渝川廷

营业中

休息中

之前食過呢間晚市小菜係唔錯，今次就打邊爐，都好唔錯，價錢仲好優惠，120分鐘$268 ，如果提早預訂，可升級無限時😋。套餐包左有龍蝦🦞（可揀蒜蓉粉絲或打邊爐灼），雞煲或烤魚，另有海鮮拼盤揀，仲可能揀另一湯底打邊爐，放題食材仲有燒味點心，勁豐富！其實真心幾抵，出面咁食起碼都三百尾四百蚊啦。龍蝦原汁原味食到鮮味，肉質彈牙。我地另揀左椰子雞同花膠美人鍋，兩種湯底都勁濃郁，椰子雞湯頭香甜滑溜，椰奶味濃，雞肉又嫩滑，好好味。花膠美人鍋底加入豐富嘅花膠，滿滿豐厚膠質感，滋潤養顏，深受女士喜愛💕愛養生嘅你一定要試吓❤️海鮮拼盤食材好新鮮，有活鮑魚 /台山蠔/龍𧄌片/元貝/活海蝦/蟶子活北寄貝/象拔蚌仔/沙白/白鰭片可揀六款，每人一份 每款都飽滿又啖啖肉，其中帶子，海蝦🦐沙白，蠔都可任食。火鍋配料入面我比較鍾意美國牛小排、黑毛豬、炸魚皮同海蝦。美國牛小排肉質柔軟滑嫩，油花分布均勻😍點完一輪又一輪。黑毛豬有肉汁豐富嘅口感，肉味濃郁到滿瀉，唔加任何調味，都已經好好食🤤係咁encore。炸魚皮又係好正，熱辣辣，酥脆且無腥味。 活海蝦勁新鮮!!啲腸係無黑色污糟野，肉質又彈牙，又係encore左好多。

話說上個禮拜三就去咗荃新天地2期睇戲，睇完戲之後都6點幾，就揾下附近有咩食，喺英皇行咗幾步之後，見到有個姨姨喺到sale，拎咗傳單睇，見到有雞煲幾吸引，之後就入去食入到去發現得我地1枱，但姨姨全程都勁好態度一入去已經送燒賣、水晶餃同蟲草花燉湯，食咗之後，發現啲點心同個湯都出乎意料地正，蒜蓉粉絲龍蝦同個雞煲都好香！啲雞仲好滑，到咗之後打邊爐，我地就叫咗沙嗲湯，個湯底勁濃勁香，完全唔係hea我，啲海鮮黎到嘅時候超級新鮮，牛小排同豚肉片嘅質素都好好，食完之後仲有得食haagen dazs，成餐飯都好good trip😭🙏🏻🫶🏻野食質素好好同好食之外，姨姨仲好好態度，但好可惜嘅位係，成晚都淨係得我地1枱生意，可能因為餐廳個位真係太入，所以好冷清⋯⋯所以想喺到推一推薦下渝川廷🥺如果大家喺附近行開，真心推薦去依度食！我真的不是打手！😭只係個人覺得真係好抵食！😭見到生意咁冷清真係覺得好可惜🥺

適逢週末假期，撞正下雨天，下雨亦無阻小妹去覓食，遊蕩商場間，發現有間雞煲火鍋任飲任食放題，於是和友人決定入內試試看😙。每位惠顧嘅客人獲半隻龍蝦和燉湯，小妹就選了蒜蓉粉絲蒸龍蝦，龍蝦肉鮮甜彈牙，作為第一道菜有驚喜。雞煲就選了椰子雞，清甜湯底，充滿椰子香氣，嫩滑雞肉，滋補養生。火鍋湯底8選1，朋友就選了皮蛋香茜鍋，芫荽獨特香氣，搭配皮蛋滑潤，令湯底清新，中和油膩。海鮮盤任選時令海鮮6款，小妹選了鮑魚、龍躉片、海蝦、蟶子、北寄貝、元貝，海鮮新鮮，尤其是蟶子、北寄貝、龍躉片，鮮甜爽口肥美；火鍋配料應有盡有，款式種類多，有美國小牛排、黑毛豬、羊片、雞、響鈴、帶子、丸、水餃、蠔、鮮鱿、蟹柳、魚皮、菜、菇、粉絲、淮山麵、烏冬、出前一丁等，除了肉丸類麵食之外，意想不到的是會有中式點心😲，蜜汁叉燒和燒腩仔，蝦餃、燒賣、菜苗餃等，當然火鍋又點少得汽水和啤酒，甜品就以Häagen-Dazs雪糕劃上句號，是日大大大滿足だいまんぞく😋。

