青瓜沙律,仲有一份beyond pork野菜盛合，肉類就點左美國上級牛肋肉同埋美國和牛肩脊肉個芥辣八爪魚青瓜沙律好鹹好鹹好鹹很重要所以要講三次！完全唔推介大家食呢一個因為真係有啲難入口。之後嗰個野菜拼盤就冇乜特別不過不失咁啦但係嗰個山葵菜幾好食我個人認為要試吓嘅，而個beyond pork就麻麻地，口感同個味道都唔太出色，食返真正嘅豬肉可能會好啲😂😂跟住講講個豆腐，做得唔錯，幾香，咬落去係非常有口感嘅至於肉類方面就油脂分佈其實幾滿意但食落去個牛味唔算話好重比較淡口一啲。亦都食得出佢係新鮮嘅。Round 2 就叫左一個豆腐麵同埋雞胸肉，蔬菜係春菊。個豆腐麵質感好特別食落去係好香豆味嘅，又係一個唔錯嘅選擇。至於嗰個雞胸肉

成日都想食但次次見到條隊都好怕，終於的起心肝同朋友一齊去排到天荒地老，等左差5多成個鐘先有得食。入到去被安排左坐近窗邊，咁等咁耐都算有dd價值。我地6個人share 4個湯底，其中我地最欣賞係黑松露，每種野食滾完都有松露香味，而且甜甜地咁超正。等左陣野食就到，上菜都幾快，而且都尼足。佢每一款肉都有個牌寫明佢係咩肉，對於可能有人5食牛尼講非常貼心，而且見到產地都特別放心。碗入面有個隔，我估就應該係要尼隔開d湯汁？？？？哈哈其實都無講明點用，乾淨衛生就ok啦其實就超級想去再食，但唸再要排反咁耐，真係有d卻步。