清亭．燕萍 (已結業)

約左朋友8點半黎呢到食飯. 向來6點開飯既我約左8點半食飯仲要黎清亭燕萍都已經預左無9點都埋唔到枱. 點知上到去既時候發現半間餐廳係吉既. 我哋2個人仲可以被安棑坐張4人枱.... ling住個超大袋既我真係暗呼lucky!!!!研究過佢既二人套餐, d野食流流到, 都係散叫好d~~~~因為一早已經過左我既食飯時間, 係食得唔多既情況之下, 我唯有放棄左我一向鐘情既蕃茄排骨粉, 同朋友share食其他野. 最後點左蒜容炒芥蘭, 咖喱雞煲配白飯, 同埋牛油雞翼. 呢個最出名既係牛油雞翼, 基本上黎親都會點~~~ 基本上都唔會點失禮!!咖喱雞煲d咖喱好香, 個汁又濃喎, d薯仔就好好食, 入味又夠冧身! 但係成煲野d雞皮多過d雞肉... 我懷疑佢係唔係將其他餸既雞皮都放埋入呢個餸到上囉...蒜蓉炒芥蘭: 全晚最唔抵就係呢個炒菜! $48得兩條菜?? 同埋佢落得太多油炒~~~ 極級唔抵呀!!之前都聽過好多人投訴呢間野唔知係唔係唔休做, 服務態度其差! 我自己之前都有呢個問題. 不過唔知係唔係因為人少左既關係, 我覺得今晚都ok喎~~~ 我哋坐左入枱之後, 阿姐主動移多張chair比我叫我朋黎

我應該系屬於幸運的一群， 每次上嚟食飯都系好嘅回憶再次到訪， 叫了兩個咖喱牛肉檬， 咖喱非常香濃， 牛肉不算多但份量還可接受， 味道非常好， 建議大家試試 叫了一杯波羅蜜冰， 不太甜又有波羅蜜香味， 正！！我們去的時間系週日晚上， 全場爆滿， 但系態度并未見惡劣， 可能我真的很幸運

怒!每次來到這餐廳都因為他們的態度而憤怒!!七時半時,餐廳仍有一半座位是空的我們一行六人,點了一個四人餐很快便上菜了!馬拉盞炒西蘭花: 其實我們點了西生菜,但友人都沒所謂,就照樣吃! 微辣的一道菜,十分香口.西蘭花亦算新鮮! OKAY!越式小食拼盤:有-扎肉,-類似燻蹄的東西,-春卷,-粉皮,-蝦片,-米粉皮. 最好吃的當然是春卷!但確是熱氣,一定要捲著生菜吃! 生菜值得一讚 )牛肉炒飯: 肉跟飯是分開的. 肉的汁很好味.炒飯就沒甚麼特別蒜蓉牛油雞翼:每次來到必吃食物!!脆.嫩.正! 套餐內有六件,我們encore了一碟!哈哈!!套餐包4份甜品,我們加錢要了特飲. 本人叫的是椰汁紅豆冰!讚!差不多有半杯紅豆,椰汁很十分香!套餐原為449,但因為我們另加飲品及雞翼再加一,最後結帳為620!!價錢絕不是問題而是等候第2碟雞翼的廿分鐘內,員工不厭其煩地追問我們有否點其他食物起碼5次.其實這個問題不只出現於這次飯局之前亦有這個情況.我想餐廳想翻檯做多一點生意,但試想想,這樣的態度會令客人生厭可能之後都不再到訪弄巧反拙!!!!!最後結帳時,員工不小心跌了數個錢幣結果欠一元她東找西找都不能尋回硬

星期四的晚上, 食客人數不多, 可能還是七時的關係, 個場只坐到一半.點了火車頭和蒸粉包. 點菜和上菜的服務不俗, 很有效率. 火車頭湯底不錯, 但味道不見得有任何特色, 這可能是期望過高的關係吧. 可是, 蒸粉包有意外驚喜. 很欣賞餡料有木耳, 其味道清淡,爽口. Good.沒有點出名的牛油雞翼, 只見鄰枱的客人食得津津有味, 後悔, 唯有下次再來.

見好耐無去過, 懷念佢既牛油雞翼, 於是今日去食lunch, 但極度失望, 唔會再去!!食物比以往差, 只有雞翼算保持水準, 火車頭湯河, d 牛丸味道怪怪地, 撈檬既汁, 淡而無味, 春卷很硬, 好似經多次翻炸咁!!!! 同埋, 竟然, 如果餐既撈檬想轉湯河, 要加 $20 ~~~~ !!! 仲有, d 服務員態度亦好差, 落柯打時唔專心, 要講好多次, 上菜時又隨手"拋低", 侍應明明得閒企嚮度, 都唔加茶........ 淨係個餐, 加一後都要成四十幾蚊, 加埋雞翼起碼要六十幾蚊, 依家d 食物咁既水準 + 咁既服務態度, 咁既價錢可以有好多其他選擇, 以後都唔會再幫襯!!!

