渣華茶冰廳

营业中

休息中

Went to this Cha Chaan Teng with my family and had afternoon tea. .My dad ordered the Fried Chicken Thigh with Salad. The thigh was hotly fried, with a crispy skin and succulent meat. The salad was pretty standard. I ordered Fried Egg & Sausages with Rice Noodles. The fried egg was over easy, so it had a runny yolk. The sausages were not using Valley Chef chicken sausages, they tasted sweeter and were less firm. The rice noodles were slightly soggy. .The price of their of afternoon tea set is ec

今朝番啅呢間位於北角渣華道既渣華茶冰廳既牛扒早餐，只係$40蚊，性價比高，有牛扒，火腿奄列，牛油餐包同埋茄汁豆。牛扒似係炸既，醃得好香好味，但塊牛扒就越嚟越薄，又因為係炸既，又薄既關係所以比較乾。火腿奄列就大大份，好味道，但蛋冇以前咁樣半熟流蛋汁既，牛油餐包熱辣辣的，搽d牛油食份外美味，杯凍奶茶係最好飲既。口味：🥚🥚🥚环境：🥚🥚🥚服务：🥚🥚🥚性价比：🥚🥚🥚🥚

上星期日下山去了北角,在附近搜尋了這間冰廳. 以街道命名. 網上評級也算高,餐廳外也有人等候. 我們等了大約15分鐘左右就可以入去. 餐廳佈置比較簡約及光亮,以幾幅畫做裝飾.我們4人被安排坐了最尾6人卡位,雖然近水吧位置.但是冷氣十分充足👍🏻同行三人選擇生炸雞脾下午茶餐,分別配了沙律,西多士及薯條. 下午茶餐價格$42包飲品. 生炸雞脾需要等候25分鐘左右, 雞脾炸到金黃香脆內裡肉汁滿滿,雞肉也是嫩滑. 我選了芝士魚柳包,下午茶餐價$36包飲品. 魚柳大大塊不過偏薄身及炸過火.所以硬了少少.口感麻麻地.我們還特別選了店內比較出名人氣高的”咸牛肉蛋治”, 烘過的麵包夾著厚厚的咸牛肉蛋,十分吸引😍.不過,味道只是一般,咸牛肉不算太鹹香,蛋也不是十分滑流. 整體口味都okay.下午茶餐價$34. 這價格份量算抵食！！整體食物份量算大份價錢也不算貴（親民街坊價格）~大家路過又想食下午茶可以去試一試. 不過,上菜速度不快,需要耐心等候.

今日同班friend總共8個靚女去左北角渣華道間渣華冰室，呢間嘢規矩都幾麻煩，要齊人先俾入座，仲要個個最低消費至少嗌一個餐。我哋逼住焗住嗌，我就要咗個五香肉丁炒麵，點知中晒伏！肉丁乾爭爭，唔好食，食左3份1就食唔落啦～！好彩另外個friend叫咗個鹹牛肉蛋牛三文治，睇落已經贏晒！啲鹹牛肉煎到香噴噴，仲要夾住抄蛋，一啖咬落去個蛋汁爆出嚟，正到痺呀！早知跟隊嗌呢個啦！今次真係學精咗，下次嚟緊記要睇定食評先出手，唔係又浪費金錢！不過成班friend吹水吹得開心，叫做抵返晒啦！不過價錢就幾抵食既，唔貴

之前因有KOL推介，我已經試過，但味道一般，座位狹窄不好坐，所以沒有再幫襯。今天早上9點經過，見客人不多，再入來試一次，見有數張卡位空置，又非繁忙時段，正想坐下，一名女侍應突然用手打橫攔住，說你一個人，過去嗰邊搭枱，而嗰張四人枱已有三人擠迫坐著。咁嘅對客服務態度手法，應該老板平時訓練有素，真係當自己係名店唔憂做，就算真係名店，都對客有禮，不會這麼差的語氣、手法，就算你啲茶餐點好味，客人都唔會係度食啦！香港茶餐廳，條條街都有好幾間，競爭劇烈，而呢間茶餐廳恃著有KOL介紹（唔該啲KOL咪求其出食評！），就這麼巴閉，我住附近過嚟試吓就冇所謂，其他人如果山長水遠過嚟試，就真係慘！

