渝痴漁醉

营业中

休息中

平時去金百利都無留意有呢間，以為淨係食酸菜魚嗰啲。朋友帶我去先知原來有打邊爐😋。6點後$128位仲要120分鐘任食！見咁抵就同朋友放工6點幾黎食。去到都唔係好多人，去叫左個最大路既胡椒豬肚雞煲😝。🔅胡椒豬肚雞煲 ($128)雞煲都好多雞，仲要都唔算多骨，出面有啲港式雞煲真係得少少肉多多骨😱。不過打完就好多油浮出黎，提議大家打邊爐都係忽走啲油先打邊爐，好多朋友懶唔忽走通常嗰晚都會因為太油而肚痛🤣。火鍋配料方面食物款色都幾多，最鐘意既係有風琴豆腐，唔係到到都有呢款豆腐🤤！加埋豆卜吸晒啲雞煲汁無得彈😎。好欣賞佢既菜都好新鮮，無乜爛既👍🏻。啲肥牛都唔係好劣，意外地又OK喎。野飲方面都好大路，不過荔枝汁好甜就唔提議飲😂。💬$128做到喺銅鑼灣食到120分鐘任飲任食雞煲打邊爐真係超抵😎，cp值極高👍🏻。

星期日Lunch 去左食呢間幾出名既酸菜魚放題，晏晝好多人冇book 位要等，好彩有book 左位先，因為餐廳唔係好大間😳❤️酸菜魚放題 未試過咁平既放題 Lunch$88/位，唔洗加一，仲好食添wor，真係好amazing!! 酸菜沙巴魚大大條好多肉，配料原本以為會係俾最平最cheap 果d 丸，點知d 丸好好味，特別推介魚蛋鱈魚丸，好好食rrr! 除左丸之外都係例牌果d 菜呀 肉呀，款式唔係超多但都夠晒，最中意係有酸菜魚必食既冬粉可以不停追加～另外仲叫左2款小食，雖然係幾好食，不過價錢比起$88放題就唔係好抵，下次會skip😂🧡海蜇手撕雞 手撕雞幾滑，麻醬都幾香，好多海蜇💛黃金芝士豆腐 打邊爐配料其實都有，不過呢個炸左好香口

jo又食酸菜魚🤣今次太肚餓了要食任食🙈.好大條魚呀！入面仲有好多酸菜正😋可以加錢轉其他魚，jo就無加錢已經覺得好好食😋食完酸菜魚都可以加湯任食打邊爐，雪櫃好多野食任拎，最開心係可以狂拎菜同薯粉食，汽水啤酒都係任飲👍🏻.仲點左一碟炸花枝丸，炸得幾香口配上泰式辣醬好好食！.埋單$128一位仲唔駛加一，真係勁爆抵食味道又唔錯，地點係sogo對面好方便，如果好肚餓係附近又唔想食太貴又咁岩想食酸菜魚滿推介的👍🏻

渝痴漁醉🐟喺銅鑼灣行街，順便睇吓有咩好食，我同另一個friend都好鍾意食辣野，咁我哋就今次揀咗呢個麻辣烤魚，我哋冇揀到放題，而係單點，因為我哋兩個女仔食量比較細麻辣烤魚桂花魚~$328烤魚有幾款魚可以揀，每款唔同價錢，有鯇魚$238，凌波魚$278，清江魚$298，桂花魚$328，深海石斑$338🐟，咁辣度我哋就揀咗小辣，因為知道會越煮越辣，桂花魚冇乜骨，麻辣味非常香，又香又辣，刺激味蕾🤗好食飲品我地飲可口可樂~$15渝痴漁醉 (銅鑼灣)🏠：銅鑼灣記利佐治街1號金百利廣場8樓R1號舖☎️：23511323

這間位於銅鑼灣金百利廣場8樓想介紹吓呢間銅鑼灣抵食放題雞煲每人$128沒加一（任食兩小時）想講埋lunch都有放題$88（任食個半鐘$邊爐湯底我們選擇了📍胡椒豬肚雞另外仲有三款可以選擇📍雞煲📍烤魚📍肉骨茶出面雪櫃選擇不算好多，但尚算齊全，有幾款不同的丸類、肥牛、豚肉、雞件、菇類、芝士腸、薯仔片、蓮藕、蔬菜都有幾款、仲有好彈牙的薯粉等等飲品都有幾款仲有啤酒添自助醬料擺放得整整齊齊乾淨打算清清地食胡椒豬肚雞的湯底都好夠味道👍🏻

