添好運點心專門店

营业中

休息中

是夜跟長輩吃晚飯，奧海城添好運一向是他們的"飯堂"。點心味道不錯，價錢相宜，但服務質素真的是每況愈下 煎臘味蘿蔔糕 - 煎得剛好、很香，蘿蔔糕足料，有很多蘿蔔粒，不會只有粉，配辣醬很惹味。 酥皮焗义燒包 - 熱辣辣的义燒包非常美味！包皮十分鬆脆，表面焗得金黃，外脆內軟甜甜的。义燒餡义燒肥瘦適中，醬汁很多。 賽螃蟹春卷 - 春卷皮炸得金黃卜卜脆，餡料足，有賽螃蟹、蝦、荷蘭豆，但味道偏淡。 潮洲蒸粉果 - 餃皮很煙韌，餡料足，味道豐富。 陳皮牛肉球 - 牛肉球軟軟彈牙，亦香牛肉味，加入莞茜，更加香口，加入喼汁更加美味。 杞子桂花糕 - 味道十分清甜，質地軟軟的不會過硬。杞子、桂花碎勻稱地篇佈一整夥桂花糕。添好運的點心味道值得一讚，但員工服務有很大的改善空間。員工說話語氣惡劣，面口黑黑，絕對會影響食慾。

阿媽去咗泰國旅遊，老豆同我見咁凍，都係唔想煮飯嘅，大家你眼望我眼。終於老豆話，聽日我請你飲早茶啦。哈哈...老豆只要你請，你話去邊就去邊啦。最後撿了添好運，大角咀呢間分店沒來過，原來都幾難搵，以為系商場裡面，原來系出面嘅後面。等位，40分總。好餓了。老豆去飲茶，必點糯米雞。距話，都系食D米落肚先覺得飽嘅。我話甘似人地飲酒之前要打底甘嘅。老豆話幾好香，好入味。我無食到，就唔講甘多。奶黃包，幾鬆軟，奶黃好軟，不會結塊，之前系其他店食過奶黃系一舊一舊嘅，一D都唔新鮮。包都好熱。鮮蝦腸粉，D蝦好鮮，肠粉好滑，好薄，食落爽口。肠粉嘅精髓就係醬油度，剛剛夠味，唔會凈係得個咸字。牛肉丸，我嘅最愛。一啖一舊，好滿足，爽口彈牙。唔會好多粉，就系好多肉。好鮮D汁都好好味。一個人食3個就有D膩，老豆都話好味。最後不得不提，就系呢個桂花糕，我系想食馬蹄糕，不過見有個桂花糕就點來試試，好清新。好Q，好彈，色澤好，唔會好甜。食咗牛肉丸好膩食呢個就巖巖好。好好味嘅壹餐，多謝老豆。

今日公司接左一個大單，老細話請飲茶，咁就去添好運點心專門店食點心啦，果度D點心好正，環境又幾好，價錢就中等啦，不過通常都要等位，今日就等左大概30分鐘左右。蘿卜糕基本每次嚟都會點，好重蘿卜味，唔系出邊果D粉多，好多蘿卜絲，好清甜，兩邊煎得好香，我唔中意加醬，就咁食就覺得好好食喇。糯米雞比較推薦，一上嚟就聞到好香嘅荷葉味，糯米香糯軟綿，料好足，肉腌得好夠味，糯米吸收左D肉香，好好食。牛肉丸好大粒，分量足，出品都算OK，都幾重牛肉味，不過唔算特色之作。蝦餃一定要點啊，皮薄餡靚，蝦好新鮮，仲好彈牙，一個人食曬一籠都得啊，入邊D餡調味調得剛剛好，加上鮮蝦，味道好好。雞腳我都幾中意，煮得好入味，好容易咬爛，又有嚼頭，骨頭都可以咬爛，唔錯。

晨七咁早黎呢間飲早茶，吖媽話成日食早餐淨係食三文治，食壞妳吖於是吖媽就帶我黎添好運啦～～叉燒包好好食，唔係蒸果種，係好似法式餐包咁噶，口感好好，咬落去好鬆軟，而且啲肥豬肉唔會太多，係可以接受噶範圍。況且叉燒包無少少肥豬肉邊度好食嘎 碟蝦餃噶蝦好大粒，而且又新鮮，層蝦餃皮好薄，而且晶瑩剔透，呢碟蝦餃真係超級無敵抵食吖 春卷呢，絕對係飲茶必備啦，無春卷噶早茶點叫飲早茶吖，啲春卷皮都好脆下，入面啲料又多，而且係熱辣辣，肯定係啱啱出爐噶 最後仲食左碟腸粉，真係飽到死啊。不過都叫物有所值啦

