淺月 (已結業)

📍淺月📍Azazuki .🇭🇰香港大角咀鐵樹街54號地舖🇭🇰G/F, 54 Tit Shu Street, Tai Kok Tsui, HK人均消費: HKD250.味道: 👅👅👅👅👅賣相: 👀👀👀👀👀價格: 💰💰💰💰💰環境: 🌹🌹🌹🌹服務: 👨🏻👨🏻👨🏻👨🏻👨🏻性價比: ⭐️⭐️⭐️⭐️回頭率: 🔆🔆🔆🔆.好少有評價高成咁嘅餐廳‼️✅✅✅超級隱世的小店，地點不算十分方便，奧運站過去大概15-20分鐘，店面好細，行過都見唔到入到去好驚訝，好有日本居酒屋感覺，地方好細，只有大慨12個位左右，由廚房到樓面落單由老闆一腳踢，超強😳老闆超級溫和，客氣到不得了！記得打去/Whatsapp去訂枱☎️.⭐️#極上安格斯牛肉野菜鍋 HKD170依個係鐵鍋壽喜燒稻庭烏冬，裡面有冬菇，鴻喜菇，腐皮，安格斯牛肉，烏冬等等！湯底其實唔似壽喜燒，但好特別飲得出幾重料，我硬係覺得好似花生眉豆湯😂牛肉有6-7片左右，都幾大片！重點係真係靚牛肉，入口香味超級正！烏冬半透明，好爽口彈牙，而且又掛湯野菜類好味，份量都幾多！.💯#大阪黑咖哩吉列厚切豬扒飯 HKD150唔好覺得HKD150好貴，其實真係好大份！黑咖哩其實一啲都唔辣，但味道

一直知有這間小店存在，但無佢電話號碼，未能WhatsApp訂位。3月尾終於成功訂位，真係誠意推介佢個吉列豬扒，超正！另外，每款食物配襯嘅餐具亦十分有心思，好有藝術氣息

復活節假期最後一日啦，今晚就去咗大角咀嘅日式小店淺月，由奧海城行過去約7-8分鐘到！呢間小店好多人已經有推介過，話老細係一腳踢，我哋有晒心理準備，要耐心等候美食！首先我哋揀左大阪黑咖喱吉列珍寶巨海蝦配飯及男爵薯餅！其實等左15分鐘到，就得食啦！咖喱飯份量都幾大份，同埋真係巨海蝦！三隻蝦好大隻，同埋蝦係彈牙架，唔係淋身，正！男爵薯餅配咖喱汁，真係無得頂！咖喱飯上面嘅蛋煮得啱啱好，好滑身而咖哩汁有少少微辣，加上飯又有少少海苔粉，好惹味！同埋飯同咖喱汁份量又係啱啱好，唔會食剩太多汁！另外仲叫左一份極上安格斯牛肉野菜鍋，本身我哋以為會有迷你爐仔，好似打邊爐咁，原來送到枱上已經係煮好咗，牛肉上面有少少黑胡椒，令牛肉味道更加出色，跟住湯底好正，，勁濃郁牛肉湯，有好多野菜，又有好多野菌，當然仲有口感一流既稻庭烏冬，配呢個湯底，真係好正!除左嘢食好好食，老闆一腳踢，招呼好好，好有禮貌，講再見又會講埋我個名，好想同佢講「辛苦曬」！同埋我哋一定會再見架🥰

因為知道呢間係預約制所以早一個禮拜已經whatsapp訂咗位老闆嘅態度好好 就算我改時間都冇怪責我一早已經去到大角嘴附近等食飯餐廳舖位話偏唔偏 有啲難發現但真係唔難搵一入到去老闆就俾個menu我地睇多到唔知點揀最後都係揀咗個黑咖哩飯同滑蛋飯兩個都好好食不過黑咖哩有好多七味粉有少少辣所以我自己鍾意滑蛋飯多啲 啲味淋好香～同埋呢度茶水任斟 得老細一個run成間嘢想食要俾多啲耐性啦～大概150蚊一個飯 喺呢個地段其實都算貴不過食完飽到痴線 又冇加一 所以都算抵食！

