渣華茶冰廳

营业中

休息中

1. 服務態度正常- 無催人走，打完整遍食評都無催，當然緊係無人排隊情況下，如果見有人排隊，就應該自覺起身，反而見到某客態度差少少，但阿姐有禮貌，安排入座送餐有序。2. 性價比高- $30 早餐有粉、雙蛋，有餐包連凍飲，最貴都係$40大元，勝過大家樂、大快活、美心MX 果d快餐店。3. 食物質素素- 通粉，煎蛋正常發揮，湯底平平，杯凍檸茶不過不失，吾加錢有凍飲。* 下次可試招牌蛋牛治早餐，$40 連凍飲，望落好靚仔, 可回頭。

跟住餐牌叫炒蛋，正常都以為佢跟住餐牌上面係會幫我火腿炒滑蛋㗎啦，嚟到嘅時候就冇咗火腿，問佢就同你講話你冇講火腿啊所以冇呀按照呢個邏輯嚟講嘅話嗌魚柳包剩係得嚿魚同個包唔應該有醬喎，因為冇嗌到呀嘛認真，如果我係要叫雙蛋改炒蛋，我會直接同你講話改炒蛋啦不推薦，聯想力過度豐富，佢員工自己會幫你改下單

今朝番啅呢間位於渣華道上既渣華茶冰廳，早餐開門時段到店，已經有幾枱客坐低咗。望一望個餐牌，今朝想食沙嗲牛肉麵，就人手落單呢個早餐。一陣碗麵就嚟到，仲有西煎双蛋牛油麵包跟餐。沙嗲牛肉麵有好濃郁沙嗲味既沙嗲牛肉，重口味必定鍾意，非重口味的可能會覺得咸咗d，麵條軟硬適中，湯底偏咸因為有大量沙嗲醬中和。整體滿意。口味：🥚🥚🥚环境：🥚🥚🥚🥚服务：🥚🥚🥚性价比：🥚🥚🥚🥚

服務態度好差 樓面啲人又唔熟手 又亂炸雞髀等左30分鐘都冇樓面啲姐姐話個炸爐好細 前面叫左4隻？？？你個爐細唔關我事掛岀個茶餐都唔知要等幾耐佢係成條街最靚最乾淨嘅餐廳但係待客之道一啲都冇

I wasn't expecting to give a review on this cha chaan ting due to a quick nibble only. Sadly, it was quite disappointing that I need to share after.Apart from the long queue with poor service that staff yelled to the queuing people. There's not even a ticket for those waiting ending up just nonstop cutting line happened. Feels like first come first serve for whatever seats the restaurant was available. I had fried egg spam meat instant noodle which served in 5mins. Noodle was personally found it

Went to this Cha Chaan Teng with my family and had afternoon tea. .My dad ordered the Fried Chicken Thigh with Salad. The thigh was hotly fried, with a crispy skin and succulent meat. The salad was pretty standard. I ordered Fried Egg & Sausages with Rice Noodles. The fried egg was over easy, so it had a runny yolk. The sausages were not using Valley Chef chicken sausages, they tasted sweeter and were less firm. The rice noodles were slightly soggy. .The price of their of afternoon tea set is ec

今朝番啅呢間位於北角渣華道既渣華茶冰廳既牛扒早餐，只係$40蚊，性價比高，有牛扒，火腿奄列，牛油餐包同埋茄汁豆。牛扒似係炸既，醃得好香好味，但塊牛扒就越嚟越薄，又因為係炸既，又薄既關係所以比較乾。火腿奄列就大大份，好味道，但蛋冇以前咁樣半熟流蛋汁既，牛油餐包熱辣辣的，搽d牛油食份外美味，杯凍奶茶係最好飲既。口味：🥚🥚🥚环境：🥚🥚🥚服务：🥚🥚🥚性价比：🥚🥚🥚🥚

上星期日下山去了北角,在附近搜尋了這間冰廳. 以街道命名. 網上評級也算高,餐廳外也有人等候. 我們等了大約15分鐘左右就可以入去. 餐廳佈置比較簡約及光亮,以幾幅畫做裝飾.我們4人被安排坐了最尾6人卡位,雖然近水吧位置.但是冷氣十分充足👍🏻同行三人選擇生炸雞脾下午茶餐,分別配了沙律,西多士及薯條. 下午茶餐價格$42包飲品. 生炸雞脾需要等候25分鐘左右, 雞脾炸到金黃香脆內裡肉汁滿滿,雞肉也是嫩滑. 我選了芝士魚柳包,下午茶餐價$36包飲品. 魚柳大大塊不過偏薄身及炸過火.所以硬了少少.口感麻麻地.我們還特別選了店內比較出名人氣高的”咸牛肉蛋治”, 烘過的麵包夾著厚厚的咸牛肉蛋,十分吸引😍.不過,味道只是一般,咸牛肉不算太鹹香,蛋也不是十分滑流. 整體口味都okay.下午茶餐價$34. 這價格份量算抵食！！整體食物份量算大份價錢也不算貴（親民街坊價格）~大家路過又想食下午茶可以去試一試. 不過,上菜速度不快,需要耐心等候.

