渝痴漁醉 (已結業)

之前來過渝痴漁醉吃下午茶，只需$28 就有一碗麵、小食以及餐飲，食物也不錯，所以這次就試試晚上的水準如何~ 鹽焗手撕雞 ($38) 手撕雞肉質嫩滑，鹹香惹味，底下的青瓜絲爽脆可口，作為開胃菜剛剛好~ 乾煸四季豆 ($58) 要了少辣的乾煸四季豆，少辣卻味道濃郁，用來伴飯吃就最好不過! 李家沱酸菜魚 ($128) 同樣要了少辣的酸菜魚，超大的一盤奉上，份量足夠3-4人享用~ 魚肉大大片且嫩滑，當中亦有不少金菇，這客酸菜魚可以當湯喝呢! 紫醉金迷/ 夕陽紫霞 ($19) 2杯特飲都很夢幻，我選的紫醉金迷是蝶豆花配芒果汁，味道酸酸甜甜，也有解辣作用~夕陽紫霞則是蝶豆花配鹹檸檬，家人表示都幾好喝~ 紅糖糍粑 ($15) 外面香脆內裡煙韌的紅糖糍粑，沾上黃豆粉以及紅糖，熱烘烘且甜甜的味道，很適合寒冷的冬天享用~ 吃到飽飽全身暖和，慢慢散步回家休息la!元朗水車館街44號信發大廈地下11號舖27620308

今次真的很難得！豬隊友肯同我食酸辣野！我知道渝痴漁醉係新開嘅，但一直都搵唔到理由食，因為豬隊友唔食辣野！但佢竟然今次主要提出話食，因為佢聽講好多人都話好好食wor🤤兩個人其實食唔到好多野，所以我地就點左一個主食，一個小食😆小食係我好好好好好鍾意嘅夫妻肺片，為左遷就下豬隊友，所以就點左小辣（但原來豬隊友小辣都食唔到，下次要點bb辣）佢真係整得好入味，牛肚爽口，牛𦟌又唔會鞋口🥰主菜我地就食烤魚，揀左酸菜湯底，佢上菜嘅時候，我地都嚇一嚇，嘩！甘大份嘅！好驚食唔晒🙈，但因為酸菜夠晒開胃，唔覺唔覺食下食下又俾我地食晒wo ！另外我地見佢個drinks list 都幾特別，所以點左兩杯特飲，佢好有心思，有燈幻彩冰粒，令杯飲品係視覺上加滿分，當然佢味覺上都100分啦👍🏻紫色個杯就係紫醉金迷，另一杯就係柑桔青檸梳打，都好好飲ga!

渝痴漁醉原來是傷心酸辣粉集團不過價錢更大眾化餐牌選擇亦有所不同更有多款小菜選擇更能照顧到不吃辣的人第一次來叫了$98二人套餐就包括了兩碗粉麵一份前菜及兩份小食酸辣粉味道正好可惜紅薯粉還未熟透陝北蔥油撈面花生、蔥、芝麻這組合一定不會輸土豆絲一般般口水雞的酸辣真的令人流口水墨魚餅等了好久但彈牙十足第二次來試了烤魚吃辣的可以叫豆花烤魚這次我們吃不辣的醬香烤魚$128比深圳的探魚便宜但魚不鮮也不滑醬香也不香不推薦第三次試了酸菜魚跟飯和飲品酸菜湯好味但魚是龍脷柳不是鱸魚所以口感是薄薄的扣分了

見佢開張一星期，應該開始穩定，於是試下。全日都有飯餐、麵餐，早上更有小量點心蒸飯等供選擇⋯⋯今次試咗辣子雞、例牌酸菜魚、青椒皮蛋例牌酸菜魚係用生魚，基本上啖啖肉極少骨。冇腥味。份量多。套餐果啲魚係用龍利柳辣子雞丁略為味道比一般川菜館淡，價格取勝。青椒皮蛋啱味，而且糖心