渝川廷

营业中

休息中

啲嘢嚟得好慢，餐廳人手不足，又唔請多幾個，上菜又慢加水又慢，餐具仲要有污跡，嘢食又唔係話有咩特別好食，普普通通但係價格又偏貴，食物質素對唔住價格，無網上吹得咁誇張，去過一次唔會去第二次😐

11點幾我哋三人去到，乜嘢都俾人食曬，只有炒飯，炒麵，糖水（冇人食），然後我哋嗌左6樣點心，原來份份都係得一粒，心諗就嗌多2份，點知叫我哋埋單後啲嘢再冇黎過，催左好耐職員話唔關佢事，然後我哋嗌經理，經理扮睇唔到，直到我哋大聲嗌，終於聽到行過來，後來俾左幾份嘢我哋，每次都係一粒嘢，三分一嘢咁上，腸粉3分之一條，菜心都係得一條。$138，真係食左$30都唔知有冇！嘢唔掂都算，服務態度都差！請都唔會黎。冇下次！邊個黎邊個後悔。

上星期原本想walk in嚟試這個 位於荃新天地的📍渝川廷早午市點心自助餐，但已滿座所以就訂了今天再來。😅自助餐雖在十一點半開始，但已有很多食客在排隊等入座，入到裏面見酒樓面積不大有點小，裝修亦其簡約，不過有卡位可坐亦算舒適。看看所提供的點心紙上，一般酒樓的點心品種亦有供應，而且種類都不算少，用手機下單出品都快。😚平常主要吃的大大粒的燒賣和蝦餃亦可以隨便吃，其他的煎、蒸、煮、炸的點心，品質和買相亦不錯，期間還有每人一碗翅和鮑魚燒賣一粒，以每位$118元來說真是超值。👍總結今個飲茶自助餐食物的質量不錯和種類亦多，而且出品不慢時間有90分鐘，可說性價比十分之高，朋友說好再過幾星期會再來一試。(補充資科：現在為$138元一位)

網上看見YouTuber介紹此點心放題，好似幾好，於是就打電話定位，一去到就見到長長人龍，入座安排甚為混亂，坐低后用手機點菜，但好多都無，還要等約90分鐘先有得食，但佢哋又限時食用，D點心味道又不太好，全程感覺極之差，極不推薦，此店只為錢，但無質量給客人，如不信你可去試!

在網上看到幸福男推介，結果係一次超級差嘅點心放題體驗。職員態度差，全程黑口黑面，坐足40分鐘完全冇嘢嚟，催單嗰陣時啲職員說話好難聽，嘢食嘅質量好差，仲衰過屋村冬菇亭食物質素，求其一間飲早茶嘅地方都唔會係咁嘅質素。燒鵝王又乾又硬，口水雞不知所謂，燒腩仔還算可以，蝦餃好難食，個皮黃黃地，嗌咗幾樣燒味撈埋一碟上，可以手機落單嘅食物唔多，但係要出邊攞嘅食物又極少，搞到啲人攞嘢好似搶嘢咁，搶完之後好長時間都唔會再加新嘢，坐咗90分鐘完全唔知食咗乜。明明係間舖頭漏單，職員求其送嘢過嚟嗰陣時，仲要講啲風涼說話：哎呀，人的食到唔想食，陰公囉，你啲冇嘢食。成間舖頭全部啲嘢加埋起身都唔足50款，都唔知網上係點樣俾出咁高評價嘅。冇本事做到真正嘅放題，就唔好做啦。一次過算數

本身用OpenRice訂了1點午餐 但去到還要大排長龍，都算!! 😩😩但遲遲都未安排到入坐 🫣🫣上一時段D食客夠曬鐘都未走 😤走咗又執唔切枱 足足被罰企足半小時有多😖😖未計之前排隊入去時間 總共遲咗成28分鐘 嘢食雖然可以 但入坐安排十分亂🫣🫣同應該將兩個時段分格起碼多半小時方便清空再入客 客人咪唔洗罰企啦😓😓同第一時段起碼要早半小時停止加單同結數囉

職員態度有代改善、尤其－位男經理（帶眼鏡）、好似愛理不理、態度好似當你哋啲食客全部好煩、儍嘅！落單一小時仍未有點心到、只可以攞外面枱上已經預備好食物、整體來說感覺： 差👎如果做不到放題、為什麼仍然要繼續做？

總結係貼錢買難受首先，野食黎得好慢再者，部分種類係咁漏單 eg.菜問個經理唔幫手不突止，仲要hea你叫你出面夾個啲小菜落單指示好唔清晰，有啲寫一碟既其實只會黎一舊/一件，腸粉一件仲要唔係一條，係三分一，排骨又係淨係黎一粒，真係吹脹！食物質素當然都唔掂，好咸好油，同好食大纜都扯唔埋。90分鐘放題我諗我食左廿分鐘就放棄了。最後，而家其實係138一位，呢個價錢呢，就已經夠我出面食好質素既點心食到飽，所以，下次不了。

這次再光顧，見枱上多放了炸物、蔬菜、粉麵及小炒，自助形式，經營方法有效地改善了人手不足的狀況，漲價也合理$138，能保持食物質素，總比將貨就價好。點心轉用了新的小蒸籠，咁就有助提升出爐效率，又唔駛急住回收咁