今日同班friend總共8個靚女去左北角渣華道間渣華冰室，呢間嘢規矩都幾麻煩，要齊人先俾入座，仲要個個最低消費至少嗌一個餐。我哋逼住焗住嗌，我就要咗個五香肉丁炒麵，點知中晒伏！肉丁乾爭爭，唔好食，食左3份1就食唔落啦～！好彩另外個friend叫咗個鹹牛肉蛋牛三文治，睇落已經贏晒！啲鹹牛肉煎到香噴噴，仲要夾住抄蛋，一啖咬落去個蛋汁爆出嚟，正到痺呀！早知跟隊嗌呢個啦！今次真係學精咗，下次嚟緊記要睇定食評先出手，唔係又浪費金錢！不過成班friend吹水吹得開心，叫做抵返晒啦！不過價錢就幾抵食既，唔貴

之前因有KOL推介，我已經試過，但味道一般，座位狹窄不好坐，所以沒有再幫襯。今天早上9點經過，見客人不多，再入來試一次，見有數張卡位空置，又非繁忙時段，正想坐下，一名女侍應突然用手打橫攔住，說你一個人，過去嗰邊搭枱，而嗰張四人枱已有三人擠迫坐著。咁嘅對客服務態度手法，應該老板平時訓練有素，真係當自己係名店唔憂做，就算真係名店，都對客有禮，不會這麼差的語氣、手法，就算你啲茶餐點好味，客人都唔會係度食啦！香港茶餐廳，條條街都有好幾間，競爭劇烈，而呢間茶餐廳恃著有KOL介紹（唔該啲KOL咪求其出食評！），就這麼巴閉，我住附近過嚟試吓就冇所謂，其他人如果山長水遠過嚟試，就真係慘！

今朝專登過海試北角老字號「渣華茶冰廳」食物有水準，但服務態度差到可以列入「香港十大奇案」😤 【芝士蛋牛治🧀】叫咗招牌 芝士蛋牛治烘底🥪 厚蛋煎到超嫩滑，入面嘅鹹牛肉粒鹹香惹味！重點係塊好似瀑布咁湧出嚟🤤鹹香奶味撞埋熱辣辣炒蛋邪惡度MAX！！💯【沙嗲牛肉麵🍜 】湯底濃得嚟唔死鹹，沙嗲醬溝咗花生碎粒🥜多咗層脆口同堅果香～牛肉有啲嚡口...公仔麵煮得啱啱好，唔會太淋整體中上啦～💣 中伏警告！ 由入座到埋單全程遭受 「黑面攻擊」 好似欠咗佢哋祖宗十八代，食到背脊骨落😤💰‼只收現金‼ 唔好旨意Alipay‼ 我哋差啲要洗碗埋單💢📢 港式警世金句：「食物係用來食，唔係用來受氣㗎！」😤😤

想吃到滑嫩入味的豉油雞，就要把握機會在每週一、二前往北角的渣華茶冰廳！這可是限定的美味，錯過就要再等一週。渣華茶冰廳的豉油雞，雞皮油亮光滑，雞肉鮮嫩多汁，入口即化，搭配鹹甜適中的豉油，簡直是絕配。豉油雞的製作過程非常講究，從選材到烹調都經過精心處理，才能呈現出如此美味的口感。在享用美食的同時，也感受到了渣華茶冰廳濃濃的人情味。姐姐和師傅們總是笑容滿面，熱情地招呼客人，讓人感到賓至如歸。如果你也想品嚐美味的豉油雞，感受香港傳統冰室的氛圍，不妨在週一或週二前往北角的渣華茶冰廳，相信你也會愛上這裡的美味和人情味！

第一次幫襯，俾佢啲服務態度嚇親。餐廳職員服務態度好差，。餐廳仲有好多位 全部客人都要坐佢安排嘅特定位置，佢持住一句今日好多人冇辦法。但餐廳長時間都未坐滿。食完嘢即刻收走你啲嘢食！

印象中呢間午膳時間經過，排長龍，隔離另外兩間茶記從來都冇呢個情況，心諗係咪真係好出名，又好食呢？但又冇想嚟試吓嘅心態……今晚因為趕睇戲所以要快食，拔兄話見呢間裝修企理揀了呢度，在無心插柳下就試下，我哋坐了卡位，叫咗個炒貴刁及乾炒豬扒意粉，點知個阿姐話個乾炒豬扒意粉，冇意粉，咁我問轉米粉得吾得，佢話吾得，一係乾炒豬扒公仔麵，咁我話要乾炒肉片意粉，佢又話冇意粉，當時我有點勞氣，講咗好耐，原來佢話佢哋係冇意粉呢樣嘢，從來都冇意粉，我話個餐牌係寫意粉喎，佢話佢哋冇意粉……，之後我叫滑蛋炒肉片河……炒貴刁及炒肉片河，味道都ok嘅，不過貴刁同河粉一樣樣，正常貴刁粉粗度應該係有啲吾同……呢間冰室，咁基本意粉都冇，應該在餐牌上delete晒有意粉嘅菜式啦，寫出來做乜呀？……櫈都未坐熱就同我講個卡位係四人，如果有客嚟就要坐一邊（佢哋真係好有信心晚巿有人排隊），的確，後來係有客來，要搬位坐一邊，冇問題，明白嘅……好在今晚趕時間，吾係坐好耐（一小時也沒有），相信下次未必會再來，因為冇一個舒服感覺去品嘗啲食物（如果係好食有水準的話）……

路經幾次 睇住下午茶menu寫住2:30-6pm, 想試下，5:50pm去到， 店員話下午茶截佐了，5:45pm截佐，截水吧。外面張菜單寫住截6pm, 你點解要提前截。店員不停重復， 下午茶截佐。咁都得嘅