今朝專登過海試北角老字號「渣華茶冰廳」食物有水準，但服務態度差到可以列入「香港十大奇案」😤 【芝士蛋牛治🧀】叫咗招牌 芝士蛋牛治烘底🥪 厚蛋煎到超嫩滑，入面嘅鹹牛肉粒鹹香惹味！重點係塊好似瀑布咁湧出嚟🤤鹹香奶味撞埋熱辣辣炒蛋邪惡度MAX！！💯【沙嗲牛肉麵🍜 】湯底濃得嚟唔死鹹，沙嗲醬溝咗花生碎粒🥜多咗層脆口同堅果香～牛肉有啲嚡口...公仔麵煮得啱啱好，唔會太淋整體中上啦～💣 中伏警告！ 由入座到埋單全程遭受 「黑面攻擊」 好似欠咗佢哋祖宗十八代，食到背脊骨落😤💰‼只收現金‼ 唔好旨意Alipay‼ 我哋差啲要洗碗埋單💢📢 港式警世金句：「食物係用來食，唔係用來受氣㗎！」😤😤

想吃到滑嫩入味的豉油雞，就要把握機會在每週一、二前往北角的渣華茶冰廳！這可是限定的美味，錯過就要再等一週。渣華茶冰廳的豉油雞，雞皮油亮光滑，雞肉鮮嫩多汁，入口即化，搭配鹹甜適中的豉油，簡直是絕配。豉油雞的製作過程非常講究，從選材到烹調都經過精心處理，才能呈現出如此美味的口感。在享用美食的同時，也感受到了渣華茶冰廳濃濃的人情味。姐姐和師傅們總是笑容滿面，熱情地招呼客人，讓人感到賓至如歸。如果你也想品嚐美味的豉油雞，感受香港傳統冰室的氛圍，不妨在週一或週二前往北角的渣華茶冰廳，相信你也會愛上這裡的美味和人情味！

第一次幫襯，俾佢啲服務態度嚇親。餐廳職員服務態度好差，。餐廳仲有好多位 全部客人都要坐佢安排嘅特定位置，佢持住一句今日好多人冇辦法。但餐廳長時間都未坐滿。食完嘢即刻收走你啲嘢食！

印象中呢間午膳時間經過，排長龍，隔離另外兩間茶記從來都冇呢個情況，心諗係咪真係好出名，又好食呢？但又冇想嚟試吓嘅心態……今晚因為趕睇戲所以要快食，拔兄話見呢間裝修企理揀了呢度，在無心插柳下就試下，我哋坐了卡位，叫咗個炒貴刁及乾炒豬扒意粉，點知個阿姐話個乾炒豬扒意粉，冇意粉，咁我問轉米粉得吾得，佢話吾得，一係乾炒豬扒公仔麵，咁我話要乾炒肉片意粉，佢又話冇意粉，當時我有點勞氣，講咗好耐，原來佢話佢哋係冇意粉呢樣嘢，從來都冇意粉，我話個餐牌係寫意粉喎，佢話佢哋冇意粉……，之後我叫滑蛋炒肉片河……炒貴刁及炒肉片河，味道都ok嘅，不過貴刁同河粉一樣樣，正常貴刁粉粗度應該係有啲吾同……呢間冰室，咁基本意粉都冇，應該在餐牌上delete晒有意粉嘅菜式啦，寫出來做乜呀？……櫈都未坐熱就同我講個卡位係四人，如果有客嚟就要坐一邊（佢哋真係好有信心晚巿有人排隊），的確，後來係有客來，要搬位坐一邊，冇問題，明白嘅……好在今晚趕時間，吾係坐好耐（一小時也沒有），相信下次未必會再來，因為冇一個舒服感覺去品嘗啲食物（如果係好食有水準的話）……

路經幾次 睇住下午茶menu寫住2:30-6pm, 想試下，5:50pm去到， 店員話下午茶截佐了，5:45pm截佐，截水吧。外面張菜單寫住截6pm, 你點解要提前截。店員不停重復， 下午茶截佐。咁都得嘅