那天一行四行，到這間餐廳，也有人在等位，等了一會，入坐，當時因 為有朋友未確定來不來，所以也告訴了職員可能要加位。進去後，大家點餐。由於有朋友不太舒服，沒有點牛油雞翼，點了一些平日到越南餐廳也會叫的，例如串燒、越南炒河、蒸粉卷、炒雜菜、還有一個我到其他吃叫蝦仁豬肉卷的食物，每人還叫了一杯飲品。基本上﹕串燒好像燒定了拿上來，一點也不熱；炒河除了豉油味吃不到其他味。其他水準也是一般。基本上我覺得，出街吃飯，一半的錢用來吃他的食物，一半是吃他的服務。我們七點半入座，到八時開始，已經不停有人替我們收碟，炒河較遲來，我們吃剩一半時，談談天，沒有動筷，沒有誇張，全店沒有全部也有八成人不停問我們要不要把碟收起！我們知店方想趕 我們走。可是﹕1. 外面雖然有人等，但就我們附近對面(即不能與我們的桌拍枱)已有空枱，換言之，場面並非爆滿；2. 我們已告訴他們，還有朋友正在來，他們亦有替我們加椅。我們感到很氣憤，只不過吃了半小時！平日返工放lunch也沒這麼趕吧？本來我們想叫東西，但想到沒有道理益他們，叫朋友到第二處等我們，我們八點半實在「頂唔住」對方不停問我們還有剩的炒河要不要，埋單離開。換言之，我們只吃

我的媽咪煮得一手好的住家菜，而且無住家飯不歡；出街吃的話她只鐘情越南菜，但又十分之奄尖﹗今天帶她出銅鑼灣，昨天我都要在OR查清查楚哪一間越菜好吃才敢帶她去，最後選擇這間好出名的清亭‧燕萍。又是拿著地圖，差不多兩點鐘摸到樓下，樓下有位醒目阿姐會MARK實每個搭’車立’的人，我們都不例外，向她報好人數後自行搭到二樓，一開’車立’門就見到第二位阿姐笑容可躬咁引進我們到店內，到店內就由第三個阿姐帶位，哇...那一刻還以為自己是特首﹗被安排坐由由三張二人檯合拚成的六人檯，每張之間只是分隔幾CM，實在很迫，媽咪突然間行出去搵位，選了近門口的四人檯坐，全場的阿姐都奈佢唔何。(媽咪話”家陣係非繁忙時間又咁多吉檯仲乜要迫d客咁坐架!”)原來逢星期六﹑日沒有午餐，所以我們對住個餐牌都很耐，小食飯麵單叫的價錢每樣都要三十幾四十元，媽咪’大驚’，說比她去開的屯門小巴黎貴咁多，最後只叫兩個麵食一同分享。鮮牛肉湯河(大)$37：一大碗牛河連一小碗芽菜上，香花草要問才有的(連青檸和辣椒)，先下芽菜和香花草，再滴些青檸汁，最後加少少魚露(我家習慣吃越南菜什麼都會陪以魚露吃)，調好後就喝啖湯，唔~~非常濃郁的牛湯，很鮮

琴明同女朋友睇完 5 點場 7 點左右行過去食 ,可能太早關係 , 去到無乜人等和有好多吉位 , 不過 order 完就開始多人了 , 90% full ~食左:牛油雞翼 ~ 係呢度既招牌菜, 全晚都好食都係呢碟, 個面好香蒜蓉牛油既香味, 肉質亦滑, 趁熱食好好食~ 蝦醬通菜 ~ ok啦，唔會太鹹，又唔會太油 咖哩雞改要蒜蓉包 ( + $5 ) ~ 幾香 , 蒜蓉包點d咖哩真係正正正 ~ 本人食左 4 件~ 哈哈下次想食炸蝦餅 , 好似都幾好味 ~仲有就係上菜o既速度真係超快, d野食唔貴又大大份, 好抵食!!認為清亭係cwb食越南野既首選....價錢合理食物好味選擇又多!!招呼都幾好 , + 水都好快...因為 d 咖哩都幾辣

