渡邊屋

营业中

休息中

九龍城隱世日本壽司店 雖然店舖面積唔大 但係勝在麻雀雖小 五臟俱全 一入到去就有老闆娘熱情嘅招待 仲有唔同類型嘅食物嘅推介 即時試試佢.-阿根廷紅蝦蝦膏壽司-呢個係老闆娘嘅推薦 所以我哋都想試一試 雖然製作大概都要10分鐘 但係時間都係值得等待 一上到黎見到鮮蝦好新鮮 而且上面有滿滿嘅蝦膏 入口即時食到蝦膏嘅香味 彈牙又好食.-海膽盛丼-一上黎見到成碗有成三行海膽 講緊佢哋用緊嘅係靚海膽 所以即刻覺得好抵 海膽鮮味十足 口感都幾實淨 已經可以食到成碗飯 加上佢仲有油脂分明嘅厚身三文魚 真係好正.-厚切鰻魚壽司-本身點左一個普通鰻魚壽司 經過老闆娘推薦就試吓厚切嘅版本 咬落去非常有口感 而且燒汁將成個買魚嘅感覺提升 $14呢個價錢絕對唔貴 .-親子 丼-滿滿嘅三文魚同埋魚子 而且明顯地佢哋用咗唔同嘅三文魚混合 所以成個飯層次感好高 包括左唔同油脂分布嘅三文魚 咁大個丼都只係 $68 我覺得都係必食之選

九龍城依間日本壽司想試好耐，因為每次經過都見到好多人排隊叫外賣，不過今次我地選擇咗堂食！首先我地叫左個親子丼（$68）一上到黎都真係好驚訝，滿滿都係三文魚魚子粒！而且佢哋個飯出名好食，加埋豉油自己調味，入口新鮮之餘亦都好有彈性。而且都見到佢有挑選到三文魚腩，混合左唔同油脂分布嘅三文魚，令到成個飯好有質感。之後我哋叫咗一個海膽盛丼（$138）除咗有好厚身既三文魚外，海膽嘅份量都好多！而且入口都幾甜，一點都唔水，好惹味。食靚海膽泥講，一啲都唔貴！之後都叫咗幾款壽司，包括左加州卷，厚切鰻魚，花之戀，甜蝦壽司，同埋最期待嘅燒三文魚腩。自己來講覺得厚切壽司真係好抵食，$14有如此水準，真係不得了！燃燒三文魚腩嘅柚子味好香，都係值得一試！最後嘅重頭戲一定會係阿根廷紅蝦蝦膏壽司（$35）呢個價錢我覺得真係幾抵食。首先講緊佢係即時拆蝦，挑出蝦膏，再用火槍燒香，鮮蝦都好大隻，而且非常新鮮。最重要係蝦膏真係好香口！食完絕對係有種齒頰留香嘅感覺。老闆娘亦都好熱情，即是好多外賣，佢都會同食客嘅食下溝通，仲會介紹特色嘅嘢食，下次都一定會來！

我平時都好少去開九龍城，一黎地方遠，而且我唔係住係依邊，咁岩近排有friend想係附近搵工，我就陪佢黎，加上一起食午餐，我地經開馬路個時，見到有間渡邊屋食壽司，我見有一陣子都冇去食，經過就去食進到餐廳見到原來可以堂食或者外賣，咁我地就選擇左係餐廳裏面食，店員好好人，一開始已經倒茶，仲推介多人選擇既壽司俾我地，我地落單個時，都見到好多街坊外賣壽司，店面仲有小型裝飾小模型，非常可愛馬糞海膽$168配上紫菜會更加突出海膽鮮美，食落有種甘甜香味有頭甜蝦5隻$58蝦頭有蝦膏，蝦身食落粘粘的，質軟味甜三文魚腩壽司$10三文魚腩線條清晰，口感爽滑帆立貝壽司$12味道鮮甜，色澤光亮厚切鰻魚壽司$12因為厚切關係，會食到滿口鰻魚肉，而且沒有骨刺北寄貝沙律軍艦$7北寄貝細細粒，口感彈牙黃金$18/黑白蟹膏軍艦$24蟹膏除左鮮，口感香滑

