添好運點心專門店 (已搬遷) 新店位置

我係舊年七月梨食。 當時以經好出命但緊係無咁多人都有6PAIR 人係我前邊我係5.30pm到開始排等咗45分鐘入邊好細好迫無咩service。 自己點完就比張紙佢哋選澤唔算好多但係夠﹐ 因為要同人share枱所以都唔想叫咁多﹐ 咁本無位叫咗招牌菠蘿皮叉燒包﹐ 糯米雞﹐雲耳爽菜餃﹐同埋 叉燒腸粉我想講 菠蘿皮叉燒包 實在太好食﹐ 即刻想叫多碟﹗﹗﹗﹗味道無得講 - 熱辣辣 - 正﹗糯米雞 - 又係好好味。 唔係太乾﹐ 有汁 叉燒腸粉 - 麻麻哋﹐ 皮好厚雲耳爽菜餃- 一般 - 太乾﹐ 無乜味overall 利講 - 菠蘿皮叉燒包 - 真係無得頂﹗一定返利食下次會叫兩碟但係要等成粒鐘﹐ 先食15分鐘﹗好難排對。 大熱天時唔想排

一直都好想去食呢間添好運既點心, 何耐幾次同友人去到門口, 都見到太多人排隊喇. 次次都要苦笑而去.今次我係早上11點15分我就拎到張得位既票, 由於要等30個number, 所以我同朋友就去左行下街先. 行完1個鍾, 再返去等多30分鍾就到可以入座. (等左合共1.5小時) 等緊既期間我地已經寫好曬食咩野, 所以一入去就可以落單. 我同友人係坐6人位最出o個個位, 打對面坐, 由於鋪o個度理面太迫喇. 坐中間d人行出行入既時候, 我都要企o係身比佢地出入. 叫左: 1) 黃沙豬潤腸2) 酥皮叉燒包 3) 金蒜芝士蝦春捲4) 豉汁蒸排骨 5) 陳皮牛肉球晶6) 瑩鮮蝦餃原來茶位$2位. 之前仲驚佢D 茶$好貴. 真係冇諗過咁抵.黃沙豬潤腸腸粉D 皮整得好薄同好滑. 之前仲好驚D 豬潤有好大陣腥味, 好再冇. 而且D 豬潤夾O係腸粉度又真係幾夾幾好味喎. (我平時好憎食豬潤嫁!)酥皮叉燒包 呢個包包真係等左好耐呀! 因為係新鮮咁焗. 嘩! 一出爐, 呀姐已經第一時間拎住好多叉燒包出黎. 好香噴噴呀. 同我友人已經急不及待要咬呢個叉燒包一啖.嘩! D 酥皮好sweet ! 好cri

第一次黎時唔小心等到過左號碼，無得食。今次再黎，14:30拎飛，16:50有位，上次起碼要等三個鐘以上...先講環境，勁迫，係45分鐘嘅用餐時間裡面，我足足要起身六次俾其他客人出入　送點心嘅速度幾快，只係叉燒包要等耐些少。兩個人叫左五樣點心：1)馬拉糕-　味道一般，唔夠鬆軟。2)酸辣雜菜較﹣皮薄餡多，只係少少辣，喜歡食酸辣嘅人應該會喜歡，但我個人黎講就唔鐘意食酸辣野。3)山竹牛肉-墊底嘅腐竹幾滑，但份量太少，牛肉球好食，可惜無加馬蹄，如果唔係會更好！4)糯米飯-硬左少少，味道ok，料唔多，無咩驚喜。5)脆皮叉燒包-　皮薄，少少脆身，叉燒餡好味！但又未至於好食到會不斷叫「好食」果種~總括黎講，可以一試，但真係一次就夠，唔值得等咁耐去食~雖然記憶中講唔出邊間酒樓，但印象中食過嘅酒樓中，有好幾間嘅點心都比添好運出色。同埋環境實在太迫，希望佢會考慮下轉間大少少嘅舖呢！

呢間咁既野 一日到黑都多人到死 都冇所謂我知你出名好心店主叫你d顧客排好隊 叫佢地唔好塞住個門口啦搞到成條路比哂你地鋪咁已經唔係一次 今日放學行落黎 經過呢度次次都比一班人阻住哂 完全冇位行 出面有成條馬路 叫人點行呀?係果班人面前 叫佢地借借 完全聾既咁焗住要行出去 成排電單車泊哂係度 條gap窄又要攝攝攝好啦 今日我行出去成個膝頭撞埋個seat位度 即時爆血同行者有一個比架電單車勾爛對絲襪 都真係多得呢間蚊型鋪 同一班阻街的人\!!唔該 d客人自動自覺企埋一邊啦 阻住條路!真係離哂譜!