我地去咗食［雞煲/烤魚/肉骨茶煲/胡椒豬肚雞煲 4選1］90分鐘午市放題（2位起）💗包括咗無限追加配料丶啤酒汽水任飲🥳每位＄88仲不設加一好抵喎點咗麻辣烤巴沙魚，條魚好大一條，肉質嫩滑，湯汁香辣惹味💗我哋點左BB辣，辣度對我哋來講啱啱好👍🏼食完成條魚都飽咗八成。而配料同飲品都係放喺雪櫃自取，擺放得整潔衛生。配料選擇都算多🥳丸類丶蔬菜丶菇類丶肉類丶麵食都有，其中仲有我鍾意食🥳嘅雞翼尖丶蟹柳丶芋頭條丶蓮藕片丶寬面⋯蔬菜整體都很新鮮。而罐裝和紙包飲品就有10幾款，其中有冬瓜茶丶咸檸七，仲有啤酒添。另外，我地仲點咗1客4件嘅麻香雞翼（$48），香脆惹味。依個午市放題，連星期六日都係呢個價😱就算夜晚食都唔貴～都係皆大歡喜嘅平民靚價。

朋友鍾意食雞煲，今次搵到間抵食雞煲，仲要係放題🔥晚市每人都係$128 (120mins)抵食！抵食！真係好抵食！🔥一坐低揀咗要邊款放題先，店內有4種選擇，雞煲/烤魚/肉骨茶煲/胡椒豬肚雞煲。我哋揀咗雞煲就出去拎飲品，飲品都有十幾種選擇👍🏻雞煲有半隻雞份量，雞肉嫩滑又入味，索晒啲醬汁，正！食完雞就可以加湯打邊爐🍲，喺凍櫃拎火鍋配料，有雞牛豬肉、菜、腸仔、大量丸類、粉麵……超鍾意食芝士豆腐同寬粉仲有娃娃菜，索晒麻辣湯底嘅精華🤩💯另外仲叫咗一個小食紅油海蜇 $46海蜇好爽口，辣辣地，幾惹味！埋單先知原來仲要唔使加一，性價比高呀！下次可以再食過😌😋

過海食嘢，荷包冇返咁上下彈藥，真係唔使旨意會飽肚。不過，估唔到喺老銅竟然仲有一舊水樓下嘅火鍋放題一係大胃搞錯地方，一係時光倒流廿年前冇搞錯，真係咁平，有半隻雞煲，冇因為平而變得低質，仍然香噴噴食完就可以自己去自助區加湯，就開始搏老命食配料配料都有唔少丸類、魚餅同豬牛雞肉揀墨魚丸同牛肉都值得encore大胃狂翻叮魚餅同豬肉識揀一定揀埋薯粉，可以完全吸收湯底嘅精華另外再嗌碟土豆絲，因為雞煲已經係辣，好彩呢碟土豆絲都可以走辣，味道仲係好有鑊氣同爽口雖然放題有芝士豆腐，但香煎嘅會比較惹味，外脆內軟嘅感覺，裡面仲要係爆芝，大胃不行了放題有唔少嘅飲品選擇，大胃都飲咗唔少但一見到爆茜嘅飲品，係就要另嗌，不過真係勁香芫荽味，無悔呀