隱世嘅日式小店 淺月 🎌等了好久的一餐點解隱世？ 睇到個門面你就知點解小店？ 全店得13個位果然係唔book位就無得食老闆one man band 慢工出細貨- 熊本風叉燒玉子飯招牌之一 叉燒平時配拉麵 估唔到配飯都好夾- 黑咖哩和牛漢堡扒配北海道男爵薯餅個人本身好愛咖哩漢堡扒 而個薯餅係最佳點綴 過份地好好食- 金胡麻手羽食嘅係好日本家庭式嘅野唔識解釋 總之好味🤤

呢間位於大角咀既小店長期爆滿！要食既朋友仔可以book定位/等8:30之後過黎食😂小店位置唔多，而且員工都係得老闆一人，不論樓面，收銀，廚師都係佢一手包辦～ 所以係度食野需要有耐性唔急得😂😂😂每樣食物都係新鮮即整～連菜果啲都係即切ga!!! 我記得呢度既叉燒飯真係超正！正過好多所謂真正日本餐廳，而且價錢唔貴🥰🥰🥰見今日門口冇人同埋有位終於黎食喇🥰🥰<<大阪黑咖喱吉列厚切豬扒飯>>$150但今次黎到 見到個價錢嚇親😂😂因為上次我黎食既時候個飯係$85定105,但今次已經要$150😅😅😅差不多一陪既價錢🥺🥺🥺不過都明白如果佢唔係收取咁嘅價錢，未必可以維持到😅😅😅當然，個咖喱飯都做得相對唔錯。日式咖喱嘅味道好濃郁~ 而且有少少辣度！唔會似一般普通日式咖喱只有香味而唔辣嘅味道🙂🙂而吉列豬扒係即炸，所以食嘅時候要小心真係超熱🤭🤭🤭 炸粉厚到啱啱好👌🏻👌🏻另外，我哋都係要番一個<<熊本風叉燒玉子飯>>呢個飯係令到我哋會再返嚟淺月嘅原因🥰🥰因為老闆係製作嘅過程之中，用火槍去燒舊叉燒嘅時候散發出嚟嘅香味令到流晒口水🤤🤤🤤依家打緊食評嘅我都

大角咀高質日本野🌙-首先要book淺月之前，要問問自己可唔可以為美食去等一個鐘先上菜，如果唔等得既話，就唔好book啦🤣。之不過司令只可以話你知，淺月絕對等得過！-大阪黑咖喱吉列厚切豬扒飯($150)咖哩味濃厚，只香不太辣，日式咖哩風味。吉列厚切豬扒絕對搶晒所有焦點，即點即造，上枱熱辣辣！吉列皮好脆口，咬落去豬扒仲要極juicy😭，絕對係幸福滋味，配埋滑滑既蛋包飯去食簡直一絕👍🏻👍🏻。-極上安格斯牛肉野菜鍋($170 日本生蛋+$10）野菜鍋聽落會好清淡，不過食落湯底濃淡度岩岩好💝。除左蔬菜外，仲有大量金菇、腐皮同埋冬菇配埋主角之一既烏冬，烏冬好滑溜，配埋肉質滑嫩既極上既日本安格斯牛，同樣幸福感滿滿🥰。-一口豆腐($60)豆腐炸皮頗厚，但炸既時間岩岩好，無焦之餘，炸豆腐咬開仲唔會太乾身🤤。跟埋日本既蜜糖，出奇地夾，仲好似變左個甜品咁！另外推薦可以點下黑咖哩🤣，同樣好味。-由預約、落單、烹調、上菜到收錢，都只係由大廚兼負責人一腳踢，一個人做到咁多野已經好利害🧐。仲令人驚喜既係，食物質素極極極高，絕不馬虎！只可以話呢一個鐘，司令覺得絕對等得過😎。

今次係第二次同同事黎食飯,兩次大家都大讚好味!因為老闆一個人打哂式嘅緣故,所以佢淨係接受預約客人,唔做walk in,我地book左7點,老闆送左d日式零食比我地試店面唔大,淨係坐到幾台客,但所有食物即叫即整,所以等待時間要有心理準備會長d....叫左個宮崎地雞烏冬鍋,隻雞係烘烤出黎嘅,好入味,仲加送左d鮮雞湯,飲完好暖仲有其他配菜,加埋個湯頭好清甜,烏冬又彈牙小食方面就有炸雞同唐揚魔鬼魚,平時都冇咩幾可食嘅菜式,一咬就有d精華爆出黎值頭一提就係份量好足!抵食!美中不足就係要等耐少少啦😉