工作日,早九點九經過,門口十多人,九人在排隊中,往郵局,五分鐘後折返,多了三人排隊,立即加入輪候.九時五十六分,食肆開始安排顧客進入,剛巧排名三十,得以在第一輪檯中,作最後一位顧客.坐低,即時遞入在門外早己劃好的點心紙,十五分鐘後先上晶瑩鮮蝦餃$16 - 兩隻蝦,沒肉,皮算晶瑩,不算突出.醮辣油要揚聲拿.五分鐘後上黃沙豬潤腸$14 - 豬潤新鮮,腸粉滑,可以接受!又十分鐘後上金蒜芝士蝦春卷$16 - 香脆鬆化,水準之上!脆皮焗叉燒包$12 - 跟著春卷上,放了五分鐘,食落仍熱辣辣,口感十足,俾足一百分!茗茶$2,中央處理,只有壽眉和普洱的選擇,在座四十五分鐘內,阿姐斟了八次茶,算是勤快,服務不錯!

今日星期一難得放假, 即管到超人氣的米芝蓮一星食肆「添好運」試下極之有名的酥皮叉燒飽. 上次星期六下晝兩三點到, 原以為非午晚市時間較易入座, 誰知到場後侍應表示午市籌已派完, 晚市籌則要五點半才開始, 結果失望而回. 今次16:40就到, 起初仲諗住派籌前還要排隊, 不過原來去到時已經派緊, 233號, 叫到192號, 即係要等40多個籌.18:10入座, 即係足足等了個半小時. 事不宜遲, 即刻劃點心, 三個人一共點了九款十二碟.1. 酥皮叉燒飽(三碟) - 味道口感中上, 外觀則一般, 叉燒餡夠juicy, 個人認為「富聲」的水準更高, 不過價錢係兩倍半($30一籠三個), 若計及價錢比則不相怕仲.2. 黃沙豬潤腸 - 豬潤腸唔係周圍有得食, 原本頗有期望, 可惜上?時腸身竟然有點涼, 不過尚算滑 3. 家鄉咸水角 - 今次點心中最好的一款, 夠熱, 餡料juicy, 如果皮身更脆的話會更好.4. 香滑馬拉糕 - 味較淡, 唔夠甜, 唔夠鬆軟5. 晶瑩鮮蝦餃 - 好味彈牙, 必食之選.6. 臘味蘿蔔糕 - 一般, 蘿蔔味不足, 糕身鬆散7. 腊味糯米飯 - 調味料太濃, 太油膩,

話說尼...今日我同jessie（女朋友）出左去旺角行下行下...咁行到8點倒....就想去”添好運點心專門店“食下點心啦..咁去到....離遠見到好Q多人...咁都預左..行到埋counter好耐心等左一陣 先拎到2個人ge飛之前都預左個丫姐會有d串架啦...話晒人地岩岩拎左米豬蓮咁個丫姐比飛ge時候就話啦：“啦！宜家看情況尼...都要9點半架啦！9點半前你唔好出聲丫！”咁你估下我聽完之後咩反應？我發脾氣？梗係唔係啦...我仲好好咁答“無問題”...打算周圍行下到9點左右番黎啦..費事過左number就無得怨啦仲同jessie講好欣賞個丫姐ge直率...咁好啦！行到9點倒番黎...果然未到我地但都少左好多人...咁我地一路等...等到9點25啦得番3枱人等緊....隔離仲問我地幾多號....好開心咁話他們先到左930...得番我同jessie等緊...她竟然話我地無得入....她話最後9點半下！！！！！？？？？？我X你XX個XXX丫？？你頭先叫我唔到9點半唔好出聲？？你宜家話9點半後唔入得？你頭先唔X講？wei！得番我地2個....你比埋我地入唔X使死下嘛？？你online架？唔使串

