添記法式三文治

营业中

休息中

我是街坊,常有幫趁.近期出品水準下跌, 肥豬肉份量增加,吃下去膩了不少,更覺酸菜份量不夠.只能說是ok.

專登入黎渡船角食野，聽講呢間野幾出名就試下。間舖係一條好靜既街，周圍都冇乜人行，初時都唔敢入。入到去見到都有人食緊野，但係成間舖至多企到6-7個人。冇位坐，唯有企係度食。法飽係呢店既招牌貨，有大($28)同細($15) 之分。老闆話大既好長，我估自己食唔哂所以都係叫細。麵飽外皮極脆，個餡好豐富，有好多咸咸地既肉，仲有夾住d蘿蔔絲、蕃茄等等配料，味道唔錯!! 店內仲有售賣各種泰越式既食品，價錢都唔算貴。舖仔細細都有唔少客人，證明冇去錯!

altho it says it's small size,actually it's not small......n there has many ingredients in da sandwich:青瓜,蘿蔔絲,扎肉,朱手,嚼肉.n 4 da bun,it's quite crispy!$15 each,it's worthy!^^

呢間添記的法式三文治,由細細個食到大啦,我們三姊弟好鍾意食架,雖然我現在不是住那裏,但仍然好懷念呢.我鍾意嗰度的feel,好懷舊平民式feel,個老闆都幾好架.

猶記得好耐之前響金寶食過, 非常喜歡, 聽人講呢間都好出名, 就專程黎一試. 個人認為味道可以再濃d, 尤其是蘿蔔絲, 唔夠酸又唔夠甜. 不過個法包真係好正, 外賣拎走隔左半粒鍾先食, 都仲咁脆.

tried baguetteit's ok, quite cheap, but not really recommend

2/9食完糖水舖，就來買法式三文治$28(大)，同小熊一半，大大的包裡面真係好多料好好味好正，食佐半個真係好飽呀！

前陣子某幾日都會在佐敦一帶活動，辦完事後女友未夠鐘放工，難得有一日可以獨處，於是就隻身走黎添記嘗嘗久聞其名既法式三文治。側聞添記只係一間小店，家下一見其真面目，果然係小得好緊要，外面放左兩部萬變咭機，稍不留神就會以為係玩具店而掂行掂過。入內見老細食緊飯睇緊電視，感覺就似擅闖民居一樣，唔多好意思。望望銀包發現只得$30，實在失策，由於人生路不熟，又唔知邊處有提款機，唯有就住食。望住老細將小型Baguette放入焗爐，當鬧鐘響後，老細就將各配料塞入包內，接過包後又order左法國產既33啤酒。呻一啖啤酒，咬一啖Baguette...真係脆得好緊要！包內既材料雖則分唔清邊種肉，但卻係十分之夾味。如此環境下，一邊食一邊同老細睇住同一個電視，有一種懷舊感覺，美中不足乃蕃茄太少，唔多夠喉。無聊之下同老細暢談一下大陸貨既真偽，不過見人客越黎越多亦不便打擾了。整餐合共$27，走時後悔無提款就幫襯，否則一定要大Baguette才罷休。隔日同女伴再幫襯此店，今次醒目要了大Baguette，可惜又被女友分去一半，真無奈。相信要搵一日自己再黎幫襯先可以食它個過癮了。

小店內看住老闆一邊看電視, 一邊把餡料放進baguette內, 跟住再放進焗爐內烘, 在等待的時候看看這間別樹一格的小店, 好像和出面煩忙的世界不一樣... 叮一聲, 麵包出爐了, 老闆又再悠閒地加上其他蔬菜配料, 雖然每天都在從覆著一樣的工作, 但是你不會看到大連鎖店年青店員的機械化, 老闆還是那麼專注的加著每一樣的配料... 兩口子在店中分享一個三文治, 一罐冰凍的33啤酒, 好像又回到我們十多年前初次來的時候。對我們來說, 歲月好像沒有在小店中留下痕跡...