好難得食和食係有超級無敵霹靂飽既感覺🤤繼續維持想念日本Mode ❤️簡左食呢個鰻魚飯，大大件厚肉鰻魚，唔好expect 係日本個種綿滑細軟既口感🙈佢係稍為有咬口厚實啲既口感😋冇骨！重點係唔腥已經好難得，事關係香港係食十次有8次半都係有腥味既😂😂😂不過就個皮對老人家黎講就比較難咬左啲喇🤣係要花對牙力咬🙊 大大個飯有埋鰻魚汁加大量紫菜碎係絕對夠撈，而且超級爆飽😝.試埋個咖喱炸豬扒蛋包飯😛厚肉多汁唔會鞋😍炸粉非常之薄🥳塊蛋就稍為薄左少少🙈係厚滑蛋個口感會更好😛😛咖喱就係正常，係比較淡味，可以濃厚會更正喇！呢度啲炸物真心正😍繼炸豬排之後既炸蝦餅都令人非常滿意多汁，唔會乾，但係超脆😋下次一定會叫勁多炸物😆😆😆再加埋個明太子烏冬❤️.仲有呢間小店個老闆真係超級超級有禮貌☺️走個陣仲好好笑容咁鞠躬咁送我地走，好似去左日本咁🥰名符其實既小店，夜晚先開，全部野都係老闆自己一個人一腳踢，做晒所有野，煮野收錢全都係佢，好佩服佢💪🏻都提提大家黎之前係要book 位，黎到都預要等番一個鐘先會有得食🙈真係即叫即做架啲野👍🏻

今晚朋友生日聚會， 於是朋友book了這間小店， 這間店舖得很少座位戈，大約得12~3個座位 這間店舖是只有老闆一個人負責廚房和樓面而且要book位先要向老闆下單。朋友推介叫了燒饅魚飯，饅魚好大條而且燒得外脆又有汁好好食真係值得推介。而我就叫了親子井，這個親子井就有別其他，因為佢都另一個鐵鍋上的。我們還有叫了一個炸墨魚咀， 這個墨魚咀炸得很香口而且爽口。最後老闆好好，店舖都是一個人做但因為朋友生日都出黎同朋友慶祝，服務非常好。

如果有睇大角咀美食谷的話,你就知道淺月係美食推行榜的第一位!!一來因為佢真係小店,裡面的座位15個左右, 廚師兼樓面都係老細二來佢的野食係有質素,其實都食左4,5次~野食價錢偏貴,而且老細一腳踢會幾耐少少今晚食的是蝦餅鍋(全名我唔記得啦)~湯好好味,飲得出係上湯同昆布煲的湯; 腐皮甜甜地又係好好味!菜同菇唔特別廢事講重點塊蝦餅!!我其實一上菜已經夾起但都係有D浸軟左,但好食既,不過裡面係洋蔥,我唔中意洋蔥~男朋友嗌的係和牛漢堡飯(好似)佢話成碟飯個圍邊雜菜係亮點,佢話似係用上湯煮,好食過塊和牛漢堡扒(老細表示傷心)同場仲嗌左炸蝦餅小食; 好食,香口, 唔太油~食過咁多次,我最中意係麵豉湯,櫻花蝦舖面,飲落去有白酒味,可能係麵豉發酵味(唔識分),我覺得幾特別!