星期六帶老公去食燕萍, 以前係舊舖, 服務態度雖不至於差, 但都印象唔壞囉! 今次久別重逢, 第一次幫襯o既老公就唔多滿意服務!首先, 晏晝食飯時間我都知比較多人, 但我o地上到去, 佢o地安排一列坐位o既其中兩位, 係死角位, 出出入入都好唔方便, 咁ok算啦, 又未滿座, 都無乜問題!! 跟手來多一對情侶, 坐我o地隔一個位, 都無乜問題!! 跟手我去toilet, 出番o黎之後, 老公就同我投訴, 話侍應唔比佢放件衫係隔o黎位張椅到, 我老公話都未有人坐!! 侍應話你可以張件衫放係自己椅背到, 我老公當然睬佢都傻啦!! 隔一個位o既情侶, 都一樣放佐個袋係我o地中間張椅到, 大家都係咁o架啦!! 有人坐咪先力起件衫囉!! 你o地又要迫我o地一班人坐係一個死角位, 出面大把吉枱啦!! 係要咁唔識轉彎, 係要張所有兩個人入座偏係同一張枱到, 鬼死咁迫, 有時要靈活變通囉!! 出出入入都椅貼椅, 坐得極唔舒服, 咁你使鬼開間新舖o者, 你用番以前舊舖迫迫o地反而唔怪你囉!!講番食物, 整體都唔及屯門李錦基好味!! 老公叫個燒牛肉凍檬, d牛肉切到好似肉片咁細塊, 碎濕濕咁, d肉又凍冰

2月21日中午約了男朋友來銅鑼灣食lunch，便來這裡食lunch，今次是第2次來的。火車頭河份量十足，有牛丸、牛展、牛肉、牛筋等各2份牛丸有牛肉味但不彈牙的牛展及牛肉份量少牛筋都淋牛油雞翼好大隻、有好香牛油及皮炸得好鬆趣，肉好嫩滑。下次再來都會食的。

好耐無食牛油雞翼, 尋晚同左兩個朋友去食, 睇下佢仲係咪咁好食啦, 結果雞翼依然都唔錯! 我眼見周圍既枱, 超過80%都有叫牛油雞翼, 都證明佢既牛油雞翼都極受歡迎....之後我地3個人叫左, 烤牛肉湯粉, 烤牛肉撈檬同埋牛粒紅飯....個湯粉好似細左好多.....個紅飯就唔錯啦....下次掛住d牛油雞翼既時候會再去既~p.s. 差唔多9點先去到, d雞翼等左勁耐先黎, d阿姐好似想趕人走咁, 係咁問我地d野黎齊未....

如果你知什麼是PHO. 你就會去試他們的PHO或牛肉粉.我在香港食越南食物只有兩樣, 滴啡 同 PHO.PHO特別係越南食物最重要一樣, PHO不達標的話.其他可以不試.湯係應該用牛骨湯, 好清. 金邊粉剛好口感.米紙蝦卷個汁到位. D蝦都算鮮.人真係好多, 值得等. 我六點去, 人唔多. 七點就開始多.

牛粒紅飯 $55 馬拉盞通菜 $45吾知呢間係唔係之前地鋪果間清亭呢? 果時食牛粒紅飯已經好正~ d 飯好入味, 牛都好好味!! 不過馬拉盞通菜就好淡~ 不過如果開聲既,佢會肯加多d馬拉盞,就會無甘淡味!!牛粒紅飯 超級正呀!!!!

本來諗住去板前.但要等成100張枱.所以唔待喇.女朋友最鍾意食越南野咁就去左呢間啦.去到都唔算要點等位.一陣就有啦.入到去都幾多人食.坐到就睇下有咩好.唔小得女友鍾意既撈檬啦.仲嗌左個牛油雞亦.同蝦醬通菜.本來我覺得唔夠想再嗌.不過女友又阻止.咁就算啦.首先黎個烤豬肉撈檬.好味喎!女友讚不絕口.之後牛油雞亦.好好味呀.不過怕肥既女友就係咁話肥.....之後到個菜.都唔錯冇咩特別啦.食到好飽.估唔到得3樣都可以咁飽.好彩聽女友話唔再叫.食完之後女友不斷讚個檬好好味.雖然我並唔係咁鍾意食粉.但呢間既檬又係幾好味既.

椒絲腐乳炒通菜d菜苦苦地...雖然份量好多, 但係都無食晒! 茄汁排骨河d排骨好"鞋", 好似食瘦肉咁! ><坐咗唔夠45分鐘就係咁催人走, 話好多人等緊位, 杯飲品都未飲完! 唔會再去!