看過 Youtuber 的介紹，推介該店的梅菜扣肉正👍， 正想吃好味的梅菜扣肉。現在想吃到好食的梅菜扣肉也難了🙋‍♀️，肥腩肉要肥，瘦肉不可炆得柴/'鞋'! 梅花邨小館出名的梅菜扣肉也不外如是，梅菜還梅菜味煮，南乳扣肉還南乳扣肉味，雙互味道不夾，是分開的😅!相約好友去吃午飯，只怕梅菜扣肉賣光，特地約中午12點。惟早上11:50 去到才知是日午餐沒梅菜扣肉🙋‍♀️，一到來就在門外排隊😅。幸好門外排隊的人不多，頂多五、六名而已。店內客人一食完就走，在門外排隊的人 (包括我們) 亦不用等太久! 我們大概等了8分鐘左右就可入內。當在外出排隊時，有對年長的夫婦 (相信是街坊) 經過，太太問丈夫為何該店總是門外有人排隊，而左右隔鄰的店舖却沒有呢?  其丈夫回答說: 該店一定食物好食，才有人排隊啦🙋‍♀️!今日的是日午餐包括:1) 沙薑雞飯2) 花生南乳炆豬手3) 梅菜蒸肉餅飯4) 萄汁豬扒炸帶子飯5) 五香肉丁出前一丁配魚柳包6) 涼瓜排骨炒麵7) 炸菜蒸鯇魚飯因該店沙嗲牛肉出名，二人行的我倆，叫了梅菜蒸肉餅飯和沙嗲牛肉炒米。是日午餐送的例湯較水，飲了一口覺較淡，沒有飲了😅!  不是靚的例湯我是不會飲的

聽講遊客最近會特登過嚟食常餐不過今次嚟冇食到，反而試左都多人推介的雞飯🐤🍚-午餐 豉油雞飯$52！抵食 成碟雞～重點係雞肉超嫰！！真係超好伴飯食😋-下午茶餐 雞髀併西多士$40 （可併薯條/沙律）雞肉醃過有味!!👍🏼 唔係淨係得外皮味肉好juicy 皮香脆🍗仲要大大舊！依個價錢可以併西多真係正～西多正正常常-都叫坐滿客，外面要排小隊，侍應姨姨態度都ok！真心依個價錢今時今日好抵食😂👍🏼路過可以試吓

因為時不時去北角嗰頭做嘢，所以有時就喺嗰頭食埋lunch，而渣華冰室係會經常幫襯既一間。午餐時間約12點9左右去到經常都會有大概十幾人既隊排住，但好彩條隊尚算去得快，大約10至15分鐘入得。渣華冰室都係一般茶仔咁有大menu，基本茶仔食物都有，而門口亦有當日午餐餐牌，大約有8至10個餐咁。今日餐牌有招牌既沙嗲牛一丁同蛋牛治(有時蛋牛治係由炸脾沙律代替)，都係$55送嘢飲。另外，冬天有枝竹羊腩飯$70，咖喱羊腩飯就貴少少$75。我同同事分別叫咗個沙嗲牛一丁配蛋牛治同枝竹羊腩飯。沙嗲牛丁係俾埋包麻油，沙嗲汁都多，牛肉都夠軟。另外蛋牛治唔係嗰種薄薄一層涵嗰種，係個蛋牛塞滿個包入面嗰種，蛋同牛肉炒得幾嫩，蛋仲有啲蛋汁，生熟控制得啱啱好。個枝竹羊腩飯啲羊就煮得夠冧，而且份量幾多。通常其他餐廳都係俾得三幾粒，而哩度係成碟幾滿咁。除咗羊腩，哩間茶仔啲午餐多數$50至$55，喺北角啲餐廳嚟講都算幾平，而且凍飲唔駛加錢。咁經濟實惠，所以咁多人排隊。

同朋友去食早餐，食完見出面冇人排隊，入面仲有好多好多吉枱，所以諗住可以坐多陣，點知不停催9你走，好似你阻L住佢咁，態度又差，未食完已經想收嘢，朋友杯鴛鴦飲咗兩啖，佢夠膽死問我朋友係咪飲完啦？真係冇下次，香港餐飲業自己搞死自己。同朋友去食早餐，食完見出面冇人排隊，入面仲有好多好多吉枱，所以諗住可以坐多陣，點知不停催9你走，好似你阻L住佢咁，態度又差，未食完已經想收嘢，朋友杯鴛鴦飲咗兩啖，佢夠膽死問我朋友係咪飲完啦？真係冇下次，香港餐飲業自己搞死自己。

兩次都係午飯時間去，食過第一次，念念不忘！令人留下深刻印象的，不單止是食物，是員工們的態度！中午時段一定忙，但佢哋有種從容不迫，親切友善的態度。這一餐茶記，食得好舒服。今日攞多咗嘢，有位同事主動話幫我放在另一個地方，為的係叫我可以食得舒服一啲。這種從客人角着想，主動照顧，這份善良，超出了食物啦。 字數寫唔夠，原來唔能夠評分，哈哈