食辣野真係好過癮| (• ◡•)|今次去咗食位於銅鑼灣但擁有平民價錢嘅烤魚一入到去就已經聞到好香嘅川菜味～-烤魚放題♡︎ $88/1位佢嘅細份烤魚都算幾大條，條魚好滑丶入口即溶，而且就連平時麻麻哋鍾意食魚嘅我都完全唔會覺得腥，辣度亦都啱啱好，唔食得辣嘅人可以嗌BB辣，總言之呢個價錢可以食到咁嘅質素可以話係超級抵！-除咗烤魚之外仲有好多可以自己喺出邊攞嘅放題食物，就等我同大家推介下有啲咩係我覺得一試難忘㗎啦😋☟︎☟︎☟︎牛肉𓃒：煙煙韌韌，有牛味，幾好食✔︎豬皮𓃟：煮喺湯入面朔晒啲湯汁好入味✔︎薯粉：有分粗身同幼身，個人覺得兩樣都好味，粗身就淋得快啲✔︎豆卜：同豬皮一樣，都係好入味，啱晒重口味人士✔︎-皇牌口水雞♡︎ $48個人覺得呢個同對來講比較一般，份量少咗啲，而且價錢都唔算特別抵-評分（總分為5個emoji🐟）味道：🐟🐟🐟🐟環境：🐟🐟🐟服務：🐟🐟🐟抵食：🐟🐟🐟🐟🐟總分：🐟🐟🐟🐟

早排食過一次，落完單等左20分鐘問吓條魚可以未話煮緊，之後到左30分鐘再問就同我講溜左單唔好意思，今日見口痕再想食就排隊等，星期六都算入得快，15分鐘就入到，咁就叫野食，個侍應落完單話要寧波魚賣晒，只有其他兩種魚，我地味叫左清江魚， 話要三百幾，即刻覺得唔對路，個fd即刻走去問，個侍應就行返黎問我，係唔係要叫放題，我話係，咁要再加148，因為個fd走左去收銀問緊我同佢講朋友去收銀了解緊，個fd返黎就話條魚落左冇得改，前後都冇5分鐘，到我行出去了解下時佢話佢地速度就係咁快，改唔到機，我返埋位收銀個女士就話咁岩有人要問我轉唔轉，我就話唔洗啦，叫左就要食，不過唔會有下次，同埋要加返放題， 叫野食前記得同任何一個侍應都要自己講係食放題先，唔係就要加錢啦

開心真的是一種內心的狀態，無論外界如何變化，身在哪一個國家，身邊陪你的是誰，做什麼事情，都可以找到內心的平衡和開心😄 比如探索周圍的美食，就是能夠讓我開心的事情，尤其是 吃辣🤣 午市任食雞煲 88／位沒想到竟然可以如此抵，兩個人200塊，就可以吃到飽。配菜飲品都是任食。終於不用擔心寶寶吃不飽了。味道很正宗，下次可以嘗試大辣。貢菜皮蛋 48最近嘴角小小裂開，也許是身體裡面缺少維生素，但是發現，吃了皮蛋之後，第二天就好啦，沒想到還有這個功能。紅油脆耳 55年紀輕輕大了，容易流失骨質，所以，吃一些脆骨，以型補型，脆脆的，口感簡直就是最愛❤渝痴漁醉銅鑼灣記利佐治街1號金百利廣場8樓R1號舖

👅想成為一個出色的吃貨，怎麼能放過尋覓便宜又好吃的機會呢！烤魚/雞煲/肉骨茶煲/胡椒豬肚雞煲，你比較喜歡吃那款呢？👏🏻以上四選一只需$128，就可以有2小時任飲任食晚市放題，食完個煲可以加湯打邊爐，自助任吃精選配料，而且任飲各款啤酒、汽水、飲品；除此之外，還有90分鐘午巿放題優惠$88！🎁性價比超高的放題就在，店內環境簡約大氣，座位寬敞，設置了超多卡座，以暖色調為主，牆上的壁畫處處體現了店家的精心佈置。🥢吃烤魚前Nicole 點了個開胃涼菜🐔海蜇手絲雞（$68）海蜇爽脆，手撕雞嫩滑，醬汁是芝麻醬加了一些甜辣味。還有青瓜絲豐富口感。🐠秘製麻辣烤魚（小辣）醬料鋪滿整個魚身，光看就是讓人食慾大開！烤過的魚外焦里嫩，醬汁緊緊鎖在魚肉里，而且一條魚就有手臂那麼長，單吃魚已經飽足了Nicole，任吃的機會就等你來分擔一下吧！🧃吃烤魚避免不了口渴，Nicole破天荒連喝了4瓶飲料，瞬間讓整個人舒服不少！任吃任喝的感覺就是爽，保證不辜負你的胃！

