淳壽司 (已結業)

不知何解，月前行過這裡，又想食幾碟壽司，見人少少又唔使排隊，就來試一試。接近十時，自然位是任坐，就坐在履帶旁吧！看壽司轉了一圈，似乎也轉了好一段時間的，不太對辦，就拿了餐牌來另叫。火灸帆立貝壽司做得幾對辦，帶子僅熟，鮮甜嫩滑，燒上甜美的燒汁，味道很不錯；軟殼蟹壽司凍凍的，已經沒有什麼食趣，明明見履帶上是沒有這一碟的，在那裡拿來的呢？大膽地要了一客蟹腳壽司，蟹肉還要是刺身來的。吃起來鮮甜，但帶點點腥味，始終是遠離原產地，不能苛求，也不應在香港隨便吃這味。侍應服務相當不錯，交帶想外賣幾碟壽司，立即執好成份有醬油有芥末的「外帶套裝」來，相當企理，值得一讚。埋單一百一十幾，不用排隊的話，來吃幾件壽司，也無不可。

我都去左4-5次淳壽司,食品唔錯啦, 真係OK ,壽司好多款好大塊, 重做緊promote, 我兩個人食左12客sushi, 埋單$200唔好比d惡意中傷你間店嘅對手

我見到佢d食評好似好好食咁...咪去試下囉.......一入到去d裝修都幾好...唔錯都幾乾淨...不過入左黎...成10分鐘都冇人比茶囉.......之後叫左幾樣壽司試下啦....點知.....就出事了....一d都唔好食....還有叫了一客雞軟骨..軟殼蟹手卷...個雞軟骨係淋架...一d都唔脆....><隻手卷1拎上手超多油...點拎上手食呀入樣隻軟殼蟹仲要得1/4隻=.=唉....就係咁比人呃左.....

我同球王都去左3,4次淳壽司 .... 去得3,4次就姐係食品唔錯啦, 真係OK ga, 唔明d人why要講到話係最難食sushi店 ...... 真係唔係好信lor ...... 其實去一次已經知到係冇可能相信差到咁樣, 差我都唔會去第2,3,4次啦...... 壽司上面塊漁生有好多款都好大塊, 我昨日去果次重做緊promote, 三文漁次身4大塊都$25.00, 重有海膽sushi & 帶子sushi都係做緊$18.00咋, 好抵呀 .... 重真係幾好味同新鮮, 塊帶子係好大好大果隻, $18.00真係超值 ...我只係食左一客, 不過見有d人叫兩,三客ga ..... 我是次兩個人食左9客sushi, 埋單$150.00 .... 淳, 你要+油 .... 唔好比d惡意中傷你間店嘅對手得請 .......

跑馬地口禮頓道一連有三間日本菜，有次同朋友行過諗食邊間好，其中一個點名話唔食一壽司，而我又覺得鈴木嘅嘢食一般，所以最後扑鎚食依間。以壽司嚟講依間都做得不過不失，大路嘅款式都一應俱全，比較另類嘅例如秋刀魚、胺康魚肝、蝦仔等通常都麻麻地好食。朋友們鍾意食蟹腳柳同牛油果，而我個人就比較喜歡火炙系列。佢哋個蒸蛋都唔錯，魚生飯同其他小食就份量細咗啲，整體嚟講算平均。環境方面，其實裝修算唔錯，地方都算寛敞，但客人好似普遍比較喜歡坐order枱多過廻轉枱，可能因為師傅嘅態度比較散漫所致。唔知係咪附近多樹木，店內不時有小蟲低飛徘徊，依方面店方要努力改善下。其實各方面依間餐廳都算過得去，但生意就明顯比鄰近兩間對手差，我相信主因係服務方面。侍應嘅態度雖然唔算差，但就總係心不在焉，漏單追單等情況頗為常見，試過有一次同朋友幫襯叫佢哋俾杯熱水，三番四次提醒都係俾唔到我哋。而且侍應嘅訓練明顯不足，俾客人睇見個個好似心神恍惚會好影響店鋪嘅形象。依間壽司鋪開張初期送俾每個客人一個冲繩鎖匙扣，俾人嘅印象都唔錯，但要保持住服務質素先至可以令客人再嚟幫襯，依方面佢哋就要加把勁，否則強敵環伺好快就會俾人淘汰。

抱住試新野的心態, 七點半來到, 大把位任我地揀. 因無乜人, 所以揀左迥轉位, 隔離位仲可以用來放手袋添. 點了蟹棒, 玉子, 淳蝦, 帶子, 油金魚, 費城壽司(係卷物, 內有三文魚, 有少少芝士醬....味道有點怪....因未試過, 所以試下). 另外點了劍魚刺身, 炸雞軟骨, 蝦天婦羅.叫了一支李白清酒, 店員拿錯了一杯, 我們通知店員是叫一支的. 各款壽司沒有特別, 刺身算是新鮮, 雞軟骨不夠味, 蝦天婦羅都是一般.坐位舒適, 食物普通, 店員服務一般, 有時要叫他們才會添茶. 可是店內無論是負責做壽司的師傅或是點菜的店員, 全都欠缺笑容, 難怪在銅鑼灣晚餐時都不坐滿了.

