添記法式三文治

营业中

休息中

上星期六作下午茶, 兩人要了一條細法包及一片蒜蓉多士(好像是$17+$4.5)剛好門口整路, 好好好嘈! 唔知係未因為好嘈, 所以叔叔的心情都好差, 無咩表情. 我不吃生番茄及青瓜, 叫佢走青瓜及番茄, 點知中間都係有青瓜一大條及番茄一大片, 奇怪! 當時只有我們, 而且即做, 無理由MIX ???? 味道不錯, 法包香, 但內裡的材料味道分不清, 整體一起吃, 好好味!蒜蓉包, 好好好貴, 一片而已4.5 味道是好, 但我覺得只值$2 ~$2.5店面好小啊! 4~5人已經企滿整間店.如果有時間或順路一定會再食.

買左條越南法包返屋企食,無得頂!肉香,酸菜醒胃,青瓜爽!灰色嗰隻肉特別正,似肝醬,但唔exectly係!牛油香,即叫即做,包脆!一百一十三秒!

平日向附近堂記食粥既時候必定order 半條黎送粥尋日諗唔到食咩dinner, 叫老公幫我買左一整條番屋企黎食不過因為新鮮焗, 番到屋企有的水氣"淋淋地", 好彩我屋企有焗爐...學佢灑的水上面先入爐焗番5 min, 嘩..正, 佢的嚼肉真係唔講得笑, 成個三文治既靈魂

夜晚九點幾先食飯, 是晚揀了食雙包, 法包+ 蒜蓉包.由地鐵行過來都幾遠, 一上隧道就係賣小巴的地方, 再行入點就到. 太晚了, 條街係靜靜的, 店內都係靜靜的, 只有亞視劇集的聲音. 由於係即整, 都等了好一會先有得食.要了一個大的越法式三文治, 再加客蒜蓉包.當然, 這裡係無乜其他選擇.越法式三文治: 8分, 一個大份的, 其實真係幾足料, 同埋幾大舊, 兩個人分剛好. 已經分好一半了, 我們一人一件已經食得了.法包外邊當然係硬硬的, 脆卜卜的皮又幾吸引, 但包身就幾軟熟. 入面的配料有鹹豬手碎, 五香腩肉, 法式嚼肉同越南札肉. 腩肉係幾肥的, 加上嚼肉同札肉, 整體感覺係幾膩的.配料係幾有特色的, 但味道不算太吸引.蒜蓉包: 8分, 新鮮熱辣的蒜蓉包, 當然係好香口, 蒜蓉味係幾濃郁. 但小弟比較喜歡軟身一點的.可以一試, 但又好像沒有再愛的衝動.

法包即叫即做，脆到拍拍聲，加上QQ的豬手肉，扎肉，嚼肉(超惹味)，醃青瓜，蘿蔔絲和牛油，令我好想念呀！蒜蓉包都超正，但法包把它比下去了。

其實我已經食左好多年，有隻叫嚼肉嘅物體真係好正！係個麪包嘅靈魂．．今次再食，法包依舊是即叫即製，我發覺ｄ蘿蔔絲好味原因係因為佢粗身，唔怪得我自己喺屋企試整幾次都唔似．．不過嚼肉一定要喺佢度買！貪方便，都係去佢度買，哈！

幫襯過幾次,法式三文治好味道,但肥肉都幾多,唔食既可以叫老板走肥, 蒜茸包都好好味,這裏的包是即叫即焗十分香脆.值得一試. 食店隱秘唔易搵, MTR Jordon 要行10 mins 左右. 搭bus方便d有914, 12, 2E, k16, 綠van有78,3, 全部渡船街站落車入文苑街行到尾.

工作忙碌錯過午飯時間，下午三時在佐敦附近，唔知食乜好，記得蘋果日報介紹過，就試。好彩細路仔時呢度住過，如果唔係都幾難。全店得三張，做外賣居多。叫蒜茸包($4.5)同小法包($17)，蒜茸包係即做，即放入焗爐，所以十分香脆。小法包個皮都脆，size其實一都唔小，裡面好多但醬汁就嫌唔夠。只可惜舖面太細，如果可以擺幾張，做cafe就正。