火鍋]星期五嘅夜晚喺荃新天地揾野食，見到有打邊爐放題就求其入去試下，喺無乜期望下，反而驚喜連連，值得分享！🔹海鮮拼盤🔹 一上桌就令我驚艷~拼盤10揀6~全部都好新鮮~仲要洗得好乾淨~鮑魚都仲係郁緊，生蠔勁大隻！龍躉片估唔到咁好食！🔹蒜蓉粉絲蒸龍蝦🔹 今晚另一個亮點！升華左成餐飯~龍蝦蒸到剛剛好~肉係彈牙嘅~連啲蒜蓉粉絲都清碟~🔹蟲草花燉雞湯🔹 睇落去清清地~但飲落唔簡單~湯底濃郁，滋味十足~飲完好舒服嘅感覺~🔹火鍋配料🔹 真係要讚下啲牛肉同豬肉~完全無期望下食到中高檔嘅肉，係幾咁有驚喜~仲要其他野食都唔差~蔬菜係出去任拎，全部都幾新鮮~自己整左個拼盤出黎~開心~

52多款點心、熱盤和冷盤選擇，味味都可叫一件試食，整體味道唔錯，特別推介以下數款：1. 咸水角咸水角外皮微脆彈牙、內餡鹹香，有糯米和冬菇的傳統風味。2.  蒜蓉粉絲娃娃菜這道清爽菜式成功在重口味之間提供平衡。娃娃菜嫩滑，蒜蓉調味剛好，粉絲吸汁力強，是素食者和注重健康飲食者的好選擇。3. 三拼冷盤（豬腳凍、青瓜、海蜇）這款拼盤十分開胃，各有特色：豬腳凍膠質豐富，入口滑溜；涼拌青瓜爽口清新；海蜇彈牙微辣，麻油香氣突出，是非常受歡迎的涼菜組合。4. 千層酥點 & 腐皮卷兩款炸點心外皮層次分明，金黃香脆。炸腐皮卷帶點港式酒樓風味，口感層次豐富，適合喜歡炸物的食客。5. 蘿蔔糕 蘿蔔糕煎得金黃香脆，內裡保持濕潤感，是必點之選；不過，真的好少人來。但我覺得好抵食!

當日喺門口睇餐牌阿姐話有好多嘢食又刺身又蔬菜自助吧又話有好多嘢可以叫諗住入邊啲位闊落就入去試吓啦點知真係差到爆當晚計埋我個枱得三枱客我諗返呢間劣食喺嗰個位置都好多人知蔬菜吧得一款菜，三兜，唔新鮮刺身上到枱仲係未解凍嘅狀態質素奇差海鮮都係唔新鮮份量都係好少所謂嘅手打肉丸竟然係上咗一啲牛丸貢丸就算見到都O晒嘴入邊有好多款打邊爐嘅嘢都話冇貨出邊睇有三款牛入到去叫上得一款要問個阿姐先至話咩師傅落錯貨今日只有一款牛肉食仲要係超級難食衰過佳寶買最平嘅肥牛環境除咗闊落都冇任何可取之處可能通風唔好有浸噏味因為冇乜客全場就得一個阿姐當然服務都係冇啦差到爆！完