今日阿媽話唔想煮飯，甘就出街食啦，我又剛剛想食點心，甘就同媽去奧海城嘅添好運點心店食啦，出地鐵十分鐘左右就到了，我地嚟得算早，等左十五分鐘左就得啦。首先上嘅系蘿卜糕，睇個樣好似唔系好得甘，但味道真系唔錯，蘿卜味好重，兩邊煎得剛剛好，食落好香脆，蘿卜又香甜。我比較中意食糯米，軟綿綿。呢個糯米雞都相當唔錯，一上嚟就聞到荷葉嘅清香，入邊D肉又夠入味，糯米混合左荷葉同肉嘅香味，好好食。每次飲茶都會點嘅蝦餃，呢度蝦餃出品都幾好，蝦好新鮮，咬落彈牙，皮又夠簿，下次仲會繼續點，食完仲要打包左一份比個朋友，真系幾好食。

前幾日聽同事講話呢間店好好食，霖住今日得閒，CALL咗個朋友約埋一起去看一下。店面裝修風格是我喜歡的風格，店員都很熱情，服務不錯，周到。想點一些飲料喝，但係選擇比較少，招牌鳳爪嘅鳳爪都幾多，味道唔錯，可惜朋友不敢食鳳爪，哈哈，咁我自己食曬喇！叉燒包不算大隻，不過真係好食到爆，忍唔住推薦給大家，反正我又忍唔住點了一份叉燒包。間店嘅蝦餃都值得一試，蝦餃很大隻，餡料好足，蝦肉鮮美，彈牙，味道比較淡，喜歡重口味啲朋友就不要點啦。腸粉都好食，俾一般的腸粉更加爽口滑，價錢都OK，有機會會繼續去食。

前幾日聽同事講話呢間店好好食，霖住今日得閒，CALL咗個朋友約埋一起去看一下。店面裝修風格是我喜歡的風格，店員都很熱情，服務不錯，周到。想點一些飲料喝，但係選擇比較少，招牌鳳爪嘅鳳爪都幾多，味道唔錯，可惜朋友不敢食鳳爪，哈哈，咁我自己食曬喇！叉燒包不算大隻，不過真係好食到爆，忍唔住推薦給大家，反正我又忍唔住點了一份叉燒包。間店嘅蝦餃都值得一試，蝦餃很大隻，餡料好足，蝦肉鮮美，彈牙，味道比較淡，喜歡重口味啲朋友就不要點啦。腸粉都好食，俾一般的腸粉更加爽口滑，價錢都OK，有機會會繼續去食。

又到一年一度既周年第一次睇戲紀念日，當然睇返套戲先啦，今日真係美好既一日。係澳運站睇完，就係附近食，我地都想樣樣食小小，鐘意試唔同食物，就去左添好運食中式點心啦。我地叫左佢地既招牌菜，鮮蝦腸粉，玻羅叉燒包同埋糯米雞。其實已經黎過幾次， 次次都叫叉燒包，因為佢好味又特別，係其他地方食既叉燒包就唔似呢到咁脆同多汁有料。仲有個好次鮮奶球一樣脆既頂頂皮， 好味。糯米雞，可以話係敗筆之作。雖然糯米夠粘同有咬口，但係唔夠入味，食左出面哥一浸，到裏面就有淡，好似蒸糯米飯這個布拉腸粉都好味，個皮好滑，蝦又大又有彈性，感覺上同天下第一腸差小小啫， 唔錯唔錯。

識呢間店好耐，但遲遲未有時間來食，今日終於抽到時間，老闆酒店出身，用平民價格，飛凡出品，值得一試，蝦餃，即點即做。蝦餃皮晶瑩剔透，蝦肉鮮彈牙爽口，新鮮甜美。很薄，鮮蝦大隻，入口彈牙，相當唔錯價錢都係$10幾-$20幾，非常化算，份量足。最掂檔係叉燒包，真係要試！除左去酒店同呢度，相信係第度都好難食到。酥皮的口感有點像菠蘿包，外脆內軟，熱辣辣的， 叉燒唔同出面食既叉燒，多左份淋身鮮甜味，超好味！直得再來食。

Walking passed by this restaurant one evening and saw it had a Michelin 1-star sign so went on Sunday to try it.  Arrived at 10:45 and there was already a line.  Waited about 15 minutes and got a table.  Two of us ordered 10 dishes!  Mostly signature ones on the paper menu, one with pictures. Dishes came much quicker than expected.  Chicken rice in lotus leaves was very good.  So was shuimai and radish cake.  Total bill was a bit more than 200.  Good value.On the down side, decoration inside is