午餐想食少少野,一個人既選擇第一時間又係壽司,望對面馬路,左邊係一壽司,右邊係淳壽司,左揀右揀,淳壽司!食既包括一客三文魚子海膽軍艦,一客吞拿魚壽司,一客玻璃蝦,一客三文魚,仲有係油甘魚!味道幾好,材料新鮮,不過芥辣一d都唔辣,而且枱面應該供應酸薑,因為價錢唔平,食五碟壽司一百蚊都唔夠俾!下次要試吓一壽司!

岩岩和朋友到這間淳壽司食晚飯,因為又一次經過跑馬地..見到新開..諗住o黎試..好喇...今晚真係o黎o左...我地7點幾入到去..冇咩人..好多位...之後就睇下有咩食..其實都係o個o的啦..咁我地就叫o左三文魚腩,甜蝦,帆立貝,蟹腳...蟹子沙律等等..都係平時會o係一壽司食開既野...第一碟o黎既蟹子沙律..一見到我同朋友都即刻呆o左..$25一碟..係勁細碟...只係一隻碟仔裝比你..仲要係唔高..即刻話一壽司係佢既3倍有多....跟住o係既壽司...size好明顯係細...不過都ok o既..但哩個價錢係唔值囉... 食完一輪好似冇食過咁滯..完全冇開心既感覺..只係覺得..總之唔試新野..行多2步去一壽司食過...

尋日第一次去淳壽司到食..唔知係唔係星期一既關係..8點去都冇咩人唔洗等位..佢d刺身,壽司都ok啦..三交魚腩都幾好食..但佢d飯真係唔得囉..我覺得太林..唔好食..如果俾咁既價錢我寧願去食峰壽司..同埋我覺得壽司亭..元氣都抵食過佢...

人唔多坐得好舒服仲好坐過峰同板前一d都唔逼食物質素唔錯最好食係三文魚其他一般唔會話難食禮貌一流不停自覺加茶唔該前唔好意思後唔會有食到受氣既感覺D伙計幾精神唔似其他出名既府咁D伙計好似未上電咁成隻WALKING DEATH咁以迴轉壽司既衛生我俾幾好睇返之前d劣評既日期好REGULAR 似打手做野wor去過就會覺得好誇唔通佢地改變左？進步左？哈哈隔離1XX 既舒適同衛生不敢恭維哈唔會去

都想不到有什麼評語了服務食品垃圾

第一次黎食,諗住佢係’原澗’開出黎會有d信心,點知唔得既,d紫菜唔脆,壽司飯好爛,帶子勁薄唔厚,三文魚又冇口感,價錢唔平,餓死都唔會再去.

同朋友「最後的晚餐」, 想食壽司又唔想花太多錢, 0黎了呢間未試過的迴轉壽司店. 8:xx pm 兩個人, 等了約15 分鐘就有位.上0黎睇Openrice 見到咁多喊面, 嚇了一跳, 大家咁唔好彩嗎? 雖然呢度唔及峰壽司, 但我0地都幾滿意叫0既0野食喎!- 蒸蛋: d 蛋都幾清甜, 同坊間的差不多, 特別在多了沖澠苦瓜, 食落爽口, 甘甘0地但唔苦澀, 唔錯. 加隻蝦落去就作用不大.- 北海道池魚: 一般, 味道全被太多的薑茸及蔥花蓋過.- 海膽海葡萄凍豆腐: 海膽味道一般但起碼唔會苦/腥, 海葡萄同一般壽司伴碟的海草差不多味道, 海水味重, 食落較爽, 幾得意; 凍豆腐幾滑, 亦有豆香, 唔錯; 汁就較淡味.- 赤蝦: 同峰壽司的「峰蝦」差不多, 食落爽脆鮮甜, 好食!- 帆立貝: 新鮮爽甜, 夠肥美, 好食!- 劍魚腩: 魚味濃, 口感豐腴, 唔錯.- 火炙鰻魚: 汁份量夠, 食落帶炭燒味, 無乜特別.- 頂級金鎗魚腩刺身(一客兩片): 賣相勁得, 食落仲得-- 厚切魚腩入口即溶, 無根, 食完成口都係油香味道, 好過癮! $60 兩片好似好奢侈, 但絕對抵食, 推介!

Comment is very simpleSushi: 飯太粘口,魚(toro, and hamachi) and scallop 不新鮮,似未完全解凍Service: Sunday night (6 Jan 08) 9pm 去, 大約三成人滿,仍漏單(漏左一碟sushi), 到埋單話cancel 才知Price: Overpriced, 貴過其他sushi 店, 如”千両 ", 但食物質素不值此價錢難怪sunday night 都沒有人排隊, 因爲食物質素太差, 只食左五碟, 兩人消費$165, 但不飽, 决不會再去.

其實無咩好寫，因為真係從未試過咁難食既sushi。仲難食過x祿。