未試過嬲到寫食評！7:40入座，啲員工好似唔知有做$198雞煲咁，問返一兩個同事先知。入到去先知間野又做圍餐又做中餐又做任食。上第一次雞煲都等左半個鐘，諗住叫第二次雞煲又收左第一次個煲，落住水俾我打邊爐都好，足足等左一個鐘，催佢仲要好似我地錯，啲配菜就上齊但無個煲成個鐘，終於有個經理阿姐做到野幫我地催，一個鐘後叫我地食住個羊腩煲等（我地唔太想食）。呢間野根本做大頭鬼，人手得咁多咩都想做啲！配菜唔新鮮！上菜慢到9點先有個煲打到個邊爐！唯一得個雞煲係好食啲即煮，個羊腩煲煮定上菜時一舊舊油浮起面！俾錢我哋都唔會再去！

原來想去輝哥可惜裝修 搵到幾間 荃灣的 之前試過點心廊很一般而且落單多小小會 提你食唔哂要比錢。。。12粒蝦餸3個人食唔哂？咁其他2點都貴 就試下呢間因為之前youtube 有人講過唔錯咁就試下 因為缺人跟無法應付所以如果追求快速同服務就唔洗去 只能體諒下 性價比高 品質比好多酒樓好太多

晚上8：30到達 接近8：45職員過來講快D點餐 廚房師傅9點幾收工 本來想食$298冇限時天皇餐 話10：00要關門 唯有轉食120分鐘天后餐$258 等左十幾分鐘先有湯底 失望完全冇味嘅“花膠美人湯” 之後送來點餐嘅食物 黎左十幾盤野 將我冇叫嘅野食全部搬晒出黎 包括腸仔 肉丸 蟹柳 豆腐。。。之後叫個職員過來 我冇點到呢D 幫我拎返入去 隔左一陣再來個走辣雞煲 一上枱就呆了 未見識過 “煲大雞少嘅雞煲” 煲一陣雞未熟已經濃底 要9秒9放湯落去煮雞 變相個雞煲完全冇食過 到9：45職員又行過來 要攞菜就快D攞 出面要收菜入廚房 想點食物都快D叫埋 結果叫5樣冇2樣 蝦冇脆肉魚片冇 真係未試過咁伏嘅店舖

第一次試呢間店入去之前係驚慌因為7點鐘晚飯時間都係得兩台客佢有天皇餐同天后餐兩款選擇天皇餐338一位未計+1 天后餐288一位未計+1 佢有買四送一優惠或者滿四位送切片東升斑一條我哋揀咗買四送一優惠同天后餐全間店得一個服務員食完兩個鐘之後都係得佢serve我哋眼見七至八台客但係佢服務真係非常殷勤，有求必應，完全冇脾氣但係亦都因為得一個服務員，所以上菜係需要催嘅！ 第一次落單之後過咗五至10分鐘就有嘢食但係落第二次單要等成半個鐘，仲要係催佢先有得上 。食物質素方面：牛肉、脆肉鯇片等食材質素中上 。豬牛羊肉都冇特別變黑嘅情況，非常鮮嫩亦唔係薄切切的 。海鮮嘅話，蝦都係好彈牙嘅，蠔同帶子都唔韌，口感唔錯 。其實啲嘢係好食嘅，質素係好好嘅，但係！佢啲嘢太遲嚟，中間食菜都食飽咗， 如果佢可以增加啲人手就好啦 。 個哥哥仔做到成隻狗咁，我呢個好評淨係俾個哥哥仔服務員嘅啫。但係其實種類都唔係好多😂

8:40 pm 入座任食至10:40 pm等食物都等咗20分鐘雖然係叫做飲食，但係點咗嘅好多都冇嚟，包括魚，魷魚粉腸，又唔同你交代一聲食物質素都好差最嬲嘅就係喺出邊任攞嘅蔬菜，一早已經收晒店員話佢哋一般9:30就會收晒，咁點解係叫做任食到10:30至11點！！連問都唔問聲顧客這樣就收250多元，是什麼的質素？