前幾日同朋友去咗九龍城食嘢 見到呢間日本野門口雖然細細但都好似唔錯 二話不說同朋友決定黎試吓😆_原板馬糞海膽 $178店員話呢一隻馬糞海膽食落去會比較有回甘食落去好鮮甜 配埋旁邊嘅紫菜一齊食亦更有口感_有頭甜蝦刺身 $58五大隻有頭甜蝦食落去亦都非常新鮮 亦有蝦的鮮甜味_各款壽司🍣另外我哋亦都揀咗唔同單點壽司，蒲燒鰻魚非常厚切 配上濃郁的鰻魚汁非常滿足另外我哋亦都叫咗幾款蟹膏壽司，食落去亦都非常唔錯 重點係價錢係小店價錢但係有非常高嘅質素下次都會同朋友再嚟食😍

識我既朋友都知我超鐘意食壽司，我係可以日日都食果種，咁自然都會好有要求，今次介紹間平靚正既，就係係9龍城既渡邊屋，雖然細細間，但如果想堂食都可以，同埋入面有d小擺設都幾得意😍每款壽司都係即叫即整，所以會等耐小小，但絕對係好值得等，包住壽司嘅紫菜都keep到係脆嫁，好正，通常好多外賣壽司都做吾到，同埋d飯都好軟身吾會覺得好硬，因為佢做街坊生意嘅所以價錢都會比較平，一路等既時候都見到佢一路整緊勁多外賣勁好生意😛

今天去了一間壽司刺身專門店，座落於九龍城衙前圍道轉角位置、外面可以立食，裡面有1小張枱，可以坐食，哇！裡面的裝修好細緻很有日本的感覺，老闆娘又好nice, 介紹很多鎮店之寶，最好味、最新鮮的食材，即整即有。最後我點了：火焰阿根廷紅蝦蝦膏壽司 招牌菜蝦刺身壽司黃金魷魚牡丹蝦壽司花之卷壽司原條鰻魚壽司 馬糞海膽壽司加拿大海膽壽司黑白壽司 蝦膏同芝士大蟹子海膽飯店鋪雖細，但無論服務、食物品質性價比非常高，值得推介。

平時去開九龍城食野 多數都係食泰國野多 今次去九龍城係食日本野 係出面望入去見到舖頭細細 但內有乾坤小店價錢高質食物🤤.原板馬糞海膽 $178食落去回甘嘅味道慢慢係你個口入面爆發出黎 而且好鮮甜 勁好味😋 食完成板都覺得唔多夠喉🤣灸燒阿根廷紅蝦壽司 $35/件個老闆娘極力推薦 上枱就比佢吸引到 好大隻 而且食落好新鮮 肉質鮮甜彈牙 面頭上有啲蝦膏 炒香左 佢令到成舊壽司昇華到另一個層次 而個蝦頭都仲有啲膏整啲飯落去mix埋黎食都好正 勁高質 唔怪得知極力推薦 勁正👍🏻🤤.珍寶帆立貝刺身厚切 好新鮮 食落入口即溶嘅感覺 好少可食刺身會有依個感覺 真係要新鮮先會咁 肥美鮮甜特盛三文魚丼 $92都幾大碗 每片三文魚都係厚切 肥美 脂香豐腴 每啖都好滿足 除咗三文魚正之外 不得不讚佢個飯都整得好好食 粒粒分明 而且好煙韌同平時出面食個啲好唔同😋🥰.加拿大海膽壽司 $48/件佢同馬糞海膽食落個味道係唔同啲 食落係比較creamy 啲 配合埋個青瓜黎食 唔會好膩 火灸三文魚壽司 $11/件油脂分布好平均 燒得岩岩好 而且三文魚唔會over 唔錯