聽係附近工作既朋友講，呢間小店係老闆為興趣開既，所以佢所有野食都係貴精不貴多，全部都係心思之作。呢間鋪有13個位，所以一定要book位先食到嫁！好多野食都要一早同老闆訂，特別係海鮮類既，所以book位前，睇定餐牌，同老闆講想食咩啦。我地3個人黎食，朋友突別推介佢既原條蒲燒饅魚飯($285)，我地叫左黎食，貴精不貴多真係好值得食，岩岩燒好既饅魚外脆內有肉汁，再加上蛋包飯，好好食我地上網見到好多人叫熊本風叉燒玉子飯($125) ，都叫左黎食，佢個叉燒係用火槍燒一燒先上枱，好香，但係我地諗住試多d野，所以叫左小飯。另外我地叫左個沖繩金胡麻黑豚肉鍋($155)，佢係屬於《鐵鍋壽喜燒稻庭烏冬系列》，呢個鍋有多好料。小食我地叫左吉列廣島蠔($60)、味自慢,幸福之唐揚雞球。大家如果想食雞球，9點後先供應，我地同老闆傾過，原來整雞球步驟繁複，需要好多時間去整，所以要等佢九點後無咁客先供應。佢要人手起哂d雞脂肪，先再炸，所以食落去塊雞皮超脆，仲有肉汁湧出，食落無咁大罪惡感老闆超好人，佢自己一腳踢，但係佢都盡佢最大既努力去招呼佢既人客，會想知佢既食物岩唔岩客人食，好用心，請大家多d支持咁有心既小店

好辛苦先訂到枱去試食，可能我期望太大，所去有啲失望而回。叫左黑咖哩豬排蛋飯，賣相係好靚，但味道還差少少，未至於話唔好食，但亦不能說勁好食，豬扒炸得好靚，個皮好脆，但塊豬扒雪味重左，有筋位無切到，牙力唔夠咬得好辛苦。個咖哩就淡口左，唔知是否黑咖哩就係淡味啲，蛋就好出色，好滑。但叫左一個咖哩飯，埋單要成$140，我就覺得太貴了。我知小店經營唔容易，亦睇得出老闆用心經營，但一個人來，坐得唔舒服，又同其他人迫來迫去嘅大前提下，試過一次就可以了。

一間充滿誠意嘅日式小店作風低調唔做宣傳而且只做夜市同預約客如果想嘗試嘅話就要早啲預約啦 🥢由於店鋪細細而且只有老闆一人打理全店所以客人睇完menu後都要自己寫落單紙比老闆🥢餐牌頗多選擇而且以做定食為主今次就點咗兩個定食📍滑蛋吉列厚切豬扒飯 – 老闆將豬扒炸到外表色澤金黃，咬落鬆脆得嚟唔鞋口📍大阪黑咖哩、吉列大蝦配北海道薯餅蛋包飯 - 咖喱本身唔辣，不過加左七味粉就帶返少少辣；薯餅寫明用日本男爵薯仔，薯仔炸得啱啱好，外皮酥脆，薯味香甜好突出🥢兩個定食嘅飯同蛋都處理得好仔細飯同蛋面都有少許調味唔會話因爲飯有蛋蓋住就唔理佢整體感覺唔錯雖然食物唔係好食到驚為天人但欣賞店主個份堅持同用心製作

呢間餐廳響大角咀FB谷好出名，今次終於決心要去試，去呢間餐廳係要預先wtsapp老板預約的，餐廳座位好似得10個，而老板係一腳踢，所以每晚唔會做好多生意。我地果晚7點半就去到，但原來餐廳8點左右先開，所以book左位都唔洗咁早去！和牛漢堡扒薯餅飯，個漢堡扒好高質，係老板自己整的，肉質鮮嫩多汁，食落仲有少少油脂既香口，薯餅即炸，外皮好脆口，配埋佢個汁同蛋包飯，好惹味呢碗明太子蝦撈烏冬相當有驚喜，超多明太子+蝦，配埋d 忌廉，食落好鮮甜，夠哂creamy！呢個係燒魷魚餅鍋，有超大塊魷魚餅，味道唔錯，但因為其他野食太出色，令佢顯得普通左d。牛肉野菜鍋味道幾好，牛肉唔會痴牙，肉質滑嫩。第一次食炸口腐係點蜜糖，但個蜜糖唔太甜，食落口帶有花香味，食多幾舊都唔會滯。總結：呢間小店食物水準係超好，但係要事前預約+等候時間好耐，我地入座後等左1個幾鐘先有得食野呢！（可能人多，老板就由我地吹多陣水先）間唔中黎試下都ok