身水身汗，一口氣經過ｏ左白加士街﹑吳松街﹑廟街．．．終於到佐敦ｏ既舊區渡頭角抬頭一看，添記法式三文治（係佢ｏ拉！），正想推門入去之際，老闆就ｏ甘ｏ岩要出去，但佢見到我就立即招呼我，真敬業ｏ牙！要個招牌小法包ｏ牙ｏ吾該！等待中，發現周圍都貼滿推介ｏ里間小店ｏ既報紙，ｏｈｈ　原來蒜蓉（＄４）一樣ｏ甘出名，其次就係春卷，粉絲卷等小電視下有個ｓｈｅｌｆ，擺放著法國ｏｒ越南ｏ既貨品同零食我右手邊仲有個有趣ｏ既ｓｔｒａｗ　ｃｏｎｔａｉｎｅｒ ｏ丁！ｙｅａｈ！新鮮熱辣ｏ既ｓａｎｄｗｉｃｈｅｓ　出爐ｏ拉！扎肉﹑五香腩肉,﹑咸豬手﹑法式嚼肉，再配上甜酸紅蘿蔔絲﹑蕃茄片．．．．　通通深藏於鬆脆ｏ既法國麵包內，ｗｏｗｗｗｗ　味道ｏ吾會帶有絲毫濃烈或刺激之感，但一路咬，ｏ吾同ｏ既材料會給予你層層遞進ｏ既口感和味道．．．　ａｎ　ｉｎｃｒｅｄｉｂｌｅ　ｃｈｅｍｉｓｔｒｙ　ｃｒｅａｔｅｄ　ｏｕｔ　ｏｆ　ｃｏｌｏｎｉａｌ　ｃｏｎｑｕｅｓｔ

吃了兩次才寫這個食評。第一次吃...完全不是在越南（或是越南週邊國）吃的那話兒。第二次吃，為求證「問題」所在：（一）胡椒粉太多（為了辟「嚼肉」內肝臟的腥味），令整個味覺變形；（二）有番茄- 未吃過有番茄的Banh Pate；（三）料太足- 扎肉太厚，豬手太多，嚼肉太濃...更何況，地道的是用薄薄的「嚼醬」，而非大又甘醇的「嚼肉」（難怪翻熱後腥味十級跳！）；（四）料不均勻- 地道的是多胡蘿蔔絲少肉，而這個是少胡蘿蔔粒多肉，且Nuoc Nam 也不多...地方性的三文治，肉料只會三選一，甚至「物盡其用」（例如用豬鼻肉而非豬手肉）...難怪味道、口感大相逕庭。（另，在異地吃這種baguette，才不過港幣壹圓陸角，所以...好貴！）不過，這個「富貴豪華奢侈版」法式三文治，對於一個懷念異國街頭三文治的人而言，成了不可或缺的心靈慰藉；愛之深，責之切。

點了小法包和蒜茸包.先吃蒜茸包, 很香脆. 小法包一點也不小, 一個人吃份量絕對足夠! 4種配料味道不錯, 不過可能我吃得慢, 吃到一半己變冷了.我自己較喜歡蒜茸包.另外, 附近還有挺出名的老趙.

原來呢間野只不過係堂記附近，咁耐先識走黎試真係走晒寶，間野雖然仲有其他粉麵賣，但睇店內既剪報似乎招牌貨都係法式三文治包，見倒其實無乜選擇，就叫個小法包試下，即叫即做，個包仲放過入爐。一咬落去個包真係好脆，d餡又好味，話就話係小法包，但其實我覺得都唔算細，只係16蚊我個人覺得真係超值。

1月13日繼mos xxxxxx後crossover法式三文治。知道小同大法包的size後,老闆聽到我話食唔到,建議就1條大3個人食,ok,就咁話啦1)三文治-包外脆,內有3款肉:越式扎肉+類似薫蹄物體+豬手肉,配微醃過的紅蘿蔔絲+青瓜絲。當然最impressive是３種似帶出來的味道和口感，好豐富。d肉唔濃味，但可能有加魚露之類的sauce調過,所以有d鮮甜。唔想像中咁好食,但這個價錢已經超水準2)飲品-2樽飲品+青檸冰棒一(1般)看來老闆生意唔錯,入去時正全力聱緊一張大外賣單,又聽到他在電話教人去渡船街找這間舖。慕名而來的人應不少,因我已是其中1個。不過全店得3張bar椅

油麻地電影中心睇完睇行過去都只係十分鐘左右，都算係一個好選擇，買左個細法包，料足，好正，沒太在意包裡面包住既料係乜，有d d 肥又係又唔算膩。去過越南幾日都未食過越式法包，估唔到係呢度先食返，正!

因極度得閒又喜歡食飽，故山長水遠都要摸去食，可能方向感差，差d想放棄但又唔甘心，終於比我'撞'到，好彩仲未收，叫左個蒜茸包、細法包同杯青檸冰，真係全部都好掂，製法材料都簡單但又好足料,d包又脆(o岩曬我)，走時仲買左一d扎肉同春卷番屋企，因我冇把握自己下次可以搵番呢度...