呢間九龍城既日本小店雖然地方小小，但有好多選擇，而家d海鮮都係日本空運到港，極新鮮，而且價錢唔算特別貴性價比極高，必試既有:1.特盛刺身丼呢個係舖滿三文魚既一個丼飯，三文魚極厚切，油脂香極重，鮮味極高，而呢度既飯亦都非一般好食，佢用左少少醋溝左落去，令到個飯極香，就咁食個飯都回票價2. 明太子醬燒劍魚腩炙燒效果好好，油脂分佈平均，明太子既味都好夾劍魚腩既油甘香，口感豐富，真係好食3. 珍寶帆立貝壽司呢個真心推介，帆立貝有半隻手掌咁大隻，食得出係極新鮮既，食落juicy又入口即溶，真心正4.加拿大海膽軍艦呢隻加拿大海膽軍艦味道比起其他種類既海膽偏甜一點，係由鮮味帶出來既一種甜，食落唔會太腥，口感岩岩好，而且係即開即食，鮮度十足。必食之一5.火炙蝦膏龍蝦壽司呢個一隻都係$35，性價比極高，佢有蝦肉同蝦頭比我地，蝦肉部分極鮮，蝦既肉質好好，彈牙又不失龍蝦本身既嫩滑質感，好好食，蝦頭方面就充滿蝦膏，建議食既時候可以落少少飯入去蝦頭入面撈d蝦膏再食，效果會好好多

又嚟到九龍城，真係花多眼亂，八國聯餐咁，又泰國嘢、日本嘢、越南嘢、來佬嘢、local嘢，齋諗食乜都好頭痕，經過一間好迷你屈躓嘅日本嘢，空間越細大胃就越想挑戰吓買午餐有汽水送，不過入面冇位，暫時坐出嚟先老闆娘一拎出嚟，火炙之香羨煞旁人，有位小妹妹經過望到實一實，好似見到男神咁唔好以為得咁多，仲有魚生飯跟餐，真係超抵食壽司餐好好味，鰻魚最好食等咗一陣終於有位入返去食，唔使俾人眼矎矎最最最應該食應該係鰻魚飯，好肥美，又軟熟

秋天到了，係懶惰既季節，所以去返屋企附近食飯😂平時行過已經留意到呢間小店，每次都係門口望下就算，估唔到櫥櫃隔離有堂食位置。堂食空間比較狹窄，勉強坐到4個人。唔介意的話，室外都有幾個位置。室內好可愛😍招財貓，迷你食物連櫥櫃。雖然坐位幾逼，不過裝飾搭救幾有心。小店有一個姨姨負責收錢接待工作，主動斟茶，又會介紹下壽司👍原本打算叫個海膽丼飯，一聽到+$88有一板馬糞海膽，即刻一試。三文魚壽司劍魚腩壽司黑瀨油甘魚壽司葱粒吞拿魚腩軍艦螺肉軍艦每款壽司即叫即握👍等待時間長少少，要體諒下小店呀。壽司飯少少醋味，飯質軟身。三文魚$7一件性價比唔錯。軍艦紫菜keep到脆身😎馬糞海膽+$88 一板😋脆脆紫菜放上滿滿海膽，鮮味十足。新鮮唔會腥臭。明太子醬燒三文魚壽司浦燒鰻魚丼壽司飯唔覺重醋味，反而熟食丼飯醋味太多。鰻魚有少少細骨可接受，整體頗厚身大條，對得住呢個價錢👍以後買外賣又多一個好去處啦😋👍