見到呢間餐廳推出任食放題優惠，晚市$𝟯𝟯𝟴包哂片入面嘅嘢食仲任打邊爐，望落好似幾抵，不過試完就覺得食物質素一般，想要又平又好食嘅放題真係唔易搵。🍴重慶辣雞煲雞煲最緊要都係個汁底，佢算煮得入味，鹹香得嚟帶辣，幾開胃。不過有啲易痴底，食嘅時候要多啲熬下。📝 ：𝟳/𝟭𝟬🍴香辣烤魚追求惹味嘅師弟妹就唔建議叫呢個烤魚，雖然多肉都厚身，但味道真係好淡，食唔出辣，甚至覺得有啲似白烚嘅魚肉。📝 ：𝟯/𝟭𝟬🍴刺身盤刺身款式普通，帶子幾好食，不過整體新鮮度不足，擺盤亦唔太吸引。📝 ：𝟰/𝟭𝟬🍴海鮮拼盤拼盤有珊瑚蚌幾特別，海蝦都出色，彈牙鮮甜～ 可惜望落有些少唔乾淨，建議鮑魚都可以再洗乾淨啲啲。📝 ：𝟲/𝟭𝟬🍴手切牛肉贈送嘅大盤手切牛肉幾好食，顏色鮮牛味夠，其他任叫嘅牛肉就不過不失。📝 ：𝟳/𝟭𝟬🍴自家手打四色丸味道正常，不過不失，無期望就無失望～📝 ：𝟳/𝟭𝟬✍🏻其他分數📝環境：𝟲/𝟭𝟬📝性價比：𝟲/𝟭𝟬

本人第一次為一間餐廳寫負評，不是因為食物質素或服務，而是因為酒樓有嚴重誠信問題。本人年初三打電話去荃灣渝川廷，接電話的經理表示年初五開始有中午放題，大人收費$138，小童$78，隨即替我們預訂了年初六5大1小放題食1.5小時，並確認當天會免收加一服務費。到年初六當天，我一家大小專程由**西環**搭車去荃灣，並且由地鐵站行了20分鐘到酒樓，經理竟然說沒有放題，但不回應有關早前我和他電話裡的對話，也沒有作出任何解釋，只敷衍說放題要多一星期先有，表現非常不負責任，也沒有一絲歉意。相隔大約一小時後，我們經過見到酒樓座無虛席，有食客表示他們包了場，所以我家人估計酒樓是臨時有人包場，想做大生意而自行取消了我們早幾天已落好的booking，卻沒有通知我們一聲，結果我們就這樣由遙遠的西環來到荃灣撲個空，小朋友又失望。我地都明白做生意要緊，但一個簡單的電話通知也沒有，實在太不負責任及欠缺誠信，大家小心一下呢間酒樓。

野食好唔好味 新唔新鮮呢個放一邊先、因之前見到門面有4位減1位活動 之後再係OpenRice見到呢個活動存在 28號下午打電話去資訊訂台 資訊過程都存在有呢個活動 到左坐低問翻大廳服務員 距同我講因個活動係之前 唔記得更新導致員工疏忽！聽到咁樣 四條友都本身已經坐低左就由距啦 但係隔日打翻電話溝通另外一位話有呢個活動嘅 因為個員工唔知導致這樣好抱歉、咁樣我多俾左一位嘅錢點算先、開頭話無辦法、之後等距回覆、暫時未知結果！

渝川廷是一家提供中式點心的餐廳！在午市時段，提供90分鐘的點心放題服務，與友人一起盡情品味超過50款豐富多樣的點心、小食和燒味。特別欣賞酥脆的炸春卷、口感鮮嫩的蝦餃、還是燒肉燒鵝，都可以盡情享用。而每位食客可以品嚐到精心準備的鮑魚燒賣和豪華的花膠海皇燴翅，可惜得一件，如多一點品味就好，整體來說渝川廷美味佳餚將為我們用餐體驗增添獨特的豪華感，而當天我們是一開門進入去品嚐，可以慢慢在舒服環境中傾談品嚐。最欣賞，他們注重食物份量的重要性，並且尊重每位食客的個人需求，同時也避免浪費食物，我們需要一件一件下單，這樣根據自己的喜好和食慾來選擇點心，享受美食的同時不必擔心浪費，期待下次再來享受這個美食之旅吧！