添記法式三文治

营业中

休息中

其實呢個係 係越南當地既法式三文治當然越南比法國統治過最後mix左法包同越南菜風格既三文治就係咁誕生左法包入面夾住d好普通既醃過既蘿蔔絲,青瓜條, 仲有d肉塊.超級好食!! 細法 切左一半 $20 簡單黎講有肉有菜 仲係面頭灑左少少香料食落唔覺得肉味蓋過菜味 好清新但係對我黎講 個包好大個 有d難咬!材料比較散 如果唔小心可能會跌哂"5蚊個蒜茸包即叫即整即焗好香 食落蒜茸味唔濃, 幾脆口 但唔覺熱氣兩個人去, 一人半個細法, 加多半個蒜茸包,盛惠每人(20+5)/2鋪仔細細, 所以只得三個位, 有d唔方便行過去既時候, 有地圖都幾易搵的 只係位置有少少偏僻

生左女女之後，去0既地方真係被規範住，去遠d 都要左諗又諗!!好耐冇去過添記食，真係好掛住個法包!!我真係覺得超正!!雖然唔係d 咩菜色咁巴閉，但出奇地將d 平平無0既材料放埋一齊，係可以美味成咁.............個包我真係去其他地方食唔到咁脆，但內裏又好軟熟，一入口，d 面包碎係會飛到成身都係，所以對佢真係又愛又恨呀!!因為每次賣完外賣，我都急不及待立即係架車度食，食完又要執餐飽!!一向我都唔食蘿蔔，但黎到添記，我又會好受落佢爆多蘿白絲係入面喎!!加埋d 腩肉，嚼肉，扎肉，豬手，青瓜，蕃茄，真係諗起都想再食多個呀!!另外，如果各位食得辣，記住叫老闆加辣，加埋d 指天椒真係一絕呀!!雖然加左幾次價，越食越貴，但總好過"mos"同"m記"多多聲啦!!

等堂記開門之際，來個添記法式三文治（細：$20）。一進門，便聞到陣陣香味，原來剛剛賣了一客蒜蓉包。店鋪很小，一面是簡單的枱椅和汽水櫃，另一面是雜貨架，售賣檬粉、春卷皮、醬油之類。所有的‘賣點’和買賣規矩都在適當位置清楚列明，大家都能一目了然。老闆細心地把札肉、嚼肉、腩肉、紅蘿白絲等等放進法包裏面，再把麵包放進烤爐。麵包烘得暖熱，外皮香脆，而且餡料豐富，當中的嚼肉和腩肉，弄熱後更是香口味美，怪不得添記三文治能如此深得人心。除此之外，也試了他們的春卷（$12三件）。春卷早已炸好，放在膠盒裏面，要時才返熱。三小條春卷，外皮脆口，但味道只屬一般。還是主打的法式三文治較爲可口。後記：快八點，堂記門前還是黑漆漆，鐵柵深鎖，好像沒有跡象要開門，唯有作罷。

終於找到這間大名鼎鼎的法包店，其實不算難找，平日搭開的巴士都有經過。可能是假日關係，雖然已是下午差不多三點，店內仍然有不少人等候。店內僅有三張小檯，一對情侶佔了兩張，剩下一張被我坐了，阿龍就要立食：　小法包($20)-外層極度鬆脆，裡面卻十分軟熟，單是法麵包已經令人讚賞不已；咸豬手、五香腩肉、札肉混和的肉餡又十分香濃美味，加上酸酸甜甜的爽脆紅蘿蔔絲，真是難得有水準的美味，值得遠赴一試。札肉麵($12)-就是大陸福麵泡起加幾塊札肉，味道平平無奇，誠意與法包實在是相差太遠了，不值一試。蒜茸包($5)-見很多人叫，又來一客試試；蒜茸包與法包一樣鬆脆很多，同時牛油特多，咬下去真是香到流油，多吃會有罪疚感!　食物價錢加了不少，不過仍然十分抵食，一條小法包絕對夠一個女生吃到飽飽!

以前2年先睇一次戲ge小比~這陣子多了很多免費戲飛~多謝晒OR~今天就相約大比到圓方看五點場小比午餐就自已到佐敦探險~~ahaha一落車行行下~就見到好懷舊feel的一個廣告箱了~~haha接近2點了~店子裡一眼望晒~無其他客人小比就點了個小法包~~坐低慢慢等~見到老闆向包包噴水烘熱~就好想快d食到脆卜卜ge包包不過價錢已經應該加了很多次~現在要二十大洋了~~大包包同小包包都差幾遠~大包包比平時ge大法包還要粗~2個人都未必食得晒啦~周圍都貼左好多好多介紹~其實除左包包~都仲有好多野食~不過意不在此等了近五分鐘~~有得食了~~heheheh好多料ge一個包包~~~最重要係~~~~真係好好好脆最愛當然是面頭的酸酸蘿蔔啦~~~不過原來肉同菜ge比例係9:1~不太吃肉ge小比有點怪樣~但係d肉又好鬼惹味~蘿蔔絲~青瓜~白色的是扎肉~啡色粒粒的嚼肉~幼條的腩肉~還有大大舊ge豬手雖然小比覺得全部都好好味~但係始終不太吃肉的小比~就出奸招~食左d脆脆ge包包同全部蘿蔔青瓜之後就byebye個包lu~雖然有d省野~不過都成2點了~食咁多~夜d又食唔到晚餐ga啦~~~不過我諗食肉獸大比一定會好鍾意食