下次真係請都唔會再黎…等成四粒鐘先有位…都算啦…黎到見到咁多人等緊都預左…但係Ｄ人態度麻麻…好似唔想理你咁…有個呀姐無啦啦黎幫人加茶…我本身飲緊潽利…佢就同我加左另一種（我都唔記得係咩）我見到咪同佢講囉「唔該…我飲潽利架…」佢即刻好唔服咁話：「超…你唔早講…」你唔問我點知你唔知姐…都算啦…繼續食…間野得幾張台都成日搞錯單…我地加左一次單姐…洗唔洗次次隔離台加單都入我地數呀…講番Ｄ野啦…其實真係唔值得等四個鐘黎食呢Ｄ野…我地叫左燒賣、蝦餃、叉燒腸、炒麵、蘿蔔糕、潮州粉果、叉燒飽…Ｄ燒賣仲衰過街邊十蚊四粒o個Ｄ…蝦餃同潮州粉果…味道都ＯＫ啦…但係拎到黎都爛哂…之前睇雜誌…個老闆話想証明唔係平野就冇好…但係我唔信四季酒店會爛哂都照俾人食囉…一般酒樓都唔會啦…炒麵同蘿蔔糕…冇咩好唔好啦…叉燒腸都幾滑…叉燒飽幾特別…值得一識…之後就頂癮喇…叫左一碟叉燒飽拎走…問佢拎個發泡膠盒…佢話：「記住篤穿個盒蓋呀…」我心諗：我都知唔可以蓋實佢…但係我真係覺得整穿個盒好蠢囉…如果唔係即刻食…咪好易污染Ｄ食物囉…同埋我真係唔知o個兩個鉛筆洞咁大既孔有咩用…反正仲有個膠袋…等攤番凍少少先蓋番咪唔會有"倒汗水"囉…

我早2日(夜晚8點幾) 打過電話去問有冇位聽電話個小姐同我講" 咁夜冇飛派 要6點幾泥攞一係你晏晝泥攞 " 多人多到咁 ? 要早幾個鐘攞飛於是我今日晏晝(lunch 12:30) 特地去攞飛, 諗住食夜晚 (我都諗住可能攞咗飛, 都要等下, 都ok) 我同佢講話係食夜晚得唔得, 個reception 小姐就話 冇得攞夜晚飛, 你要夜晚6點再泥攞 .... 吓 咁你電話又覆我叫我晏晝泥攞飛佢地好堅持話唔可以, 另一個人(可能係經理) 仲插口話唔可以訂枱2位小姐, 我明白你地係唔比訂枱, 但係係你地答我, 叫我晏晝去攞飛到頭來,原來有人答錯野, 要我白行一轉, 又唔認數, 仲好似係我錯咁我最後都冇同佢地埋論, 講都多餘, 走咗我諗呢間店似住有米芝蓮撐腰, 唔憂做, 但咁既服務態度, 咁既等侯時間,就算d野有幾好食, 我都未必會泥幫親佢d點心好唔好食, 我唔知, 但係你地都預咗 去呢間店食野 有可能受呢d氣 原本想支持下呢d 小店鋪, 換來一肚火 ...可惜

dec 28, 09,2人嚟早餐。本來友人可以早1點嚟排隊,可惜佢有點阻滯,只能早1/2個鐘頭到.........攞咗籌,喺第2輪........辦完銀行業務後.........番嚟差點miss咗個位,好彩啫,叫咗 : 1) 茶$$$$ (@hk$2) 2) 鳳爪排骨飯 (hk$17)-唔喺好大盅-排骨好滑,亦調味得宜-飯呈1粒粒,油份足夠 3) 晶瑩鮮蝦餃 (hk$16)-皮薄中帶少煙韌-蝦肉大大隻,無欺場,肉亦爽-有質素 4) 鮮菇棉花雞 (hk$16)-非坊間1貫嘅油淋淋/肥膩-用上鮮草菇,雞肉滑 5) 酥皮叉燒包 (hk$12)-個皮真的好薄,軟熟-面有墨西哥酥皮,所以有點脆口-個餡也夠醬汁,甜度適中-難怪成為鎮店之寶 6) 黃沙豬膶腸 (hk$14)-呢個都等咗幾耐,不過無緊要,我哋都需要時間消化1吓-個腸粉皮真喺好薄,透晒豬膶片出嚟,同最近去過佐敦嘅跌watt x記比,呢個明顯高班-豬膶薄切,呢個很易理解,並混以細薑粒-合格有餘* 佢未攞米芝蓮之名前已想嚟........但1諗到要勁排,咁就遲d先啦........不過摘星之後,決定嚟趁虛.........所以揀咗閒日嘅早茶

