影片
食记 (29)
不知何解，月前行过这里，又想食几碟寿司，见人少少又唔使排队，就来试一试。接近十时，自然位是任坐，就坐在履带旁吧！看寿司转了一圈，似乎也转了好一段时间的，不太对办，就拿了餐牌来另叫。火灸帆立贝寿司做得几对办，带子仅熟，鲜甜嫩滑，烧上甜美的烧汁，味道很不错；软壳蟹寿司冻冻的，已经没有什么食趣，明明见履带上是没有这一碟的，在那里拿来的呢？大胆地要了一客蟹脚寿司，蟹肉还要是刺身来的。吃起来鲜甜，但带点点腥味，始终是远离原产地，不能苛求，也不应在香港随便吃这味。侍应服务相当不错，交带想外卖几碟寿司，立即执好成份有酱油有芥末的「外带套装」来，相当企理，值得一赞。埋单一百一十几，不用排队的话，来吃几件寿司，也无不可。
继续阅读
我都去左4-5次淳寿司,食品唔错啦, 真系OK ,寿司好多款好大块, 重做紧promote, 我两个人食左12客sushi, 埋单$200唔好比d恶意中伤你间店嘅对手
继续阅读
跑马地口礼顿道一连有三间日本菜，有次同朋友行过谂食边间好，其中一个点名话唔食一寿司，而我又觉得铃木嘅嘢食一般，所以最后扑锤食依间。以寿司嚟讲依间都做得不过不失，大路嘅款式都一应俱全，比较另类嘅例如秋刀鱼、胺康鱼肝、虾仔等通常都麻麻地好食。朋友们钟意食蟹脚柳同牛油果，而我个人就比较喜欢火炙系列。佢哋个蒸蛋都唔错，鱼生饭同其他小食就份量细咗啲，整体嚟讲算平均。环境方面，其实装修算唔错，地方都算寛敞，但客人好似普遍比较喜欢坐order枱多过廻转枱，可能因为师傅嘅态度比较散漫所致。唔知系咪附近多树木，店内不时有小虫低飞徘徊，依方面店方要努力改善下。其实各方面依间餐厅都算过得去，但生意就明显比邻近两间对手差，我相信主因系服务方面。侍应嘅态度虽然唔算差，但就总系心不在焉，漏单追单等情况颇为常见，试过有一次同朋友帮衬叫佢哋俾杯热水，三番四次提醒都系俾唔到我哋。而且侍应嘅训练明显不足，俾客人睇见个个好似心神恍惚会好影响店铺嘅形象。依间寿司铺开张初期送俾每个客人一个冲绳锁匙扣，俾人嘅印象都唔错，但要保持住服务质素先至可以令客人再嚟帮衬，依方面佢哋就要加把劲，否则强敌环伺好快就会俾人淘汰。
继续阅读
抱住试新野的心态, 七点半来到, 大把位任我地拣. 因无乜人, 所以拣左迥转位, 隔离位仲可以用来放手袋添. 点了蟹棒, 玉子, 淳虾, 带子, 油金鱼, 费城寿司(系卷物, 内有三文鱼, 有少少芝士酱....味道有点怪....因未试过, 所以试下). 另外点了剑鱼刺身, 炸鸡软骨, 虾天妇罗.叫了一支李白清酒, 店员拿错了一杯, 我们通知店员是叫一支的. 各款寿司没有特别, 刺身算是新鲜, 鸡软骨不够味, 虾天妇罗都是一般.坐位舒适, 食物普通, 店员服务一般, 有时要叫他们才会添茶. 可是店内无论是负责做寿司的师傅或是点菜的店员, 全都欠缺笑容, 难怪在铜锣湾晚餐时都不坐满了.
继续阅读
午餐想食少少野,一个人既选择第一时间又系寿司,望对面马路,左边系一寿司,右边系淳寿司,左拣右拣,淳寿司!食既包括一客三文鱼子海胆军舰,一客吞拿鱼寿司,一客玻璃虾,一客三文鱼,仲有系油甘鱼!味道几好,材料新鲜,不过芥辣一d都唔辣,而且枱面应该供应酸姜,因为价钱唔平,食五碟寿司一百蚊都唔够俾!下次要试吓一寿司!
继续阅读