隱世小店,地方好格涉下...食過兩次,兩次都咁好味即叫即整,一咬落去脆卜卜,餡料好多,有酸蘿蔔絲,扎肉,豬皮絲,嚼肉,燻蹄,肉醬等,加埋胡椒粉同美極,簡直冇得頂呀~食過返尋味次次食完都好滿足下次試埋蒜容包先~

一場走返嚟，除咗去舊居附近懷緬一番之外，自不免要食吓從小食到大嘅小吃...去完漢記，失望之極。來到添記，相信冇乜點走雞啩...實際上搬走之後都有三數次返嚟買條細嘅返去慢慢嘆。水準一向都keep得唔錯，包依舊烘得脆啪啪，一咬就麵包碎四濺，雖則狡狽非常，但卻係難得嘅美味....除烘得脆脆嘅麵包外，還有醃得甜甜酸酸嘅紅蘿蔔絲，伴埋鹹香嘅淰肉、扎肉、滷肉及肝醬，光只是吃一條，就足以勝過去什麽麥當當食一個不知所謂嘅包餐....唯一不"滿意" (可能太貪心啩)係，價錢已由從前嘅七八大洋一條升至十五六大洋，但雖則如此，當然仍繼續支持la...

越式法包，是我到越南必食的美食，我到過越南三次，每晚臨訓覺前一定會落樓買一大舊返酒店食。當地價格為$5000vtn，大概等如$2-3蚊港紙。昨晚，我跟女友在香港終於可以尋找得到這越式風味法包。我們order了一個細的法包，另外再order了一舊蒜蓉包share食。蒜蓉包香脆可口，食完之後濃烈的蒜蓉味持久留在口腔內。而主菜越式法包用料都吾錯，而且份量足夠兩個人食，入面的餡料分別有青瓜、番茄、紅蘿蔔絲、扎肉、豬手、豬肉等，面包脆得黎又吾算好干味道都吾錯。食完摸一摸女友肚肚，都有六成飽肚了。價錢雖然比越南貴，但都值得推介！。因為是越南以外地方吃得到真正的越式法包，難得難得！

法式三文治是每次的必吃,吃了蒜蓉包發現原來它的蒜蓉包比較好吃!如果你去的話不妨試試蒜蓉包。

今日為左要一償小朋友食越南法式三文治，大朋友就同小朋友一行二人不遠千里，黎到呢一個比較唔方便既地方，食佢地聞名既法式三文治！入到舖頭，得三個位，反而個廚房鬼死咁大。主打外賣…！好啦…排隊，好彩唔多人，得前面師奶一個，以為好快，點知呢個師奶要果樣、要呢樣…買左好多份，心諗..... 係咪咁正呀？見到佢既法包，都係普通野黎者…佢地有大包有細包。點都好，穩陣起見，食個細法包......... 先！個包番焗到脆身先比你，入口脆卜卜，但有豬手係到，好多肥肉，同埋個內容配搭唔夠層次同唔夠豐富，有少少失望…另外叫左個蒜茸包，好香脆，算幾好，但係好多地方都做到，唔洗去咁遠！我唔係好清楚咁為之正宗越南法式三文治…但有少少名過其實！

心情好番好多了,又恢復二人世界行完圓方(其實唔多野行),想起想一試添記,一間出名越南麵包舖,同女友大家和好如初,一條麵包兩份食,一人一半,唔係要食飽,而係要食得開心更開心係,食到好食既食物,麵包夾住豬肉,肉醬,酸羅白,扎肉等等餡料,加上美極豉油同胡椒粉,可以講係一款味道頗佳的小食架上仲有多款越南特產,買左兩包即食麵先走,希望唔使成日嗌交

越南法包,食過一次,印象中味道一般,因為三年前去歐洲喺巴黎唐人街食過好奇地想試吓添記會唔會好好食,因為喺openrice有好多人讚想講既係,其實佢個法包味道可以話同喺巴黎食到既差唔多,其實我唔係太鍾意酸酸地既蘿白絲混在其中,我會揀番出嚟,就好似去買麥記個漢堡包一定會抽番塊酸瓜出嚟咁個包夾住好多肉,有扎肉,肉醬等等,相信如果接受到酸蘿白絲既人一定食得好滿足

好耐冇食過,於是特登走去幫襯諗起佢從焗爐扲出脆脆麵包,比M記漢堡包酸瓜更好食秘制酸蘿蔔絲,扎肉,豬皮絲,好香味秘制嚼肉,加埋能帶出肉鮮味胡椒粉同美極,真係流晒口水......老闆,唔該一個堂食,一個take away呀

法包即做, 很香, 落果D辣椒以為好辣, 點知食左都唔覺, 老闆幾cool, 不過好好人, 嗌左枝啤酒, 原來無酒精又好甜, 似汽水多D.

呢排有左bb，突然好懷念添記ｏ既法式三文治，未嫁時媽咪成日買返屋企食，都己經係幾年前ｏ既事了．．尋日媽咪為左我特登去買左７條法式三文治返屋企（其實佢自己都好想食），媽咪不嬲一買就買好多條返黎，叫老闆將紅蘿蔔絲，青瓜同蕃茄分開裝，以免水分浸哂入個飽度，然後將所有野包括面飽放入雪柜，食ｏ既時候根據每人喜好放入材料再用焗爐焗返熱，個飽就會變返脆卜卜．幾年冇食，水準依然，食完真係好滿足呀，連我非常咀刁ｏ既老公都話好好味呀，我相信好快又會再幫襯．．