我本身好鍾意食Baguette, 雖然而家幾蚊係大超市都有一條所謂法包, 但係真係一分錢一分貨呀. 呢度個法包因為會烘熱番, 所以好香, 好有包味. 但相信都係localize o左o既關係, 個麵包皮係較軟身. 唔得脆口. 餡料同其他食家描述o既一樣, 不用重覆. 基本上好食得過! 唔知佢o地有冇諗過做vegetarian o既呢? 如果多d菜, 加埋olive, 正!

呢度位置真係幾隔涉，如果唔係有朋友懶高檔在附近打高爾夫，都唔會經過。約左佢四點鐘，三點幾已到附近，想搵點吃的下肚，行行下來了這裡。呢度係間小型舖，主力做外賣，但都有幾個位可以堂食，當然舖面細，是吃得不太適服。來的時候雖不是食飯時間，但都有四、五個人在等三文治，可見這裡食物應該唔差。三文治只得大或小兩種，大的28蚊，小的就15蚊。因為包都是即叫即做，所以都等了十來分鐘先拿到我的小法式三文治。包是用傳統法包Baguette，烘得熱辣辣，拿在手已知味道應不差。餡料有四款，分別是咸豬手、豬肉、札肉同雞肝醬，加上酸紅蘿蔔絲同蕃茄同辣椒碎，將包內排得滿滿的，幾有睇頭。咬落表皮脆脆的，加上豐富的餡料，酸酸辣辣，是非常好味，雖然要一路行一路食亦一路跌料，但食完都好滿足。想不到商個舊區都藏著一間不錯的三文治店，如認為香港無好野食的，建議都係食多Ｄ再講。

以前o係多倫多唐人街o既越南舖頭食過法式三文治, 想唔到o係香港一樣有得食, 仲要係專賣店添!渡船角呢頭都唔算離攝, 好近以前o既佐敦道碼頭, 好多巴士同小巴線都經過前面o既渡船街. 正如之前o既食家所講, 呢度係豆潤舖, 細細間只係得兩張凳, 專賣越南法式三文治, 春卷, 越南同泰國雜貨. 法式三文治有大碼(約18寸長; $28) 同細碼(約10寸長; $15) 兩種. 今晚試o左個細碼睇o下味道如何."越南法式三文治" 係用搽o左牛油o既法包將札肉, 豬手肉, 五香腩肉同嚼肉(雞潤+豬肉碎) 包起, 放入焗爐焗5分鐘度(焗之前老闆會o係個包面噴少少水, 以妨焗乾個包), 再放紅蘿蔔絲, 青瓜條同蕃茄片就大功告成. 由於我鐘意食辣, 所以我叫老闆放埋o的越南o既紅辣椒俾我. 焗過o既法包好脆, 又唔乾身. 一個包又可以同時食到唔同o既燻肉味(我鐘意o既係嚼肉), 紅蘿蔔絲同青瓜蕃茄可以中和番o的肉. 辣辣o既紅辣椒增進我o既食慾. 咁樣配搭o既法包三文治, 真係好好味. 早知就要個大碼o架啦! 呢度o的越南啤酒都幾平, "33" 賣12蚊, "49" 賣14蚊, 下次o黎要整番個大碼

以前睇過雜誌介紹之後去試間野非常細而且偏僻,坐得一兩個人左右其實冇乜野食,基本上都係四款越南肉,配法國包或粉,其實粉即係即食河粉,仲要係焗個隻(泳池食個種).千祈唔好試.好似仲有春卷,但是唔記得乜味.包就幾脆,不過要小心食,好易損口.肉就個人比較喜歡肉.嚼肉都幾得意,林劈劈.D肉外賣既話都唔平.冇記錯好似要40元條.總括來講一試無妨.

To balance the crying-face comment, I'll post mine here. I average patron Tim kee about 2-3 times every other month. If you don't like Vietnamese (french) sandwich, no matter how good they are, you won't like it but that doesn't mean it deserve a crying face.Anyway, back to comment, consider I am a regular diner there, and have tried over various Vietnamese sandwiches in over 40 restaurants (in New York and California), this Tim Kee is actually just OK, so-so, not excellent.However, consider the

Seldom post remarks here.However, I really like this store and think it has the best sandwich in town. Perhaps someone may not like the food there but so far I have brought many friends to the place and no one did not love it.Happy good hunting.