實在太紅火了，連我也忍不住要說幾句。一間要等不少於二小時才有位的小食店，開業半年多，不獨本地居民以行動支持，連外國紅皮書也給予肯定，真是飲食界的驕傲。這裡不是茶樓，你可以一坐两三小時，而是必須於三十分鐘內完成整個下單以至品嚐過程，因你實不忍在那擁擠的環境及門外等候人群的期望下繼續佔有食客空間。這店值得捧場的特色是以大眾化的價錢，制作出大酒店的品質，使一般市民也能品嚐到精緻而可口的點心。主打的酥皮义燒包是必吃的，其他的郥隨個人喜好而選擇，也是不會令你失望的。願店主不要因生意太好而肆意擴張，失去水準而使神話褪色。饞嘴的你，請靜心等候，座位一定留給有耐性的。

已經係上星期既事,感覺只係不過不失!米芝蓮真係咁有影響力?之前聽聞有位日廚因冇左粒星而走去跳樓xxxxxxxxxxxxxxxxxxxx店子開十點,小弟九點四十五到達,一拿飛...27老闆叫我逛一小時,但返到黎仲未得,等到十一點四十五......真係人山人海,估你唔到。茶介$2不收加一! 店員態度幾好,不過幾仲意hard sell! 「啊!你未點XXX喎,依家幫你寫埋好無?好好味架」酥皮叉燒包挺甜,很愛內裡的蜜汁;鳳爪排骨飯,鳳爪好鬼入味!當然有蝦餃燒賣,果真係足料之作,我喜歡乾乾淨淨的蝦~但有一段時間唔會再黎,因為氣焰太強,等佢冇咁多人先,實在怕怕!

6時拎飛,8時多先有得食。7時已經冇得派飛啦個收銀聲大,真係受佢氣架。入去冇剔menu要食咩先就話。點左4樣野招牌焗叉燒~~熱熱地好好食炒麵~~多油腸粉~~應該係即整,不過係唔熱架,唔有少少微溫燒賣~~好多咬唔爛的肥豬肉,有2/3都係呀。真係第一次食到怕以咁的價錢,食到呢些野,真係抵~~

六時半攞票, 八時二十分才入坐. 等了差不多兩個鍾. 終於可以入去食.叫了以下點心, 只是76元左右.1. 馬拉糕 - 唔夠香味, 只是鬆軟. 2. 春卷 - 很香, 很脆 ( 不是用千年油炸的, )3. 香脆叉燒包 - 3 個小小包, ok, 像墨西哥+叉燒包的二合一4. 燒賣 - 唔好食, 很一般 我唔會再食5. 粉果 - 個粉果皮做得很好, 唔厚, 很滑, 一流, 一定要食. 6. 粥 - 很多瑤柱, 很香, 很眠眠, 可一試 咁價錢, 真值得一去. 但不要抱很大的期望.

睇咗咁多人嘅食評有讚有彈,自己都係親身去try try.我同男友都好鍾意食點心,但今日一去到門口就知出事.....米芝連效應有排等lu....我地叫咗:豉汁蒸鳳爪 - good唔係太"林"腊腸蘿蔔糕 - 有d鬆散酥皮叉燒包 - 正, 有水準之作蝦餃 - d蝦肉好爽桂花糕 - 唔太甜,剛剛好陳皮牛肉球 - 普通酒樓貨色雖然間鋪好細, 坐得勁逼, 仲要等咁耐, 雖然d點心真係好好味, 但真係等咁耐就冇哂心機。我最中意係個酥皮义燒包。整體黎講, 酒樓點心級數, 但值唔值等咁耐?自己諗下啦!仲有最大鎬係個收銀, 不知所謂,倒米多過做嘢........我地係嚟食嘢唔係嚟受你氣!!!