係七月尾早上十一點半去食點心放題，餐廳management 好差，好多客人要企係門口等開門，一開門三十幾人一窩蜂咁樣過去登記，員工無溝通好座位安排，有人叫我地調位，調完位又有員工鬧我地坐錯位，服務態度好差。十一點四十五分order左三十項點心，到十二點四十五分只嚟左大約十項，有查詢係咪miss 左我地嘅單，有禮貌性叫人跟進，但都係完全無點心上，我哋叫嘅蒸點一項都無上。見到唔止我哋一桌有呢個問題，其他桌都有人投訴左好多次，甚至有客人食到爆粗走左總括而言，絕對唔會左去食，非常不建議大家貼錢買難受

經過門口見入面得2-3檯客，但見餐牌2-3人有9折，天皇餐好似幾抵食，最緊要無限時，雖然雞煲刺身海鮮盤係一次性，但仲有其他野食，都好夠食，有啲食物要主動問店員入廚房攞，最開心係有樽裝氣水，雪糕任食，絕對有下次。

主菜我就揀左個香辣烤魚，烤魚味道適中，唔會好辣亦都唔會好鹹，而且魚骨偏小，食落都係啖啖肉。烤魚內本身配有萵筍、豆卜、紅薯粉、酸菜， 十分足料👍🏻火鍋湯底方面就選擇了甘粟蘿蔔豬骨湯， 湯底清甜，而且都係很足料， 餐廳的火鍋配料種類十分之多，而且是以自助形式自由夾， 飲品嘅種類都好多。 真係一次過滿足曬3個願意，除咗有烤魚之外，還有雞煲可以揀。 套餐還包括埋手切牛肉、時令刺身，海鮮拼盤， 海鮮拼盤10分吸引由其是象拔蚌。 首設牛肉油脂分布平均，雪花很漂亮。而且店舖嘅裝修和設計都很有中國風，CP值很高

好耐無食火鍋放題😊 今晚這間值得再去食，選擇多，環境整潔，地方寛敝🤭「天皇套餐」此套餐超級豐富🤭 食到我兩好滿足「頂級手切牛肉」好靚！就像一福畫的肉🥰「豪華海鮮拼盤」豪華都非常，有鮑魚，大蝦，大元貝，珊瑚塝，大蜆，非常高價值「自家手打四色丸」大大粒，好爽口，最欣賞就是墨丸😍「日本空運時令刺身」絕對唔少野☺️ 厚切三文魚，北寄貝，大帶子，希靈魚，牡丹蝦，新鮮！🤭先來一個主煲-「椰子雞煲」是一道小菜形式，好重椰醬味，雞滑嫩！yummy!再來火鍋湯底-「皮蛋芫荽湯」豐富的火鍋最好的是配清湯，這鍋重莞荽👍🏻備註：🔺電子下單，肉類，海鮮🔺自助取火鍋配料，飲品，地方整潔多款選擇🔺唔好忘記有 哈根大師 🍨😍🔺由於太多款式，今次放題都係食一round🤣😂

渝川廷主打天皇天后級套餐，食物非常豐富，這次選了天皇套餐。外面有一堆自取食物，看上去都非常新鮮。套餐的前菜都非常豐富，包括日本空運時令刺身盤、頂級手切牛肉、豪華海鮮拼盤、自家手打四色丸等，每一道都是精心挑選的頂級食材，口感豐富多樣。接著，主菜上桌了，這個套餐的香辣烤魚是絕對不能錯過的。這道烤魚口感鮮嫩，肉質鮮美，配上香辣的調味料，味道非常適合川菜愛好者。而且，火鍋湯底也提供了六種不同的選擇，我選了菌皇花膠美人鍋，湯底的味道非常鮮美。套餐還提供了40多款火鍋配料任食，包括各種肉類、蔬菜、海鮮等，非常適合大食怪，而且店家的服務也非常好，服務員會及時為客人補湯。脆肉鯇非常大片，肉脆鮮味。牛肉都非常厚切又大塊，一定吃得盡興。飲品除了一段罐裝飲品，還有瓶裝汽水。總之，渝川廷的天皇套餐是一個非常值得推薦的選擇。天皇套餐 HK$338

<天皇套餐>每位338 蚊星期五六日公假加10 蚊 🍴烤魚雞煲椰子雞酸菜魚擇一椰子雞🐥 一上枱湯底好少 其實主要係椰汁 都幾香甜 仲有蕃茄 椰子肉 雞肉大大件好入味彈牙 🍴六湯底揀一揀左香茜皮蛋豆腐鍋 👍🏻個湯底勁足料 茜味濃 豆腐香滑 皮蛋味香濃 要黎打邊爐食肉食海鮮都 good ! 🍴一次性 有頂級手切牛肉🐂 日本空運時令刺身盆 豪華海鮮拼盤 自家制手打丸👍🏻 手切牛肉 脂肪均雲 食落去似係牛頸脊嗰 part軟林得黎肉味適中 海鮮拼盤有大蜆 新鮮海蝦 鮑魚 扇貝 爽口既珊瑚蚌 正 , 而刺身有肥美三文魚 鮮甜帶子 甜蝦 北寄貝 , 最後手打丸有四隻味 牛丸 豬肉丸 墨魚丸同蝦丸🐂🐽🦑夠哂彈牙新鮮🍴任食40 款火鍋配料 分六類1.牛 有牛小排牛肩 牛小排牛軟林 牛肩好煙 un彈牙 牛味濃🐂 2.海鮮 有新鮮海蝦🦐 脆鯇好大塊 夠爽彈 🐟3. 豬羊雞 豚肉大大件 羊肉羊味香濃 帶 d so味 4.主食5.手工丸餃6.自助飲品菜調味料 bar有唔同菜 菠菜 蕃薯苗 油麥菜 等等 有各式茶 可樂 汽水 啤酒 夠哂多樣化#肥牛 #火鍋 #椰子雞 #海鮮 #蟶子 #牛肩 #牛小