行行下SOGO有D肚餓，就搵搵附近有咩食，諗住銅鑼灣地段都冇平野食架喇，點知search到呢間平平地既放題，就同爸爸上左去食晚餐。放題有4個選擇，可以選雞煲/烤魚/肉骨茶煲/胡椒豬肚雞煲，職員表示烤魚較多骨，可以額外加錢轉另外既魚🐠，最後爸爸話好耐冇食過雞煲，就點左*麻辣雞煲*試試🤤點完雞煲，好快就到啦，我地兩個人有半隻雞🐓，少少辣咁，濃味既，都多肉食。食完雞煲就加湯打邊爐喇，即刻出去雪櫃睇睇有咩配料放題，有各類既丸、菇、菜，肉類有雞件同肥牛，覺得雞件比較出色🍗，大件啖啖肉，而麵類方面，有米線薯粉等等，我幾鍾意薯粉呀，吸左濃湯熟左會變透明色好煙韌，飲品方面，有汽水綠茶同啤酒🍺留意番4選1既煲係冇得放題再要既，放題既只包括喺雪櫃入面既配料，銅鑼灣地段用呢個價錢可以食飽飽算唔錯架喇，又唔洗加一，午市88蚊就有放題食咁抵，就算晚市都係每位128，唯一美中不足既係冇甜品，如果供應埋甜品就好喇。

Wheeee (｡･ω･｡)ﾉ٩(˃̶͈̀௰˂̶͈́)و【雞煲放題　填滿個胃】有冇人同我哋一樣成日都會邊爐&燒肉癮起😂 我哋上個禮拜又好想打邊爐，見到好多foodie食呢間嘅雞煲烤魚放題，價錢唔貴之餘仲免加一，就去試吓佢🥸嗰日店員好細心，見到我哋隻碟有骨就幫我哋倒啲骨落隻空咗嘅大碟到一次過收走，仲間唔時收走啲嘢飲盒，都幾好服務🤓～我是Menu～雞煲/烤魚/肉骨茶煲/胡椒豬肚雞煲放題 (2位起) 免加一18:00前離座 90分鐘 $8818:00後120分鐘 $128呢度嘅放題一嗌就要一枱，而佢哋係可以兩人一煲🥘 變相係可以試曬唔同款嘅嘢食。至於我哋揀咗胡椒豬肚雞煲🍲 滾咗之後先飲一啖湯睇吓佢質素如何，佢個湯底好清香，亦好有胡椒味。而本身個煲嘅份量都唔少，夠曬兩個人Share嚟食，啲雞好嫩滑🐔 而豬肚亦都好乾淨爽口🐷 食落都幾唔錯。而呢度嘅自助吧雖然選擇唔多，不過淥落都幾好食～ 但係啲豬就太肥，所以我哋淨係試咗少少，之後就冇再拎過🐒 佢嘅自助吧有唔同嘅紙包飲品同罐裝汽水、啤酒任飲，另外亦都有雞、豬、牛肉、腸仔、丸、蔬菜、寬粉、年糕等，而令我哋出乎意料嘅係，佢嘅牛丸係出色至極🤩 既彈牙又爆汁，令人食完

༺ 渝痴漁醉 ༻∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻∻ ∻ ∻ ∻ ∻ 今次嚟到呢一間係超抵食嘅烤魚放題🐟，佢烤魚有酸辣同埋麻辣嘅味道🔥。條魚一啲都唔多骨😚，啱晒唔太識食魚嘅我地👅。魚係有煎過🤤，再落湯🥣，所以外皮非常香脆👅。辣度可以自己選擇👍🏻，我哋揀咗小辣🌶，可能我哋唔係太食得辣嘅關係，食落一開始都幾辣👅，但係後期再落湯慢慢就淡返少少😌。而出邊嘅配料同埋飲品就係可以任拎嘅😍，同出邊火鍋店嘅差唔多，有肥牛🐮，一啲唔同嘅丸🍥，幾種菜🥬，芝士狂迷嘅我地比較鍾意芝士年糕🧀，芝士丸，同埋芝士豆腐🤤。∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ 餐廳🛎：渝痴漁醉 地址📌：銅鑼灣記利佐治街1號金百利廣場8樓R1號舖營業時間⏰ ：星期一至日11.30-22.00 ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