今日請左半日假，要去九龍城老人院探患病的叔公，之後要趕返公司，冇時間食午餐，諗住買外賣，見到一間日式壽司店，名叫渡邊屋，以外賣為主，店內都有座位可以讓客人用餐。近門口外賣架上放上不同的日式食品供客人選購，另外也有寫點餐紙，多款壽司、刺身、丼飯等即叫即做，我立刻下單買些回公司食。特盛刺身丼：三文魚新鮮肥美，厚切又大片，鋪滿整碗壽司飯，魚脂甘香的三文魚加左一些蟹子增加口感，壽司飯味道調得剛剛好，軟硬適中。壽司套餐B：三文魚4件、三文魚腩2件、海鰻2件、赤海蝦2件、蟹棒2件。三文魚腩油脂特別豐富甘香，海鰻惹味、赤海蝦和蟹棒鮮美。加多2件壽司，赤貝壽司鮮味爽口，花之戀壽司：兩片三文魚魚生包着壽司飯，上面放滿蟹子和蛋黃醬，一口咬下去，滿口蟹子、三文魚和壽司飯混合了蛋黃醬，有鮮味和多重口感。外賣包裝整潔乾淨。

平時想壽司外賣返屋企食都係食開D整定晒的, 而今日去開九龍城做野, 見到渡邊屋係做即整壽司, 而且價錢都唔貴, 即買返去同屋企人當TEA咁食下鋪仔細細, 但都有堂食既地方除左壽司外, 仲有丼飯, 刺身如果想再平D, 都仲有整好的比你選擇, 但我當然要選即點即叫啦去到戲玉啦, 即點即叫壽司! 我都等左成10分鐘先整好, 但為左食好野, 等下都值得的返到屋企啦, 睇落好吸引! 左口魚邊壽司- 超香口, 油脂味充滿在你的口蟹膏壽司-入口真係一陣海洋味在你口中, 濃濃的蟹膏味火炙三文魚壽司-火炙得岩岩好, 唔會令三文魚過熟但有火炙味增加香味, 正帆立貝壽司-超新鮮, 又大大粒, 一啖放晒入口慢慢食冇得輸總結,件件壽司都好正, 而且即點即叫確保壽司唔會放太耐而影響到壽司質素, 過開九龍城會再去買過!

住九龍城個中同大大力推介呢間小店比我，所以就趁今個weekend試試佢！「渡邊屋」確實係小店，店內得幾個座位，但食物選擇都有好多，食材亦非常新鮮，果然係好推介😍😍😍我媽咪一向高要求，但佢都大讚個「火炙特大阿根廷紅蝦」，面頭火炙得剛好，蝦肉好新鮮爽口，然後蝦膏爆哂出黎，整體超好食！！三文魚腩丼係我最中意嘅一樣。三文魚腩新鮮得黎亦油脂豐腴。每啖都係鮮甜嘅三文魚腩，食落都覺得好幸福🥰 佢地個飯當然係用日本米，粒粒分明，帶輕輕嘅醋味，令我食唔停口！整體壽司質素極高，係好值得支持嘅小店！

Suddenly got a phone call from my sister on my way home that I had to get something for dinner. So the easiest way I could think of was to get some takeaway sushi!I remember passing by this little takeaway sushi place in Kowloon City last week so I decided to give it a try.Most of what I got was salmon, and I have to say, the salmon was AMAZING!! So fatty and fresh, they literally melted in my mouth once I tasted it.I also recommend the scallop and the Argentine prawn sushi. The latter was at $3

這家日本壽司店可以堂食, 亦可以外賣。假日晚飯前來了這裏外賣一些壽司帶回家, 和家人一起吃。壽司款式多, 類別有壽司、刺身丼飯、軍艦、刺身、手卷、卷物, 亦有店內推介的壽司。一共點了熟蝦壽司、鰻魚壽司、三文魚腩壽司、赤海老壽司、火炙三文魚腩壽司、火炙芝士鱈場蟹棒壽司、螺肉軍艦、鱈場蟹棒手卷、加州卷。熟蝦壽司 - 熟蝦質感爽口彈牙。鰻魚壽司 - 帶一點甜甜的醬油味, 幾惹味的。三文魚腩壽司 - 鮮甜肥美, 啖啖油香, 壽司飯夠軟熟。加州卷一共有6件, 方便家人分享。火炙三文魚腩壽司 - 三文魚表層有輕輕炙燒過, 魚肉很嫩。