話說我哋叫咗籠鳳爪，漏咗單，食完成餐飯起碼成個鐘都仲未嚟。就同個著恤衫染左頭髮嘅肥女經理講取消左佢啦，佢就話：「咁而家拎出嚟畀你哋」我哋當時已經飽咗，就堅持取消啦....佢竟然大聲夾惡咁話：「你唔要籠鳳爪，咁你哋而家即刻埋單起身走！」首先漏單嘅係佢哋，點解迫個客要唔成就趕人走！當時又唔滿座，而且無落場時間！真係從來無試過飲茶畀人趕！同佢理論完一輪佢先極悔氣咁話幫我哋取消！好似佢先係老細咁！另外入嚟嘅時候，我哋5個大人3個小朋友（其中2個係手抱嬰兒）總共8個人，畀阿姐安排我哋入4張拍埋嘅2人枱（可容納8人）。本身我哋泊左兩架bb車喺舖頭出面，見夠位擺就攞左1架入嚟，點知呢個肥女經理黑晒面走埋嚟問：「你哋幾個呀！？」跟住就一手搬開左其中1張2人枱，最後我哋8個人迫埋咁食！重點係當時跟本唔滿座！由旺角一路幫襯到過嚟大角咀，嗰時細舖忙咁多服務都無咁差！好失望！從未喺openrice 寫過食評，第一次就畀左呢間所謂「米芝蓮1星」喇！其實食物已經無以前咁好食，加埋啲咁嘅服務態度，真係無謂再嚟食，貼錢買難受！

今晚一行十六人去左添好運食點心 六點鐘就到啦所以都唔洗點等位 平時之前試過去深水埗去中環分店如果係繁忙時間最少都要等一個鐘所以今日真係好好彩叫左好多點心因為我地太多人，差唔多成張清單都俾我地試哂。港最好食既竟係佢地既招牌叉燒包啦 因為我諗佢地都係值卡新鮮焗所以真係外脆內軟 不過如果你唔係好鍾意食甜野就未必啱你啦，因為我覺得佢偏甜所以糖尿病患者又或是唔係鍾意太甜既人都唔會特別鍾意食另一最愛就係馬拉糕都係啦因為佢即叫即蒸出來熱辣辣，又唔太甜我就比較喜歡!我個人呢就唔食豬膶嘅，但係如果您鍾意食豬膶的話呢個王唔知咩豬膶腸粉就一定要試。好多人叫，我哥哥啊我d親戚全部都好鍾意食，話佢個腸粉夠滑，潤腸味好出。你間嘢點心都係走大眾化的價錢所以都唔算特別貴，但係如果你係想搵d精緻d，環境坐得舒服d，有景睇的餐廳，呢度就一定唔啱你。

早上突然想吃點心，於是到附近的添好運叫外賣回家與家人分享。我們平常星期六、日門口大排長龍亦試過叫添好運外賣，等候時間約20分鐘。今天是星期二早上十一時，心想應不需等太久……點好了點心，取單後便一直在旁等候，大概等了20分鐘後，覺得不太對路，於是向就近的侍應查詢情況，我的說話未完，侍應阿姐便以大聲及高八度的口音說: 『齊晒會叫你啦! 等下先啦! 』但侍應回答完亦沒有幫忙追單。我當時只好相信侍應的專業，因此繼續等候。再過十分鐘，再問侍應阿姐，阿姐答還欠牛肉飯，我見已等了超過三十分鐘，於是前往櫃台說牛肉飯我不要了，要求退款。櫃台職員馬上回答，這要找經理，但櫃台職員沒有請經理前來，到經理來到後牛肉飯亦出現，所以包起牛肉飯後便離開。當我想反映意見給經理時，經理沒有正面回答我問題，只擺出不想聽的表情。 食物方面，不過不失，但再以價錢，環境及服務質素作比較，會否光顧，大家自行判斷。

不知道大家都是不是去過或在網上或朋友之間介紹而去。我本人由第一間開始就平衡一段時間都會去飲茶及吃點心，今天早上放工，想一心一意去奧海城那間店鋪坐下吃點東西，我今次在openrice不是投訴什麼，而係想覺得今次今日，他們可能已經成為大家心目中吃點心之店鋪之一，而點心當然是沒有問題，而當人的店員的確每本人今次有點覺得他們出現問題，為何他們服務之水準不停下降呢？ 是不是他們的人工有所影響，或是每天工作時間太長。問心我本人只係去做一位消費者，去吃東西，而不是受他們的氣，若果是要受氣來吃東西，我好相信大家都不會去這間店鋪。對嗎？真係比他們的態度玩死！ 你們喜歡吃就去啦！員工不會理會。

小店誠意創業 -> 受歡迎 -> 不停開分店 ->水準下降依條FORMULA 好岩套用係添好運身上點心退步左好多蘿蔔糕: 凍 好粉 無料鹹水角: 放左好耐 唔止凍 仲有油溢味雪山叉燒包: 係最好既一個點心馬拉糕: 唔再好食 好大陣梳打粉味 太太太重手 好化學重程無人添水佢又唔俾茶壺人好好好口乾因為佢所有野都好好好重味精可唔可以俾返廣華街始創店既味俾我呀?